За споредба, посочени се и податоци од истражувањата и статистиката на Светската банка. Според оваа листа, просечниот животен век на Македонците е 74 години, на Македонките – 78 години, вкупно – 76 години.

Истражувањата покажуваат дека долговечноста се заснова на три главни и основни фактора – генетика, пол и начин на живот. Потоа се земаат предвид и компоненти како што се хигиена, исхрана, култура, избор на професија, пороци, вежбање, пристап до квалитетна здравствена заштита, па дури и криминалните стапки. Според ОН, светскиот просек во поглед на животниот век заклучно со 2023 година бил 70,8 години за мажи и 76,0 години за жени, вкупно – 73,4 години.

Очекуваниот животен век значително варира зависно од подрачјето, како и од земја до земја, па оваа 2023 година, тие бројки се движат од најниското ниво од 57,7 години во Западна Африка до највисокото од 82,7 години во Западна Европа.

Општо гледано, очекуваниот животен век има повисок праг. Меѓу 2000 и 2016 година, очекуваниот животен век се зголемил за 5,5 години на светско ниво, со нагласка на зголемувањето од 10 години во одделни делови од Африка. Овие сознанија за овој раст во однос на „најтоплиот континент“ ги потврдуваат и извештаи на Светската здравствена организација.

На списокот земји со најдолг животен век, според ОН се Монако (87,01 години), Хонг Конг (85,83), Макао (85,51), Јапонија (84,95), Лихтенштајн (84,77), Швајцарија (84,38), Сингапур (84,27) , Италија (84,2), Ватикан (84,16), Северна Кореја (84,14 години).

Најкус просечен животен век имаат жителите на Чад (53,68 години), Нигерија (53,87 години), Лесото (54,91), Централноафриканската Република (55,48), Јужен Судан (56,51), Сомалија (57,35), Есватини (57,71), Намибија (59,93), Гвинеја (59,55), Мали (69,03 години).

Македонците, во таа смисла, се некаде на средина на оваа листа.

Од нашето поблиско соседство, просечниот животен век во Србија е 75,12 години, во Албанија – 78,06 години, Бугарија – 72,84, Грција – 82, во Босна и Херцеговина е 76,18 години, Хрватска – 79,4, а во Црна Гора е 77,78 години.

The post МАКЕДОНЦИТЕ ВО ЗЛАТНАТА СРЕДИНА Жените живеат 4 години подолго од мажите appeared first on plusinfo.mk.

Очекуваниот животен век падна за повеќе од шест месеци во споредба со 2019 година во 22 од 29 земји анализирани во студијата, во кои беа вклучени Европа, САД и Чиле. Животниот век е намален во 27 од 29 земји.

Од Универзитетот велат дека повеќето од намалувањето на очекуваниот животен век во различни земји може да бидат поврзани со официјални смртни случаи од ковид-19. Досега се регистрирани речиси пет милиони смртни случаи предизвикани од новиот коронавирус, покажуваат податоците на Ројтерс.

– Фактот дека нашите резултати потенцираат толку големо влијание што може директно да се припише на ковид-19, покажува колку поразителен шок бил за многу земји – рече др. Риди Кашјап, еден од водечките автори на труд објавен во Меѓународниот весник за епидемиологија.

Во повеќето земји, имаше поголем пад на очекуваниот животен век за мажите отколку за жените, со најголем пад кај американските мажи чиј животен век падна за 2,2 години во споредба со 2019 година.

Севкупно, мажите се намалени за повеќе од една година во 15 земји, а жените во 11 земји. Ова го избриша напредокот во намалувањето на смртноста што беше постигнат во претходните 5,6 години.

Во Соединетите држави, зголемувањето на смртноста беше главно кај работното население на возраст под 60 години, додека во Европа, смртноста кај луѓето над 60 години значително придонесе за зголемување на смртноста.

Касјап ги повика повеќе земји, вклучително и оние со низок и среден приход, да ги направат податоците за смртност достапни за понатамошни истражувања.

– Итно повикуваме на објавување и достапност на повеќе поделени податоци за подобро разбирање на ефектите од пандемијата на глобално ниво – рече таа.

The post КОРОНАТА КОСИ НИЗ СВЕТОТ Пандемијата најмногу го намали очекуваниот животен век од Втората светска војна appeared first on plusinfo.mk.

Индексот за влијанието на квалитетот на воздухот здравјетот на луѓето (The Air Quality Life Index (AQLI) нагласува дека додека светот се обидува да пронајде вакцина за да ја доведе под контрола пандемијата ковид-19, загадувањето на воздухот ќе продолжи да предизвикува милијарди луѓе да водат пократки и поболни животи низ целиот свет.

Индексот го претвора загадувањето на воздухот – главно од согорувањето на фосилните горива – во неговото влијание врз здравјето на луѓето.

Во анализата се наведува дека и покрај значителното намалување во Кина – некогаш една од најзагадените земји во светот, целокупното ниво на загадување на воздухот останало стабилно во текот на изминатите две децении.

Во земји како Индија и Бангладеш, загадувањето на воздухот беше толку сериозно што сега ги намалува просечните животни стапки во некои области за речиси една деценија.

Авторите на истражувањето велат дека квалитетот на воздухот што го дишат многу луѓе претставува далеку поголем ризик по здравјето од ковид-19.

„Иако заканата од коронавирус е сериозна и заслужува посебно внимание прифаќајќи ја сериозноста на загадувањето на воздухот со слична енергичност би им овозможило на милијарди луѓе да водат подолг и поздрав живот“, наведува Мајкл Гринстоун, креатор на Индексот.

Речиси една четвртина од глобалното население живее во само четири јужноазиски земји кои се меѓу најзагадените – Бангладеш, Индија, Непал и Пакистан. Индексот откри дека овие популации ќе имаат животен век намален за пет години во просек, откако биле изложени на нивоата на загадување 44 отсто повисоки од пред 20 години.

Околу 89 отсто од 650 милиони луѓе во регионот живеат во области каде загадувањето на воздухот ги надминува нивоата одобрени од Светската здравствена организација.

Додека местата како САД, Европа и Јапонија успеаја да го подобрат квалитетот на воздухот, загадувањето сепак одзема во просек две години од очекуваниот животен век низ целиот свет, се нагласува во анализата.

The post Анализа: Аерозагадувањето за две години го намалува животниот век appeared first on plusinfo.mk.