– Во последните 9 месеци работевме на целосно реновирање и подготовка на нов производствен капацитет од 1.000 квадратни метри, со кој значително ќе се зголеми асортиманот на производи на компанијата. Во 2021 година палетата на производи ќе биде дополнета со иновативни функционални колачи, први од македонско производство, кои позитивно ќе влијаат врз метаболизмот, како и врз целокупното здравје на човекот. Современите потрошувачи акцентот го ставаат на грижа за својот имунолошки систем и поради тоа трендот на консумирање функционална храна е во значителен пораст – вели Татјана Танева-Новаковска од „Жито пром“.

Овој проект е реализиран во соработка со Фондот за иновации и технолошки развој (ФИТР). Инвестицијата вредна половина милион евра, комбинација на средства од ФИТР и „Жито Пром“, ќе донесе 20 нови вработувања и најмалку 5 нови линии на производи.

Од „Жито пром“ очекуваат нивните функционални колачи брзо да го освојат домашниот пазар, но и странските пазари каде што е веќе присутна гевгелиската компанија. Кроасаните „4U“ од годинава, покрај на постоечките пазари се извезуваат и во Либија, Малта, Израел и Полска, благодарение на успешното саемско претставување во февруари во Келн.

– Дури и во вакви тешки економски услови, успеавме да обезбедиме влез на нови пазари. Фактот дека производот е квалитетен и направен по високи стандарди за квалитет, потврдени со интернационалниот сертификат IFS (International Featured Standard), ги охрабри новите партнери да ги вклучат нашите производи во нивното портфолио – вели Танева-Новаковска.

Во услови на нарушено секојдневие и постојана битка со подмолниот вирус, од компанијата посочуваат дека безусловната посветеност, грижата за здравјето на вработените и за колективното здравје им помогнале да ги реализираат зацртаните проекти.

– Од самиот почеток на пандемијата максимално се грижиме за вработените како за сопствено семејство. Уште од март воведовме строги протоколи за работа, за следење на симптоми и редовно тестирање со цел да се зголеми здравствената заштита на сите вработени – додава Танева-Новаковска.

Со цел да придонесе во борбата против ковид, „Жито пром“ реализира повеќе донации кон социјално загрозени семејства, како и кон Инфективната болница во Скопје. Водејќи се од најголемата поука од оваа глобална закана, дека сите сме во ова заедно, компанијата со сплотени сили на повеќе гевгелиски компании и организации реализира и заедничка донација во медицинска опрема и уреди во вредност од 25.000 евра за Центарот за јавно здравје Гевгелија.

Покрај „Жито пром“, во оваа акција учествуваа и АМД „Дичо Панов“, „Конти Хидропласт“, „Џиви Доо”, ПЗУ „Дентиција”, „Итек Системи“, Здружение на возачи – Гевгелија, „Пет нет“, „Мем – Вочар“, Текстилна корпорација, „Штампа“, „Нар комерц“, „Дизел Ка-Ле“, „Марина Љупчо“, „Армор“, „Моделс Кокочев“, „Колвеко“, „Југостил“, „Дојран Стил“, Општина Богданци, Општина Дојран, ЈПК Комуналец Гевгелија и Општина Гевгелија.

The post Успешна година за „Жито пром“, во најава нов погон и нови функционални колачи appeared first on plusinfo.mk.

Тие  обезбедија и месечно снабдување со кроасани за сите 170 вработени на Инфективната клиника, за 110 социјално загрозени семејства во Гевгелија како и за Црвениот крст во Скопје (за 40 луѓе кои работат во мобилните тимови, 150 бездомници, 150 деца на улица и 70 стари и изнемоштени лица кои периодов не се во можност да излезат од своите домови).

Покрај месечното снабдување со кроасаните, тие одвоија средства да се купат и 700 маски, 30 визири и 120 скафандери за двете здравствени институции.

– Со пораката #wearehere4U, нашите две организации „Жито Пром” и „Нова” ги здружија силите да им помогнат на тие кои се првата одбранбена линија од корона вирусот. Се надеваме дека оваа донација ќе му помогне на персоналот да обезбеди подобра заштита на личното здравје со што ќе можат да бидат поефективни во грижата за нашето општо здравје – велат од менаџерските тимови на „Нова“ и „Жито пром“.

Меѓународното училиште „Нова“ на 11 март ги затвори своите врати и продолжи целосно да ја реализира наставата онлајн. Фабриката „Жито Пром“ која ги произведува кроасаните 4U функционира со намален капацитет комплетно следејќи ги препораките за заштита на своите вработени.

The post Училиштето „Нова“ и „Жито Пром“ донираа заштитна опрема и храна за здравствените работници appeared first on plusinfo.mk.