Добро е. Чинам дека на ниво на фактографија некако се разбравме со земјоделскиот комбинат „Пелагонија“ и со неговиот доминантен сопственик Цветан Панделевски, со кого се познавам најмалку 30 години.

Плусинфо го објави демантот на „Пелагонија“, ја повлече спорната објава и ги прецизираше информациите поврзани со предлогот на „Бетон“ од Штип да се поведе стечајна постапка за комбинатот.

Кого го интересираат деталите за оваа наша преписка, тука се линковите:

ПЕЛАГОНИЈА ДЕМАНТИРА ДЕКА Е ПОД СТЕЧАЈ Комбинатот тврди дека работи и дека ја завршил есенската сеидба

„ПРЕД СТЕЧАЈ“ И „ВО СТЕЧАЈ“ СЕПАК НЕ Е ИСТО Прецизни информации за спорот меѓу ЗК „Пелагонија“ и „Бетон“ од Штип

Инаку, со Целе се гледам ретко. Нашите средби секогаш се пријатни. И секогаш една од главните теми на разговорите е она за што се согласуваме двајцата – државата навистина мора многу посериозно, системски и одлучно да го поддржи домашното производство на храна. Комбинатот „Пелагонија“, како и другите македонски производители на храна, се соочуваат со многу проблеми, кои доведуваат до финансиски проблеми и до намалена ликвидност.

Комбинатот тоа го кажува и во комуникацијата со Плусинфо и апелира државата, но и банките, да помогнат. Јас безрезервно се приклучувам кон овој апел, бидејќи производството на храна е еден од клучните предуслови една држава да биде самоодржлива и просперитетна.

Но, нека ми прости Целе, ама тука пак нешто не ми е јасно…

Се прашувам, дали меѓу субјектите од кои тој со полно право очекува да му помогнат на битолскиот комбинат, се и самиот комбинат „Пелагонија“ и тој лично, односно другите компании во кои тој е доминантен сопственик?

Мене ме учеле дека ако сам не си помогнеш, не треба да очекуваш некој друг да ти помогне.

Од тука произлегува и едно друго, многу важно прашање, кое е поврзано и со темите за бизнис етиката и за општествената одговорност – како на комбинатот „Пелагонија“ му се помага да ги преброди проблемите и намалената финансиска неликвидност, со тоа што компаниите „Пелистерка“ и „Млекара Здравје“ се јавуваат како генерални спонзори на „најголемиот и историски гивавеј“, во кој нашиот водечки инфлуенсер и затвореник на хроничен привремен отпуст, Боки 13, доделува стан во Скопје, 7 автомобили, 15 ајфони, вредности ваучери и многу други вредни награди?

Погледнете ја објавата за овој „историски“ настан:

 

View this post on Instagram

 

A post shared by Stefan Lazarov (@_lazarovv)

Се разбира, мене ми е драго што го гледам Боки 13 во добро здравје и во уште подобро расположение. И нема да прашам како тоа човекот се шета слободно, прави разни „ивенти“, ја забавува јавноста, а во затвор е. Јас би сакал Боки 13 некако да успее веќе никогаш да не се врати во „Идризово“, а како што гледам, човекот е успешен и натаму оди работата…

Исто така, во оваа прилика нема да ја проблематизирам темата како може оваа „историска работа“ да се третира како „гивавеј“ а не како наградна игра, за која е потребна посебна дозвола од Министерството за финансии и слично. Овие прашања веќе ги поставивме до Управата за јавни приходи и до Министерството за финансии, но до сега не добивме никакви одговори. Некои луѓе ми рекоа дека тоа е така, затоа што Боки 13 и неговите генерални спонзори имаат некои моќни пријатели во власта (ми кажаа и конкретни имиња), па им се можело.

Браос, ако е така…

Нејсе, тоа е друга приказна. Која еден ден можеби некој ќе мора да ја раскаже.

Прашањето ми беше – што добива ЗК „Пелагонија“, во која доминантен сопственик е Цветан Панделески, од тоа што две фирми, во кои тој исто така е алфа и омега, го спонзорираат Боки 13 да подарува стан, автомобили, ајфони и други подароци? А и третата фирма генерален спонзор е поврзана со Панделески…

Јас знам што добива инфлуенсерот и во секој случај му честитам на тоа што успева да си обезбеди поддршка, пари и влијание. Успешен беше и во времето на Заев, а гледам, богами успешен е и сега. Човекот очигледно е талентиран магионичар. Секоја чест!

Но, да повторам – добива ли од тоа нешто ЗК „Пелагонија“?

Дали тоа ќе ја подобри финансиската ликвидност на комбинатот?

Дали тоа ќе ги мотивира државата и банките да му помогнат?

Дали тоа ќе придонесе за зголемување на производството на храна во Македонија?

ПС. За крај, една информација, која можеби ќе биде значајна за генералните спонзори, за државните институции, а можеби и за самите организатори на „историскиот гивавеј“. Ако добро ги разбрав новите правила на Мета, компанијата сопственик на Фејсбук и на Инстаграм, веќе нема да бидат дозволени вакви подарувања. Новите правила треба да стапат во сила од 1 јануари. Ама сигурно ќе се најде некој адвокат да ѝ објасни на Мета дека правилата не смеат да важат ретроактивно, особено кога станува збор за „историски“ настани и личности од Македонија…

The post Каква врска имаат Боки 13, неговиот „историски гивавеј“, неговите спонзори и кравите во „Пелагонија“? appeared first on plusinfo.mk.

Плусинфо го објави демантот на ЗК Пелагонија за текстот објавен на порталот Плусинфо на 20.11.2024 година, за кој компанијата вели дека бил со наслов „ЗК Пелагонија влегува во стечај“.

Редакцијата го прифати барањето на ЗК Пелагонија да го повлече спорниот текст и да се извини за непрецизностите кои можеле да ги доведат во заблуда читателите дека компанијата е во стечај.

ПЕЛАГОНИЈА ДЕМАНТИРА ДЕКА Е ПОД СТЕЧАЈ Комбинатот тврди дека работи и дека ја завршил есенската сеидба

Во текстот на Плусинфо има една важна грешка во изнесувањето на фактите, а тоа е тврдењето дека Основниот суд во Битола повел стечајна постапка во овој случај. Тоа не е точно и затоа Редакцијата го прифати демантот на ЗК „Пелагонија“ и постапи според барањето на компанијата. Кога ќе се направи грешка, должност на медиумот е грешката да се исправи.

Но, Редакцијата на Плусинфо исто така сака да демантира дел од наводите во демантот на ЗК „Пелагонија“ и подетално да објасни за што станува збор во овој случај.

Имено, не е вистина дека насловот на спорниот текст е „ЗК Пелагонија влегува во стечај“. Ова е насловницата на текстот, кој веќе е повлечен:

Претпоставуваме дека е јасно дека не е исто да се каже дека комбинатот „влегува во стечај“ и дека е „пред стечај“. Во насловот, а и во текстот, јасно се кажува дека станува збор за постапка на предлог на доверителот „Бетон“ од Штип, поднесен на 14 ноември. Јасно е дека судот и теоретски немал можност во толку краток рок да отвори стечајна постапка, а уште помалку фирмата да ја фрли во стечај.

Фактографската грешка во текстот во демантот на ЗК „Пелагонија“ е злоупотребена за да се демантира и нешто што не е објавено, а секако и нешто што не било намера на Редакцијата – да се прејудицира што ќе стане со предлогот на „Бетон“ од Штип и да се предизвика штета на угледот на акционерското друштво ЗК „Пелагонија“.

Како и да е, постои предлог на доверителот „Бетон“ од Штип за поведување стечајна постапка, во кој се изнесени наводите што ги објави Плусинфо. Ова е тој предлог:

Редакцијата на Плусинфо нема намера да навлегува во вештачење на наводите во предлогот и во утврдување на вистината. Тоа е работа на судот. Она што е обврска на медиумот е да ги слушне двете страни во случајот.

За волја на вистината, брзо по објавата на спорната вест, од ЗК „Пелагонија“ добивме допис со следната содржина (обрнете внимание на болдираните делови):

„Во врска со објавената информација за предлог поведување на стечајна постапка врз најголемиот земјоделски комбинат во земјава ЗК Пелагонија АД Битола, сакаме да ја информираме јавноста дека ЗК Пелагонија ја плати својата обврска кон Бетон Штип, со што е отстранета причината за поведување на стечајна постапка.

Комбинатот продолжува со своето редовно работење и финализирање на есенската сеидба. Во моментов се посеани 6500 ха есенски култури, што во услови на незапаметена суша во последните  години е голем успех за сите вработени и за комбинатот, кој и покрај ниските приноси и финансиски приходи од пролетните култури, успешно ќе ја заврши сеидбата на пченица.

Сакаме да информираме дека последниве 3 години се соочуваме со голема суша, намалени приноси како резултат на климатските промени и екстремно ниски цени на земјоделските производи, што нѐ доведоа во ситуација да се соочиме со намалена ликвидност. Очекуваме дека во нареден период ќе се зголеми свеста во Македонија за важноста на нашата дејност, производството на храна и дека и државата и банките ќе имаа посериозен пристап за помош и развој на оваа важна стопанска гранка“.

Водејќи се од логиката „платен долг, решен проблем“, уредништвото на Плусинфо одлучи да не ја „дува“, да не го објави овој допис, со цел „Пелагонија“ да не се доведе во ситуација да демантира „собирајќи пердуви“, како што обично велиме во новинарскиот жаргон. Тоа беше погрешна проценка на уредништвото.

Како и да е, овој допис на ЗК „Пелагонија“ покажува дека постоел долг кон доверителот, долг кој бил платен веројатно после предлогот за поведување стечајна постапка. Освен тоа, во тој допис се кажува дека во последните 3 години комбинатот се соочува со намалена ликвидност, што е оценка различна од онаа во демантот. Во секој случај, Редакцијата на Плусинфо ја поддржува потребата државата и банките да имаат посериозен пристап за помош и развој на производството на храна.

ЗК „Пелагонија“ е значаен стопански капацитет во Македонија е проблемите со кои се соочува комбинатот се прашања од јавен интерес. Редакцијата на Плусинфо секогаш ги поддржувала сите стопански гранки и субјекти во реалниот сектор на економијата и нема причина никој да се посомнева дека на било кој начин ја поткопува компанијата. Тоа се однесува и на ЗК „Пелагонија“, но и на „Бетон“ од Штип и на сите други субјекти поврзани со компанијата.

Редакцијата на Плусинфо смета дека покрај објавениот демант и отстранувањето на спорната објава на барање на ЗК „Пелагонија“, заради интересот на читателите, беше битно да се објави и ова допрецизирање на фактите во врска со отстранетата спорна содржина и реакцијата на комбинатот.

The post „ПРЕД СТЕЧАЈ“ И „ВО СТЕЧАЈ“ СЕПАК НЕ Е ИСТО Прецизни информации за спорот меѓу ЗК „Пелагонија“ и „Бетон“ од Штип appeared first on plusinfo.mk.

– Истите бележат зголемување од 357% во однос на истиот пресметковен период од претходната деловна година. Во структурата на оперативните приходи, приходите од продажба изнесуваат 126.684 илјади денари, кои опфаќаат 24,60% од вкупните оперативни приходи. Приходите од продажба бележат тренд на зголемување во однос на претходната година и истите се зголемени за 23% или во апсолутен износ за 23.956 илјади денари. Останатите оперативни приходи кои опфаќаат износ од 388.279 илјади денари учествуваат со 75,40% во вкупните оперативни приходи и истите бележат зголемување за 13 пати во однос на првиот квартал од претходната деловна година – велат од компанијата.

Оттаму додаваат дека енормното зголемување кај останатите оперативни приходи произлегува пред се од добивка од продажба на удел која изнесува 380.148 илјади денари.

Во структурата на останати оперативни приходи во овој пресметковен период нема учество на приходи од премии, субвенции или дотации.

– Остварените оперативни расходи со состојба 31.03.2021 година опфаќаат износ од 227.051 илјади денари и истите се зголемени за 9% во однос на истиот период претходната година, а се помали во однос на оперативните приходи во износ од 291.031 илјади денари – информираат од ЗК Пелагонија.

Промената на вредноста на залихите во анализираниот период за тековната година како разлика помеѓу вредноста на залихите на почетокот и на крајот на годината генирира приходна ставка во износ од 4.105 илјади денари и Друштвото оствари оперативна добивка во износ од 295.136 илјади денари.

– Во пресметковниот период остварени се финансиски приходи во износ од 55 илјади денари, што преставува зголемување за 53 илјади денари во однос на истиот пресметковен период од минатата деловна година. Финансиските расходи изнесуваат 33.328 илјади денари и истите се за 31.951 илјади денари зголемени во однос на првиот квартал од 2020 година кога изнесувале 1.377 илјади денари. Според изнесените показатели компанијата прикажа позитивен финансиски резултат во износ од 261.863 илјади денари – стои во извештајот објавен на сајтот на Македонска берза.

The post Првиот квартал и донесе добивка на ЗК Пелагонија appeared first on plusinfo.mk.

Берзата на барање на Комисијата за хартии од вредност го запре на одредено време тргувањето со акциите на ЗК „Пелагонија“ по што побара и објаснување за растот на цените на кациите.

„ЗК Пелагонија АД Битола нема сознанија за постоење на конкретно ценовно чуствителни информации кои треба да ги објавиме согласно Правилата за котација на Македонската берза за хартии од вредност АД Скопје“, стои во одговорот објавен на Македонска берза.

Во врска со информациите објавени на порталот Фактор, додаваат оттаму ве известуваме дека ЗК Пелагонија АД Битола не располага со информација за евентуална заинтересираност на инвестициски фондови за купување на Друштвото.

The post ЗК „Пелагонија“ не ја знае причината за растот на цените на акциите appeared first on plusinfo.mk.

Од Берзата додаваат дека се очекува и официјално соопштение од ЗК „Пелагонија“.

Вчера медиумите информираа дека има обид  за манипулација на помалите акционери во ЗК Пелагонија со што вештачки се крева цената на акцијата на комбинатот, а тоа го прават некои берзански шпекуланти и брокери.

Акциите на СК „Пелагонија“ деновиве достигнаа цена од 3.000 денари на Берзата. Овие акции се интересни за купувачите уште од декември кога во блок трансакција вредна вредна околу 85.000 евра се продадоа 1.749 акции. следеше уште една трансакција од околу 103.000 евра кога се продадоа 2.117 акции од „ЗК Пелагонија“.

Завчера пак во две блок трансакции со вредност од околу 374.000 евра на берзата беа продадени 7.456 акции на Комбинатот.

Акциите во низата блок трансакции се продадоа по цена од 3.000 и 3.900 денари за акција.

На последното Собрание на акционери од  8 февруари беше донесена одлука за продажба на 2803 акции  или 1,38 отсто од основната главнина на „Пелагонија“. Нивната номинална вредност тогаш изнесуваше  70,2 евра по акција. Купувачите на овие акции се стекнуваат со право на глас во Собранието на акционери.

Во сопственичката структура на ЗК „Пелагонија“ со висок износ на акции, над 5 отсто, фигурираат: „Софија градба“ која поседува 22,7 отсто од акциите, Цветан Панделевски и Орка Холдинг со 19,9 отсто, и Ненад Јосифовиќ кој поседува 7,39 отсто од акциите. Меѓу акционерите е и ТИМ доо која е сопственост на синот на Панделевски.

The post Македонска берза го запре тргувањето со акциите на ЗК „Пелагонија“ appeared first on plusinfo.mk.

На седницата едногласно биле донесени одлуки во интерес на понатамошното успешно работење и функционирање на Комбинатот. Единствена поделеност постоела во однос на предложената точка за измена на Статутот на Земјоделскиот комбинат Пелагонија а.д. Битола, за кој се барало да биде составен од 6 члена. Со поголемо мнозинство преовладал ставот на „Орка холдинг“ да нема промена на Статутот на Комбинатот, во кој има 5 члена, 1 извршен и 4 неизвршни.

The post Се консолидира раководството на ЗК Пелагонија appeared first on plusinfo.mk.

Компанијата оваа информација ја соопшти преку Македонска берза.

Белешовска Бунтевска е дипломиран економист и е неизвршен член во Одборот на директори на „Пелагонија“.

Мандатот на Белешовска Бунтевска  како извршен директор почна на 25 декември лани.

The post Весна Белешовска Бунтеска е нов извршен директор на ЗК „Пелагонија“ appeared first on plusinfo.mk.

Одлука за продажба на комплексот донеле вчера акционерите на ЗК „Пелагонија“ и е објавена на Македонска берза.

Најниска цена на продажба на Комплексот е 10,5 милиони евра.

Според одлуката, комплексот „Александија“ ќе може да се продаде целосно откако се избрише Налогот за заплена на удел од 2018 година или по добивање согласност од НЛБ Банка Скопје како доверител за повлекување на налогот за запленување на удел во трговското друштво со кој се врши заплена на 100 отсто од главнината на комплексот „Александрија“.

ЗК „Пелагонија“ претходно ја продаде централата за производство на стуја од биогас „Пелагонија Енерџи“ а најави дека ќе ги продава и уделот во висина од 59 отсто во скопското друштво „МКМ Експрес“, како и хотелот „Маврово“ во кое битолската фирма поседува 21,9 отсто од уделите.

ЗК „Пелагонија“ има 4 големи поединечни акционери меѓу кои и две домашни физички лица и две компании. Најголем поединечен акционер е друштвото „Софија“ од Скопје кое поседува 22,7 отсто од акциите со право на глас. По 20 отсто поседуваат „Орка Холдинг“ од Скопје и Цветан Панделевски. Скопјанецот Ненад Јосифовиќ е четвртиот голем акционер и тој поседува 7,3 отсто од акциите.

The post ЗК „Пелагонија“ го продава комплексот „Александрија“ во Битола appeared first on plusinfo.mk.

Компанијата соопшти и дека нов сопственик на 9,05 отсто од акциите издадени од „Жито Полог“ е друштвото за трговија, производство и услуги АС СЕЊАК увоз-извоз Селаудин Арифи ДООЕЛ Кичево.

„Акционерот ЗК Пелагонија Битола   продаде 5047 обични  акции со право на глас  издадени од Жито Полог АД Тетово  и повеќе не  поседува акции издадени од Жито Полог АД Тетово.Друштвото за трговија , производство и услуги АС СЕЊАК увоз-извоз Селаудин Арифи ДООЕЛ Кичево се стекна со 5066 обични акции со право на глас  издадени од Жито Полог АД Тетово  , што претставува 9,05 % од вкупниот број на издадени акции на друштвото“ стои во соопштението..

The post ЗК „Пелагонија“ ги продаде акциите во „Жито Полог“ appeared first on plusinfo.mk.