Во Владата вечерва се одржал состанок посветен на Реформската агенда, со фокус на унапредување на институционалната ефикасност, владеењето на правото и подобрување на животниот стандард на граѓаните, информира премиерот Христијан Мицкоски.

Како што објави Мицкоски на својата Фејсбук страница, на состанокот биле разгледани конкретни чекори за спроведување на реформите и зајакнување на институциите.

„Вечерва одржавме состанок посветен на реформската агенда, со фокус на конкретни чекори за унапредување на институционалната ефикасност, владеењето на правото и подобрување на животниот стандард на граѓаните“, напиша премиерот.

Тој потенцира дека реформите не се декларативна заложба, туку обврска и континуиран процес кој бара одговорност, соработка и јасна визија за иднината.

„Реформите не се декларација, туку обврска – процес што бара одговорност, соработка и јасна визија за иднината. Продолжуваме посветено да работиме на реални и одржливи решенија“, додава Мицкоски во објавата.

The post ФОКУС НА РЕФОРМИТЕ И ВЛАДЕЕЊЕТО НА ПРАВОТО Мицкоски откри што се договарало вечерва во Владата appeared first on plusinfo.mk.

Неколку илјади фински граѓани деновиве стојат во долги редици во Хелсинки чекајќи да добијат хуманитарни пакети храна. Медиумите и годинава не пропуштија да пренесат такви слики од главниот град на најсреќната земја во светот.

Се случи и тоа дека Финска ја престигна Шпанија и сега е на врвот на листата со највисока стапка на невработеност во рамки на ЕУ, според Евростат. На трето место е соседна Шведска која веќе подолго време кубури со високи бројки на невработеност.

Бројките зборуваат сами за себе – финската економија е во тешка состојба. Државниот долг се приближува до 90 проценти од БДП-то. Податоците од Министерството за социјални работи и здравство покажуваат дека детската сиромаштија се зголемила за 3 проценти. Од 12 проценти во 2023 година на над 15 проценти во 2025 година.

Во период од три години во Шведска бројката на граѓани западнати во социјална и материјална сиромаштија е двојно зголемена и изнесува околу 700.000 луѓе. Над 17.100 деца и 5.200 домаќинства со финансиски тешкотии добија помош лани за време на божиќните и новогодишните празници. Порастот на бројката на социјално загрозени е видлив во споредба со претходната година, кога шведските хуманитарни организации обезбедиле поддршка за вкупно 14.600 луѓе, како за деца така и за возрасни.

Тоа се случува во во земји кои просечната прилагодена бруто плата на вработен со полно работно време значајно го надминува просекот во ЕУ, така што во Финска, според статистиката на Евростат, изнесува 4.033 евра, а во Шведска 3.718 евра. Просекот на ниво на целата ЕУ е 3.155 евра.

Имајќи ги предвид таквите показатели, но и низа други, многумина се почесто го поставуваат прашањето дали Финците се навистина најсреќен народ во светот, според истражувањата што секоја година ги прави „Медиа Галуп“. Значи, како што стојат нештата, кога истражувачите бараат среќа, тие обично ја наоѓаат во Финска. Осум години по ред, Финците се на врвот на индексот на среќа на ОН. Но, што всушност се мери, кога ја мериме среќата? И колку се сигурни методите што се применуваат за таква цел?

Во последно време таквите резултатите на спроведените истражувања се доведуваат во прашање, и во академската заедница и во медиумите. Проблемот што се посочува кога станува збор за мерењето на среќата е што таа е минлива категорија. Тешко е да се дефинира, или, подобро речено, дефиницијата тешко може да се заокружи без кругот да стане аморфен. Прашањето ги окупира филозофите со милениуми, почнувајќи уште од Конфучие и Аристотел, кому му се припишуваат зборовите дека „среќата им припаѓа на оние што се задоволни сами од себе“.

Но дали е во прашање нешто што претставува мерливо задоволство? Отсуство на болка? Чувство на цел, надеж, припадност? Дали е тоа состојба на умот? Науката се обидувала да ја дефинира среќата и притоа често се присутни определби за два различни вида: афективна среќа – на пример, непосредниот наплив на чувство на задоволство на некој убав пикник, или можеби кога ќе се застане на подиум за танцување – и евалуативна среќа, повеќе како задоволство или сатисфакција, каде што се земаат предвид посуштински работи како здравје, приходи, безбедност.

Можеби затоа скандинавските народи се редовно на самиот врв на рангирањата за среќа, бидејќи прифаќаат гледишта кои заговараат умереност и просечност. Среќата, во таа смисла, не постои во вакуум – таа е обликувана од општествените норми и индивидуалните очекувања од животот. Пред неколку години Пакистан, на пример, беше рангиран повисоко од Јапонија на листата, и покрај тоа што Јапонците имаат објективно повисок животен стандард. Но, Јапонија исто така има високи барања и строга работна култура, додека меѓу Пакистанците веројатно се присутни пониски глобални надежи и очекувања.

Како алтернатива на анкетирањето на луѓето кои сами ја вреднуваат среќата, понекогаш се предлага да се погледа БДП на земјите по глава на жител за да се добие пофер проценка. Побогатите земји би требало да се поврзат со поголемо задоволство од животот, бидејќи основните потреби на нивното население почесто се задоволуваат.

Но, сепак, тоа е комплицирана пајакова мрежа во која нештата лесно се заплеткуваат, од причина дека е тешко да се добијат недвосмислени мерки за редот на нештата. Земјите можат да имаат висок БДП, и во вкупен обем и по глава на жител, но едновремено нееднаквоста е висока и многумина жители се чувствуваат занемарени. Повеќе произведени добра не значи дека се распределени подеднакво, се истакнува обично во анлизите, доколку само мала елита ужива во поголемиот дел од ресурсите. Токму затоа, БДП-то малку кажува за среќата на обичниот човек.

Финската влада брзо ги искористи резултатите од глобалното рангирање на најсреќни народи со создавање индустрија за „туризам на среќа“, каде што туристичките пакети вклучуваат сè во земјата што наводно е причина за првото место на ранг-листата: непрегледно богатство од шуми, езера, свеж воздух. И прочуените сауни.

Но, спред едно истражување за реакциите на финските медиуми, се покажува дека многумина Финци сето тоа на шего го нарекуваат како „спортска победа“, или, пак, го доведуваат во прашање извештајот, посочувајќи ја потемната страна на земјата, означена со депресија, алкохолизам, осаменост и песимизам.

Како и да било, со оглед на тоа дека рангирањето на среќни луѓе редовно ги издвојува нордиските социјални држави како модели на однесување, политичарите во овие земји со големо задоволство ги истакнуваат таквите резултати, додека медиумите ја користат секоја поволна шанса за да ги фалат „среќните нордијци“.

Извесна иронија секако би можела да се поврзе во фактот дека економијата на Финска веќе подолго време стагнира, додека поранешните кризни земји Грција, Португалија и Шпанија покажуваат пристојни бројки на економски раст. Ова јасно покажува оти не може да се исклучи дека ситуацијата несомнено може да се промени со текот на времето, иако веројатно би било наивно во овој контекст лесно да се посочи старата изрека – тркалото на среќата се врти.

Што се однесува до Балканот, во извештајот на ОН за светската среќа единствено Словенија го наоѓа местото (19) меѓу првите дваесет земји од вкупно опфатени 147. Пријатно изненадување, но веројатно и малку зачудувачки, е дека само нешто подолу се Косово (29) и Србија (31). Сите други се рангирани мошне пониско на табелата. Босна (56), Црна Гора (71), Хрватска (72), Грција (81). Уште подолу се Бугарија (85) и Македонија (86), која, меѓу балканските земји, е повисоко пласирана само од Албанија (89).

Заклучокот, кој ќе остане да види во воздух, е дека не може недвосмислено да се докаже дека Финците се најсреќните луѓе на светот. Но нивното страдање е веројатно најврамнотежено. И можеби, според некои аспекти, изедначено.

Кога се во прашање Македонците, негаторските ставови, недовербата во институциите и непочитувањето на сето она што би требало да функционира како заеднички норми на однесување, функционира како „исцелителна“ душевна храна. Тури му пепел на се’. И „овие“, како и сите „оние“ други претходно, ништо не направија. Се урнисаа, би рекле многумина. Само што вкоренетиот песимизам, пренесуван во генерациско наследство, го поматува погледот кон самиот себе, и постојано демне во некоја сенка за да спречи среќата да покаже дека таа може да има не само едно, туку повеќе лица.

The post ЕУ и најсреќните земји во светот appeared first on plusinfo.mk.

На пленарна седница во Собранието ќе биде усвоена законска измена со која се продолжува примената на повластената стапка од 5 отсто ДДВ при прво купување стан, најави пратеничката од ВМРО-ДПМНЕ, Катерина Димитровска.

Со измената на Законот за данокот на додадена вредност, повластената стапка ќе продолжи да важи до декември 2028 година и ќе се применува при прв промет на станбени згради и станови што се користат исклучиво за домување.

Според Димитровска, оваа мерка има директно и конкретно влијание врз животниот стандард на граѓаните, бидејќи спречува дополнителен ценовен притисок на веќе скапиот пазар на недвижности.

– За стан од околу 70 метри квадратни, граѓаните можат да заштедат и до 15.000 евра, во зависност од купопродажната цена. Тоа е сериозна и реална поддршка, а не декларативна политика – рече Димитровска.

Таа потсети дека според досегашното законско решение било предвидено зголемување на ДДВ од 5 на 18 проценти од јануари 2026 година, што, како што оцени, неминовно ќе доведело до ново поскапување на становите.

Во услови кога цените на недвижностите веќе се високи, а голем број граѓани, особено млади семејства, тешко доаѓаат до сопствен дом, група пратеници од ВМРО-ДПМНЕ ја поднеле оваа законска измена со цел да се спречи дополнителен простор за поскапување од страна на инвеститорите.

– Суштината на работата на пратениците во Собранието е носење законски решенија кои реално го подобруваат животниот стандард на граѓаните, а ова е токму еден таков пример – додаде Димитровска.

The post ОСТАНУВА ДДВ ОД 5% ПРИ КУПУВАЊЕ ПРВ СТАН Повластената стапка ќе важи до крајот на 2028 appeared first on plusinfo.mk.

Ова го вели претседателскиот кандидат Стевчо Јакимовски во поткастот на Плусинфо, во разговор со новинарот Бранко Героски.

Јакимовски зборува за своите планови како Македонија да се дојде до посакуваните 50 милијарди евра странски инвестиции, за кои говори во кампањата.

– Ние ќе ги подготвиме нашите инвестициски проекти и прво ќе им ги понудиме на Европската Унија, но и на земјите членки на Г-7 и Г-20. Ако нема интерес, ќе ги отвориме вратите за сите, бидејќи не можеме да ја оставиме Македонија без странски инвестиции.

Запрашан дали алтернативата ја гледа во Саудиска Арабија и во други земји од Блискиот и Далечниот Исток, Јакимовски објаснува:

– Е ајде, објаснете ми како може секаде да ги има тие инвеститори, од Саудиска Арабија, од Катар, од Емиратите, од Кина, а во Македонија да ги нема. Како може руски инвестиции да има во Грција, членка на НАТО и на Европската Унија, а да нема кај нас? Како може тие инвеститори да ги има во Лондон, во Берлин, во Америка, само во Македонија не? Ние си правиме некаква автоцензура, која ни нанесува голема штета.

Во поткастот Јакимовски отворено зборува за постоењето на руски сентимент во Македонија, а изнесува и интересни детали за својата посета на партијата на Путин, Единствена Русија, во Москва во 2017 година, за што е често критикуван во јавноста.

Тој зборува и за опасноста од војна меѓу Европа и Русија, но и за тоа како Македонија треба да се постави во такви околности.

Пословично фајтерски настроениот Јакимовски зборува и за други интересни теми во интервјуто кое трае нешто повеќе од 1 час. Погледнете го:

The post 📽 САМО ЗА ВИРТУЕЛНИ ТЕМИ, САМО ЗА БУГАРИ ВО УСТАВОТ РАСПРАВАМЕ Треба да носиме инвестиции, 50 милијарди евра ја оправаат Македонија appeared first on plusinfo.mk.

Таа посочи дека власта при висока инфлација почна да зборува за даночните реформи, го воведоа Законот за данок на солидарност и тоа создава ненормална атмосфера за приватниот сектор кој не знае што го очекува утре и како резултат на тоа ние имаме поголема инфлација.

– Во исто време кога имате зголемени плати на функционерите праќате порака на сите останати дека и тие треба да имаат очекувања и револтот почнува. Секој бара повисока плата затоа што животниот стандард е нарушен и ако може функционерите зошто не може другите -додаде Димитриеска Кочоска.

Во однос на цените таа додаде дека и хаосот е огромен, само во декември минатата година имаше раст на цените на храна за повеќе од 32-33%  во однос на претходната година.

– Што значи дека со замрзнувањето на цените прашање е што ќе се случи откако ќе се одмрзнат. Во исто време се товарат истите компании со даноци, а не се сузбива сива економија, се менува начин на работа, зголемени трошоци и сето тоа има влијание и затоа со замрзнувањето се купува месец, два, а после има нагли скокови. Сега зголемија ДДВ на огромен број на производи на кои не би рекла дека се луксузни. Во исто време покажуваат колку се неспособни и колку се коруптивни – потенцираше Димитриеска Кочоска.

Димитриеска Кочоска нагласи дека ВМРО-ДПМНЕ кога ќе ја формира владата ќе направи ревидирање на листата затоа што констатирани се производи кои не се луксузни и не може да се даночат со повисока стапка.

Потпретседателката на ВМРО-ДПМНЕ се осврна и на покачувањето на цените на парното и на електричната енергија.

– Од 2019 година до денес цената на електричната енергија е зголемена за повеќе од 50%, тоа е резултат на тендери во четири очи и недомаќинско работење.Ова поскапување на парното не е резултат на тоа што има промени во цените на енергенсите,  туку исклучиво е резултат на тоа што во еден изминат период компанијата која снабдува со топлинска енергија направи договор компанија која понуди цена на гасот повисока од таа која компанијата ја доби од македонска голема компанија – рече потпретседателката на ВМРО-ДПМНЕ.

Таа истакна дека во тој период се направи тендер во четири очи врз основа на кој се плаќа повисока цена.

– Она што повеќе загрижува, владата имаше субвенционирање, трансфер на дел од средства од буџетот кон ЕСМ топлина која требаше да ги искористи средствата за да ги сервисира обврските, но ако ги погледнете податоците, ќе видите дека оваа компанија е една од најголемите должници – истакна Димитриеска Кочоска.

Димитриеска Кочоска посочи дека не може да се оправда со енергетската криза, затоа што владата склучи таков договор.

– Кога станува збор за струјата и таму состојбата е лоша. Позадински зошто растат трошоците е прашање кое треба да го поставиме, тие  растат исклучиво како резултат на склучување на договори во 4 очи, особено кај производството на електрична енергија. Затоа имаме огромни трошоци денес. ЕСМ има добиено повеќе од 300 милиони евра последните години, пари од граѓаните од буџетот и со тоа се покриваат дупките во недомаќинското трошење – изјави Димитриеска Кочоска.

Таа посочи дека прават трошоци, зголемуваат цена на електрична енергија, го вратија ДДВ-то, повторно трансферираат пари, ЕСМ постојано има недостиг на пари.

– Од 2019 година до денес цената на електричната енергија е зголемена за повеќе од 50%, граѓаните плаќаат повисока цена.  Како расте цената нас ни принудија да штедиме и ако ги погледнеме сметките можеби изгледаат малку поголеми но, ако погледнеме колку трошиме како киловати, колку загреваме, ни го нарушија квалитетот на живот, а имаме повисоки сметки за струја заради тоа неодговорно однесување на владата – рече Димитриеска Кочоска.

The post ЖИВОТНИОТ СТАНДАРД НА ГРАЃАНИТЕ Е НАРУШЕН Коруптивната власт зголеми ДДВ на производи што не се луксузни укажува потпретседателката на ВМРО-ДПМНЕ appeared first on plusinfo.mk.

За да се зајакне одговорното и транспарентно управување, Националниот демократски институт спроведе (НДИ) истражување на јавното мислење од 13 од 24 април 2023 година и ги сподели наодите со лидерите на јавното мислење, за да добијат информации за креирањето на јавните политики.

58% од анкетираните граѓани се многу загрижени за намалениот животен стандард, ниските плати и за ниските пензии. Четири од десет испитаници трошат најголем дел од семејниот буџет (над 60%) на храна. Речиси половина од населението (48%) велат дека често или повремено имаат тешкотии да ги платат сметките на крајот од месецот, при што граѓаните со понизок социо-економски статус (89%) и оние кои живееат во рурални населени места (53%) имаат поголеми потешкотии да ги покријат трошоците за живот.

Испитаниците се песимисти за иднината, речиси 40% веруваат дека економската состојба, животниот стандард и висината на платите и пензиите ќе се влошат во наредните 12 месеци.

Седум од десет анкетирани граѓани (71%) ги поддржуваат партиите кои имаат дефиниран план за подобрување на економската состојба.

„Граѓаните на Северна Македонија се загрижени за намалениот квалитет на живот, а мнозинството граѓани ќе ги поддржат политичките партии кои имаат економски план што ќе помогне да се подобри животниот стандард и да се понудат економски можности“, рече Роберт Скот Хејзлет, виш резидентен директор на НДИ во Северна Македонија.

Речиси една третина од граѓаните (28,7%) сметаат дека намалувањето на вкупната потрошувачка е решение за надминување на сегашната економска криза. Покрај тоа, огромно мнозинство граѓани (91%) сметаат дека зголемувањето на цените е најголемата закана за нивната финансиска состојба и предлагаат владата да даде приоритет на „ценовната стабилност“.

Граѓаните ги поддржуваат владините одлуки за зголемување на минималната нето плата (72%), замрзнувањето на цените (речиси 83%) и ограничувањето на профитот на основните прехранбени производи (68%). Мнозинството граѓани (67%) сметаат дека владата треба да продолжи со субвенциите за прехранбените производи и на сметките за електрична енергија (48%), како ефикасна мерка за ублажување на негативните ефекти од кризата.

Се смета дека неодамнешната антикризна кампања има ограничен досег, бидејќи значителен дел од граѓаните (39%) не се информирани за повеќето од мерките, особено граѓаните со понизок социо-економски статус. Додека повеќе од една третина од потрошувачите (38,7%) не се запознаени со нивните права како потрошувачи, 56% не се свесни дека постојат програми за заштита на потрошувачите.

Позагрижувачки е податокот дека над половина од потрошувачите (54%) не им веруваат на давателите на услуги, ниту на судството (71%) во случај на спор околу трансакција со компанија.

Националното репрезентативно теренско истражување лице в лице, нарачано од НДИ, со маргина на грешка +/- 3,09 процентни поени на 95% ниво на доверба, е извршено на примерок од 1003 испитаници на возраст од над 18 години. Истражувањето на јавното мислење било спроведено од ТИМ Институт и финансирано од Националната фондација за демократија.

The post ПОДДРШКА ЌЕ ДОБИЈАТ ПАРТИИТЕ ШТО ЌЕ ЈА ПОДОБРАТ ЕКОНОМИЈАТА Истражување на НДИ покажа дека граѓаните се загрижени поради намалениот животен стандард appeared first on plusinfo.mk.

Кошничката за домаќинствата содржи: ориз, леб, макарони, свинско и пилешко месо, риба, млеко и млечни производи, јогурт, јајца, различни видови сирење и кашкавал, зејтин, брашно, шеќер, кафе, чај, какао, сокови, средства за чистење, детергенти, тоалетна хартија, паста за заби, производи за лична хигиена, влошки, сапун, антисептик, пелени, храна за кучиња и мачки итн.

Каталогот со производи, маркетите ќе треба секоја среда да го испраќаат до Министерството за развој и инвестиции на Грција, додека пак граѓаните, преку специјален сајт може да се информираат за производите и цените избрани од супермаркетите.

Минатата седмица грчкиот Парламент го изгласа амандманот што се однесуваше на „кошничка за домаќинствата” и предвидува маркетите со годишен профит од над 90 милиони евра, задолжително, до Министерството за развој и инвестиции на Грција да испраќаат листа со производи за широка потрошувачка (вклучени во кошничката), кои се неопходни за пристоен живот и обврзани се да биде вклучен најмалку еден производ од секоја категорија, чија цена ќе биде прифатлива и пониска во споредба со останатите производи од истата категорија.

Во случај да не се испрати листата со производи, предвидена е парична казна за супермаркетите во висина од 5.000 евра дневно, за секој задоцнет ден. За помалите маркети, „кошничката за домаќинствата” не е задолжителна, туку е произволна.

Конкретната одлука ќе биде во сила до 31 март 2023 година.

Не станува збор за замрзнување на цените, туку обид на супермаркетите, цените на производите неопходни за домаќинствата, да се задржат на што е можно пониско ниво.

The post ГРЦИЈА ВОВЕДУВА „КОШНИЧКА ЗА ДОМАЌИНСТВА” Основните животни производи мора да бидат по пониска цена appeared first on plusinfo.mk.

Износот на штети за исплати на осигурување поради рурален криминал во периодот од јануари до март е за над 40 отсто поголем од 2021 година, соопштија од осигурителната компанија.

Тие предупредуваат дека зголемувањето на цените на прехранбените производи може да доведе до дополнително зголемување на кражбите на добиток и влегување на загаденото месо во синџирите на исхрана, јави Би-би-си.

НФУ Мутуал сака владата да формира национална работна група за справување со руралниот криминал.

The post ПОРАСТ НА КРИМИНАЛОТ ВО РУРАЛНА БРИТАНИЈА Животниот стандард опаѓа како резултат на економската криза appeared first on plusinfo.mk.