Градското Собрание на Лос Анџелес во американската сојузна држава Калифорнија, во чест и сеќавање на жртвите од трагедијата во Кочани, беше осветлено во боите на македонското знаме – во црвена и жолта боја, од вчера во 20:00 часот до утрово во 6:00 часот, по локално време.

Од македонската православна црква Пресвета Богородица во Лос Анџелес изразија солидарност со семејствата на настраданите и благодарност за организирањето на овој настан од советник во локалната власт на Лос Анџелес во знак на оддавање почит на жртвите од неодамнешната трагедија во Кочани.

„Изразуваме длабока солидарност со луѓето во Кочани, со глобалната македонска заедница и со сите погодени, додека продолжуваме да жалиме за оваа срцепарателна загуба. Оваа трогателна почит, која се оддава на три месеци од несреќата, ќе биде потсетник дека нашето единство и сочувство, дури и преку океаните, остануваат непоколебливи. Искрено му благодариме на градскиот советник Сото – Мартинез од областа 13, на неговиот прекрасен тим и на градот Лос Анџелес за нивната солидарност со македонскиот народ“, се вели во објавата на фејсбук профилот на македонската црква.

Градскиот советник Хуго Сото – Мартинез по повод настанот насловен „Македонски ден на сеќавање“ во чест и сеќавање на жртвите од трагедијата во Кочани изрази жалење за загубата на 62 животи и како што наведува „солидарност со македонскиот народ во неговата борба за правда, исцелување и надеж за посветла иднина“.

„Македонската заедница во Атвотер Вилиџ и пошироко низ Лос Анџелес, иако малубројна, е енергична и длабоко вкоренета уште од 1960-те години. Како град длабоко жалиме за загубените 62 животи во пожарот во ноќниот клуб „Пулс“ и ја изразуваме нашата солидарност со македонскиот народ во неговата борба за правда, исцелување и надеж за посветла иднина“, напиша на својот фб профил градскиот советник Сото – Мартинез во областа 13.

На 16 јуни се навршија три месеци од трагедијата во Кочани. Во пожарот во дискотеката „Пулс“, што се случи на 16 март во раните утрински часови, загинаа 62 лица, а околу 200 беа повредени. По завршување на истрагата 34 физички и три правни лица се обвинениети за тешки дела против општата сигурност.

The post 📷 ГРАДСКОТО СОБРАНИЕ ВО ЛОС АНЏЕЛЕС БЛЕСНА ВО БОИТЕ НА МАКЕДОНИЈА Во чест на жртвите во Кочани appeared first on plusinfo.mk.

Со едноминутен молк пред дискотеката „Пулс“, како симбол на задоцнетата институционална реакција точно во 12.05, родители, спортисти и граѓани им одадоа почит на 62 млади луѓе кои на 16 март ги изгубија своите животи во пожарот.

Кочани се обедини во чест на загинатите. Велосипедската тура во која учествуваа над 300 велосипедисти ја иницираа родителите и кочанската локална самоуправа.

– Дали треба да ни се случат трагедија за да си подадеме рака и да се сплотиме, да си бидеме поддршка и да сме сите задно. Заедно сме и даваме поддршка на сите повредени, посакувајќи им побрзо оздравување. Овде сме и не се откажуваме, ќе се бориме, не се предаваме. Заслужуваме одговори и инсистираме за нив – изјави Жаклина Пауновсска Ангеловиќ

Во трката се вклучени повеќе од 300 спортисти, а ќе има и спортисти кои ќе трчат.

Истрагата за дискотеката „Пулс“, како што претходно информираше јавниот обвинител Љупчо Коцевски, треба да заврши на 17 јуни.

The post СПОРТИСТИТЕ ОДДАДОА ПОЧИТ ЗА ЖРТВИТЕ ОД ПОЖАРОТ Едноминутен молк пред дискотеката „Пулс“ appeared first on plusinfo.mk.