Својата боксерска кариера Дуковски ја почна во 50-те години од минатиот век, постигнувајќи го својот најголем успех во 1957 година со освојувањето на сребрениот медал на поединечното првенство во поранешна СФР Југославија.

Откако стави крај на активната боксерска кариера, Дуковски почна успешна тренерска кариера профилирајќи голем број познати и успешни боксерски имиња од калибарот на Салиху, Самоиловски, Калач, Реџепагиќ, Смилевски, Голубиќ, Ристевски, Мемеди, Ѓошевски, Јакупи, Василев и уште десетина други, кои го прославија македонскиот бокс.

Легендарниот Дуковски беше иницијатор и основач на традиционалната боксерска манифестација „Златен гонг”, која својата премиера ја имаше во 1968 година. Преку оваа манифестацијата низ годините продефилираа многу звучни имиња на македонскиот бокс, вклучувајќи го двократниот освојувач на бронзениот медал на европските првенства Вели Мумин.

„Дуковски замина во вечноста, но тоа што го направи за македонскиот спорт вечно ќе се памети“ – соопшти БМФ.

Дуковски е меѓу најуспешните тренери во македонскиот спорт, а беше член на Македонскиот олимписки комитет, како и член на Техничката комисија на ЕАБА.

The post СИ ЗАМИНА ТВОРЕЦОТ НА „ЗЛАТЕН ГОНГ“ Почина доајенот на македонскиот бокс Живко Дуковски appeared first on plusinfo.mk.

Покрај македонските ќе учествуваат и боксери од: Албанија, Англија, Бугарија, Велс, Ирска, Кина (Хонг Конг), Косово, Молдавија, Словенија, Србија, Украина, Хрватска и Црна Гора.

По традицијата, најголемата боксерска манифестација во нашата држава добива поддршка од Агенцијата за млади и спорт (АМС).

– Сите настапи кои имаат меѓународен карактер се плус за сите наши спортисти. Од ваквите натпревари се стекнува потребното искуство. Агенцијата за млади и спорт и во иднина ќе дава поддршка со цел постигнување подобри резултати. Јас како директор на АМС ќе се залагам македонските боксери да имаат услови што ќе овозможат нивен напредок и во скоро време да се појави некој нов Примислав Димовски, Вели Мумин – изјави Наумче Мојсовски, директор на АМС.

Претседателот на Боксерската федерација на Македонија, Примислав Димовски очекува турнирот да помине без проблеми.

The post „ЗЛАТЕН ГОНГ“ СЛАВИ 50 ГОДИНИ ПОСТОЕЊЕ Во Скопје ќе настапат 60 боксери од 14 земји appeared first on plusinfo.mk.

Оваа година традиционално во ноември, трeбаше да се одржи 50-јубилејно издание на „Златен Гонг“, но поради светската пандемија на коронавирусот не може достојно да се организира еден ваков традиционален настан.

Управниот одбор на БФМ, на седницата со едногласна одлука реши го одложи одржувањето на „Златен Гонг 2020“.

– Нашата цел беше оваа години да го организираме „Златен Гонг“ достојно, со квалитетни боксери од Европа и светот, согласно јубилејот на 50. издание. Невозможно е во ваква ситуација на светска пандемија да се организира ваков важен настан, за жал принудени сме да го одложиме за следната година, и други големи спортски собири оваа година се одложени за следната поради пандемијата на коронавирусот, тоа беше случај Олимписките игри, сметам дека ова е исправна одлука, оваа спортска манифестација заслужува организација и квалитет за јубилејот на високо ниво – изјави претседателот на БФМ, Примислав Димовски.

Низ историјата од разни причини „Златен Гонг“ не се одржал два пати, во 1988 и 1997 година, ова е прв случај во богатата историја, традиционалниот спортски настан да се одложи поради пандемија од светски размери.

The post Ковид-19 го одложи 50. јубилејно издание на „Златен Гонг“ appeared first on plusinfo.mk.