Португалскиот тренер Жозе Мурињо стапил во контакт со челниците на Бенфика за да ги увери дека не стои зад видеото во кое е прикажан во дрес на Реал Мадрид. Португалските медиуми објавија дека искусниот тренер смета оти снимката е изработена со помош на вештачка интелигенција.

Контроверзната снимка пре дизвика бура откако беше објавено на веб-страницата на Флорентино Перез, претседателот на „тимот од Сантијаго Бернабеу“.

Видеото се појави на интернет во момент кога се засилија шпекулациите за можно враќање на Мурињо ка Кралевите. Во кратката снимка Португалецот е прикажан во дрес на Реал Мадрид и го изговара само зборот „да“.

Покрај видеото беше објавена и пораката:

„Има уште многу историја што треба да се напише“.

Над написот со големи букви стои „Гласај“ (Vota).

MOUcha historia por hacer. pic.twitter.com/7wLmDk8r2M

— Florentino 2026 (@Florentino2026_) June 3, 2026

Загреана клупа во Реал

Актуелниот прв човек на Реал Мадрид распиша предвремени избори по турбулентната сезона, а противкандидат му е Енрике Рикелме.

Во дел од шпанските медиуми се појавија информации дека Перез е подготвен повторно да му ја довери клупата на Мурињо доколку добие нов мандат.

Покрај тренерското прашање, се споменуваат и неколку можни засилувања за тимот. Меѓу нив се Дензел Дамфрис и Ибрахим Конате.

15 милиони евра на чекање

Противкандидатот Енрике Рикелме најави поинаква визија за иднината на клубот. Тој порача дека сака да го донесе Родри на „Сантијаго Бернабеу“, како и еден од најпознатите тренери во светот.

Сепак, нагласи дека тоа не е Жозе Мурињо.

Во меѓувреме, португалскиот весник „Рекорд“ објави дека Реал Мадрид ја известил Бенфика за намерата да ја активира откупната клаузула од 15 милиони евра следната недела.

Според истиот извор, португалскиот клуб размислува за Марко Силва како можна замена доколку Мурињо замине.

The post 📽️ СНИМКАТА ОД МУРИЊО Е ВЕШТАЧКА ИНТЕЛИГЕНЦИЈА? Португалецот негира дека се договорил со Кралевите appeared first on plusinfo.mk.

Жозе Мурињо би можел повторно да седне на клупата на Реал Мадрид, откако познатиот новинар Фабрицио Романо објави дека португалскиот стратег и шпанскиот гигант постигнале договор за двегодишна соработка.

Според информациите што ги пренесува Романо, 63-годишниот Жозе Мурињо треба да пристигне во Мадрид по одигрувањето на последното коло од Ла Лига, кога Реал Мадрид ќе се соочи со Атлетик на 23 мај.

Доколку информацијата се потврди, ова ќе претставува негово враќање во клубот со кој веќе имаше успешен период помеѓу 2010 и 2013 година. Во тој мандат, Мурињо освои титула во шпанската Ла Лига, како и Купот на кралот и Суперкупот на Шпанија.

По заминувањето од Мадрид, португалскиот тренер ја продолжи својата кариера во неколку европски гиганти, меѓу кои Челзи, Манчестер Јунајтед, Тотехем, Рома, Фенербахче и Бенфика.

Претседателот Флорентино Перез индиректно ја потврди поддршката за враќањето на Мурињо.

– Тој веќе беше тука и го подигна нашето натпреварувачко ниво – изјави Перез кога беше прашан за Португалецот.

Во Реал веруваат дека првиот мандат на Мурињо од 2010 до 2013 година поставил темели за подоцнежната доминација на клубот во Лигата на шампионите, во која мадридскиот гигант освои четири титули во периодот од 2014 до 2018 година.

The post БОМБА ОД МАДРИД, „СПЕЦИЈАЛНИОТ“ СЕ ВРАЌА ВО РЕАЛ! По 13 години Мурињо пак на Бернабеу appeared first on plusinfo.mk.

Турскиот фудбалски гигант Фенербахче објави денеска дека ја прекинува соработката со португалскиот тренер Жозе Мурињо, два дена откако клубот од Истанбул беше елиминиран од Бенфика во плејофот за пласман во Лигата на шампионите.

„Му се заблагодаруваме за неговата досегашна работа со нашиот тим и му посакуваме многу успех во неговата идна кариера“, објави турскиот клуб.

Португалскиот тренер Мурињо, кој дојде во Истанбул од почетокот на сезоната 2024/2025, втора сезона не успеа да го одведе Фенербахче до групната фаза во Лигата на шампионите.

По ремито 0-0 во првиот натпревар против Бенфика, турскиот тим во средата вечер загуби со 1-0 на реваншот во Лисабон и ќе ги продолжи настапите во Лига Европа.

The post ФЕНЕРБАХЧЕ ГО ОТПУШТИ МУРИЊО Португалецот киксна во Лисабон appeared first on plusinfo.mk.

Жозе Мурињо и Столе Димитриевски во иста екипа – звучи како сценарио што би ги возбудило македонските љубители на фудбалот.

Турскиот великан Фенербахче сериозно го посакува македонскиот репрезентативен голман во своите редови.

Димитриевски во последно време речиси и да не добива шанса во Валенсија, што предизвикало разочарување и желба да ја смени средината.

Прв кој официјално се обидел да го привлече е токму Фенербахче, а покрај него, интерес покажале и Лил од Франција и Џенова од Италија.

Сепак, турскиот клуб засега е најупорен во намерата да го обезбеди неговиот потпис.

The post МУРИЊО ГО САКА ДИМИТРИЕВСКИ Фенербахче тргна по македонскиот голман appeared first on plusinfo.mk.

Тренерот на Фенербахче, Жозе Мурињо, повторно стана тема на дискусија откако на прес-конференцијата по натпреварот против Ренџерс во Лига Европа со своето однесување предизвика мешани реакции.

Додека еден турски новинар му поставуваше прашање, португалскиот стратег делуваше незаинтересирано и во еден момент дури и се преправаше дека спие, потпирајќи ја главата на раката.

Видно изнервиран од долгото прашање, тој кратко прокоментира: „Ова е премногу за мојата глава. Уморен сум“.

Оваа негова постапка брзо стана вирална на социјалните мрежи, а фановите на Фенербахче не беа воодушевени од однесувањето на нивниот тренер, особено по разочарувачкиот резултат – пораз од 1:3 во првиот натпревар.

Многумина го обвинија за непочитување кон медиумите, додека други го бранеа, велејќи дека тоа е дел од неговата препознатлива харизма.

Без разлика дали реакцијата на Мурињо беше само моментална фрустрација или дел од неговиот добро познат театар, јасно е дека неговото име повторно доминира во фудбалските кругови.

José Mourinho pretended to fall asleep after this journalist took too long to ask him a question

@tntsports & @discoveryplusUK pic.twitter.com/1nsy3N4nJV

— Football on TNT Sports (@footballontnt) March 6, 2025

The post 🎥 МУРИЊО ЗАСПА НА ПРЕС-КОНФЕРЕНЦИЈА Португалецот ги налути фановите, ама и новинарите appeared first on plusinfo.mk.

Турскиот фудбалски клуб Галатасарај планира да започне кривична постапка против тренерот на Фенербахче Жозе Мурињо, обвинувајќи го за расистички коментари по натпреварот од првенството меѓу двата истанбулски тимови.

По вчерашното реми што го одиграа Галатасарај и Фенербахче, португалскиот тренер наводно упатил навредливи коментари кон турскиот народ.

„Денес неговата реторика ескалираше. Официјално покажуваме намера за покренување кривична постапка во однос на расистичките изјави на Жозе Мурињо и соодветно ќе поднесеме официјални жалби до УЕФА и до ФИФА“, објави синоќа Галатасарај.

Мурињо оваа сезона беше суспендиран поради критики за судиите и лигата, а по синоќашниот натпревар изјави дека ја поздравува одлуката странски судија да го води натпреварот и го пофали Словенецот Славко Винчиќ за „одличниот настап“.

The post ГАЛАТАСАРАЈ МУ ОБЈАВИ ВОЈНА НА МУРИЊО Португалецот делел расистички коментари кон турскиот народ? appeared first on plusinfo.mk.

Станува збор за словачкиот интернационалец Милан Шкриниар, кој од ПСЖ се сели во Истанбул.

Шкриниар беше промовиран во авионот во кој од Париз требаше да лета кон Истанбул, за да го комплетира потписот на договорот.

Со тоа Жозе Мурињо добива екстра засилување за вториот дел од сезоната.

The post 📷 ШКРИНИАР ПРОМОВИРАН ВО АВИОН Жозе Мурињо доби големо засилување appeared first on plusinfo.mk.

Мурињо во изјава за телевизијата „Беин спортс“ ги критикуваше судијата Огужан Чакир и ВАР судијата – Атила Караоглан.

– Ги обвинувам луѓето од Фенербахче кои ме доведоа овде. Ми кажаа само половина вистина. Не ми ја кажаа целата вистина бидејќи да ми ја кажеа целата вистина немаше да дојдам. Но, со половина вистина и моите момци се бориме против противникот и системот. Тој (Караоглан) беше подготвен да досуди два пенали кои судијата не ги досуди, а потоа пиеше турски чај кога беше чист пенал за нас, а тој не го досуди – изјави Специјалниот по дуелот со Трабзонспор.

Фенер моментално е на третото место во турската прва лига со 5 бода помалку од лидерот Галатасарај.

– Човек на натпреварот беше Атила Караоглан – додаде Мурињо.

The post ШТО ЛИ МУ ТРЕБАШЕ ОВА? Мурињо е суспендиран и парично казнет поради изјава appeared first on plusinfo.mk.

Започна Европското првенство 2024 година. Германија и Шкотска го играат првиот натпревар.

Ложата на „Алијанц Арената“ вечерва врие од познати личности од фудбалот, но и надвор од него.

Една од поинтересните двојки се легендарните тренери Жозе Мурињо и Сер Алекс Фергусон.

Мурињо и Фергусон беа ривали, но и големи пријатели, отсекогаш имале почит еден кон друг.

Мурињо средбата со Ферги ја објави и на својот инстаграм профил:

 

View this post on Instagram

 

A post shared by Jose Mourinho (@josemourinho)

The post 📷 ЗАПОЧНА ЕВРОПСКОТО ПРВЕНСТВО Од ложата на „Алијанц Арената“ ве поздравуваат двајца големи пријатели appeared first on plusinfo.mk.

Според пишувањата во денешниот турски печат, Мурињо побарал од раководството на неговиот нов тим да се обиде да го ангажира Дибала во претстојниот летен преоден рок.

Дибала и Мурињо соработуваа во Рома пред Мурињо да добие отказ во јануари.

По топлото добредојде од навивачите на Фенербахче на преполниот стадион, Мурињо се сретна со раководството на клубот за да ги достави своите први барања на летниот трансфер пазар и Дибала е едно од имињата на списокот, пишуваат турските весници.

Дибала дојде во Рома во 2022 година.

The post ДИБАЛА СЕ СЕЛИ ВО ТУРЦИЈА? Аргентинецот е првата желба на Мурињо appeared first on plusinfo.mk.