Македонската женска фудбалска репрезентација денеска славеше убедлива победа над Андора со 3:0.

На стадионот „Петар Милошевски“ во Битола головите ги постигнаа Галабовска, Мејер и Грозданова.

Ова беше натпревар од квалификациската група за пласман на Светско првенство и прва победа за „црвено-жолтите“.

The post МАКЕДОНКИТЕ СЛАВЕА ПОБЕДА НАД АНДОРА Фудбалерките победија со 3:0 appeared first on plusinfo.mk.

Иранската државна телевизија ја нарече денеска националната женска фудбалска репрезентација „воени предавници“ откако фудбалерките не ја испеаја химната пред натпреварот од Азискиот куп против Јужна Кореја во Австралија претходно оваа недела.

Иран настапува на континенталниот турнир во време кога воениот конфликт ескалира во земјата, откако САД и Израел почнаа воздушни напади за време на викендот во кои беше убиен врховниот лидер на Исламската Република, Али Хамнеи.

Фудбалерките на Иран стоеја молчешкум кога беше интонирана иранската национална химна против Јужна Кореја во понеделникот, иако ја пееја химната пред поразот од 4-0 од домаќинот Австралија три денa подоцна.

Водителот на иранската државна телевизија, Мохамед Реза Шахбази, во видео објавено на социјалните мрежи рече дека фудбалерките покажале недостиг на патриотизам и оти нивните постапки довеле до „најголема срамота“.

– Дозволете ми да кажам само едно: предавниците за време на војна мора да бидат построго третирани. Секој што ќе преземе чекор против земја во воена состојба мора да биде построго третиран. Како во овој случај кога нашата женска фудбалска репрезентација не ја пее националната химна … со овие луѓе мора да се постапи построго – рече Шахбази.

Иранките ќе се соочат со Филипините во нивниот последен натпревар од групата в недела.

The post ИРАНСКИТЕ ФУДБАЛЕРКИ НЕ ЈА ИСПЕАЈА ХИМНАТА Државната телевизија ги нарече „воени предавници“ appeared first on plusinfo.mk.

Преку овој процес, кој се очекува да трае неколку месеци, ќе бидат опфатени сите заинтересирани страни кои директно или индиректно имаат влијание на развојот во женскиот фудбал во нашата земја. Сведоци сме дека во Европа и пошироко во светот фудбалот е најбрзо растечкиот спорт за жени, и ФФМ како институција одговорна за развојот на фудбалската игра е подготвена да држи чекор со овој тренд, стои во соопштението на ФФМ.

Посочуваат дека женскиот фудбал има свое важно место во десетгодишниот стратегиски план на федерацијата 2016-2021-2026.

– За нас како федерација важни се сите аспекти од развојот на фудбалската игра. Женскиот фудбал сѐ повеќе се наметнува како поле на дополнителен развој, и со цел да ги координираме нашите активности плански и согласно нашите потреби и можности, решени сме да изготвиме документ кој ќе претставува основа на нашата работа на ова поле во следните пет години. Нашата цел е да изготвиме план на конкретни и спроведливи активности, а не само убав документ кој ќе стои на полица. Подготвени сме да ги вклучиме сите заинтересирани страни, со цел да бидеме сигурни дека она за што ќе се обврземе преку оваа стратегија ќе биде релевантно и ќе им помогне на сите засегнати, на сите оние кои и досега неуморно работеа на развој на женскиот фудбал – изјави Филип Поповски, генералниот секретар на ФФМ.

The post ФФМ ќе го заживува женскиот фудбал appeared first on plusinfo.mk.