Договор за заем меѓу МЖ Транспорт и Европската банка за обнова и развој (ЕБОР) во износ од 20,9 милиони евра е потпишан денеска во Владата. Со заемот ќе се набавуваат електрични локомотиви со резервни делови, а целта е поголем транспорт на стоки и генерирање приходи на претпријатието.

Како што беше речено пред потпишувањето, проектот е важен чекор кон модернизација на МЖ Транспорт, како и кон унапредување на сигурноста и ефикасноста на товарниот железнички сообраќај.

Условите под кои се обезбедени средствата – долгорочен рок на отплата, поволен грејс период и конкурентна каматна стапка, се во целосна согласност со стратегијата за одговорно управување со јавниот долг и обезбедување одржливи јавни финансии.

– Денес зборуваме за нешто што со децении беше занемарувано, а е од суштинско значење за економијата, извозот и европската иднина на Македонија, а тоа е железницата. Состојбата што ја наследивме беше катастрофална. До неодамна МЖ Транспорт немаше ниту една целосно функционална локомотива – подвлече премиерот Христијан Мицкоски, според кој, ова е системска обнова на железничкиот сектор.

Мицкоски информира и дека пред Договорот за заем претходеше анализа за потребите, функционалноста и оперативноста на МЖ Транспорт.

Според вицепремиерот и министер за транспорт Александар Николоски и министерката за финансии Гордана Димитриеска-Кочоска, потпишувањето на Договорот е клучен чекор за целосната трансформација на ЖРСМ Транспорт во модерно претпријатие кое ќе одговори на потребите на комитентите.

-Новите локомотиви целосно ќе ја променат сликата и со веќе постојните целосно ќе може да го опслужат транспортот – рече Николоски.

Министерката Димитриеска-Кочоска напомена дека Договорот за заем е резултат на интензивни и конструктивни преговори и претставува потврда за довербата што меѓународните финансиски институции ја имаат во нашите политики и во насоката во која се движи државата.

– Со денешниот настан и потпишувањето на Договорот за заем за финансирање на проектот „Обновување на товарниот возен парк“ директно инвестираме во зголемување на капацитетите и ефикасноста на Железници на Република Македонија – Транспорт АД Скопје, преку набавка на нови локомотиви кои ќе овозможат поголем обем и посигурност на товарниот железнички превоз. Тоа значи подобра поврзаност, поголема конкурентност на домашната економија и нови можности за генерирање приходи. Особено значајно е што проектот вклучува и воведување на современ ERP-систем, со што се создава основа за подобро управување со ресурсите, зголемена оперативна ефикасност и повисоко ниво на корпоративно управување во железничкиот сектор – истакна министерката.

Ова е пример, дополни, за интегриран пристап – не само инфраструктурна инвестиција, туку и институционално и управувачко зајакнување.

На потпишувањето, покрај претставниците на ЕБОР, присуствуваат и претставници на Министерството за транспорт и на раководството на ЖРСМ Транспорт.

The post ЖЕЛЕЗНИЦИ-ТРАНСПОРТ КУПУВА ЛОКОМОТИВИ Денеска се задолжи кај ЕБОР со кредит од 20,9 милиони евра appeared first on plusinfo.mk.

Поради реконструкција на пругата на делницата Скопје – Зелениково, од 11 декември 2025 до 10 јуни 2026 година нема да сообраќаат повеќе возови.

– Нема да сообраќаат следниве возови: возот број 601 на релација Скопје – Велес, со време на тргнување во 8:00 часот, возот број 2081 на релација Скопје – Велес со време на тргнување во 13:20 часот, возот број 643 на релација Скопје – Битола, со време на тргнување во 14:30 часот, возот број 2080 на релација Велес – Скопје, со време на тргнување во 12:10 часот, возот број 2082 на релација Велес – Скопје со време на тргнување во 14:24 часот и возот број 642 на релација Жабени – Скопје, со време на тргнување во 11:15 часот – соопштија Железници на Северна Македонија – Транспорт АД-Скопје.

The post СЕ УКИНУВААТ ВОЗОВИ ОД СКОПЈЕ ДО ВЕЛЕС И ДО БИТОЛА Ќе се реконструира пругата Скопје – Зелениково appeared first on plusinfo.mk.

Железници Транспорт соопшти дека од Организацијата на грчките железници (OSE) известиле дека од денеска во 19 часот, повторно ќе биде воспоставен железничкиот сообраќај на делницата Солун – Поликастро – Идомени.

„Поради тековните работи на реконструкција на инфраструктурата, во периодот од четврток  (27 февруари) од 18 часот до вторник (4 март) во 07.30 часот, овој дел од пругата ќе биде подложен на дополнителни градежни активности“, се наведува во соопштението.

Во овој период, железничкиот сообраќај ќе биде дозволен исклучиво со дизел локомотиви, и тоа во следните термини:  од 26 февруари (19.00 часот) до 27 февруари (06.30 часот), од 27 февруари (19.00 часот) до 4 март (06.30 часот).

Почнувајќи од 4 март (19.00 часот), сообраќајот ќе се одвива секој ден од 19.00 до 06.30 часот, до следно известување.

Останува на сила целосна забрана за железнички сообраќај на делот Поликастро – Идомени (км 58+010 до км 75+500) сè до дополнително известување.

„Грчките железници апелираат до сите железнички оператори и машиновозачи да ги почитуваат пропишаните ограничувања на брзината на оваа делница за да се осигура безбедноста на патниците и товарниот транспорт“, се наведува во соопштението од Железници Транспорт-АД Скопје.

The post СЕ НОРМАЛИЗИРА ЖЕЛЕЗНИЧКИОТ СООБРАЌАЈ СОЛУН – ИДОМЕНИ Денеска попладне ќе биде пуштен првиот воз appeared first on plusinfo.mk.

The post КАДАР НА СТОИЉКОВИЌ ВО МАКЕДОНСКИ ЖЕЛЕЗНИЦИ Кошутиќ директор на МЖ Транспорт appeared first on plusinfo.mk.

Четвртата емисија акции е по пат на приватна понуда. Ќе се емитуваат 962.913 обични акции по вена од 1.000 денари за акција. Вкупната продажна вредност на емисијата e 962.913.000 денари или речиси 15,65 милиони евра.

Како што е наведено во соопштението од Комисијата за хартии од вредност, издавањето на хартиите од вредност е во функција на зголемување на основната главнина за создавање услови за непречено функционирање.  Приватната понуда е наменета за познат купувач, односно за единствениот акционер – Владата.

Ова државно претпријатие е редовен загубар и должник.Само во првата половина од годинава загубите изнесуваат речиси 65 милиони евра.

Владата подолг период планира да го реши проблемот со либерализација на железничкиот транспорт за што подготви измени и на законот според кој се предвидува – превозот на патници и стока  да се врши од приватно домашно или странско правно лице, т.е. да го отвора пазарот за други железнички превозници.

The post НОВ ОБИД АД „ЖЕЛЕЗНИЦИ ТРАНСПОРТ“ ДА ОСТАНЕ НА НОЗЕ Владата ќе купи акции на друштвото за 15,6 милиони евра appeared first on plusinfo.mk.

„Истиот не е предизвикан од социјален момент и условите за извршување на работните задачи, туку од лична корист на машинскиот персонал кој има тримесечен просек на плата од 50.808 денари“, се вели во образложението на  Железници транспорт за незаконитоста на штрајкот.

Од компанијата велат дека во услови на пандемија и енормно зголемена цена на електричната енергија редовно се исплаќаат платите и надоместоците на вработените, а во изминатиот период се зголемени и нивните плати.

-Напоменуваме дека на вработените им е исплатен првиот дел од платата за декември лани – велат од компанијата.

Оттаму додаваат дека со овој штрајк и прекинот на железничкиот сообраќај на компанијата и на Железници Инфраструктура им се нанесува директна штета.

Од команијата најавуваат дека во следното соопштение ќе ги соопштат имињта на машиновозачите кои штрајкувале и кои возови не сообраќале во овие два дена додека трае штрајкот.

Машиновозачите втор ден штрајкуваат со барање да го добијат вториот дел од декемвриската плата.

The post ШТРАЈКОТ Е НЕЗАКОНИТ Железници Tранспорт тврди дека машиновозачите примаат редовно плата appeared first on plusinfo.mk.

Во текот на вчерашниот ден инспектори од Единицата за економски криминал при СВР Скопје и полициски службеници од ОВР Аеродром ги лишиле од слобода М.У.(63) и Д.П.(38), двајцата од Скопје, поради постоење основи на сомнение за сторено кривично дело „злоупотреба на службената положба и овластување“, информираат од МВР за ТВ21.

Постапувајќи по пријава примена во 18.30 часот од страна на раководно лице во Железници на РСМ – Транспорт, според која во канцеларија опремена со компјутери, во која биле неколку вработени, забележал поголема потрошувачка на струја поради што се посомневал во копање на криптовалути, полициски службеници излегле на местото и по преземени мерки и активности ги привеле двете лица вработени Железници, кои ја користеле канцеларијата, при што било извршено и запечатување на просторијата.

The post НЕ СЕ КОПАЛЕ БИТКОИНИ САМО ВО ГТЦ Вработени во „Железници-Транспорт“ копале криптовалути во својата канцеларија appeared first on plusinfo.mk.