Линдзи Вон, една од најголемите американски и светски скијачки на сите времиња се опоравува од сериозната повреда со која се здоби по страшниот пад на Зимските олимписки игри во Кортина во февруари годинава.

Таа претрпе сложена фрактура на ногата, скршен глужд и скинат преден вкрстен лигамент (ACL) – и беше подложена на повеќе операции, а во еден момент ѝ била загрозена ногата. Сепак, Вон уште еднаш покажа дека е натчовеч и дека има непоколеблив спортски дух.

Поминаа околу еден и пол месец од сериозната повреда и повеќекратните операции, а таа веќе оди на патерици, што е неверојатно и е пред сите најоптимистички прогнози.

– Без разлика колку силно паѓам, секогаш ќе најдам начин повторно да станам! Чекор по чекор! – напиша Вон на својот Инстаграм заедно со видео за патерици.

 

View this post on Instagram

 

A post shared by L I N D S E Y • V O N N (@lindseyvonn)

The post 🎥 ЛИНДЗИ ВОН ЗАСТАНА НА ПАТЕРИЦИ По страшната повреда и операција, скијачката веќе оди со помагала appeared first on plusinfo.mk.

Додека светот ги следеше медалите, рекордите и падовите на снегот, во Олимпиското село се случуваше сосема поинаква приказна – слатка приказна. На Зимските олимписки игри Милано Кортина 2026, неочекуваната ѕвезда не беше скијач или лизгач, туку колачот тирамису.

Да, класичниот италијански десерт направен од маскарпоне, кафе и какао стана вирален феномен меѓу спортистите.

Од најпознатиот италијански десерт до олимписки тренд

Како што се очекуваше, Италијанците ја нагласија својата локална кујна во менито на Олимпиското село. Но, никој не можеше да предвиди дека тирамисуто ќе стане „задолжително“ по тренингот и натпреварувањето.

Сè започна кога швајцарскиот сноубордер Јонас Хаслер објави видео на социјалните мрежи во кое со ентузијазам го коментираше десертот, нарекувајќи го најдобар во селото. Видеото брзо стана вирално, а Хаслер го доби симпатичниот прекар „тирамису мен“ меѓу спортистите.

Повеќе за ова на порталот „Арт кујна“.

The post НА ОЛИМПИСКИТЕ ИГРИ НЕ СЕ ХИТ САМО СПОРТИСТИТЕ Дали знаете кој беше хит-десерт на зимските ОИ во Италија? appeared first on plusinfo.mk.

Под ѕвезденото небо во античката Арена во Верона, со грандиозна церемонија која ги спои италијанската ренесанса и дигиталната иднина, синоќа официјално беа затворени 25-тите Зимски олимписки игри.

По 16 дена адреналин на Алпите и брзина на мразот во Милано, олимпискиот оган згасна, оставајќи зад себе приказни кои ќе се прераскажуваат со децении.

I Giochi Olimpici di Milano-Cortina 2026 si chiudono qua, grazie a tutti pic.twitter.com/dFfI2QpMiu

— Eurosport IT (@Eurosport_IT) February 23, 2026

Норвешка на тронот, светот во потера

Кога станува збор за снегот, круната останува во Осло. Норвешка уште еднаш потврди дека е велесила, завршувајќи на првото место со рекордни 18 златни медали (вкупно 41). Веднаш зад нив се САД, кои благодарение на доминацијата во сноуборд и историското злато во хокеј, собраа 33 одличја.

Она што ги прави овие Игри посебни е нивната масовност и глобализација. Дури 31 земја успеа да замине дома со барем еден медал, што е доказ дека зимските спортови веќе не се „ексклузивен клуб“ само за алпските нации.

Ice. Fire. Moments.

The performances that defined the Games. The images that will live on.

From gold medal triumphs to unforgettable displays of heart, Milano Cortina 2026 belonged to every athlete who gave it their all.

THANK YOU FOR EVERYTHING,… pic.twitter.com/zJW9JbzHZv

— The Olympic Games (@Olympics) February 22, 2026

Историја напишана со самба и први медали

Најголемото изненадување на Игрите дојде од земјата на фудбалот. Лукас Пињеиро Братен, скијачот кој одлучи да се трка под знамето на Бразил, го шокираше светот со злато во велеслалом. Ова е прв зимски медал во историјата за Бразил и за Јужна Америка воопшто.

Историски денови славеше и Грузија, која преку магијата на мразот во уметничко лизгање стигна до своето прво олимписко сребро.

Јоханес Клаебо со историски шест злата на едни Игри!

Норвешкото чудо од дете, Јоханес Хесфлот Клаебо, ги помести границите на возможното во Милано и Кортина 2026. Со својата последна победа, тој стана првиот спортист во историјата на Зимските олимписки игри кој успеал да освои дури шест златни медали на само едно издание на Игрите.

Клаебо буквално ги „покори“ сите дисциплини во крос-кантри скијање – од експлозивниот спринт, преку тешкиот скијатлон, па сè до маратонските 50 километри и тимската штафета. Неговото победничко селфи со шест златни одличја веќе стана најсподелуваната фотографија на социјалните мрежи, симбол на апсолутна доминација каква што светот досега нема видено.

Johannes Høsflot Klæbo just made history at Milano Cortina 2026, taking a selfie with his six gold medals, becoming the first athlete ever to win that many at a single Winter Games. pic.twitter.com/4ECC4ZMQu8

— non aesthetic things (@PicturesFoIder) February 23, 2026

Брзина која ги проби границите

Мразот во Милано беше „најбрз“ досега. Холанѓанката Ксандра Велзебур го воодушеви светот поставувајќи нов светски рекорд на 500 метри во брзо лизгање на кратки патеки.

Младиот Американец Џордан Столц пак, стана новиот „крал на мразот“, рушејќи два олимписки рекорди и најавувајќи нова ера во овој спорт.

Драмата на Линдзи Вон и враќањето на кралицата Шифрин

Спортот знае да биде суров, а тоа на своја кожа го почувствува легендарната Линдзи Вон. Нејзиното херојско враќање од пензија на 41 година заврши со тежок пад и скршеница на ногата во спустот во Кортина, момент кој ги замолкна сите љубители на зимските спортови.

Сепак, американската тага ја излечи Микаела Шифрин, која по драматичните претходни години, се врати посилна од кога било и го освои златото во слалом, потврдувајќи го статусот на најголема на сите времиња (GOAT).

Збогум Италија, добредојде Франција

Италија како домаќин постави нови стандарди во организацијата, соборувајќи го сопствениот рекорд со 30 освоени медали пред домашната публика.

Grazie, Milano Cortina 2026.
Grazie, Italia.

To every single person who poured their energy, passion and heart into these Games, it was unforgettable because of you.
Thank you. #Olympics #WinterOlympics pic.twitter.com/wlkXPh6WlC

— The Olympic Games (@Olympics) February 22, 2026

Но, како што налага традицијата, знамето на Меѓународниот олимписки комитет синоќа беше предадено во рацете на организаторите на Француските Алпи 2030.

Зимската магија заврши, но ехото од навивањето во Доломитите ќе се слуша уште долго. Светот доби нови херои, а границите на човечките можности уште еднаш беа поместени во срцето на Италија.

The post 📽️ 📷 КРАЈ НА ЗИМСКАТА БАЈКА „Милано-Кортина 2026“ замина во историјата со рекорди, солзи и бразилско сонце на снегот appeared first on plusinfo.mk.

На отворањето на Зимските олимписки игри во Италија, украинската делегација се појави пред очите на светот со својата табла, предводена од личност која ретко би ја очекувале – Русинка. Станува збор за Анастасија Кучерова, која самата изразила желба да ја носи оваа улога.

– Кога чекориш покрај тие луѓе, сфаќаш дека имаат човечко право да чувствуваат омраза кон секој Русин. Но, сметам дека е важно, макар и со најмал гест, да им покажеш дека не сите размислуваме исто – изјави Кучерова.

Таа нагласи дека не се согласува со политиката на рускиот претседател Владимир Путин и дека не го поддржува она што се случува во Украина.

Руската архитектка своето учество го опиша како „мал и личен гест на поддршка кон држава растргната од војна“.

– Украинците не можат да избегаат од мрачните мисли, ниту да се преправаат дека војната не постои. За нив тоа е секојдневна реалност. Се обидуваат да продолжат да се венчаат, да сакаат, да спортуваат, да настапуваат на Олимпијада, но сето тоа се случува во сенката на нешто ужасно – додаде таа.

Интересен детал е дека ниту Меѓународниот олимписки комитет, ниту локалниот организациски одбор не знаеле за нејзиниот идентитет до објавувањето на медиумите. Овој гест на Кучерова, на некој начин, го потсетува светот дека спортот и хуманоста понекогаш можат да стојат над политиката и конфликтите.

The post 📽️ ГЕСТ НА ХУМАНОСТ ВО ВРЕМЕ НА ВОЈНА Русинка ја носеше таблата на украинските спортисти на Олимпијадата appeared first on plusinfo.mk.

Австралиската ТВ репортерка Даника Мејсон стана светска вест по необичното јавување во живо од Зимските олимписки игри во Милано и Кортина, каде што настапот предизвика лавина реакции на социјалните мрежи.

За време на утринската програма, новинарката се вклучи во живо, но гледачите веднаш забележаа дека тешко зборува и делува дезориентирано. Ситуацијата дополнително ескалираше кога во еден момент таа се фрли и почна да се тркала во снегот, на изненадување и на колегите во студиото.

Во јавувањето Мејсон зборуваше неповрзано, мешајќи теми и држави.

Australian Olympic reporter Danika Mason was completely hammered on air and then issued an apology the next day. pic.twitter.com/JE4dxWJFp1

— Vince Langman (@LangmanVince) February 19, 2026

– Цената на кафето е всушност во ред… Мора да се навикнеме на цените на кафето во Соединетите Американски Држави… Не сум сигурна за игуаните? Каде води ова? Како и да е, да преминеме на денешниот спорт… – изјави таа во живо.

 

View this post on Instagram

 

A post shared by thetodayshow (@thetodayshow)

Во обид да ја ублажи ситуацијата, водителот на емисијата „Денес“, Карл Стефановиќ, посочи дека екстремниот студ во Кортина можеби придонел за необичното однесување. Сепак, снимката брзо се прошири на интернет и предизвика бројни реакции од јавноста.

Подоцна, Мејсон јавно призна дека направила грешка. Таа објасни дека консумирала алкохол пред вклучувањето и дека комбинацијата од студ, голема надморска височина и фактот што не вечерала дополнително влијаеле врз нејзината состојба.

@news.com.au Danika Mason has apologised live on TV after slurring her words in a trainwreck live cross from the Winter Olympics, admitting that she was affected by drinking, altitude, and the cold. Credit TODAY – Nine #WinterOlympics #MilanoCortina2026 ♬ original sound – News.com.au

The post 📽️ ПИЈАНА ВО ЖИВО ОД ОЛИМПИЈАДАТА Репортерката Даника Мејсон се тркалаше во снег и зборуваше бесмислици appeared first on plusinfo.mk.

Олимписки медал вреди богатство: некаде носи стан, автомобил и стотици илјади долари

Освојувањето медал на Зимските олимписки игри Милано–Кортина 2026 за дел од спортистите значи многу повеќе од престиж и слава — во некои држави успехот се наградува со шестцифрени суми, па дури и со станови и автомобили.

Околу 2.900 спортисти од повеќе од 90 национални олимписки комитети годинава се борат за вкупно 116 медали во осум спортови. Иако Меѓународниот олимписки комитет (МОК) не доделува парични награди, бројни влади и спортски федерации нудат значајни бонуси за освоен подиум.

Податоците ги сумираше американската телевизија „CNBC“, повикувајќи се на информации од национални олимписки комитети и спортски здруженија.

Сингапур најдарежлив

На врвот на листата за исплати е Сингапур, кој нуди околу:

– 792.000 долари за злато

– 395.000 долари за сребро

– 197.000 долари за бронза

Сингапур досега ретко настапувал на Зимските игри. На изданието во 2018 година лизгачката на кратки патеки Шајен Го заврши на 28. место на 1.500 метри.

Годинава земјата ја претставува алпскиот скијач Фаиз Баша, кој не успеа да го заврши првото возење во велеслаломот во ски-центарот Стелвио во Бормио.

Хонг Конг без медал, но со огромни бонуси

Хонг Конг нуди:

– 768.000 долари за злато

– 384.000 долари за сребро

– 192.000 долари за бронза

И покрај високите бонуси, градот досега нема освоено медал на Зимските олимписки игри.

Полска нуди и стан и автомобил

Во Европа особено се издвојува Полска. Освојувачите на злато можат да добијат пакет вреден околу 211.000 долари, кој покрај парите вклучува:

– автомобил „Тојота Корола“

– целосно опремен двособен стан

– уметничка слика

– ваучер за одмор

– накит

Сребрените и бронзените медалисти, исто така, добиваат дел од овие бенефиции, плус парични награди од околу 169.000 и 124.000 долари.

Што нудат домаќините и азиските сили

Домаќинот Италија исплаќа:

– 214.000 долари за злато

– 107.000 долари за сребро

– 71.000 долари за бронза

Јужна Кореја доделува околу:

– 208.000 долари за злато

– 139.000 долари за сребро

– 70.000 долари за бронза

Јужнокорејските медиуми објавија дека сноубордерката Чои Га-он добила дополнителни 300 милиони вони од својата федерација, како и луксузен часовник од швајцарскиот бренд Омега.

САД со значително помали бонуси

Соединетите Американски Држави преку својот олимписки комитет доделуваат:

– 37.500 долари за злато

– 22.500 долари за сребро

– 15.000 долари за бронза

Некои добиваат само слава

Не сите зимски спортски сили нудат директни парични награди.

Норвешка, која има најмногу медали во историјата на Зимските игри, не исплаќа бонуси за подиум. Наместо тоа, спортистите можат да добијат годишна стипендија од околу 160.000 норвешки круни и пристап до врвни тренинг и медицински услуги.

И Обединетото Кралство не доделува директни парични награди, туку финансира подготовка на спортистите преку програмата UK Sport.

Кина, пак, нема единствен национален систем за бонуси, наградите најчесто ги одредуваат покраините или спонзорите.

Медал што менува живот

Олимпискиот подиум претставува кулминација на години жртва, тренинг и одрекување. Во спорт каде што секунди решаваат, за некои спортисти медалот носи не само вечна слава, туку и финансиска награда што може целосно да им го промени животот.

The post НЕКОИ ДОБИВААТ СТАН, АВТОМОБИЛ И СТОТИЦИ ИЛЈАДИ ДОЛАРИ Неверојатни награди за олимписките херои appeared first on plusinfo.mk.

На Зимските олимписки игри сме виделе солзи, сензации, драматични падови и историски медали. Но, ваква сцена – речиси театарска – досега немало.

Името што треба да го запомните е Беноа Ришо. Францускиот тренер работи со дури 16 лизгачи од 13 различни земји и стана вистинска интернет-сензација откако камерите го фатија како буквално трча од еден натпреварувач до друг – менувајќи јакни за да одговара на секоја репрезентација.

Во еден момент е во боите на една земја, неколку секунди подоцна веќе носи друга јакна и бодри нов олимписки претставник.

 

View this post on Instagram

 

A post shared by whitecollarhumor (@whitecollarhumor)

„Штом ја сменам јакната, го менувам и карактерот“

Ришо и самиот е свесен колку необично изгледа тоа од страна.

– Предизвикувачки е. Возбуден си бидејќи еден лизгач направил нешто совршено, а потоа веднаш мораш да се вратиш и да се приспособиш на некој друг. Штом ја сменам јакната, се чувствувам како да сум го сменил и лизгачот со кој работам. Јас сум различен – сè зависи од тоа што им треба од мене – објасни Ришо.

Тој додава дека неговиот пристап варира од благ до поостар, зависно од личноста и темпераментот на спортистот.

– Олимписките игри се светиот грал. Сакам да направам нешто поголемо за овој спорт. Моите лизгачи знаат дека сум целосно посветен на сите нив. Не чувствуваат никаква разлика – порача францускиот стратег.

Интернетот „полуде“

Снимките од неговото пресоблекување веќе кружат на социјалните мрежи, а многумина се шегуваат: „За кого навива?“.

Иако не е реткост еден тренер да работи со повеќе лизгачи, речиси е неверојатно да се гледа како во рок од неколку секунди тој менува репрезентативни јакни и улоги – како актер што преминува од една сцена во друга.

Сепак, зад шоуто стои сериозна посветеност и внимателна психолошка подготовка.

The post 📽️ ОЛИМПИСКИ „КАМЕЛЕОН“, ТРЕНЕР ГИ МЕНУВА ЈАКНИТЕ НА СЕКОИ 30 СЕКУНДИ! Французинот е хит на Игрите, работи со 16 лизгачи од 13 земји appeared first on plusinfo.mk.

Зимските олимписки игри во Италија и годинава ја донесоа вообичаената мешавина од спектакуларни триумфи и болни разочарувања. Но, во средата наутро, спортската драма беше накратко засенета од неочекуван четириножен натрапник.

Инцидентот се случи за време на квалификациите во женскиот тимски крос-кантри во Тесеро, кога куче налик на волк се појави на патеката и почна да трча покрај, па дури и да брка некои од натпреварувачките додека тие се бореа за пласман.

Снимките покажаа дека кучето, очигледно возбудено од атмосферата и камерите, слободно трча по трасата. Во еден момент, две скијачки кои поминуваа се обидоа да му го одвлечат вниманието, по што животното тргна по натпреварувачките од Хрватска и Грција додека ја минуваа целната линија, предизвикувајќи смеа и аплауз кај публиката.

i hope he wins pic.twitter.com/2MGnrzP7Zz

— mathilda (@thildakm) February 18, 2026

Реакции од патеката: од „слатко“ до „можеше да биде катастрофа“

Водечката квалификантка, Швеѓанката Јона Сандлинг, изјави дека ѝ изгледало „слатко“ кога поминувала покрај зоната за прес. Нејзината ривалка, Норвежанката Астрид Ојре Слинд, која заврши петта, се пошегува: „Кучето ми е најмал проблем, Швеѓанката ми е најголем“.

Сепак, не сите ја доживеаја ситуацијата како забавна. Нахиара Гонзалез Дијаз од Аргентина изјави: „Помислив: Што, по ѓаволите, прави кучето тука?“, додека последнопласираната грчка натпреварувачка Константина Харалампидо признала дека во прв момент помислила оти станува збор за волк.

Експертот за крос-кантри скијање Фредерик Аукланд оцени дека ваквото мешање „можело да заврши катастрофално“, имајќи предвид дека станува збор за брза и технички тешка дисциплина.

Назгул избегал од дома

По трката се јавила сопственичката на двегодишното куче, откривајќи дека неговото име е Назгул и дека најверојатно избегало од дома.

– Тој едноставно исчезна, избега од дома. Многу е љубезен, иако е тврдоглав. Дружељубив е и секогаш бара контакт со луѓе. Не повредува никого – изјавила таа за норвешкиот медиум „VG“.

Името Назгул потекнува од прстенестите духови во романот „Господарот на прстените“. Кучето е од расата чешки волчјак.

Кучиња – неочекувани ѕвезди на Игрите

Кучињата очигледно станаа неформални „маскоти“ на овогодинешните Игри. Едно од нив беше забележано како седи покрај теренот со дрес на тимот на САД и внимателно го следи уметничкото лизгање.

Претходно неделава, видео од разиграно куче кое накратко ја прекина трката во спуст стана вирално, откако животното се лизгаше по мразот додека неговиот сопственик се обидуваше да го фати.

Дел од гледачите и спортистите беа фотографирани со насмевки додека кучето безгрижно трчаше по патеката. Некои дури се пошегуваа дека присуството на раперот Снуп Дог на настанот можеби дополнително ги возбудило локалните миленици.

НЕОЧЕКУВАН НАТПРЕВАРУВАЧ НА СПУСТОТ Куче ги мина капиите како вистински скијач

The post 📽️ КУЧЕ НАЛИК НА ВОЛК СТАНА ЅВЕЗДА НА ИГРИТЕ Побегнало од дома и трчаше до целта заедно со натпреварувачките appeared first on plusinfo.mk.

Неуспешно четирикратно салто и осмо место во финалето го одбележаа настапот на асот Илија Малинин на Зимските олимписки игри. По натпреварот, американскиот лизгач со руско потекло објави серија емотивни пораки на Тик-Ток што предизвикаа загриженост.

„Понекогаш сакам да ми се случи нешто лошо, за да не морам сам да го правам тоа“, напиша Малинин во првата објава.

Потоа следеше уште подиректна порака:

„Мамо, твоето мало момче е уморно“.

Амбициозниот 21-годишен лизгач се обиде да изведе четирикратно салто, но падна и го заврши натпреварувањето на осмото место во машката индивидуална конкуренција.

Неговиот тим засега не дал официјален коментар за пораките. Дел од објавите биле поврзани со сметка што споделува рачно напишани пораки за емоционална исцрпеност.

Неговата мајка е Татјана Малинин од Новосибирск.

И покрај индивидуалниот пад, Малинин претходно донесе злато за САД во екипната конкуренција во уметничко лизгање. Поради своите скокови го нарекуваат „Бог на четворките“.

На трибините бил и српскиот тениски ас Новак Ѓоковиќ.

– Го видов Новак. Толку е надреално. Го слушнав како вели нешто, откако направив превртување наназад. Тоа е момент што се случува еднаш во животот – изјави Малинин.

The post ГО ВООДУШЕВИ ЃОКОВИЌ, НО ЈА РАЗОЧАРА МАЈКА СИ? Асот ги загрижи фановите по олимпискиот дебакл appeared first on plusinfo.mk.

Карин Килдоу, сестрата на американската алпска скијачка Линдзи Вон, вчера изјави дека атлетичарката напредува во закрепнувањето од повредата на Олимписките игри во 2026 година и се подготвува да се врати дома во Соединетите Американски Држави.

Вон сподели видео на кое се гледа како пријателки ѝ ја мијат косата, почнува да јаде храна и се подготвува да ја напушти болницата.

Таа напиша на Фејсбук дека е благодарна на пријателите, семејството, тимот и на медицинскиот персонал што ја враќаат во нормала.

„Полека се враќам во живот, на основните и на малите нешта во животот кои многу значат“, напиша Вон.

Таа ѝ се заблагодари на сестра ѝ за снименото видео.

Вод денеска објави дека е невероајтно чувството повторно да биде дома иако не може да гази на нозете.

На 8 февруари, Вон тешко се повреди за време на спустот на Зимските олимписки игри 2026 во Италија. Четириесет и едногодишната скијачка скрши нога и беше подложена на четири операции.

– Беше тешко време, многу време во болница. Но, таа е супер силна, иако имаше многу операции. Работиме на тоа да ја вратиме во САД – изјави вчера Килдоу за „TMZ Sports“.

Сестрата на Вон одговори на критиките кон скијачката за тоа што пристигнала на Олимписките игри со повреда – Американката претрпе скинат преден вкрстен лигамент (ACL) на Светското првенство една недела пред Игрите.

– Секој ќе има свое мислење, но таа е силна и го направи тоа – додаде Килдоу.

Вон е олимписка шампионка во спуст во 2010 година, двократна светска шампионка и четирикратна шампионка на Светското првенство.

The post 🎥 ЛИНДЗИ ВОН ЈА ИЗМИ КОСАТА И ПОЧНА ДА ЈАДЕ Скијачката се врати во Америка appeared first on plusinfo.mk.