Со незаконското користење на капацитетите на Агенцијата за национална безбедност е направена штета врз правата и слободите на граѓанинот, рече Наќе Чулев, поранешен министер за внатрешни работи и поранешен директор на Агенцијата за разузнавање.

– Нанесена е штета врз угледот на државата, разнишана е довербата во институциите од безбедносниот систем. Агенцијата за разузнавање и Агенцијата за национална безбедност работат по стрикни утврдени правила и принципи на работење, така да многу е лесно да се детектира каде е одговорноста. Во Агенцијата за национална безбедност треба да се утврди дали навистина постоела законска основа за одредено лице да биде таргет на службата. Во медиумите проструеја информации дека се работи за следење на комуникациите, меѓутоа не е само следење на комуникации доколку одредено лице е таргет на службата, има и физичко следење 24/7. Доколку ЈО сака вистински да ја утврди и лоцира одговорноста помеѓу раководителите и вработените, тогаш тоа може да го стори врз основа на известувањата кои што се поднесени до сега, но и врз основа на дигиталната форензика – рече Чулев во гостување на Сител.

Тој посочи дека реформите од времето кога Оливер Спасовски беше раководител на безбедносно разузнавачкиот систем се покажаа како тотално неуспешни.

– Реформите коишто ги правеше Оливер Спасовски, после сите овие злоупотреби на системот, очигледно се неуспешни, бидејќи не ги штитат интересите на државата и на граѓаните, туку ги штитат интересите на одредени поединци и политички структури. Наместо реформите да вродат со плод, во смисла на поголема заштита на интересите на државата и на граѓаните, тие доведоа да сегментите од разузнавачко безбедносниот сектор и самите продуцираат бројни безбедносни скандали и корупциски афери за што бевме сведоци. Реформите се неуспешни и затоа пак ни се случуваат злоупотреби во рамките на разузнавачко безбедносниот сектор – рече Чулев.

Од тие причини, додаде тој, ова е добар поттик за да се спроведат вистински реформи коишто ќе конципираат една модерна разузнавачка служба што ќе биде одговорна, одржлива и транспарентна.

The post НЕУСПЕШНИТЕ РЕФОРМИ НА ОЛИВЕР СПАСОВСКИ ДОНЕСОА СКАНДАЛИ ВО РАЗУЗНУВАЊЕТО Обвинителството лесно може да утврди кој вршел незаконско следење, посочи Чулев appeared first on plusinfo.mk.

Агенцијата за разузнавање и Агенцијата за национална безбедност ги користеле државните ресурси за да ме преслушкуваат мене, како и бизнисмени и новинари и време е оние што вршеле злоупотреби да завршат зад решетки, порача денеска премиерот Христијан Мицкоски.

– Јас не би можел да зборувам за деталите, бидејќи тоа е државна тајна и така се класифицирани тие документи. Но едно е факт, дека двете агенции и Агенцијата за разузнавање и АНБ темелно се занимавале со претседателот на најголемата опозициска партија во тоа време, т.е. со мене, меѓу другото и со бизнисмени и со новинари. Така што, еве да оставиме време периодов процесот да тече, да видиме Обвинителството што ќе каже, судиите нормално во еден судски процес. Јас сум навикнат, еве истекува осмата година како сум претседател на ВМРО-ДПМНЕ навикнат сум на таков тип на луѓе и не ме изненадува тоа бидејќи и тогаш стигаа до нас информации што сè се случува – рече Мицкоски.

Премиерот додаде дека станува збор за луѓе полусвет, кои немаат во животот доволно мотив да се занимаваат со убави работи, па се занимаваат со туѓите животи, мислејќи дека на тој начин ќе добијат некаква пофалба, некаква предност кај нивните наредбодавци, и ќе напредуваат така во кариерата.

– Секоја работа има свој почеток и свој крај, очекувам овие глодари да завршат онаму каде им е местото, зад решетки и еднаш засекогаш да се стави крај на злоупотребата на ваквиот тип на агенции и ресурсите со кои тие располагаат – рече премиерот Христијан Мицкоски.

На новинарско прашање дали АНБ ги доставило документите до Јавното обвинителство, затоа што од ЈО тврдат дека не иницирале никаква постапката, директорот на АНБ, Бојан Христовски рече дека ЈО е известено.

– Таканаречената реформирана АНБ во 2019 година била сè, само не била реформирана институција, повеќе била фасада од реформирана институција. Тоа што се случувало внатре, било да една помала група, составена од еден поранешен директор и помала група вработени во институцијата, за која и тоа како имаме индиции, ја злоупотребила својата службена положба. За истото е известено надлежното јавно обвинителство. Повеќе не би можел да споделам, се работи за детали кои се со висока класификација и се сензитивни и не би сакале, меѓу другото, да ја нарушиме некој законски процес или процес којшто е или би бил започнат од Јавното обвинителство – рече Христовски.

Овој ден, додаде тој, јас повеќе го гледам како ден во кој раскрстуваме со минато.

– Ден во кој покажуваме и даваме порака до сите кои некогаш се дрзнале да ја злоупотребат својата службена положба повеќе да не го прават тоа. Се надеваме доколку се докаже вина кај оние за кои ние го имаме известено ЈО ќе одговараат за тоа и дека никогаш нема да се повтори незакоснско, непрофесионално и неетичко работење во агенцијата – рече Христовски.

ХРИСТИЈАН МИЦКОСКИ, ВИЛМА РУСКОВСКА И НОВИНАРИТЕ ЛАНДОВ И ЗЛАТЕВ БИЛЕ ТАРГЕТИ Списокот на незаконски следени и прислушувани јавни личности е многу поголем

The post „ВРЕМЕ Е ПРОБИСВЕТОТ ШТО ПРИСЛУШКУВА ДА ЗАВРШИ ЗАД РЕШЕТКИ“ Мицкоски ги очекува потезите на Обвинителството за злоупотребите во АНБ appeared first on plusinfo.mk.