Четвртиот топлотен бран ова лето продолжува денеска во Велика Британија, со очекувани температури до 34 степени Целзиусови во делови од Англија.

Портокаловото предупредување за здравствена опасност од високи температури останува во сила за Западен и Источен Мидленд, Лондон, Југоисточна и Источна Англија до 18 часот (17 GMT), откако вчера беа измерени 33,4 степени. Поголемиот дел од остатокот на Англија е под жолт метео аларм.

Највисоките температури вчера беа забележани во Бенсон (Оксфордшир), Рос-он-Вај (Херефордшир) и Нортолт (западен Лондон).

Рекордот за најтопол августовски ден во Британија е 38,5 степени (Фавершам, Кент, 10 август 2003), додека најтоплиот ден во 2025 година досега беше 35,8 степени, исто така во Фавершам, на 1 јули.

Метеоролозите за денеска предвидуваат претежно суво и сончево време, со можност за локални поројни и грмежливи дождови во југоисточните делови попладне, како и врнежи во Шкотска. Утре ќе биде нешто посвежо со температури до 29–30 степени во јужните и југоисточните региони, додека в петок повторно ќе се врати многу топло време со температури до 31 степен на југот и југоистокот.

Здравствените власти предупредуваат дека температурите над 30 степени можат да предизвикаат сериозни здравствени последици кај постарите и лицата со хронични заболувања, па се апелира граѓаните да преземат мерки за заштита од топлината.

Англија во моментов се соочува и со сериозен недостиг на вода – пет региони се во суша, а уште шест во статус на продолжено суво време, што негативно влијае врз земјоделството, екосистемите и ја зголемува опасноста од пожари.

The post БРИТАНЦИТЕ ЌЕ СЕ „ПРЖАТ“ НА 34 СТЕПЕНИ Издадено е предупредување за топлотен бран, а што да речеме ние? appeared first on plusinfo.mk.

Сезоната на пожари во земјава почна порано и дневно се регистрираат по триесетина пожари, а денеска активни се четири пожари на територијата на општините Прилеп, Валандово, Богданци, Старо Нагоричане, Македонски Брод и други локации, изјави на прес-конференција Стојанче Ангелов, директор на Дирекција за заштита и спасување (ДЗС).

Во првите три денови од овој месец регистрирани се 43 пожари на отворен простор, нагласи Ангелов.

– Упатувам апел до поголемиот број македонски граѓани кои што имаат свои викендици или стари куќи во делумно или целосно напуштени села, да се погрижат за нивните дворови. Во валандовско постоеше опасност да изгорат неколку куќи во кои сеуште живеат возрасни луѓе кои го запуштиле дворот и им изникнала трева повисока од еден метар со што пожарот можеше да дојде до нивниот праг и куќите да ги запали. Апелирам граѓаните да ја искосат тревата и на тој начин ќе ни помогнат во гаснењето на пожарите бидејќи со вакво темпо и според прогнозите најверојатно ќе имаме многу тешко лето со многу пожари за гаснење и нашиот фокус наместо кон гаснење на пожарите ќе треба да биде кон одбрана на населените места – истакна Ангелов.

Од ДЗС информираа дека дирекцијата во овој момент има еден функционален Ер-трактор, вториот Ер-трактор со завршување на сервисирањето треба да пристигне следната недела, а за третиот Ер-трактор неможе да се даде точна информација.

– Сакам да ја известам јавноста дека благодарение на премиерот и Владата, платата на вработените во авио-одделението во ДЗС е двојно зголемена и тоа ќе биде мотивирачки фактор вработените да останат да работат во ДЗС. Воедно ги повикувам на разговор пилотите што имаат професионална дозвола за летање, а не се ангажирани, да дојдат на дообука и да се стекнат со дозвола за Ер-трактор – посочи Ангелов.

На прес-конференција во ДЗС, директорот Ангелов информира за надлежностите на Дирекцијата и работата на внатрешната инспекција и инспектори чиј вкупен број е 15, а потребно е да бидат 35, проблем кој во наредниот период ќе се решава.

– Ги повикувам сите граѓани и посебно земјоделците да не палат огнови на отворено, да не се палат стрништа, да не се пали сувата трева, да не се палат пасиштата, да не се палат грмушки. Да се почитуваат правилата за движење низ шуми бидејќи движењето не е забрането, само е потребна најава и дозвола за движење низ шумите – појасни Ангелов.

Од ДЗС потврдија дека во случај на кризна состојба ќе бидат употребени и специјални возила транспортери за гаснење на пожари кои ќе бидат препознатливи и со црвена боја.

The post ДНЕВНО СЕ РЕГИСТРИРААТ ПО ТРИЕСЕТИНА ПОЖАРИ Ангелов вели дека службите ги чека долго тешко лето appeared first on plusinfo.mk.

Времето утре, 2 јули, ќе биде сончево со мала до умерена локална облачност. Ќе дува слаб до умерен ветер од северен правец. Температурите ќе бидат во интервал од 12 до 38 степени.

Во Скопје времето ќе биде сончево со мала до умерена облачност и со слаб до умерен северен ветер. Температурите ќе бидат во интервал од 20 до 38 степени.

Следува период на сончево и топло време со мала до умерена облачност. Температурите ќе бидат во постепен пораст, особено од четврток до средината на наредната седмица кога дневната температура насекаде ќе биде над 30°C, а наместа ќе надмине 40°C.

Во недела во попладневните и вечерните часови ќе има услови за локална нестабилна облачност со пороен дожд и грмежи.

The post НОВ ПОРАСТ НА ТЕМПЕРАТУРИТЕ ОД ЧЕТВРТОК Услови за дожд дури в недела appeared first on plusinfo.mk.

Во неделата на неколку плажи долж централниот дел на Португалија се појавиле ретки облаци наречени „roll clouds“ или облаци  „volutus“, јави Португалскиот Институт за Море и Атмосфера. Се чини дека несекојдневните летни температури низ Европа, кои наместа достигнаа и до 42 степени, го предизвикаа овој феномен.

Облаците се појавиле напладне поради контрастот помеѓу топлиот копнен воздух и посвежиот морски ветер. Облакот, налик на ролна, се движел хоризонтално, носејќи силен ветер што ги изненадил сончарите долж брегот меѓу Пениќе и Повоа де Варзим, јавува ПортугалЊуз.

Облаците „во ролна“, иако визуелно драматични, не се поврзани со земјотреси или со цунами, но сепак може да донесат засилен ветар на брегот.

Топлотниот бран во Португалија предизвика нестабилни атмосферски појави како поројни дождови, громови, град и силен ветер во внатрешноста на земјата.

It was nuts to have experienced this rolling cloud in the north of Portugal. Felt like a tsunami out of a movie!
Apparently it was 150km long, stretching from Figueira da Foz all the way up to Vila do Conde, which is close to where I was. pic.twitter.com/BOnr4knsJe

— Helder (@HelderHP) June 30, 2025

This cloud rolled in like an actual tsunami over Portugal.

It’s actually called a roll cloud.pic.twitter.com/0MA27DS4ia

— Massimo (@Rainmaker1973) June 30, 2025

Топлотниот бран во Италија донесе обилни врнежи од дожд, но и поплава и свлекување на земјиштето во е град блиску до границата со Франција. Од поплавата биле спасени десетина лица, а загина 70-годишен маж.  а однесе и еден човечки живот.

Massive flash flood due to heavy rain in Bardonecchia of Piedmont region, Italy (30.06.2025) pic.twitter.com/nxwaBozqiS

— Disaster News (@Top_Disaster) June 30, 2025

Низ земјата се забележани и неколку бури, но и пожари. Во Болоња, пак, починал 47-годишен маж откако му се слошило поради високите температури.

Во Франција се очекува температурите да достигнат и 41 степен Целзиусов, на неколку локации има пожари, а поради топлотниот бран, некои атракции, како Ајфеловата кула, се затворени за јавноста.

The post 📽️ ВАКВИ „РОЛНИ“ ОБЛАЦИ ВО ПОРТУГАЛИЈА НИКОГАШ НЕМАЛО Топлотниот бран донесе поплави низ Европа appeared first on plusinfo.mk.

Времето утре, 1 јули, ќе биде сончево со мала до умерена локална облачност. Ќе дува слаб до умерен ветер, вдолж Повардарието повремено засилен ветер од северен правец. Температурите ќе бидат во интервал од 14 до 38 степени.

Во Скопје ќе биде сончево со мала до умерена облачност. Ќе дува слаб до умерен , повремено засилен ветер од северен правец. Температурите ќе бидат во интервал од 20 до 38 степени.

Следува период на сончево и топло време со мала до умерена облачност. Температурите ќе бидат во постепен пораст, особено од четврток и за време на викендот кога дневната температура насекаде ќе биде над 30°C, а наместа ќе достигне до 40°C.

The post ТЕМПЕРАТУРИ ОД 38 СТЕПЕНИ НА 1 ЈУЛИ За викендот живата ќе се искачи на 40 степени appeared first on plusinfo.mk.

Времето утре ќе биде сончево со мала до умерена локална облачност. Ќе дува слаб до умерен, а наместа повремено засилен ветер од северен правец, информира УХМР.

Минималните утрински температури ќе изнесуваат од 12 до 20 степени Целзиусови, а максималните дневни температури од 26 до 37 степени Целзиусови.

Во Скопје времето ќе биде сончево со мала до умерена облачност. Ќе дува умерен, повремено засилен северен ветер.

The post СОНЧЕВ И ТОПОЛ ПОНЕДЕЛНИК Температурата ќе достигне 37 степени, засилен северен ветар ќе лади повремено appeared first on plusinfo.mk.

Под влијание на Сутропски Антициклон, односно на многу топла воздушна маса од Африка и поле на висок воздушен притисок, во периодот од понеделник, 30 јуни, до петок, 4 јули, времето во нашата Република Македонија ќе биде многу топло и сончево со појава на сосема мала локална облачност.

Деталната прогноза на метеопрогнозерот Славчо Поповски на следниот ЛИНК.

The post АФРИКАНСКИ ПЕКОЛ ВО МАКЕДОНИЈА Следната недела ќе врие од жештини, доаѓа нов топлотен бран appeared first on plusinfo.mk.

Времето утре ќе биде сончево и топло со мала локална облачност, информира УХМР.

Ќе дува слаб до умерен ветар од северен правец.

Минималните утрински температури ќе се движат од 7 до 18 степени Целзиусови, а максималните дневни температури – од 24 до 34 степени Целзиусови.

Во Скопје, времето ќе биде сончево и топло со мала облачност и со слаб до умерен ветар од северен правец.

The post НЕДЕЛАТА ЌЕ ПОЧНЕ СО УМЕРЕН ВЕТАР И СО СОНЦЕ Температурите в понеделник ќе се искачат до 34 степени appeared first on plusinfo.mk.

Времето утре ќе биде сончево и многу топло со мала до умерена локална облачност. Ќе дува слаб до умерен ветер од јужен правец. Попладне, претежно во југоисточните делови ќе има изолирана појава на нестабилност со пороен дожд и грмежи.

Минималната температура ќе биде во интервал од 10 до 19, а максималната ќе достигне од 29 до 37 степени.

Во Скопје, сончево и многу топло со мала до умерена облачност. Ќе дува слаб ветер од јужен правец. Минималната температура ќе се спушти до 16, а максималната ќе достигне до 37 степени.

Во недела ќе се задржи сончево и многу топло време. Од понеделник ќе дува умерен до засилен северен ветер, а дневната температура ќе опадне за 3 до 5 степени. Кон средината на седмицата ќе има локална појава нестабилност со пороен дожд и грмежи.

The post ДЕНЕСКА БЕШЕ ТОПЛО, А УТРЕ ЌЕ БИДЕ УШТЕ ПОТОПЛО Еве кога се очекува заладување appeared first on plusinfo.mk.

Летово се очекува да биде значително потопло и посушно, прогнозира Управата за хидрометеоролошки работи. Во Македонија постои многу голема веројатност дека температурите ќе ги надминат многугодишните просечни вредности. Надминувањето може да достигне и до 3 степени Целзиусови речиси на целата територија. Најголемо позитивно отстапување на температурата на воздухот од повеќегодишните просеци за оваа сезона се очекува да биде во јули.

Како што информира УУХМР, според анализите за целиот југоисточен регион на Европа, се очекува летните температури да достигнат натпросечни вредности, а врнежите ќе бидат под просекот.

„Несигурноста кај регионалните предвидувања за врнежите е секогаш поголема во однос на температурата. Се очекува целиот југоисточен регион на Европа да има врнежи под просечните. Во Македонија најголемо негативно отстапување на врнежите за оваа сезона се очекува да биде во јули. Во планинските делови постои голема веројатност дека просечните врнежи ќе бидат надминати, поради епизоди на засилена конвекција и појава на обилни врнежи“, се вели во соопштението.

Многугодишниот просек (1991-2020) за температурите на воздухот во летната сезона изнесува околу 16 степени Целзиусови во планинските предели и до 26.1 степени во Гевгелија. Просечните врнежи во летниот период најмногу достигнуваат во источниот дел, околу 170 милиметри.

Според многугодишниот просек (1991-2020) температурата на воздухот во Скопје за јуни, јули и август изнесува 22,2°, 24,7° и 24,6° Ц. Просечната количина на врнежи во Скопје за јуни изнесува 47,6 милиметри, за јули 34,1 и за август 37,4 милиметри дожд на метар квадратен.

„Во престојната летна сезона постои веројатност да се јават периоди со исклучително топло и сушно време. Има веројатност и за изразени негативни отстапувања од вообичаените средни вредности на температурата, но и за влажни продори. Повремено може да доминираат субсезонски варијации, кои не се предвидливи долго време однапред“, се вели во соопштението од Упрвата за хидрометеоролошки работи.

The post ЛЕТОТО ЌЕ БИДЕ ПЕКОЛНО ТОПЛО И ПУСТИНСКИ СУШНО Дури за 3 степени ќе се зголемат просечните температури appeared first on plusinfo.mk.