Министерството за животна средина и просторно планирање денеска во Новаци одржа јавна расправа по студијата за оцена на влијание врз животната средина за проектот „Експлоатација на јаглен од наоѓалиштето Живојно со површинска технологија“.

Активирањето на наоѓалиштето Живојно, кое според истражувањата има околу 24 милиони тони јаглен, ќе овозможи АД ЕСМ целосно да ги покрие потребите од овој енергенс од сопствено производство.

-Динамиката за експлоатација ќе се одвива во период од 7 години, односно првите три години се подготвителни работи за целосна експлоатација на јаловинските маси, а потоа четири години користење на откриениот јаглен. Период од 7 години за експлоатација  се совпаѓа со моментот на напуштањето на производство на електрична енергија од т.н. нееколошки извори. Квалитетот на јагленот е поволен и подобар наспроти увозниот јаглен што во моментов се користи во РЕК Битола. На седмата година наоѓалиштето целосно ќе биде исцрпено и според студијата, по завршување на експлоатацијата на цел јаглен, земјиштето ќе биде вратено во првобитна состојба, а делот што нема да може да се врати во сегашна состојба ќе биде оплеменет со мерки во функција на заштита на животната средина – истакна Тони Ангелески, помошник директор во секторот за развој, инвестиции и проектирање во РЕК Битола.

Од АД ЕСМ информираа дека за активирање на наоѓалиштето ќе се спроведе и процес на експропријација на дел од земјиштето, а со експлоатација на јагленот ќе запре набавката на увозен јаглен и потребите за РЕК Битола ќе бидат задоволени исклучиво со домашен јаглен од современ рудник.

Отворањето на рудникот Живојно ќе биде клучен фактор за дополнително намалување на производствената цена на струјата во РЕК Битола, а обезбедувањето јаглен од локални извори воедно претставува стратешки чекор за непречено производство на електрична енергија до целосен премин кон зелено сценарио, беше истакнато на денешната јавна расправа во Новаци.

The post ЕСМ ГО ОТВОРА РУДНИКОТ ЗА ЈАГЛЕН ЖИВОЈНО За 7 години ќе се произведат 24 милиони тони јаглен appeared first on plusinfo.mk.

Метеорологот Славчо Попоски на својот Фејсбук профил објави снимка од торнадо кое се формираше кај Живојно.

– Денес поради големата нестабилност во Атмосферата, дојде до формирање на Торнадо во Македонија – Живојно, Битолско – напиша тој на видеото кое што е објавено.

УХМР во текот на денот предупреди на нестабилно време, со можен пороен дожд и порача да се избегнува или да се биде многу внимателен при движење покрај потоци и суводоли, бидејќи е можно нивно излевање.

Веќе два дена Македонија е под влијание на влажна воздушна маса, а иако на оделни места имаше пороен дожд, засега не е забележано поголемо невреме со штети.

The post Загриженост кај граѓаните по појавата на Торнадо кај Живојно (ВИДЕО) appeared first on plusinfo.mk.