Тенденцијата е, нагласи Кошутиќ, „Железници Транспорт” да достигне просечен годишен приход меѓу 12 и 13 милиони евра како што беше во 2012 година.

Како што изјави Кошутиќ, 70% од долгот на „Железници Транспорт”, 13,5 милиони евра, колку што вкупно бил пред 5 месеци, не е од оперативното работење, туку од некомпетентност и несовесно работење. Многу е едноставно, истакна директорот, да се направи долг кога не се плаќало апсолутно ништо, независно дали станувало збор за 7.500 денари за електронско следење на Службен весник или 5 милиони денари за струја.

-Жално е, а има низа субјективни причини поради кои изминативе години е направена црна слика за железницата. Невозможно е секаде товарната железница да биде профитабилна, само кај нас да е непрофитабилна во изминатите пет години, а имаме 220 километри пруга од Табановце до Гевгелија – напомена Кошутиќ, одговорајќи на новинарски прашања.

Тој ги оправда ланските протести на вработените со образложение дека очекувале работа и месечни примања, но, никој, нагласи, не се грижел за тоа.

-Главен предизвик кога бевме избрани беше луѓето во трите големи претрпиатија,  „Железници Транспорт”, „Железници Инфраструктура“ и „Македонски пошти“ да земаат плата. Од јули лани нема никаков проблем со тоа, а гледаме и први добри резултати. Пристапивме менаџерски, прво гледавме да ја стабилизираме компанијата, а потоа и да доаѓаат резултати – истакна  вицепремиерот и министер за транспорт Александар Николовски по посетата на „Железници Транспорт”. 

The post ЗА 6 МЕСЕЦИ ВРАТЕНА Е ДОВЕРБАТА ВО ЖЕЛЕЗНИЧКИОТ ТРАНСПОРТ Се очекува просечен годишен приход од околу 13 милиони евра appeared first on plusinfo.mk.

Од „Србија Карго“ наведоа дека овој договор носи бројни придобивки, бидејќи значително ќе го забрза протокот на стоки од грчките пристаништа, како што се Солун и Пиреја, преку Северна Македонија и Србија, што ќе овозможи побрз транзит кон Европската Унија.

„Се очекува оваа иницијатива значително да придонесе за зголемување на приходите на двете железнички компании и подобрување на нивните деловни процеси“, се додава во соопштението.

Се проценува дека закупот на дополнителни локомотиви на македонската компанија ќе овозможи зголемување на капацитетот на транзитниот сообраќај на Коридорот 10, кој делумно минува и низ Србија.

„Србија Карго генерира дополнителен приход со изнајмување достапни локомотиви, додека Железниците на Северна Македонија со овој закуп обезбедува поефикасен транспорт на транзитни возови, вклучително и оние на големите компании како Коско, обезбедувајќи континуитет на сообраќајот низ Србија“, се наведува во соопштението.

Овој договор овозможува полесна и побрза соработка меѓу соседните земји и претставува значаен чекор кон модернизација и подобрување на железничкиот транспорт во регионот, дополнително зајакнување на економските и инфраструктурните врски меѓу двете земји.

The post ЖЕЛЕЗНИЦИ-ТРАНСПОРТ ИЗНАЈМИ 4 ЛОКОМОТИВИ ОД СРБИЈА Ќе возат до Солун и до Белград appeared first on plusinfo.mk.

Во тек на неколкучасовниот бојкот не сообраќале два воза, еден патнички и еден товарен.

-Денеска во ЖРСМ Транспорт АД Скопје во 13 часот е пуштена платата за април. Вработените од работилница продолжуваат со непречена работа, возовите сообраќаат согласно патниот распоред – информираа за МИА од РЕ одржување – работилница во подружницата влеча на возови при ЖРСМ Транспорт.

Тие порачаа дека остануваат на претходните заклучоци, доколку до 15-ти во месецот не биде исплатен првиот дел од платата односно до 25-ти вториот дел од платата, наредниот ден работниците во работилница ќе престанат да ги извршуваат работните задачи и нема да ги поправаат и прегледуваат локомотивите и патничките гарнитури.

The post ПЛАТАТА Е ИСПЛАТЕНА, ВРАБОТЕНИТЕ СЕ ВРАТИЈА НА РАБОТА Се нормализира железничкиот сообраќај appeared first on plusinfo.mk.

Според оваа партија, партизацијата на јавното претпријатие доведе тоа постојано да е во долгови, а очигледно и новиот директор од Алијанса за Албанците – Зуљхајрат Демири нема стратегија, ниту способност да ја рационализира работата на Македонски Железници.

-Катастрофалната состојба во Македонските Железници постојано се влошува, додека работниците се оставени на немилост на партиските директори, кои единствено го цедат буџетот за свои лукративни цели. Освен неисплатените плати, вработените се соочуваат и со неисправни возови, со што се изложуваат себеси и патниците на опасности. Таков беше и случајот кога се запали локомотивата кај Велес, каде благодарение на присебноста на машиновозачот немаше сериозни последици – велат од Левица.

Нивните информации говорат и дека поради доцнењето на платите, голем број од вработените не можат навремено да ги исплатат ратите во банка, да платат сметки за комунални трошоци и секако да преживеат, со оглед дека инфлацијата на прехранбените производи е повеќе од 20%.

-Во државите низ светот, железничкиот превоз е најупотребуван, затоа што е најефтин и најефикасен. Единствено кај нас железничкиот превоз е доведен до раб на уништување од корумпираните партии, наместо да биде една од националните стратегии. Очигледно, на нашите владеачки партии, поатрактивни им се патиштата на ,,Бехтел и Енка” од кои ќе може да украдат милиони – велат од Левица.

The post САГАТА НА ЖЕЛЕЗНИЧАРИТЕ ПРОДОЛЖУВА И СО ДЕМИРИ Левица информира дека втор месец не зеле плата appeared first on plusinfo.mk.

Железници Транспорт  утрово е без струја. ЕВН почна со исклучување на институциите  и државните компании кои не плаќале струја со години. На ред за исклучување е Клинички центар.

– Рано утринава се исклучени мерните места на МЖ Транспорт. Без снабдување останаа сите делови кои се напојуваат од Електродистрибуција – потврдија од ЕВН.

Долгот на Железници транспорт за струја  6,5 милиони евра.

Од Железници Транспорт за МИА потврдуваат дека нема струја во депото во Лисиче во Скопје и во објектите во Велес.

Оттаму најавуават дека исклучувањето на струјата ќе повлече и прекин на сообраќајот што ќе се случи откако ќе биде потрошена нафтата во возовите. Без објектите каде е исклучена струјата, појаснуваат, не може да функционира претпријатието, бидејќи тука се снабдуваат возовите со нафта, а пумпата работи на струја.

Како што веќе најави ЕВН, денеска до пладне ја чека писмена гаранција од владата дека ќе го плати долгот на Клиинички центар.

– За Клинички центар  уште се чека гаранција од Владата. Доколку не се добие, ќе се продолжи со планот за исклучување – велат од ЕВН.

Долгот на Клинички за период од 3 години е повисок од 7 милиони евра.

Владата најави дека ќе го плати целиот долг на јавниот секотор кон ЕВН кој изнесува 40 милиони евра, но како што стојат работите ЕВН уште не добила гаранции дека долгот ќе се плати, ниту пак на нејзината сметка се платени долговите на некои од нив.

The post ЕВН ЈА ИСКЛУЧИ СТРУЈАТА НА ЖЕЛЕЗНИЦИ ТРАНСПОРТ Дали и Клиничкиот центар ќе биде исклучен зависи од Владата appeared first on plusinfo.mk.

Тие бараат Министерството за финансии да одговори позитивно на барањето за вработување на овие 80 лица и средба со новиот премиер и со министерот за транспорт и врски со цел продолжување на започнатите разговори за компанијата.

– Доколку на овие наши барања не биде благовремено и во целост позитивно одговорено, ние како синдикати ќе ги преземеме сите мерки што ни стојат на располагање со цел да ги заштитиме нашите колеги и нашата компанија – велат од синдикатот.

Во декември, синдикатите реагираа дека за 80 лица вработени во „Железници Транспорт“ не е дадена согласност од надлежното Министерство за продолжување на нивниот работен ангажман со што компанијата останува без извршен персонал кој е неопходен за безбедно и непречено одвивање на железничкиот сообраќај.

The post СИНДИКАТОТ ВО ОДБРАНА НА 80 ХОНОРАРЦИ ВО ЖЕЛЕЗНИЦИ ТРАНСПОРТ Ќе останеме без извршен персонал appeared first on plusinfo.mk.

Железница транспорт и за годинава планира загуба која, според Бизнис планот на компанијата ќе изнесува близу 7,6 милиони евра, односно 469.582.000 денари. Загубата во работењето не може да се покрие ниту со редовните 400 милиони денари (4, 6 милиони евра) кои државата секоја година преку Министерството за транспорт и врски ги издвојува за субвенционирање на патничкиот сообраќај, за кој, пак, се потребни 817 милиони денари (13,3 милиони евра). Затоа, во тој сегмент се очекува загуба од 378 милиони денари, а загуба од 92,2 милиони денари се очекува и во товарниот сообраќај.

„Железница транспорт годинава планира зголемување на превозот во товарниот сообраќај, како и во патничкиот сообраќај. И покрај планираното зголемување, приходите нема да бидат доволни да ги покријат трошоците за извршување на сообраќајот. Затоа Друштвото за 2021 година проектира работење со загуба и покрај тоа што Владата, согласно зацртаните проекции, ги покрива делумно трошоците во патничкиот сообраќај и со тоа го растеретува товарниот сообраќај од покривање на загубите во патничкиот сообраќај. Со тоа делумно би се подобрила можноста за инвестиции и одржување на капацитетите во насока на подобрување на квалитетот на товарниот сообраќај“, се наведува во Бизнис планот.

Од компанијата велат дека неликвидноста со која се соочуваат секоја година е резултат на повеќе фактори и неможност да се измират обврските кои се настанати и кумулирани по разни основи. За дел од побарувањата има склучени спогодби за одложено плаќање на обврските, но и за овие обврски не се почитуваат роковите.

Транспорт не е во состојба редовно да ги сервисира долговите кон странските железници, но и кон компаниите од кои се снабдува со енергенси.

Обврските кон странските железници и компании добавувачи лани во ноември на Железница транспорт изнесувале 57,9 милиони евра за подмирување на долговите. Само стариот долг кон странските железници изнесува повеќе од 19,3 милиони евра, во кој влегува долгот кон Бугарската железница од 3,6 милиони евра и на Хрватската железница кој е повеќе од 4,5 милиони евра. Но Транспорт има долг и кон Министерството за финансии за рати за кредити кон странство од минатата година во износ од над 20 милиони евра, како и кон енергетски и транспортни компании. Околу 10 милиони евра за долг кон странски железници во периодот од 1995 до 2020 година, потоа кон странски железници по договор треба да плати 972 илјади евра и кон приватни железници на кои им дожи 441 илјада евра. Друштвото има долг и кон државните компании ЕЛЕМ, МЕПСО, Железница Инфраструктура, како и кон „Пуцко петрол“ и бугарската транспортна компанија ЕФГ и други коминтенти.

Дополнителен проблем за компанијата е тоа што драстично е зголемен долгот кон Хрватските железници кои во меѓувреме се трансформираа, а една од компаниите има дополнителни побарувања со пресметана камата кон Железници транспорт.

„На 01.07.2006 година, Хрватски железници се трансформираат во две претпријатија – Хрватски Карго и Хрватски железници патнички. Бидејќи Хрватски железници Карго, делот кој му припаднал по поделбата на железницата, го продал на CIOS Zagreb, од страна на нивниот полномошник доставено е до ЖРСМ Транспорт барање за наплата на долгот кој со пресметана камата изнесува 18,6 милиони евра кое континуирано се зголемува. Ова барање е предмет на разгледување и за истото се преговара да се најде начин да се реши без загрозување на и онака влошената финансиска состојба. Само главниот долг кон Хрватски железници Карго на износ од 3,8 милиони евра, претставува преголемо оптоварување и ЖРСМ Транспорт не е во можност самостојно да го плаќа истиот“, се наведува во Бизнис планот.

Оттаму наведуваат и дека за овој проблем се информирани сите надлежни институции и Владата.
Старите долгови на Железница транспорт датираат од 1991 година, а се наследени при поделба на Македонска железница во 2007 година.

„Обврските кон странските железници постојано се зголемуваат и бидејќи плаќања воопшто не вршиме, постојано добиваме опомени кои во секој момент би се актуелизирале и би нѐ довело во опасност од тужење и присилни наплати. Опасноста од присилна наплата постои и од страна на добавувачите во земјата и странство, бидејќи ЖРСМ Транспорт не е во можност навремено да ги плаќа и истите постојано се акумулираат“, се наведува во Бизнис планот на Железница транспорт.

Владата планира да го реши проблемот на овој загубар заедно со другите државни компании загубари. Вицепремиерот за економски прашања Фатмир Битиќи најави физибилити студија која ќе покаже дали ќе има можност за јавно-приватно партнерство, или пак ќе треба да се реорганизира Железница транспорт.

– Нашите анализи покажаа дека преструктуирањето на некои од претпријатијата е неминовен процес кој што ќе се одвива во наредниот период, впрочем истите се во корелација со податоците од оваа анализа. Веќе знаете дека Владата има почнато процес на избор на компании за физибилити студија за Македонски пошти и ТЕЦ Неготино и истиот процес ќе следи и за Железници на Северна Македонија Транспорт, ТЕЦ Осломеј или дел од енергетските капацитети кои функционираат во рамките на АД Електрани на Северна Македонија – рече неодамна Битиќи.

The post Стари долгови ја влечат Железница транспорт во амбис appeared first on plusinfo.mk.