СВР Тетово поднесе кривична пријава против 61-годишен жител на Желино поради сомнение дека подолг период полово ја вознемирувал жена на нејзиното работно место, информира Министерството за внатрешни работи.

Според пријавеното, А.А. повеќе од еден месец секојдневно влегувал во продажниот објект каде што работела жената и, во моменти кога таа била сама, ѝ упатувал недолични зборови.

МВР посочува дека станува збор за сомнение за сторено кривично дело „полово вознемирување“, поради што против 61-годишниот жител на Желино е поднесена кривична пријава.

Случајот е во надлежност на институциите, кои треба да ги утврдат сите околности и факти поврзани со пријавеното однесување.

The post ПОВЕЌЕ ОД ЕДЕН МЕСЕЦ ПОЛОВО ЈА ВОЗНЕМИРУВАЛ НА РАБОТА Кривична пријава против 61-годишник од Желино appeared first on plusinfo.mk.

Пет пожари на отворен простор биле регистрирани низ Македонија во текот на денот до 13 часот, а три од нив и понатаму се активни, информираше Центарот за управување со кризи (ЦУК).

Активни се пожарите кај селото Желино, во општина Желино, каде гори ниска вегетација, како и пожарот кај патарината кон Гостивар, на територија на општина Боговиње, каде исто така е зафатена ниска вегетација.

Третото активно огнено жариште е во општина Крива Паланка, во подрачјето познато како „Думачка Маала“. Таму пожарот зафатил ниска вегетација и багремови насади.

Од ЦУК информираат дека во текот на денот биле изгаснати два пожари.

Едниот пожар бил регистриран во општина Струмица, во близина на селото Просениково, каде горело ѓубре, додека вториот бил во регионот на Старо Нагоричане, каде била опожарена ниска вегетација.

Надлежните служби продолжуваат со следење на состојбата на терен и со преземање активности за локализирање и гаснење на активните пожари.

The post ГОРИ КАЈ ЖЕЛИНО, БОГОВИЊЕ И ВО КРИВА ПАЛАНКА Пет пожари до 13 часот, активни сѐ уште активни appeared first on plusinfo.mk.

Шест лица од Тетово се соочуваат со кривични пријави поради насилна пресметка што се случила во селото Желино, откако вербална расправија ескалирала во тепачка и сериозни закани со оружје.

Инцидентот се случил на 5 ноември 2025 година, кога по претходна кавга меѓу 63-годишниот Ј.Џ. и 34-годишниот Б.И., ситуацијата излегла од контрола. Според информациите од полицијата, Ј.Џ. во еден момент се обидел да го нападне Б.И. со метален предмет, но присутните успеале навреме да ги разделат.

Наместо да се смири, конфликтот подоцна повторно се разгорел и прераснал во физичка пресметка во која биле вклучени сите пријавени лица. Во најкритичниот момент, Ј.Џ. наводно извадил огнено оружје и му упатил закани на Б.И., што дополнително ја влошило ситуацијата и предизвикало вознемиреност кај присутните.

Од СВР Тетово информираат дека против Б.И. (34), Б.И. (30), В.И. (29), Ј.Б. (37), Џ.Б. (30) и Ј.Џ. (63), сите од Тетово, е поднесена кривична пријава за „насилство“ и „загрозување со опасно орудие при тепачка или караница“.

Случајот е документиран и доставен до надлежното обвинителство, кое ќе одлучува за понатамошната постапка.

The post ТЕПАЧКА, МЕТАЛНИ ПРЕДМЕТИ И ПИШТОЛ Кривични пријави за шест лица по инцидент во Желино appeared first on plusinfo.mk.

Полицијата поднесе кривична пријава против 35-годишен жител на селото Стримница, општина Желино, поради закани упатени кон вработени во општинската зграда.

Според информациите од СВР Тетово, инцидентот се случил на 2 јануари, кога мажот дошол во Општина Желино барајќи средба со градоначалникот. Откако дознал дека градоначалникот не е присутен во зградата, тој започнал да им упатува закани на двајца вработени.

Настанот бил пријавен во полиција, по што биле преземени мерки за негово расчистување. По прибирањето на доказите, против осомничениот е поднесена кривична пријава за загрозување на сигурноста.

The post НЕ ГО НАШОЛ ГРАДОНАЧАЛНИКОТ, ПА СЕ ЗАКАНУВАЛ Кривична пријава за 35-годишник од Стримница appeared first on plusinfo.mk.

Кривична пријава е поднесена против пет лица од тетовското село Желино, кои се осомничени дека физички нападнале 19-годишна девојка од истото село.

Како што информираат од СВР Тетово, станува збор за П.А. (28), С.А. (30), Е.А. (23), Г.А. (44) и А.А. (19), против кои е поведена постапка за кривичното дело „насилство“.

Инцидентот се случил на 26 септември 2025 година, по претходна расправија меѓу инволвираните. Според полициските информации, расправијата ескалирала во физички напад, при што петте ја нападнале младата девојка.

– По целосно расчистување и документирање на случајот, СВР Тетово поднесе кривична пријава поради основано сомнение за сторено кривично дело „насилство“ – соопштија од полицијата.

Нема официјални информации за тежината на повредите, но случајот е пријавен и се води постапка пред надлежните органи.

Надлежното обвинителство ќе одлучува за понатамошните чекори и евентуалните мерки против осомничените.

The post БРУТАЛНО НАСИЛСТВО ВО ЖЕЛИНО Пет лица претепале 19-годишна девојка по расправија appeared first on plusinfo.mk.

Од евидентирани девет пожари денеска, до 20:30 часот еден е активен, а осум се ставени под контрола, соопшти Центарот за управување со кризи ЦУК. Активен е пожар на отворен простор, во општина Кавадарци, во близина на Тиквешкото езеро каде гори нискостеблеста шума и трева.

– Под контрола се пожарите во подрачјето на Јасен каде гореше мешана шума, во Гевгелија на планината Кожуф, во Желино кај селата Мерово и Церово, во Врапчиште помеѓу селата Добри Дол и Врапчиште, во Долени кај село Долгаец, во Сарај кај село Копаница и во Битола во местото Ергела.

The post УШТЕ Е АКТИВЕН ПОЖАРОТ КАЈ ТИКВЕШКО ЕЗЕРО Службите се справија со 8 жаришта во земјата appeared first on plusinfo.mk.

Центарот за управување со кризи информира дека има активни 6 пожари, а 4 се под контрола.

Активни се пожарите меѓу селата Добри Дол и Врапчиште во општина Врапчиште каде гори сува трева, кај селото Копаница во општина Сарај каде исто така гори сува трева, како и кај селото Магленце во општина Старо Нагоричане. Активни пожари има и во велешко кај фабриката „Киро Ќучук“ и во близина на Тиквешкото Езеро, како и во битолско поточно кај месноста викана Ергела.

Под контрола се пожарите на планината Кожуф во општина Гевгелија, кај селото Мерово и кај селото Церово во општина Желино и на Јасен.

Според податоците на ЦУК, до 18 часот на територија на државата регистрирани се вкупно 18 пожари од кои осум се изгаснати.

The post ПОД КОНТРОЛА ПОЖАРИТЕ НА КОЖУФ, КАЈ ЦЕРОВО, ВО ЖЕЛИНО И НА ЈАСЕН Екипите се справуваат со 6 активни пожари во земјата appeared first on plusinfo.mk.

Центарот за управување со кризи (ЦУК) информира дека во текот на денот се евидентирани четири пожари кои почнале на планинските подрачја на Општина Желино. Пожари има околу селата Мерово на планината Сува Гора и околу Церово на планината Жеден, а според ЦУК сите пожари се ставени под контрола благодарение на брзата реакција и координацијата на надлежните служби.

– Во селото Церово активни се екипите на тетовските пожарникари, додека во селото Мерово интервенцијата ја изведуваат пожарникарските екипи заедно со „Национални шуми“. Состојбата продолжува внимателно да се следи од страна на Центарот за управување со кризи во соработка со институциите. Сепак, загрижува фактот што одредени поединци, со подметнување на пожари, ја загрозуваат природата, животот на граѓаните и иднината на нашите деца – истакна Мухамед Али, директор на ЦУК.

Сомневање дека станува збор за подметнати пожари изрази и градоначалникот на Општина Желино, Блерим Сејдиу преку неговиот Фејсбук профил.

– Се сеќавате ли пред неколку недели, штом го отворивме булеварот во Желино, избувна пожар на планините кај Групчин и Церово. И повторно денес, штом ги информиравме граѓаните за нови проекти одеднаш нови пожари се случија истовремено. Да, многу чудно. Работиме за развој, но се чини дека некој работи за уништување, напиша Сејдиу.

Од ЦУК со апел до сите граѓани за максимална внимателност и одговорност, бидејќи секое невнимание или несовесно постапување може да има сериозни последици по луѓето и животната средина.

The post ПОЖАРНИКАРИТЕ ГАСНАТ 4 АКТИВНИ ПОЖАРИ ВО ЖЕЛИНО Градоначалникот се сомнева дека се подметнати appeared first on plusinfo.mk.

Во раните утрински часови полициски екипи од Управата за финансиска полиција упаднале на неколку локации во општина Липково, Куманово и во Желино, каде што во моментот се вршат претреси.

Како што дознаваме, акцијата е резултат на подолга истрага за постоење на организирана криминална група која, според првичните сознанија, се сомничи за злосторничко здружување, даночно затајување, даночна измама, перење пари и други кривични дела поврзани со финансиски криминал.

Неофицијалните информации говорат дека се работи за фирми кои се занимаваат со набавка и продажба на нафтени деривати кои се сомничат за сторен криминал тежок над 7 милиони евра.

Детали за акцијата се најавуваат по нејзиното завршување, во текот на денот.

The post ПОЛИЦИЈАТА УТРОВО САРДИСА ФИРМИ ВО ЛИПКОВО, КУМАНОВО И ВО ЖЕЛИНО Продавале нафтени деривати, се сомничат за криминал тежок над 7 милиони евра appeared first on plusinfo.mk.

Триесет „туристки“ од Русија, Бразил, Србија, Албанија, Аргентина и Колумбија биле затекнати и приведени во ноќна полициска акција во Тетово и с. Желино, поради злоупотреба на туристичкиот престој.

Акцијата, спроведена во ноќта меѓу 9 и 10 август (23:30 – 02:30 часот), била организирана од полициски службеници на СВР Тетово, во соработка со Националната единица за сузбивање на криумчарење мигранти и трговија со луѓе од Скопје.

При контролата во објект во с. Желино, сопственост на 48-годишниот Ј.Ф., и во објект во Тетово управуван од 22-годишниот И.А., било утврдено дека странските државјанки престојувале во земјава спротивно на целта на туристичкиот престој.

„Туристките“ биле задржани во полициска станица, а сопственикот и одговорното лице се соочуваат со поднесување соодветни кривични и прекршочни пријави. Полицијата најави дека по целосно документирање на случајот ќе бидат преземени законски мерки против сите инволвирани.

The post ПРИВЕДЕНИ 30 „ТУРИСТКИ“ ВО ТЕТОВСКО Заврши престојот во земјава за жени од 6 различни држави appeared first on plusinfo.mk.