Високиот претставник на Европската унија за надворешна политика и безбедност, Жозеп Борел, пристигна денеска во Киев каде што има намера да ја увери Украина за поддршката на Европската унија (ЕУ), пренесе Бета.

Тоа е прва посета на висок европски функционер по победата на републиканецот Доналд Трамп на претседателските избори во САД.

Победата на Трамп ги загрижува Украина и Европа кои стравуваат дека новиот американски претседател ќе ја прекине поддршката на Вашингтон за Киев во борбата против руската инвазија.

• ЕВРОПА ЌЕ ГО НОСИ ЦЕЛИОТ ТОВАР НА ГРБ Чешкиот претседател стравува дека договорот меѓу Трамп и Путин ќе биде штетен за ЕУ

– Пораката е јасна. Европејците ќе продолжат да ја поддржуваат Украина. Ние ја поддржуваме Украина од самиот почеток, а за мојата последна посета на Украина ја пренесувам истата порака. Ќе ве поддржиме колку што можеме – рече Борел кој се очекува да ја напушти функцијата во декември.

За време на изборната кампања, Трамп го доведе во прашање продолжувањето на големата американска воена и финансиска помош за Украина и рече дека може бргу да постигне договор за ставање крај на војната.

– Никој не знае што точно ќе направи новата американска администрација – рече Борел, истакнувајќи дека претседателот во заминување, Џозеф Бајден, има уште два месеца да донесе одлуки.

Борел додаде дека ЕУ треба да ја искористи оваа можност за да изгради посилна и обединета Европа и да ја поддржи Украина.

Институтот „Кил“ посочува дека од почетокот на руската инвазија врз Украина, на 24 февруари 2022 година, Европа потрошила околу 125 милијарди долари за поддршка на оваа земја, додека, пак, САД издвоиле повеќе од 90 милијарди долари.

The post ЕУ ЈА ПОДДРЖУВАШЕ УКРАИНА ОД САМИОТ ПОЧЕТОК И ЌЕ ПРОДОЛЖИ ДА ЈА ПОДДРЖУВА Борел допатува во Киев за да го смири Зеленски по победата на Трамп appeared first on plusinfo.mk.

Тој истакна и дека процесот на европска интеграција на Србија и на Косово зависо од нормализацијата на нивните односи.

На прес-конференцијата, откако Колеџот на комесари го усвои Пакетот за проширување за 2024 година, Борел рече дека во дијалогот меѓу Белград и Приштина се постигнати многу договори, но дека „за жал, прашањето за имплементација уште не е решено“.

– И за Србија и за Косово динамиката на проширувањето и напредокот во дијалогот со цел нормализирање на односите, мора да одат рака под рака. Не може едното да се направи, а другото не – рече Борел.

Шефот на европската дипломатија истакна дека напредокот кон ЕУ и дијалогот се меѓусебно зависни и бараат одредени напори, но дека овие напори на крајот ќе се исплатат, особено за граѓаните.

Тој изрази надеж дека Охридскиот договор ќе се спроведе и дека ќе доведе до нормализирање на односите, а подоцна и до членство во ЕУ.

Борел зборуваше и за неопходноста од усогласување на земјите кандидати за членство со надворешната и безбедносната политика на ЕУ, посочувајќи дека тоа е показател дека кандидатите ги споделуваат европските вредности и геополитички цели.

– Едноставно не можете да одржувате односи со Русија и да се преправате како ништо да не се променило и да очекувате вашата земја да биде дел од ЕУ во таква ситуација. Мора да изберете едно или друго – истакна Борел.

Тој рече дека некои земји целосно се усогласиле со политиката на ЕУ, споменувајќи ги Македонија, Албанија, Црна Гора, Босна и Херцеговина и Косово, како и дека Украина и Молдавија значително го подобриле усогласувањето со надворешната и безбедносната политика на ЕУ.

– Порано или подоцна треба да ја усогласите вашата надворешна и безбедносна политика со политиката на ЕУ. Во спротивно, прашањето за членство ќе биде загрозено – рече Борел.

Посочувајќи дека членството во ЕУ е стратешки избор, Борел рече дека алтернативите можеби ќе бидат полесни на краток рок, но дека тоа може да ги чини подоцна.

– Ова е последниот пакет за проширување на оваа Комисија – рече Борел.

Тој потсети дека во 2019 година имало пет кандидати за членство, а денес има девет, како и еден потенцијален кандидат.

– Тоа покажува дека ЕУ е еден вид магнет што ги привлекува луѓето и соседните земји – рече Борел, додавајќи дека граѓаните во земјите кандидати веќе имаат опипливи придобивки во нивниот секојдневен живот од постепената интеграција.

Борел додаде дека ЕУ не само што треба да биде поголема, туку и посилна.

– Сакаме нови држави, но сакаме да бидеме посилни заедно со нив – рече Борел.

Во соопштението на Комисијата се наведува дека проширувањето останува процес заснован на заслуги и зависи од објективниот напредок на сите партнери, како и од одлучноста во спроведувањето на неповратни реформи, во сите области на правото на ЕУ.

The post НЕ МОЖЕ И ВРСКИ СО РУСИЈА И ЧЛЕНСТВО ВО ЕУ Борел упати остри пораки до Србија appeared first on plusinfo.mk.

Борел предупреди дека некои од овие кризи би можеле да ескалираат во голема глобална конфронтација „во време кога светот стана мултиполарен, а мултилатералниот систем кој треба да го одржува мирот е длабоко ослабен“.

– Ние Европејците се соочуваме со две брутални војни во близина на нашите граници и многу тензии кои лесно можат да излезат од контрола – во Либија, во Сахел, на Западен Балкан, на Кавказ, во Судан, на југот на Африка, на границите на Демократска Република Конго, во Заливот, во Јужното Кинеско Море, во Јужна Азија и со бандите и наркокартелите во Латинска Америка и Централна Америка – рече Борел.

Тој додаде дека дури и институциите кои се срж на системот на Обединетите нации, како што е Меѓународниот суд на правдата (МСП), може да бидат ослабени.

– Доколку не се почитуваат пресудите на Меѓународниот суд на правдата, светот ќе биде во многу полоша ситуација. И следниот пат нема повторно да се повикуваме на Меѓународниот суд на правдата ако овој пат неговата пресуда не биде спроведена – а не беше – нагласи Борел.

Во Брисел се одржа вториот Шуманов безбедносен и одбранбен форум на кој се собраа политичари, високи носители на одлуки, воени претставници на земјите-членки на ЕУ и повеќе од 60 земји партнери, како и претставници на меѓународни и регионални организации и академски заедници.

The post ЕВРОПА СЕ СООЧУВА СО ДВЕ ВОЈНИ Многу тензии може да излезат од контрола, предупреди Борел appeared first on plusinfo.mk.

– Наметнувањето вето ги пролонгира конфликтите и масакрите, истакна Борел пред учесниците на Шумановиот безбедносен форум организиран од Европскиот парламент во Брисел.

На состанокот присуствуваат 500 учесници од 70 земји и организации од целиот свет.

– Ќе се разговара за прашањата за кибер безбедноста, одбраната, антитероризмот и хибридните закани, прецизира Борел.

Тој додаде дека разговорите ќе ги опфатат војните во Украина и Појасот Газа, но истакна дека тоа не се единствените „жешки точки“ во светот денес.

– Политиката на силата се врати. Мора да се обединиме во отфрлањето на нормализацијата на употребата на сила. Сведоци сме на зголемување на случаите на поморски пирати. Светскиот океан и Вселената ќе бидат следните бојни полиња, таму ќе се множат заканите – предупреди Борел

Во 2022 година имало вооружени конфликти во 56 земји, додека во 2020 година бројот на овие земји бил 30, посочи Борел.

Тој додаде дека ЕУ поддржува повеќе од 20 земји во областа на одбраната и мирот.

The post ОБЕДИНЕТИТЕ НАЦИИ СЕ ПАРАЛИЗИРАНИ ОД ВЕТО Се врати политиката на силата, предупреди Борел appeared first on plusinfo.mk.

– Сметам дека тоа е сосема логично. Украина е земја која се брани од руска агресија, ја штити својата територија и своето цивилно население. Како земја која е нападната, таа секако има целосно право да ги искористи сите можности за своја одбрана – рече Фијала за апелот на генералниот секретар на НАТО Јенс Столтенберг сојузниците да го укинат ембаргото за цели во Русија за оружјето што го испратиле.

Чешкиот премиер ги демантираше вестите во неколку германски медиуми дека некои сојузници на НАТО размислуваат да испратат свои војници во Украина доколку ситуацијата на фронтот драстично се влоши за да не чекаат да се појави руската армија на нивните граници.

– Тоа се работи кои се појавуваат некаде во медиумите. Тоа не е нешто што би било на маса во овој момент. Ние се обидуваме да ги искористиме методите за поддршка што ги развивме во последните две години и се обидуваме тие методи да ги направиме што е можно поефикасни и да и овозможиме на Украина да се одбрани – рече чешкиот премиер.

Фијала посочи дека на денешната работна вечера ги поканил претседателот на Полска и премиерите на Данска, Холандија, Летонија и Украина токму за подобра координација и зголемување на помошта за Украина во оружје, како и финансиска и хуманитарна помош.

– Во тешка фаза сме, украинската одбрана е во многу тешка ситуација, но мислам дека некои чекори, секоја иницијатива за муниција и фактот дека САД одобриле помош и сега целосно и помагаат на Украина, може да ја сменат ситуацијата на фронтот – рече Фијала.

Чешкиот премиер потврди дека во јуни на фронтот ќе пристигнат првите пратки со муниција од иницијативата што Чешка ја покрена во февруари, а во која се вклучија повеќе од 20 земји, за итна набавка на 800.000 парчиња артилериска муниција за украинската армија.

Високиот претставник на ЕУ, Жозеп Борел денеска ги повика членките на Унијата да најдат рамнотежа меѓу стравот од ескалација и потребата Украинците да се бранат, оценувајќи дека Киев треба да може да гаѓа на руска територија со западно оружје.

– Според правилата на војувањето тоа е сосема можно, нема противречност, можам да одговорам или да се борам против оној што ме напаѓа од моја територија. Потребна е рамнотежа меѓу ризикот од ескалација и потребата Украинците да се бранат – изјави Борел пред состанокот на министрите за одбрана на ЕУ во Брисел.

Во европските градови се води расправа за тоа дали на Украина треба да и се дозволи или не да го користи оружјето што и го дадоа западните земји за да гаѓа цели на руска територија.

Генералниот секретар на НАТО Јенс Столтенберг рече дека го поддржува тоа, но неколку земји кои се сојузници на Украина, вклучително и Германија и САД, се воздржуваат и стравуваат од директен конфликт со Москва.

Германската државна секретарка за одбрана Сиемтје Молер денеска го повтори категоричното противење на Берлин.

– Германија донесе суверена одлука – рече таа.

Украина редовно врши притисок врз своите западни партнери, особено Вашингтон, кој е нејзин главен снабдувач со оружје, да одобри употреба на западно оружје со поголем дострел против цели во Русија.

Столтенберг вчера изјави дека Киев „има право да се брани“ и затоа „има право да гаѓа легитимни воени цели надвор од Украина“.

Неколку европски земји, вклучувајќи ги Естонија и Холандија, поддржуваат таква опција.

– Никогаш не сум ја исклучила и се надевам дека другите земји кои имаат поинаков став ќе го променат -изјави холандската министерка за одбрана Кајса Олонгрен по пристигнувањето на средбата во Брисел.

The post „УКРАИНА ИМА ПРАВО ДА СЕ БРАНИ“ Европа дава зелено светло за употреба на западно оружје и на руска територија appeared first on plusinfo.mk.

Борел и Вархеји, во заедничката изјава, велат дека изборите биле конкурентни со почитување на основните слободи, но посочуваат дека изборниот процес и понатаму останува недоволно регулиран.

„ЕУ и честита на претседателката Силјановска-Давкова за изборот и со нетрпение очекува да работи со новиот претседател, првата жена шеф на државата во Северна Македонија. Ги охрабруваме релевантните политички актери да работат на формирање парламент и стабилна влада. Двете институции треба да работат заедно за да го унапредат патот на Северна Македонија кон ЕУ, вклучително и со спроведување клучни реформи особено во областа на владеењето на правото и борбата против корупцијата, во интерес на сите нејзини граѓани“ – се наведува во соопштението на Европската служба за надворешни работи.

Високите претставници на ЕУ, посочуваат дека Македонија направи одлучувачки чекори во процесот на пристапување во ЕУ и сега ќе биде важно да се имплементираат преостанатите обврски неопходни за отворање на првиот кластер во процесот на пристапување.

„ЕУ и Северна Македонија споделуваат силно партнерство. Земјата целосно се усогласи со заедничката надворешна и безбедносна политика на ЕУ и очекуваме нашата соработка да продолжи и понатаму да се развива“ – се наведува во соопштението.

Европската унија забележува дека заедничката меѓународна набљудувачка мисија на изборите од ОДИХР и ОБСЕ, Европскиот парламент и Парламентарното собрание на Советот на Европа, двојните избори ги окарактеризира како конкурентни, со почитување на основните слободи.

„Иако законската изборна рамка ја постави основата за демократски избори, некои одредби не беа во согласност со меѓународните стандарди, во однос на еднаков пристап до медиумите, одговорност за државното финансирање и пристап до правна заштита. Неодамнешните измени на Изборниот законик беа воведени доцна и не ги одразуваа препораките на ОДИХР“ – велат од Европската служба за надворешни работи.

Откако Меѓународната мисија за набљудување на изборите ќе ги издаде своите конечни препораки за идните избори, Европската унија очекува сите политички актери, релевантни институции и засегнати страни да ја покажат својата посветеност за зајакнување на демократијата преку заедничка работа за да ги спроведат тие препораки брзо и многу пред следните избори.

The post ИЗБОРИТЕ ПОМИНАА ВО МИРНА И ДЕМОКРАТСКА АТМОСФЕРА Борел и Вархеји единствено имаат забелешка на регулативата за изборниот процес appeared first on plusinfo.mk.

Тој го изјави ова пред разговорите со шпанскиот министер за надворешни работи Хозе Мануел Албарес, а исто така ја поздрави и одлуката на Мадрид наскоро да ја признае палестинската државност.

– Шпанија има став за Палестина, кој за многумина е вкоренет во принципите на одбрана на човековите права. Ако неколку земји го направат чекорот, сигурен сум дека ќе следат уште повеќе. Одлично е што оние кои навистина веруваат во решение со две држави, го покажуваат тоа со дела – рече Борел.

Ирската телевизија RTE вчера објави дека Шпанија, Ирска, Словенија и другите земји-членки размислуваат за признавање на палестинската држава на 21 мај. Шпанскиот министер за надворешни работи денеска изјави за новинарите дека не може да го потврди датумот, но нагласи дека „одлуката за признавање на Палестина е донесена“.

Борел рече дека Шпанија и другите земји покажуваат посветеност на човековите права во Украина и со Палестинците и дека немаат двојни стандарди како некои европски нации.

– Кога некои од нашите европски колеги велат „премногу мртви во Газа, каква штета!“, прашањето е – колку е премногу? Дали треба да почекаме додека не умрат 50.000 луѓе за да направиме нешто? – праша Борел.

Израелската армија во вторникот започна инвазија на источниот дел на Рафах, окупирајќи ја палестинската страна на преминот Рафах со Египет, со што ја затвори единствената врска на Газа со надворешниот свет.

The post ИЗРАЕЛ ЌЕ ПРЕСТАНЕ ДА ФРЛА БОМБИ САМО АКО ГИ НЕМА! Борел го поддржа признавањето на палестинската држава appeared first on plusinfo.mk.

Иран истрела стотици ракети и беспилотни летала врз Израел во саботата навечер во знак на одмазда за израелскиот напад врз конзулатот на Техеран во Дамаск, во кој загинаа неколку офицери на Иранската револуционерна гарда, вклучително и двајца високи команданти.

Израел ниту ја потврди ниту ја негираше одговорноста за воздушниот напад извршен на 1 април во сириската престолнина.

– Ние сме на работ на бездна и мораме да се повлечеме од неа. Мораме да притиснеме на сопирачките и да префрлиме во друга брзина – изјави шефот за надворешна политика на ЕУ за шпанското радио Онда Серо.

Борел, исто така, рече дека очекува израелски одговор на иранскиот воздушен напад, но дека се надева дека тоа нема да доведе до дополнителна ескалација на конфликтот.

Според неговите зборови, постои „длабока поделба“ во израелската десничарска владејачка коалиција меѓу тврдокорните политичари кои сакаат брутална одмазда и „поумерената и разумна“ фракција.

Шефот за надворешна политика на ЕУ, кој доцна синоќа разговараше со министерот за надворешни работи на Иран, Хосеин Амир Абдолахиан, рече дека ЕУ мора да одржува најдобри можни односи со Иран и покрај санкциите што Унијата ги воведе кон Исламската Република поради нејзината контроверзна нуклеарна програма и други прашања .

– Во интерес на сите е Иран да не стане нуклеарна сила и да преовладува мир на Блискиот Исток – посочи Борел.

The post БЛИСКИОТ ИСТОК Е НА РАБ НА БЕЗДНА Борел апелира за деескалација на конфликтот меѓу Израел и Иран appeared first on plusinfo.mk.

– Русија ѝ се заканува на Европа, како преку тековната војна во Украина, така и преку хибридните напади врз земјите-членки на ЕУ – истакна Борел во говорот пред делегатите на форумот „Нова економија“ во Брисел.

Војната се наѕира околу нас, истакна шефот на европската дипломатија.

– Конвенционална војна во Европа со висок интензитет повеќе не е фантазија и мора да направиме апсолутно сè за да ја избегнеме – рече Борел.

Ова е првпат поранешниот шпански министер за надворешни работи толку експлицитно да ја изложи руската закана, по неодамнешните предупредувања од воените началници и лидери во северна Европа за ризикот од нови руски напади надвор од Украина. Данскиот министер за одбрана во февруари рече дека Русија може да ја тестира солидарноста на НАТО во рок од три до пет години.

Борел изрази жалење поради тоа што западните сојузници на Украина не успеваат да ѝ ги обезбедат системите за противвоздушна одбрана кои на земјата итно и се потребни.

Киев неодамна побара од своите сојузници да испратат 7 системи за противвоздушна одбрана Патриот за да и помогнат на Украина да се спротивстави на руското бомбардирање на градовите и на инфраструктура.

– Би било незамисливо да не можеме да ги испорачаме, знаејќи дека западните војски располагаат со околу 100 ракетни батерии Патриот, а сепак не можат да ги испорачаат седумте што Украина очајно ги бара – истакна Борел на форумот „Нова економија“.

– Ситуацијата во Украина е исклучително тешка, бидејќи руската воена машинерија работи со полна брзина. Треба да направиме повеќе и побрзо за да им помогнеме да ја добијат потребната опрема – нагласи шефот на европската дипломатија.

Борел ги повика европските земји брзо да ги зголемат своите одбранбени способности.

– Околу 80% од набавките на оружје се прават надвор од Европската Унија, а од тие набавки на оружје што се направени надвор од ЕУ, 80% отпаѓаат на оружје направено во САД – додаде Борел со препорака дека треба да се стави крај на оваа „зависност“ од САД.

Тој, исто така, ја истакна потребата Европа да ја развие својата автономија на полето на одбраната и безбедноста, вклучително и во рамки на НАТО.

Фајненшл Тајмс пишува дека конфликтот на границата на ЕУ покажа недоволно инвестирање во одбранбената индустрија и воените капацитети на блокот.

„Исто така, ги исплаши политичките центри кои се загрижени дека САД би можеле да се повлечат од својата долгорочна улога како крајна безбедносна гаранција на континентот доколку Доналд Трамп се врати во Белата куќа по американските претседателски избори во ноември“ – пишува Фајненшл Тајмс.

Трамп, за кој анкетите покажуваат дека е во тесна трка со претседателот Џо Бајден, се закани дека нема да ги брани сојузниците на НАТО во Европа кои не трошат доволно за одбрана. Тоа доаѓа во време на поширок политички притисок во Вашингтон да ја фокусира својата воена моќ повеќе на Азија отколку на Европа.

– Американскиот чадор, на кој се потпираме уште од Студената војна, можеби нема да биде отворен постојано. Можеби, во зависност од тоа кој владее со Вашингтон, нема да  можеме да се потпреме на Америка да не заштити. Во рамките на Унијата, приоритетите за поединечни членки може да се променат – истакна Борел.

Европските земји, кои претходно ги намалија трошоците за одбрана во децениите по крајот на студената војна, сега ги засилија инвестициите во својот одбранбен индустриски производствен капацитет во обид да ги зголемат испораките за Украина и повторно да ги вооружат сопствените сили.

– Но, потребни се повеќе инвестиции, имајќи предвид дека безбедносната ситуација во Европа е во „егзистенцијална криза. Потребен ни е нов меѓувладин инструмент за финансирање. . . нешто слично со оној што го создадовме за време на финансиската криза во еврозоната – рече Борел.

Некои лидери на ЕУ повикаа тоа финансирање да се подигне преку заеднички одбранбени обврзници, додека други, кои се спротивставуваат на идејата за поголем заеднички долг, поддржуваат олабавување на правилата што ќе му овозможат на буџетот на ЕУ да финансира оружје.

The post ЕВРОПА МОРА ДА СЕ ПОДГОТВИ ЗА ГОЛЕМА ВОЈНА! Шефот на европската дипломатија упати сериозно предупредување appeared first on plusinfo.mk.

Стабилноста најдобро се овозможува со проширувањето, изјави високиот претставник на ЕУ за надворешна политика и безбедност, Жосеп Борел, по пристигнувањето на самитот на Европскиот совет во Брисел.

Тој рече дека проширувањето е „најсилниот капацитет за стабилност“ што го има ЕУ, не само кога станува збор за Украина, туку и за земјите-кандидати на Балканот и рече дека затоа е важно да се донесат правилни одлуки на денешниот самит.

Борел на новинарите пред самитот им изјави дека прашањето за проширувањето ќе биде важен дел од дискусиите на самитот што се одржува денеска и утре.

– Проширувањето е најважната надворешна политика – нагласи Борел.

Високиот претставник на ЕУ за надворешна политика и безбедност пред самитот во Брисел изјави дека ЕУ мора да ја поддржи Украина „колку што е можно“ и посочи дека тоа е егзистенцијално прашање за Европа.

Тој посочи дека за време на самитот ќе ги извести лидерите за работата поврзана со безбедносните обврски на Украина.

The post ПРОШИРУВАЊЕТО ЌЕ ОВОЗМОЖИ СТАБИЛНОСТ НА ЕУ Борел побара поддршка за Украина на самитот во Брисел appeared first on plusinfo.mk.