Американскиот државен секретар Марко Рубио денеска изјави дека Русија и Украина изразија интерес за ограничен прекин на огнот, како и дека рускиот претседател Владимир Путин е поканет на самитот на Г20, кој ќе се одржи во Мајами во декември.

Рубио на прес-конференција по разговорот со рускиот министер за надворешни работи Сергеј Лавров во Њујорк, рече дека двете страни изразиле интерес за ограничен прекин на огнот кога се во прашање енергенсите, пренесува Скај Њуз.

– Мислам дека двете страни изразија интерес за одреден ограничен прекин на огнот кој би ги опфатил житариците и енергенсите. Тоа не ја решава војната, но мислам дека, на некој начин, би можело да ублажи дел од глобалните притисоци што се чувствуваат – рече Рубио.

Тој додаде дека Соединетите Американски Држави се подготвени да имаат „конструктивна улога“ во постигнувањето на таков прекин на огнот.

– Можеби тоа би можело да послужи како појдовна основа или платформа за поширок договор – истакна Рубио.

Рубио изјави и дека рускиот претседател Владимир Путин е поканет на претстојниот самит на Г20 и дека се надева оти Путин ќе ја прифати поканата, бидејќи тоа на рускиот претседател би му пружило можност за разговор со американскиот претседател Доналд Трамп.

Трамп и Путин последен пат се сретнаа во Енкориџ на Аљаска, во август минатата година.

The post „ПОШТЕДА“ ЗА ЕНЕРГЕТИКАТА И ЗА ЖИТАРИЦИТЕ? Москва и Киев заинтересирани за „селективен“ прекин на огнот appeared first on plusinfo.mk.

Како што информира министерот за економија Крешник Бектеши, во наредните 30 дена до 15 мај 2022 година ќе биде забранет извоз на: пченица и наполица, јачмен, пченка, брашно од пченица и наполица, семе од сончоглед-вклучувајки кршено или дробено, масла од семе од сончоглед, шафраника или мапуково семе и нивни фракции, пречистени или непречистени, но хемиски немодификувани, од сончоглед.

Владата на денешната седница донесе одлука за укинување на увозната давачка-царинска стапка за увоз на масло од сончоглед за јадење до 31 мај 2022 година.

– Потребата за продолжување на рокот за забрана за извоз за следни 30 дена односно по 15 април 2022 година до 15 мај 2022 година, како и да се укине царинската стапка за увоз на масло од сончоглед за јадење до 31 мај 2022 година е да се задржи тековната состојба на домашниот пазар од можноста на  сериозни пореметувања поради недостаток на стоки, неопходно потребни за производството, преработката и за животот и здравјето на граѓаните, до новата реколта, како и дополнителен стимул за одржување на снабдување на домашниот пазар од растот на цените- информнира Бектеши.

Целта на овие мерки е заштита на домашниот пазар и граѓаните во време на криза за да се избегнат шпекулативни дејствија на трговците и производителите и за заштита на домашното производство, домашниот пазар и граѓаните.

The post УКИНАТА ЦАРИНАТА ЗА УВОЗ НА МАСЛО ЗА ЈАДЕЊЕ ОД СОНЧОГЛЕД Владата ја продолжи забраната за извоз на жито до крајот на мај appeared first on plusinfo.mk.