За потсетување, шефот на ЕУ дипломатијата, Жозеп Борел, минатата недела пред студенти во Колеџот на Европа изјави дека Европа е „градина”, а остатокот од светот „џунгла” и дека „џунглата сака да ја освои градината”. Овие изјави, со колонијален призвук, наидоа на бројни осуди и критики, како во земјите од “Глобалниот Југ”, така и во земји како Канада. Борел неколку дена подоцна ја „дообјасни” изјавата на својот блог, но не се извини. Додека Европската Комисија порача дека тој ужива „целосна поддршка”.

Во контекст на војната во Украина и глобалните тензии, изјавите на Борел се сметаат се невешти, особено со оглед на тоа дека ЕУ се труди да го убеди незападниот дел од светот да воведе санкции против Русија.

Денеска Европската мрежа за борба против расизам, каде членуваат бројни невладини организации од сите земји членки на ЕУ, и која се бори против расизмот, ксенофобијата и антисемитизмот во ЕУ, остро ги осуди и изјавите на првиот ЕУ дипломат и фактот што тој не понуди извинување, освен куса изјава во која рече дека жали ако некои луѓе се почувствувале навредено.

Европската мрежа за борба против расизмот, ЕНАР; денеска реагираше и ја нарече реакција на Борел „неспособност да размисли за штетните последици на давање вакви изјави полни со евроцентристички метафори”.

„Во клима на растечка закана од екстремната десница, високите претставници не треба да ја потценуваат тежината на зборовите што ги користат, особено кога тие можат да поттикнат расистички дискурс и говор на омраза во заедниците“, порачаа од органиацијата.

Директорот на организацијата, Ожеаку Нвабузо, рече дека е „разочарувачки” што Борел не признава дека неговата аналогија за градина и џунгла е проблематична.

– Како висок претставник на ЕУ неговите изјави имаат многу реални последици врз етничките заедници кои се веќе жртвено јагне во Европа – изјави директорот.

ЕНАР изразува „посебна загриженост” за описот на Европа како градина и остатокот од светот како џунгла, бидејќи тој ја игнорира реалност на колонијалното минато на Европа и сегашните неоколонијални политики на Европа кои и натаму имаат штетни последици врз земјите од „Глобалниот Југ”.

Организацијата уште еднаш повика институциите на ЕУ да се фокусираат на потемелно размислување за длабоките промени во европските општества и конечно да се ослободат од евроцентристичките и колонијални гледишта. 

The post БОРЕЛ ОБВИНЕТ ЗА РАСИСТИЧКА ИЗЈАВА „Европа е градина, a остатокот од светот е џунгла кој сака да нѐ освои“ appeared first on plusinfo.mk.

Шефот на  европската дипломатија,  Жозеп Борел, изјави дека ЕУ треба да се откаже од принципот на едногласност и вето, што ја спречува да носи важни одлуки откако проширувањето се врати на дневниот ред на Унијата.

Тој изјави дека идејата за „европска политичка заедница“ или „европска втора лига“ каде би било избегнато ветото, на францускиот претседател Емануел Макрон била прифатена од сите лидери на минатонеделниот самит на ЕУ.

– Европската политичка заедница може да им овозможи на земјите кандидати веднаш да учествуваат во различните политики на ЕУ. Може да вклучи и, доколку сакаат, одредени земји од кои не се бара да се приклучат на Унијата, како Норвешка, Швајцарија или Обединетото Кралство – рече Борел.

Борел напиша авторски текст за резултатите од минатонеделниот самит, јавува Анадолија.

„Како што го поттикнуваме проширувањето на ЕУ, така треба да направиме сличен напор за реформирање на ЕУ и нашето одлучување. Затоа што проширената ЕУ треба да може полесно да дејствува. Тоа значи и стеснување на опсегот на правилата за консензус во надворешната политика и другите области и донесување повеќе одлуки со квалификувано мнозинство“, напиша Борел.

Борел истакна дека на ЕУ ѝ требаше еден месец за да го прифати шестиот пакет санкции против Русија на крајот на мај, но некои од точките договорени во Советот (како што е санкцијата за патријархот Кирил на Руската православна црква) не може да се рефлектирана во финалниот пакет.

– Искусивме слична динамика во почетокот на пристапните преговори со Северна Македонија и Албанија, при што една земја (Бугарија) блокираше одлука што сите други би можеле да ја прифатат – рече Борел.

Борел посочи дека системот на едногласност има негативни последици за кредибилитетот и ефикасноста на ЕУ.

The post БОРЕЛ БАРА ЕУ ДА СЕ ОТКАЖЕ ОД МОЖНОСТА ЗА ВЕТО Идејата за „втора лига“ ја поздравиле сите лидери на самитот appeared first on plusinfo.mk.