Жичницата на Водно ќе остане затворена во текот на целото лето поради утврдени сериозни технички недостатоци, информира градоначалникот на Скопје, Орце Ѓорѓиевски.

По вонредниот увид, констатирано е дека објектот не бил сервисиран од австрискиот производител „Допелмаер“ цели 15 години.

– Побарав да дојдат претставници на „Допелмаер“ по што беше утврдено дека не бил направен сервис. Билe барани понуди од фирмата, но за џабе. Ниту еднаш не бил склучен договор за целосно сервисирање. Увидот покажа дека гумичките биле изедени и поради тоа доаѓало до триење на гондолите. Исто така не работеле и неколку сензори. Поради овие причини можело да се случи да се откачи гондола – рече Ѓорѓиевски за порталот СДК.мк.

Жичницата беше затворена на 25 април со план да не работи два дена. Но, по проверките што ги извршил тимот од австрискиот производител, градските власти одлучиле да не ја пуштаат повторно во сообраќај.

ЈСП „Скопје“ чека понуда од австриската фирма за сервисирање.

– Колку точно ќе трае сервисирање не можеме да кажаме, но сигурно е дека летово нема да работи – додава Ѓорѓиевски.

The post ЖИЧНИЦАТА НА ВОДНО НЕМА ДА РАБОТИ ЦЕЛО ЛЕТО Имало опасност да се откачи гондола appeared first on plusinfo.mk.

Директорот на владината Служба за општи и заеднички работи, Ивица Томовски, најави дека е во план заедно со Град Скопје да се реализира проект за обновување и за модернизација на жичницата на Водно.

Томовски информираше дека наместо претходно планираната траса од црквата „Свети Јован“ кон Средно Водно, се предлага поврзување од болницата Козле до Средно Водно.

Како што посочи, оваа локација нуди поширок простор каде што може да се обезбеди монтажен паркинг, што би им овозможило на граѓаните безбедно да ги остават своите возила и да продолжат понатаму.

– Доколку сакате да го паркирате возилото и да бидете сигурни дека има паркинг, за разлика од претходната локација, каде реално нема каде да паркирате возило, и треба да одите пеш – вели Томовски во гостување на ТВ Алфа.

Тој најави дека во текот на утрешниот ден треба да се одржи состанок со градоначалникот на Скопје, Орце Ѓорѓиевски, на кој ќе се разговара за двете теми, трасата и начинот на финансирање на проектот.

The post ЌЕ СЕ ДОГРАДУВА ЖИЧНИЦАТА ОД ДЕТСКАТА БОЛНИЦА КОЗЛЕ ДО СРЕДНО ВОДНО Ќе се гради и монтажен паркинг appeared first on plusinfo.mk.

Јавното сообраќајно претпријатие – ЈСП Скопје ги известува своите корисници дека денеска (11.01.26), жичницата на Водно нема да биде во функција поради засилен ветер.

Јачината на ветрот ги надминува дозволените граници за жичница да функционира непречено и безбедно.

Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците, соопштија од ЈСП Скопје.

The post ЖИЧНИЦАТА НА ВОДНО НЕ РАБОТИ ПОРАДИ СИЛЕН ВЕТЕР Јачината на ветрот ги надминува дозволените граници за безбедно возење appeared first on plusinfo.mk.