Лицемерието и играњето со чувството на народот од страна на СДСМ одамна ја помина границата, глумењето дека до пред 1,5 година не беа на власт не им поминува, реагира денеска ВМРО-ДПМНЕ на амандманите на СДСМ во Собранието со кои опозициската партија бара да се врати укинатиот член 353 во Кривичниот законик што СДСМ го укина додека беше на власт со измените во септември 2023 година.

„Сите штетни договори, тендери и закони се потпишани во нивно време. Па и оние кои ги укинаа.
Таков е и КЗ, односно членот 353, со кој си се амнестираа од криминалот, а со тоа си ги заштитија своите функционери кои се синоним за криминал и корупција. Сега лицемерието оди дотаму, да поднесуваат амандмани да го врателе законот каков што бил пред 2023 година. Па, господа од СДСМ, кој го избриша тој член од законот? Токму вие! На граѓаните им е јасно кој води искрена, а кој лажна политика. Вакво лицемерие, ваква надменост и лоша визија одамна немало“, се вели во соопштението на ВМРО-ДПМНЕ.

Новиот Кривичен законик, се додава, којшто ќе го донесе оваа година Владата предводена од ВМРО-ДПМНЕ ќе биде во согласност со препораките на Канцеларијата на Европа и на Венецијанската комисија.

„Ќе има одговорност за секој што ќе се огреши пред законот“, реагира ВМРО-ДПМНЕ.

СДСМ денеска соопшти дека со амандмани бара со измените на Кривичниот законик да се врати членот 353 каков то беше од 2023 година.

„Пратениците на СДСМ поднесоа повеќе амандмани во кои се земени предвид аргументите на експертите и на невладините организации изнесени на јавната расправа како и заложбите на СДСМ за прецизни законски решенија кои ќе обезбедат услови за борба притив криминалот и корупцијата. СДСМ бара менување на членот 353 за Злоупотреба на службената положба и овластување и враќање на решението пред измените на Кривичниот законик од 2023 година“, соопшти СДСМ.

Со измените во 2023 година беше намалена казната за различните облици на кривичното дело од член 353, Злоупотреба на службена положба и овластување, од најмалку 3 години затвор на казна од 1 до 4 години затвор. Неше намалена казната и за кривичното дело од членот 394,  Злосторничко здружување од затворска казна до 10 години на казна до 3 години.

The post МОНТИ ПАЈТОН НА СДСМ, ГИ НАМАЛИ КАЗНИТЕ ЗА ЗЛОУПОТРЕБА ВО 2023 ГОДИНА, СЕГА БАРА ДА СЕ ВРАТАТ Реакција на ВМРО-ДПМНЕ на амандманите за измените на Кривичниот законик appeared first on plusinfo.mk.

Полицијата денеска соопшти дека против градоначалник на скопска општина и пет лица е поднесена кривична пријава поради сторено кривично дело злоупотреба на службена положба и овластување.

„Секторот за урбанизам и правниот сектор во Општина Карпош со индигнација ја отфрлаат оваа кривична пријава на МВР, истата ја сметаат за тенденциозна и злонамерна и политички мотивирана. Имено, стручните служби од Општина Карпош предметот за легализација на спортските објекти на ‘Александар палас’ со внимание го имаат разгледувано и истиот е решен согласно законските прописи. Општина Карпош категорично тврди дека легализацијата е законита за овие спортски објекти, затоа што за сè што се издава одобрение за градба се врши легализација, а за истите објекти правното лице ‘Александар палас’ има одобрение за градба од Министерството за транспорт и врски, кое не го спровеле во Катастар. Дополнителен аргумент е фактот што за тениски терени изградени на територија на Општина Карпош во времето на Никола Груевски е издадено одобрение за градба“, соопшти Општина Карпош.

• СКОПСКИ ГРАДОНАЧАЛНИК ВКЛУЧЕН ВО МИЛИОНСКИ СКАНДАЛ Полицијата поднесе кривична пријава против 6 лица

Во Општина Карпош, се додава во соопштението, работат квалитетни искусни службеници кои совесно си ги вршат своите работни обврски.

„Убедени сме дека истата кривична пријава ќе биде отфрлена како недопустлива од причини што надлежните општински органи правилно ги утврдиле фактите и извршиле легализација согласно законските прописи кои ги донела Владата на Никола Груевски“, се наведува во реакцијата од Општината.

Полицијата денеска соопшти дека градоначалникот и пет вработени во Секторот за урбанизам во општината овозможила на едно правно лице да легализира бесправно изградени тениски терени, иако тоа е спротивно на важечките закони.

„И покрај тоа што тениските терени се временски објекти и не можат да бидат предмет на легализација, комисијата, во чиј состав биле вработените од општината, констатирала дека истите ги исполнуваат условите за легализација. Потоа, со потписите на градоначалникот и членовите на комисијата, било издадено решение за утврдување на правен статус на бесправниот објект, со што на правното лице му било овозможено да стекне имотна корист од околу 147 милиони денари“, информираа од МВР.

The post ИМАЛО ДОЗВОЛА ЗА ТЕНИСКИТЕ ТЕРЕНИ АМА НЕ БИЛА СПРОВЕДЕНА ВО КАТАСТАР Стевчо Јакимовски верува дека судот ќе ја отфрли кривичната против него appeared first on plusinfo.mk.