Фразата се однесува на контроверзната практика на доделување државјанства на граѓани кои не се членки на ЕУ, најмногу во замена за инвестиции.

Кипар им одзеде кипарско државјанство на 43 лица, соопшти Европската комисија во одговорот на барањето на германскиот пратеник Мориц Кернер, пренесе ДПА.

Кипар веќе ги повлече „златните пасоши“ пред почетокот на војната.

Поединечни земји-членки на ЕУ можат да одлучуваат за доделување државјанство и дозволи за престој. Сепак, комисијата ова го гледа како закана за безбедноста на Шенген зоната, на пример во однос на безбедноста, перењето пари, избегнувањето данок и корупцијата.

Кипар и Бугарија веќе воопшто не издаваат никакви „златни пасоши“, а Малта веќе не ги доделува на Руси или на Белоруси.

The post НЕМА ВЕЌЕ „ЗЛАТНИ ПАСОШИ“ ЗА РУСИ Кипар и Малта укинаа неколку десетици вакви пасоши appeared first on plusinfo.mk.

Шемите на таканаречените златни пасоши се однесуваат на националните програми за продажба на државјанства на ЕУ на инвеститори.

„Кога станува збор за шеми за престој што им се даваат на инвеститорите, земјите-членки треба веднаш да ги откажат или да одбијат да ги обноват дозволите за престој на Русите или Белорусите кои се предмет на санкции од ЕУ. Земјите членки треба да го прекинат издавањето дозволи за престој на сите лица од руска или белоруска националност кои се на списокот на санкции поради војната во Украина“, изјави портпаролката на Европската комисија, Анита Хипер.

The post НА РУСИТЕ ДА ИМ СЕ ОДЗЕМАТ ЕВРОПСКИТЕ ДРЖАВЈАНСТВА Европската комисија бара преиспитување на „златните пасоши“ appeared first on plusinfo.mk.

Европската комисија ја критикува праксата на давање државјанства во замена за финансиски вложувања и одамна бара ставање нејзин крај. Комисијата ги критикува „златните пасоши“ и во други држави на ЕУ. Во 2020 година ЕК поради тоа поведе постапка против Кипар и Малта, а во јуни 2021 година се закани дека тоа ќе ја снајде и Бугарија.

Владата во Софија ја донесе ваквата програма во 2013 година. Од неа досега профитираа пред сѐ богати Кинези и Руси. За инвестиција од 500.000 евра тие добиваа постојан престој, а за двојно поголема сума – бугарско државјанство. Меѓутоа, во речиси секој втор случај се утврдени неправилности во постапката. Министерството за правда го истакнува особено примерот на инвеститори кои хартиите од вредност или новостекнататите недвижности ги продавале веднаш по добивањето државјанство.

Кирил Петков стана премиер со ветувањето дека ќе се бори против раширената корупција во земјата. Санкциите кои американската влада минатата година ги донесе против бугарски државјани и компании поради нивната улога „во корупцијата“ во земјата, се исто така делумно поврзани со издавањето на „златни пасоши“. Вашингтон на еден од Бугарите кои се под санкции му префрла дека создал илегален систем за брзо стекнување бугарско државјанство.

The post БУГАРСКИТЕ „ЗЛАТНИ“ ПАСОШИ ОДАТ ВО ИСТОРИЈАТА Не донеле големи инвестиции во земјата appeared first on plusinfo.mk.

Меѓу оние кои купиле пасоши, од кои секој чини по најмалку 2,5 милиони долари, избрани се политичари од неколку држави, членови на одбори на државни компании и братот на поранешниот премиер на Либан.

Овие службени лица, познати како „политички изложени лица“ (ПЕП), меѓународно се сметаат за поединци кои се повеќе подложни на корупција затоа што или тие или членовите на нивните семејства се на власт.

Ова откритие се случи еден ден откако истражувачкиот тим на Ал Џезира откри дека Кипар продава пасоши на осудени криминалци и бегалци од законот.

Купил пасош и од трета земја

По информацијата што беше објавена во недела, Министерството за внатрешни работи на Кипар објави соопштение во кое се вели дека ги проверува тие тврдења и додаде дека се направени значителни промени во инвестициските програми во последните години.

Едно од лицата кое купило пасош е Мир Рахман Рахмани, претседател на Долниот дом на авганистанскиот Парламент, кој не само што купил кипарски патни исправи за себе, за неговата сопруга и трите ќерки, обезбедил и семејни пасоши од Св. Китс и Невис, една од неколкуте земји на Карибите што продава државјанства.

Рахмани е поранешен генерал кој стана исклучително успешен бизнисмен кој работи на договори за гориво и транспорт меѓу Владата на Авганистан и американската војска.

Неговиот избор за претседател на Домот предизвика тепачка додека опозицијата се пожали на кражба на гласови.

Златни пасоши купи и Фам Фу Квок, кој го претставува градот Хо Ши Мин и Конгресот на Виетнам, и рускиот државјанин Игор Рева, поранешен заменик министер за економски развој.

– Луѓето како нив обично имаат пристап до големи суми пари на даночните обврзници – изјави за Ал Џезира Лори Бирлауд од антикорупциската невладина организација „Транспаренси Интернешнл“.

– Тие имаат пристап до јавни ресурси, договори со владата и се во состојба да донесат одлуки, што ги става во голем ризик да бидат корумпирани и да подмитуваат други – рече Брилауд.

Од каде потекнуваат 2,5 милиони долари?

Документите не откриваат дали овие лица направиле нешто лошо, но се поставува прашањето зошто некој кој е на јавна позиција во својата татковина би сакал да купи друго државјанство за себе и членовите на семејството.

Исто така, се поставува прашањето како овие лица можат  да соберат пари за да инвестираат најмалку 2,5 милиони долари во кипарската економија, што е еден од предусловите за добивање на кипарскиот пасош.

– Во многу земји, големо богатство може да се стекне само преку незаконски врски и односи – изјави  Најџел Гулд-Дејвис од Меѓународниот институт за стратешки работи во Велика Британија.

Според него, причината што овие службеници избираат да земат  второ или дури трето државјанство е заштита на имотот стекнат со текот на годините.

– Кога заработуваат пари преку врски што ние ги сметаме за проблематични, тие сакаат да ги заштитат со тоа што ќе ги пренесат во една од земјите со владеење на правото – изјави Гулд-Дејвис, мислејќи на Кипар.

Кипарскиот пасош е ценет бидејќи овозможува неограничено патување и пристап до пазарот на трудот и банките низ Европската Унија, чии официјални претставници во повеќе наврати ја критикуваа кипарската инвестициска програма.

Под притисок на ЕУ, Кипар ги смени правилата во 2019 година, но истражувањето на Ал Џезира покажува дека многу луѓе до тогаш  веќе обезбедија место меѓу кипарските граѓани.

(Не)одземање на купеното државјанство

Меѓу нив се и Мухамед Џамал, кој раководи со Фондот за инвестиции во Саудиска Арабија, Танг Јонг претседател на енергетскиот конглометар „China Resources Power Holding“, Апурв Багри поранешен потпретседател на органот за финансиски услуги на Дубаи, Вадим Москович поранешен член на Долниот дом на Русија и милијардерот Таха Микати, брат на поранешниот либански премиер Наџиб Микати.

Во јули 2020 година Кипар донесе нов закон со кој се дозволува одземање на купено државјанство за секој што се смета за штетен за националниот интерес на Кипар.

Сепак, иако се чини дека наведените лица по донесувањето на законот не изгледаат соодветни да станат граѓани на Кипар, се чини дека никој од нив нема да го изгуби златниот пасош.

Како одговор на истрагата на Ал Џезира, кипарскиот министер за внатрешни работи Никос Нурис не одговори на прашањето дали службениците кои ги купиле пасошите, исто така, се опфатени со новиот закон.

The post Кипар им шитка „златни пасоши“ на политички изложени лица appeared first on plusinfo.mk.