Изградбата на втората фаза на пругата од Бељаковце до Крива Паланка на источниот дел од Коридорот 8 се реализира со засилена динамика, објави директорот на ЈП Железници Инфраструктура, Синиша Ивановски.

„Градежни активности на изградбата на пругата кон Бугарија. Секција 2, од Бељаковце кон Крива Паланка. Должина 34 километри. Прогрес 35%. Бележиме зголемен интензитет на градежните активности“, објави Ивановски на својот профил на Фејсбук.

Министерството за транспорт соопшти дека е објавен јавниот повик за надзор за третата делница од Крива Паланка до границата со Бугарија. Следниот месец се очекува да се распише и меѓународниот јавен повик за избор на изведувач за делницата Крива Паланка-граница.

„Со ова Владата ја покажува јасната стратегија за изградба на железничкиот Коридор 8, како стратешко економски и безбедносен коридор со посебно значење за Македонија и регионот“, соопшти Министерството за транспорт.

The post 🎥 ИНТЕНЗИВНО СЕ ГРАДИ ПРУГАТА КОН БУГАРИЈА Се оформува делницата од Бељаковце до Крива Паланка appeared first on plusinfo.mk.

Од Железничката станица Зелениково до центарот на Скопје наскоро ќе се патува за само 25 минути, а од Драчево до градот за околу 11 до 13 минути.

Ова го најави директорот на ЈП „Железници инфраструктура“, Синиша Ивановски, при увидот на ремонтните активности на пругата, во присуство на премиерот Христијан Мицкоски, вицепремиерот и министер за транспорт Александар Николоски и градоначалникот на Скопје, Орце Ѓорѓиевски.

Се работи за првата фаза од проектот „Градски воз“, која опфаќа ремонт на 25 километри железничка линија од Зелениково до Скопје. Според Ивановски, во тек се и активности на делницата Драчево – Илинден, долга 7,7 километри, која ќе биде наменета исклучиво за товарен сообраќај.

– Првата фаза на „Градски воз“ ќе биде завршена за најмногу шест месеци. Втората делница, од Драчево до Илинден, ќе биде готова до Нова година. И двете пруги се електрифицирани, што значи дека дизел-возовите нема да влегуваат во Скопје – изјави Ивановски.

На оваа траса се наоѓаат седум железнички станици, кои ќе овозможат побрзо, поефикасно и поеколошко патување до центарот на градот.

Ремонтот на делницата Драчево – Илинден чини 3 милиони евра, а реконструкцијата од Зелениково до Скопје 5,7 милиони евра.

– Ова е значаен проект кој ќе ја подобри мобилноста во регионот и ќе придонесе за намалување на загадувањето – додаде Ивановски.

Градоначалникот Орце Ѓорѓиевски истакна дека Град Скопје ќе се вклучи логистички во процесот, а новите железнички точки ќе се поврзат со мрежата на ЈСП „Скопје“ за подобра координација на јавниот превоз.

– Она што некогаш изгледаше како сон, денеска станува реалност. Конечно нудиме алтернатива за граѓаните, особено по проблемите со нефункционалноста на ЈСП – рече Ѓорѓиевски.

Вицепремиерот и министер за транспорт Александар Николоски нагласи дека визијата за „Градски воз“ конечно се реализира.

– Со ремонтот на делницата од Драчево до Илинден ќе се зголеми и карго сообраќајот, а со тоа и економската ефикасност – изјави Николоски.

Премиерот Христијан Мицкоски оцени дека проектот ќе помогне да се растовари сообраќајниот метеж во Скопје и да се намали емисијата на штетни честички во воздухот.

– Ова е еден од проектите што директно придонесуваат за почист воздух. Конечно го започнуваме и БРТ системот, кој ќе бара изградба на нов мост преку Вардар. Сите овие инфраструктурни проекти ќе имаат позитивно влијание врз животната средина и ќе го намалат загадувањето во текот на целата година – изјави премиерот.

Директорот Ивановски најави дека следната година ќе започне проектирањето на втората делница од „Градски воз“  од Волково до Скопје, а во 2027 година ќе започне изградбата на последниот дел, Миладиновци – Илинден – Скопје.

The post ОД ЗЕЛЕНИКОВО ДО СКОПЈЕ ЗА 25 МИНУТИ Почна првата фаза од „Градски воз“, ќе биде готова за половина година appeared first on plusinfo.mk.

Ивановски, како што информираат од Железници инфраструктура  веќе една недела е на позицијата директор.

Синиша Ивановски  досега е познат во јавноста како директор на скопското комунално претпријатие „Улици и Патишта“ од времето кога градоначалник на Скопје беше  Коце Трајановски  и е актуелен претседател на комисија на ВМРО-ДПМНЕ за инфраструктура, урбанизам и транспорт.

Во Железници инфраструктура е избран и новиот состав на Управниот одбор.

За претседател на УО е избран Роберто Тошевски, а за членови Јован Симевски, Сашо Мојсовски, Небојша Захариески, Голубина Арсовска, Елена Стојкоска и Александар Маџаров.

The post СИНИША ИВАНОВСКИ Е НОВ ДИРЕКТОР НА ЖЕЛЕЗНИЦИ ИНФРАСТРУКТУРА Избран е и нов Управен одбор на претпријатието appeared first on plusinfo.mk.

-Во завршна фаза е подготовката на тендерската документација за надзорен инженер и за техничка помош,  како и за градба за последните 24 километри од железничкиот Коридор 8 кон Бугарија, а се очекуваме и дека до крајот на годината ќе биде заокружена експропријацијата – вели Локвенец. 

Локвенец информира дека при експропријацијата ги зеле предвид сугестииите на граѓаните на Крива Паланка за пристапните патишта кон железничката станица во овој град и предложените 50 куќи за раселување и уривање од страна на проектантот, се намалени на 16.

-Делот на експропријација во самата Крива Паланка, плански го одложивме за неколку месеци, очекуваме дека во следните неколку месеци ќе бидеме готови во целост со документацијата потребна за овој тип на активности и оти  до крајот на годината или до почетокот со градба на овој инфраструктурен проект во целост ќе ја завршиме експропријацијата на целата трета делница во должина од 24 километри – вели Локвенец. 

Според него, главна цел на инвестирањето во железниата е таа да се врати на вистинското место, да може да придонесува за поквалитетен живот на граѓаните и да биде помош на македонската економија и нејзината конкурентност.

– Очекувам дека за многу бргу ќе излезе на европскиот пазар. Конкурентноста подразбира дека една од варијаблите е квалитетен и евтин транспорт што железницата може да им го понуди на своите корисници – вели Локвенец.

Според него постојните 700 километри пруга треба да се зголемат за 20% со градбата на планираните нови 150 километри на источното и западното крило на Коридорот 8.

The post ТЕНДЕР И ЗА ИЗГРАДБА НА ПОСЛЕДНАТА ФАЗА НА ПРУГАТА КОН БУГАРИЈА До крајот на годината ќе заврши и експропријацијата appeared first on plusinfo.mk.

Таа прикажа договор за геодетски услуги помеѓу ЈП Железници Инфраструктура, каде што, како што потенцираше, директор е Хари Локвенец кадар од СДСМ и од другата страна е Геопроект Инжинеринг ДООЕЛ Скопје сопственост на Светлана Тунџева, сопруга на директорот на Катастар Борис Тунџев, исто така кадар на СДСМ.

– Овој договор, оваа рамковна спогодба е во висина од 2.360.000 денари. Тој е склучен на 26.05.2022 година. Договорот е во вредност од 40.000 евра во време кога платите за работниците во железници се несигурни, а железничкиот транспорт во Македонија никогаш не бил позапоставен. Потписници на овој договор се Хари Локвенец како директор на ЈП Железници Инфраструктура и сопругата на Борис Тунџев, директор на Агенцијата за Катастар. Или, еден директор во Владата на Ковачевски дава тендер на сопругата на друг директор во Владата на Ковачевски. Тунџева покрај тоа што е сопруга на директорот на Агенцијата за Катастар, и самата е во структурите на СДСМ, па дури е предложена и за заменик член на Избирачки одбор за Избирачко место 2650 во Карпош од партијата СДСМ. За тоа има доказ објавен во службен гласник на општината. Додека нејзиниот сопруг директорува со Агенцијата за Катастар и ги зголемува цените за услугите на оваа институција и за 5 пати, неговата сопруга, преку нејзината фирми склучува државни тендери во вредност од десетици илјади евра. Ова се договори кои власта ги склучува за сопствени бизнис интереси, додека енормно ги поскапува услугите кои им се неопходни на граѓаните. Оваа власт мора да замине – порача Митева.

The post ЕДЕН ДИРЕКТОР ДАВА ТЕНДЕР НА СОПРУГАТА НА ДРУГ ДИРЕКТОР Митева ги стави Локвенец и Тунџев на тапет appeared first on plusinfo.mk.

Покрај тоа што истовремено добила 12.000 евра од 4 општини и Државното правобранителство, Ејупи од 11 мај 2021 година до 16 август 2022 од Владата била поставена и во Надзорниот одбор на Јавното претпријатие „Железници – инфраструктура“, објави телевизијата.

Алсат дознава и дека Ејупи како член на Надзорниот одбор на ова јавно претпријатие со задоцнување го доставила Анкетниот лист до Антикорупциската комисија и за тоа платила и парична казна, по што доставила комплетен анкетен лист.

Иако во јуни Антикорупциската комисија покрена иницијатива за кривична одговорност за четворица градоначалници и иницијатива за морална одговорност за државниот правобранител, кој во истиот период ја ангажирал Ејупи, нејзината соработка со Државното правобранителство продолжила и тоа може да се види и на страницата „Отворени финансии“, каде последната уплата за Ејупи била регистрирана на 5 август.

Од друга страна, МНР и понатаму молчи за информациите кои кружат во јавноста за Бесмира Ејупи. Од МНР ниту ја потврдуваат ниту ја демантираат информацијата дека таа од неодамна работи кај нив.

Пратеникот на ВМРО-ДПМНЕ, Антонио Милошоски, изјави дека ќе бара министерот Бујар Османи во Собранието, во Комисијата за надворешна политика, да појасни за случајот со Ејупи.

Случајот со Бесмира Ејупи стана актуелен кога беше предложена за конзул во Њујорк, а во исто време наводно била на платен список и од Државниот правобранител, од Општина Сарај, Општина Чаир, Општина Брвеница и Општина Петровец.

The post БЕСМИРА ЕЈУПИ ДОБИВАЛА ХОНОРАРИ И ОД „ЖЕЛЕЗНИЦИ-ИНФРАСТРУКТУРА“? Алсат-М објави дека несудената конзулка била дел од Надзорниот одбор appeared first on plusinfo.mk.