Шест лица се обвинети, а уште 33 ќе одговараат со казнени налози во случајот со незаконско подигнување брзи кредити преку злоупотреба на туѓи лични податоци. Основното јавно обвинителство Скопје соопшти дека осомничените користеле лажни исправи и внесувале невистинити податоци во системите на финансиските друштва за да добијат кредити на име на други лица.

Според обвинителството, шемата функционирала со помош на податоци кои овозможувале да се прикажат лажни информации за вработување и други лични податоци.

„Во информатичкиот систем на повеќе оштетени финансиски друштва внесувале невистинити податоци, за кои секој од нив знаел дека не се вистинити и дека се постигнати со дејствија од други кривични дела“.

Вработен во ФЗО им обезбедувал податоци

Во измамничката шема, според обвинението, учествувало и службено лице вработено во Фондот за здравствено осигурување. Обвинителството наведува дека тој на останатите им ставил на располагање податоци кои претходно ги обезбедил преку електронскиот систем на институцијата.

„Во ова им помагал еден од нив, кој бил службено лице вработено во Фондот за здравствено осигурување на РСМ и кој им ставил на располагање средства, односно ЕЗБО број кој претходно го обезбедил преку својот компјутер од електронскиот систем на Фондот“.

Со тие податоци, како што се сомнева обвинителството, биле злоупотребувани личните податоци на оштетени граѓани, по што од финансиските друштва биле повлекувани брзи кредити.

Штета од повеќе од 3 милиони денари

Најголемиот дел од обвинетите дејствувале во периодот од февруари 2023 до јуни 2024 година. Според обвинението, четворица од нив прибавиле противправна имотна корист од 2.509.808 денари, додека останатите со поединечни дејствија во 2022 и 2023 година прибавиле дополнителни 659.500 денари.

„Намерата на обвинетите им била за секој од нив да прибават противправна имотна корист“.

Обвинителството соопшти и дека за четири лица првично опфатени со истрагата постапката е запрена. За двајца не биле обезбедени докази за учество во измамата, додека двајца починале во текот на постапката.

The post ИСЦЕДИЛЕ НАД 3 МИЛИОНИ ДЕНАРИ ОД БРЗИ КРЕДИТИ КОРИСТЕЈЌИ ТУЃИ ПОДАТОЦИ Обвинителството отвори истрага за шест лица appeared first on plusinfo.mk.

Две жени од Куманово, на возраст од 22 и 34 години, се уапсени под сомнение дека во период од шест месеци земале брзи кредити на туѓо име и незаконски присвоиле околу 175.000 евра.

Според Министерството за внатрешни работи, полициски службеници од СВР Куманово денеска ги лишиле од слобода А.С.Д. (22) и М.В. (34), а против нив е поднесена кривична пријава.

Истрагата покажала дека од јануари до јули годинава, 22-годишната осомничена во 19 наврати користела лични податоци на други лица без нивно знаење и согласност. Во нивно име аплицирала за брзи потрошувачки кредити, а откако средствата биле одобрени и исплатени, парите завршувале кај неа и кај втората осомничена.

Со ова, според полицијата, биле измамени 19 лица, а двете жени стекнале противправна имотна корист од 10.820.000 денари, односно околу 175.000 евра.

Од МВР велат дека 22-годишната кумановка е осомничена за измама и злоупотреба на лични податоци, додека 34-годишната се товари дека ѝ помагала во реализацијата на измамите, постапувајќи по претходен договор и преземајќи активности што овозможиле шемата да се спроведе.

Истрагата за случајот продолжува.

The post ИЗМАМИЛЕ 19 ЖРТВИ И ЗЕЛЕ 175.000 ЕВРА Две кумановки уапсени за злоупотреба на лични податоци appeared first on plusinfo.mk.

Поранешната европратеничка на Нова демократија Ана Мисел Асимакопулу и уште три лица, меѓу кои и поранешниот генерален секретар во Министерство за внатрешни работи на Грција се осудени на осум до 20 месеци условна затворска казна за случајот со неовластено користење мејлови на Грци кои живеат во странство, јави дописничката на МИА од Атина.

Случајот е од почетокот на март 2024 година, кога тогашната европратеничката на Нова демократија во пресрет на европските избори испратила мејлови со предизборен материјал до голем број грчки граѓани кои живеат во странство без притоа да постои нивна согласност, а нивните електронски адреси биле споделени од Министерството за внатрешни работи, откако се пријавиле на платформата за поштенско гласање на евроизборите.

Во судскиот процес против Асимакопулу и уште три лица денеска беше соопштена пресудата според која сите обвинети се прогласени за виновни.

Поранешната европратеничка, која по скандалот соопшти дека нема да се кандидира на евроизборите во јуни 2024 година, е осудена на 20 месеци условна затворска казна, а поранешниот генералниот секретар во Министерство за внатрешни работи на Грција доби 18 месеци.

Останатите двајца обвинети, кои се поранешни високи членови на владејачката Нова демократија се осудени на 8 и 12 месеци условна затворска казна.

The post ПОРАНЕШНА ГРЧКА ЕВРОПРАТЕНИЧКА ОСУДЕНА ЗА ЗЛОУПОТРЕБА НА МЕИЛ АДРЕСИ Доби 20 месеци условна казна appeared first on plusinfo.mk.

Гевгелиската полиција поднесе кривична пријава против Г.А.(55) од Скопје поради постоење основи на сомнение за сторени кривични дела Измама при добивање кредит или друга погодност, Злоупотреба на лични податоци и Фалсификување исправа.

„Пријавениот, во периодот до 18.8.2022 година, спротивно на условите утврдени со закон и без согласност на лице од Гевгелија, телефонски ги прибирал, обработил и искористил неговите лични податоци и ги искористил при правење на лажна патна исправа. Потоа, лажната исправа ја употребил во постапка да прибави кредит за себе од финансиско друштво од Скопје, односно на тој начин на финансиското друштво дал невистинити податоци за имотната состојба и други податоци кои биле значајни за добивање на кредитот. Со ваквите незаконски дејствија пријавениот се стекнал со противправна имотна корист во износ од 90.000 денари, а причинил и дополнителна материјална штета во износ од 58.694 денари“, соопшти полицијата.

The post СКОПЈАНЕЦ УКРАЛ ПОДАТОЦИ ОД ГЕВГЕЛИЧАНЕЦ И ПОДИГНАЛ КРЕДИТ Си направил пасош, си подигнал пари appeared first on plusinfo.mk.

Лажен профил, договорена средба и камера в рака. Вака, според кривичната пријава на МВР, група млади битолчани со месеци се претставувала како 14-годишно девојче на социјалните мрежи.

Мажите кои прифаќале средба не наидувале на девојче. Наместо тоа биле снимани, навредувани и изложувани на јавно понижување.

Снимките подоцна завршувале на интернет. Заедно со нив се објавувале и лични податоци на лицата кои претходно биле намамени преку лажниот профил.

Поради овој случај кривична пријава заработиле Н. Р. (22), М. И. (19), О. Н. (19), Л. Г. (19), А. Д. В. (18) и 15-годишник од Битол.

„По пристигнување на договорените локации, оштетените биле пресретнувани од членовите на групата, снимани без нивна согласност, навредувани, омаловажувани, психички малтретирани и принудувани да даваат изјави дека се „педофили“, а создадените видео записи и нивните лични податоци биле јавно објавувани на социјални мрежи, со што кај оштетените предизвикале чувство на страв, понижување и загрозување на нивната сигурност“, соопшти МВР.

Полицијата соопшти дека против групата се поднесени кривични пријави за насилство, злоупотреба на лични податоци, неовластено снимање и самовластие.

The post ЛОВЕЛЕ „ПЕДОФИЛИ“ СО ЛАЖЕН ПРОФИЛ НА 14-ГОДИШНО ДЕВОЈЧЕ Шестмина битолчани договарале средби со лица, снимале и ги понижувале appeared first on plusinfo.mk.

72-годишен жител на Гостивар се соочил со сериозен проблем откако открил дека неговите лични податоци биле злоупотребени за лажни добивки од игри на среќа, што директно му ја намалило и пензијата што ја прима од Италија.

Сè започнало кога гостиварецот вадел уверение за остварен доход од Управата за јавни приходи. Во неговото досие биле евидентирани добивки од игри на среќа во износ од 74.294 денари за 2024 година – пари кои, како што тврди, никогаш не ги добил.

Според пријавеното во полиција, тој се сомнева дека вработени во спортска обложувалница ги искористиле податоците од неговата лична карта за да исплаќаат добивки на трети лица. Овие фиктивни приходи, пак, предизвикале проблем и со неговата пензија во Италија, која му била финансиски намалена поради прикажаниот дополнителен приход.

Случајот е пријавен во ОВР Гостивар, а од полицијата информираат дека се преземаат мерки за целосно расчистување и документирање на злоупотребата.

The post МУ ЗАПИШАЛЕ ДОБИВКИ ШТО НИКОГАШ НЕ ГИ ЗЕЛ Гостиварец „добил“ 74.000 денари, а не видел ни денар appeared first on plusinfo.mk.

34-годишен затвореник од Струга и 46-годишна жена од Велес се пријавени за измама и злоупотреба на лични податоци, откако со лажни документи подигнале повеќе кредити и пари од банкомати на туѓо име.

Според информациите од полицијата, осуденикот П.С., кој ја издржува својата казна во Затворот „Идризово“, заедно со Т.К. од Велес, во текот на април и мај оваа година довеле во заблуда жена од Штип и неовластено ги прибавиле нејзините лични податоци. Со тие податоци, двајцата аплицирале за седум потрошувачки кредити во различни финансиски друштва, во вкупен износ од 227.500 денари.

Полицијата соопшти дека жената дополнително ги злоупотребила и податоците од банкарската картичка на оштетената, со што извршила 11 незаконски трансакции на банкомати во Велес и Штип и подигнала вкупно 214.000 денари.

– СВР Штип поднесе кривична пријава против лицата П.С. и Т.К. поради постоење основи на сомнение за сторени кривични дела „измама“, „злоупотреба на лични податоци“ и „оштетување и неовластено навлегување во компјутерски систем“ – велат од МВР.

Според полицијата, истрагата е во тек, а собраните докази укажуваат дека двајцата осомничени дејствувале со намера да се стекнат со противправна имотна корист.

The post СЕНЗАЦИОНАЛЕН СЛУЧАЈ НА ИЗМАМА Осуденик и соучесничка подигале 7 кредити со украдени податоци на жена од Штип appeared first on plusinfo.mk.

Припадниците на Генерацијата Z имаат свои онлајн двојници, а повеќето од нив не знаат дека нивните податоци можат тајно да се клонираат и продаваат, без нивна согласност.

Со својата нова меѓународна кампања #OwnYourWorld, Дојче Телеком ги открива скриените дигитални закани – покажувајќи како личните податоци можат да се дуплираат, злоупотребуваат и експлоатираат. Кампањата, која е активна на девет пазари во Европа, каде е присутен Дојче Телеком, вклучувајќи ја и Македонија, ја поттикнува свеста, започнува дискусии и ги охрабрува младите луѓе да преземат поголема контрола врз своите дигитални животи.

– Можноста да го поседувате својот идентитет онлајн треба да биде основно право. Знаеме дека знаењето е моќ. Затоа сакаме да ѝ обезбедиме на Генерацијата Z знаење и самодоверба што им се потребни за да го „вклучат режимот за приватност“ во својот дигитален живот – вели Урлих Кленке, главен директор за бренд на Дојче Телеком.

Новото истражување нарачано од Дојче Телеком открива дека над 90% од европската Генерација Z изразуваат загриженост за својата дигитална приватност. И покрај тоа што пораснале онлајн, многумина од нив не се подготвени да се справат со проблемот, бидејќи само помалку од 7% се чувствуваат сигурни во управувањето со приватноста на своите податоци. Истражувањето, исто така, покажува дека над 70% од Генерацијата Z би сакале да имаат повеќе информации за самозаштита.

Разоткривање на реалноста

Дојче Телеком ја разоткрива реалноста на дигиталниот двојник преку музичко видео и песна, создадени во соработка со уметницата VTSS (Мартина Маја), полска техно продуцентка и диџејка позната по мешањето музички жанрови.

– Многумина од нас чувствуваат вознемиреност за тоа колкав дел од нас живее онлајн и колку малку контрола имаме врз тоа. Овој проект креативно го доловува ова – ставајќи го ова искуство пред огледало, со надеж дека тоа ќе им помогне на луѓето да се чувствуваат видени – коментира VTSS.

Видеото го визуелизира проблемот преку смело раскажување приказни, користејќи содржина во стилот на „brain rot“ за да покаже какво е чувството кога вашиот дигитален идентитет почнува да ви се лизга од рацете.

Дигитална платформа ownyourworld.online  

Дојче Телеком ја лансираше дигиталната платформа, ownyourworld.online, којашто содржи серија од кратки мастер-класови создадени за да им помогнат на младите луѓе да ја преземат контролата врз својот дигитален живот.

Предводена од VTSS и изградена околу темите на индивидуалност и онлајн идентитет, серијата ги претвора сложените теми – од следење податоци до алгоритамско влијание – во содржина којашто може да се користи брзо и лесно.

Содржината е бесплатна, со неделни теми и забавни, едукативни содржини дизајнирани за социјалните платформи, вклучувајќи ги TikTok, Instagram, YouTube, Reddit, Twitch и Snapchat. Содржината е достапна и преку платформата Electronic Beats.

#OwnYourWorld е дел од долгорочната заложба на Дојче Телеком да ги поддржи и охрабри  младите од Генерацијата Z да се движат низ нивниот онлајн живот со поголема самодоверба и контрола.

За оние коишто сакаат да преземат понатамошни чекори во заштитата на својот дигитален идентитет, страницата „Digitally Secure“ („Дигитално безбедни“) на Deutsche Telekom нуди практични совети, алатки и стручни укажувања за приватноста на податоците и безбедноста на интернет. Дознајте повеќе на: telekom.com/en/company/data-privacy-and-security/digitally-secure.

Во проектот учествуваа: INGO, Стокхолм, за креативен концепт, Стратегија за таленти и музичка супервизија: X&Berlin – Universal Music Publishing Group, Берлин, а режијата е на Шадрински, Париз.

Истражувањето е спроведено од Саванта, по нарачка на Дојче Телеком и објавено е на 20.06.2025 година. Направено е на 1.795 испитаници на возраст од 16 до 26 години, од 7 пазари (Обединето Кралство, Австрија, Словачка, Чешка, Хрватска, Полска, Германија).

The post ТЕЛЕКОМ ИМ ПОМАГА НА МЛАДИТЕ ДА ИМААТ ПОГОЛЕМА КОНТРОЛА ВРЗ НИВНИОТ ДИГИТАЛЕН ЖИВОТ Припадниците на Генерацијата Z имаат свои онлајн двојници appeared first on plusinfo.mk.

На состанокот, чија цел е да се преземат брзи и зајакнати мерки за справување со злоупотребата на личните податоци на граѓаните и нивно незаконско задолжување со таканаречените „брзи кредити“, присуствуваа министерот за внатрешни работи, Оливер Спасовски, заменик министерот за финансии, Филип Николовски, вицегувернерката Ана Митреска, заменичката на Народниот правобранител, Соња Трифуновска, директорот на Агенцијата за заштита на лични податоци, Имер Алиу, како и претставници на Групација на небанкарски финансиски друштва – информираат од владината прес-служба.

Според податоците од МВР, во 2022 година евидентирани се 43 случаи на злоупотреба на лични податоци/измами со брзи кредити, за што до Основното јавно обвинителство поднесени се 16 кривични пријави за 24 сторители. Од почетокот на оваа година заклучно со месец јули пријавени се 65 случаи на вакви злоупотреби, за кои, по преземени мерки и активности поднесени се девет кривични пријави, а во рамки на реализираните случаи кривично се пријавени 15 сторители.

Директорот на Агенцијата за заштита на личните податоци (АЗЛП) Алиу, информираше дека во Агенцијата во 2023 година, граѓаните имаат поднесено пет барања за утврдување на повреда на правото на заштита на нивните лични податоци при процес на спроведување на брз кредит. Во однос на сите барања спроведени се вонредни супервизии од страна на Секторот за супервизија и во сите случаи утврдени се повреди по правото на заштита на личните податоци. Во претходната 2022 година, имало вкупно 1 пријава, додека пак во 2021 година имало седум пријави.

И покрај преземените чекори и изрекување на казни од страна на АЗЛП и покренати кривични постапки од страна на МВР, неподелено е мислењето дека неопходно е итно зајакнување на механизмите за контрола на идентитетот на барателите на брзи кредити и зголемување на транспарентноста на финансиските друштва од една страна, и брза имплементација на новите законски решенија со кои се зајакнати критериумите за работење на финансиските друштва – констатирано е на денешната средба.

Донесен е заклучок финансиските друштва во рок од еден месец да  спроведат соодветна едукација на вработените за примена на системот на идентификација при воспоставување деловен однос, согласно Законот за спречување на перење пари и финансирање на тероризам. Истовремено, финансиските друштва се должни да утврдат процедура за постапување со која ќе се гарантира дека податоците од личните документи соодветствуваат со лицето кое што е барател на кредитот.

-Во однос на онлајн аплицирањето, потребна е идентификација на клиентот и потврдување на неговиот идентитет со користење на документи, податоци и информации од сигурни и независни извори, вклучително и со употреба на средства за електронска идентификација издадени во рамки на регистрирана шема за електронска идентификација на високо ниво на сигурност согласно со Законот за електронски документи, електронска идентификација и доверливи услуги, посочуваат од владината прес-служба.

Во насока на зајакнување на транспарентноста, во рок од три дена финансиските друштва на своите веб страни треба да ги објавата тарифниците за трошоци за брзи кредити усогласени со новото законско решение кое ја лимитира вкупната сума за тарифирање, а по истекот на тој рок  Министерството за финансии да изврши контрола. За оние финансиски друштва што нема да ги објават тарифниците,  предвидени се законски казни.

На состанокот меѓудругото беше заклучено Министерството за финансии во рок од 30 дена да подготви подзаконски акти за подобра операционализација на новото законско решение, кои ќе овозможат надминување на детектираните слабости.

The post „БРЗИТЕ КРЕДИТИ“ ПОД КОНТРОЛА Се бара поголема одговорност на финансиските друштва appeared first on plusinfo.mk.

„Пријавената, како јавна обвинителка во Основното јавно обвинителство за гонење на организиран криминал и корпуција со искористување на својата службена положба и овластување, со пречекорување на границите на своето службено овластување, издала наредба за прибирање на документација во приватна здравствена установа за спроведен медицински преглед и за здравствената состојба на оштетениот, иако знаела дека таквата наредба е надвор од нејзините овластувања како јавен обвинител во ОЈО ГОКК, при што како основ за издавање на таквата наредба злоупотребила веќе затворена истрага“ – се тврди во кривичната пријава.

Притоа Русковска, се тврди во пријавата, под закана дека ќе посегне по имотот на приватната здравствена установа, иако знаела дека нема законско овластување за таква активност, ги присилила вработените да и ги достават бараните податоци. Со ова, смета подносителот, обвинителката излегла надвор од своите овластувања и постапила спротивно на член 295 став 1 од Законот за здравствена заштита, односно презела ингеренции и надлежности кои му припаѓаат на Државниот санитарен и здравствен инспекторат.

„Пријавениот прибрал чувствителни лични податоци за здравствената состојба на оштетениот, иако за истото немал законско овластување, спротивно на Законот за заштита на лични податоци и спротивно на Кривичниот законик прибавил „Посебни категории на лични податоци” кои податоци се однесуваат за здравствената состојба на оштетениот без за тоа да постои оправдана причина и без за истото да прибави посебно одобрение согласно Законот за заштита на лични податоци, исполнувајќи го битието на делото од член 149 став 1 в.в. 3 и 4 од Кривичниот законик на начин што спротивно на условите утврдени со закон, без согласност на граѓанинот, прибирала и обработувала лични податоци на оштетениот, злоупотребувајќи ги службените овластувања.

Со тие дејствија, смета подносителот, Русковска сторилa повеќе кривични дела како „присила“, „злоупотреба на лични податоци”, „пречекорување на службените овластувања“, а патем го оштетила и буџетот, користејќи време и ресурси за активности што не се во нејзинa недлежност. Во пријавата уште се тврди дека пријавената била целосно запознаена, свесна и стручна за да знае дека таквите дејствија се санкционирани од Кривичниот законик.

The post РУСКОВСКА СО ЗАКАНИ ИЗВЛЕКЛА ЗДРАВСТВЕНИ ПОДАТОЦИ ЗА ОБВИНЕТ? Што содржи кривичната пријава против јавната обвинителка? appeared first on plusinfo.mk.