Во Македонија од 15 ноември стапува на сила законската обврска за задолжително поседување зимска опрема во возилата. Обврската ќе важи до 15 март, а непочитувањето на пропишаните правила може да создаде ризик за безбедноста во сообраќајот, а повлекува и пропишани казни.

Од Министерството за внатрешни работи потсетуваат дека задолжителната зимска опрема е регулирана со Правилникот за задолжителна опрема на возилата, велосипедите и запрежните возила за безбедно учество во сообраќајот, како и на тракторите при извршување земјоделски и шумски работи.

За моторните возила со маса до 3.500 килограми, како зимска опрема се сметаат зимски пневматици на сите четири тркала, со минимална длабочина на шарата од 4 милиметри.

Дозволени се и пневматици со летен профил на сите четири тркала, со минимална длабочина на шарата од 4 милиметри, под услов возилото да поседува синџири за снег со соодветна големина за погонските тркала или други соодветни помагала.

Кај возилата со погон на четири тркала (4×4), правилата се малку поинакви. Доколку се користат зимски пневматици, тие треба да бидат поставени на сите четири тркала и да имаат минимална длабочина на шарата од 6 милиметри.

За моторните возила со најголема дозволена маса над 3.500 килограми, задолжителни се зимски пневматици на погонските тркала со минимална длабочина на шарата од 6 милиметри.

Како зимска опрема може да се користат и пневматици со летен профил на сите четири тркала, со минимална длабочина на шарата од 4 милиметри, доколку возилото поседува соодветни синџири за снег или други помагала.

Автобусите и товарните возила кои поради технички причини не можат да постават синџири на погонските тркала, мора да имаат зимски пневматици на погонските тркала и прирачен алат – лопата.

Од МВР појаснуваат дека за зимски пневматици се сметаат оние на чија странична страна има ознаки „MS“, „M+S“, „M&S“, како и симбол на снегулка во стилизирана планина со три врва.

Според важечкиот правилник, во патниот сообраќај е забрането користење пневматици со клинци.

Од Министерството за внатрешни работи апелираат до возачите навреме да ја обезбедат потребната зимска опрема и да ги почитуваат законските обврски, со цел сообраќајот во зимски услови да биде побезбеден.

The post ОД 15 НОЕМВРИ ЗАДОЛЖИТЕЛНА Е ЗИМСКА ОПРЕМА ВО ВОЗИЛАТА Еве што мора да имаат различни видови возила appeared first on plusinfo.mk.

Сообраќајот на државните патишта во земјава се одвива во зимски услови, на места по влажни коловози. Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата, информира Авто-мото сојузот на Македонија.

АМСМ апелира до возачите да ја прилагодат брзината на движење, да ја почитуваат сообраќајната сигнализација и да управуваат внимателно со возилата, особено на патиштата што минуваат низ котлини, речни долини и клисури, каде постои можност од појава на одрони.

Посебно внимание се препорачува на делниците Катланово – Велес, Маврово – Дебар – Струга, Виница – Берово и Кочани – Делчево.

The post ВНИМАТЕЛНО ПО КОЛОВОЗИТЕ Сообраќајот се одвива во зимски услови appeared first on plusinfo.mk.

Сообраќајот на државните патишта во земјава се одвива непречено, по претежно влажни коловози. Од АМСМ информираат дека сите патни правци се проодни и безбедни за сообраќај, но поради врнежите од снег се препорачува зголемено внимание при возење.

Екипите на ЈП „Македонија пат“ се целосно екипирани и со расположлива механизација и работна сила континуирано работат на расчистување на снегот. Во координација со ЈП за државни патишта и Министерството за транспорт се спроведуваат активности со цел да се обезбеди непречено и безбедно одвивање на сообраќајот.

Надлежните апелираат возачите да управуваат внимателно и совесно, задолжително да користат зимска опрема, да ја почитуваат сообраќајната сигнализација и да ја прилагодат брзината според условите на патот.

Од АМСМ потсетуваат дека од 15 ноември 2025 година е на сила законската обврска за задолжително поседување зимска опрема во возилата, без оглед на моменталните временски услови. Оваа обврска важи до 15 март 2026 година.

Интензитетот на сообраќај надвор од градските средини е умерен. На граничните премини од македонска страна, засега нема подолги задржувања за влез и излез од државата.

Посебна внимателност се препорачува на патиштата низ котлини, речни долини и клисури, каде што постои можност од појава на одрони, особено на делниците Катланово – Велес, Маврово – Дебар – Струга, Виница – Берово и Кочани – Делчево.

Од АМСМ информираат и дека патниот правец Охрид – Ресен преку Националниот парк Галичица е затворен за сообраќај за сите видови возила во периодот од 21 ноември 2025 до 31 март 2026 година.

The post СООБРАЌАЈОТ СЕ ОДВИВА НЕПРЕЧЕНО Влажни коловози и апел за внимателно возење appeared first on plusinfo.mk.

Сообраќајниот метеж и блокадите што со години се повторуваат во зимските туристички центри Маврово и Попова Шапка, годинава треба да се спречат со засилени полициски мерки и поинаков режим на движење. Од СВР Тетово информираат дека и оваа сезона се применува кружен тек на сообраќај, со цел да се избегнат застои и целосно блокирање на патиштата.

Сепак, најголем проблем и понатаму се несовесните возачи кои не ги почитуваат правилата, како и возилата паркирани покрај коловозот. Токму таквото паркирање, велат од полицијата, го оневозможува чистењето на снегот и на одредени делници кон Маврово и целосно го укинува двонасочниот сообраќај.

Пред почетокот на зимската сезона, СВР Тетово одржала повеќе средби со сопственици и менаџери на хотели и угостителски објекти во Маврово и на Попова Шапка. На нив им било укажано да преземат мерки за безбедноста на гостите, но и да обезбедат доволен број паркинг места за посетителите, за да се избегне хаосот на патиштата.

Од полицијата потсетуваат дека во минатите години честопати биле принудени дополнително да ангажираат полициски службеници од други подрачја, кои рачно го регулирале сообраќајот и ги расчистувале блокадите. За да не се повтори тоа сценарио, граѓаните се повикуваат строго да ги почитуваат сообраќајните правила, да не паркираат на коловоз и да не тргнуваат кон планинските центри без задолжителна зимска опрема.

Во случај возилата да го попречуваат сообраќајот, ќе бидат ангажирани и пајак-службите од Тетово и Гостивар, а прекршителите ќе бидат санкционирани согласно законот.

Од СВР Тетово порачуваат дека само со одговорно однесување може да се обезбеди безбедно и непречено движење за сите посетители на зимските туристички центри.

The post 📽️ 📷 СТРОГ РЕЖИМ ВО МАВРОВО И НА ПОПОВА ШАПКА Кружен сообраќај и казни за несовесни возачи appeared first on plusinfo.mk.

Патниот правец Струга – Ќафасан од 11 часот е пуштен за сите видови возила, информира АМСМ.

Сообраќајот на државните патишта се одвива во зимски услови, по влажни оловози. Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но, според АМСМ, во моментот не претставуваат пречка за одвивање на сообраќајот.

АМСМ потсетува дека граничниот премин Богородица (ГП Евзони) од 17 часот ќе биде затворен за сите видови возила.

Поради протест на грчките земјоделци, денеска, од 10 часот, на ГП Ники (ГП Меџитлија) има забрана за движење товарни возила, која ќе биде во наредните 48 часа, заклучно со 10.1.2026 г. во 10 часот. Сообраќајот за патнички моторни возила ќе се одвива со нормален тек.

Во сила е законската обврска за задолжително поседување зимска опрема во возилата.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post ПАТОТ СТРУГА-ЌАФАСАН ПОВТОРНО ДОЗВОЛЕН ЗА СИТЕ ВОЗИЛА Беше забранет за камиони и автобуси appeared first on plusinfo.mk.

Сообраќајот на државните патишта се одвива во зимски услови, по влажни коловози. Врнежи од снег со променлив интензитет се бележат во Куманово, Страцин, Крушево, Железнец, како и на планинските превои Стража, Буково, Ѓавато и Пресека, но во моментов не преставуваат пречка за сообраќајот.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Поради временските услови патниот правец Охрид – Ресен, преку националниот парк Галичица е затворен за сообраќај за сите видови возила.

Од 05.15 часот утрово, поради врнежи од снег, забранет е сообраќајот за тешки товарни возила на патниот правец Струга – Г.П. Ќафасан.

Поради протест на грчките земјоделци, од денеска со почеток во 10:00 часот на Граничниот премир Ники-Меџитлија, има забрана за движење на товарни возила во наредните 48 часа заклучно со 10.01.2026 во 10:00 часот. Сообраќајот за патнички моторни возила ќе се одвива со нормален тек.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ потсетува дека во сила е законската обврска за задолжително поседување на зимска опрема во возилата, без оглед на моменталната временска состојба.

The post СНЕГОТ ГО ОТЕЖНА СООБРАЌАЈОТ НА ПЛАНИНСКИТЕ ПРЕВОИ Забрана за тешки возила на Меџитлија и на Ќафасан appeared first on plusinfo.mk.

Граничниот премин Богородица – Евзони вечерва од 19 часот е целосно затворен за сите типови возила, поради блокади поставени од грчките земјоделци, информира Авто-мото сојузот на Македонија (АМСМ). Сообраќајот кон Грција преку овој премин е во целосен прекин, а засега нема информации кога би можел повторно да се отвори. Сообраќајот на ГП Меџитлија (НИКИ) и ГП Дојран се одвива нормално.

Од македонска страна, на останатите гранични премини нема подолги задржувања, а сообраќајот на државните патишта се одвива непречено и по претежно суви коловози. Интензитетот на движење надвор од градските средини е умерен.

АМСМ потсетува дека од 15 ноември е активна законската обврска за задолжително поседување зимска опрема, која важи до 15 март 2026 година, без разлика на моменталните временски услови.

Возачите се предупредуваат на зголемено внимание, особено на делниците каде што е можен пад на камења и земја. Како критични точки се издвојуваат патните правци Катланово – Велес, Маврово – Дебар – Струга, Виница – Берово и Кочани – Делчево.

Од АМСМ апелираат да се почитува поставената сигнализација, да се вози со прилагодена брзина и да се управува внимателно, особено на котлинските региони, клисурите и речните долини каде што условите може брзо да се променат.

The post ВЛЕЗ ВО ГРЦИЈА САМО ПРЕКУ ДОЈРАН И МЕЏИТЛИЈА Блокадите на земјоделците го стопираа сообраќајот кон Евзони appeared first on plusinfo.mk.

Од денеска до 15 март започнува законската обврска за задолжително поседување на зимска опрема во возилата, без оглед на моменталната временска состојба, соопшти АМСМ.

Повеќе информации може да прочитате на овој линк.

АМСМ информира и дека сообраќајот на патиштата се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post ОД ДЕНЕСКА ЗИМСКАТА ОПРЕМА ВО ВОЗИЛАТА Е ЗАДОЛЖИТЕЛНА Обврската завршува на 15 март appeared first on plusinfo.mk.

The post НЕ ЗАБОРАВАЈТЕ JA ЗИМСКАТА ОПРЕМА Од 15 ноември треба да ја имате на возилата appeared first on plusinfo.mk.

Поради врнежи од снег, на патниот правец Тетово – Попова Шапка од 18 часот се воведува задолжителна употреба на зимска опрема (ланци) за сите видови возила, соопштија денеска од ЈП „Македонија пат“.

Денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.

Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17 часот забрана за сообраќај за тешки товарни возила на патниот правец Ресен – Охрид преку планинскиот превој Буково.

Како што соопштија од АМСМ, сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“.

The post ЗАДОЛЖИТЕЛНА ЗИМСКА ОПРЕМА ВО ПРОЛЕТ Патот Тетово – Попова Шапка не се вози со „летни“ гуми appeared first on plusinfo.mk.