Изградбата на железничката делница Бељаковце-Крива Паланка претставува „инженерско чудо“ и доказ дека државата е способна за реализација на големи инфраструктурни проекти, напиша вицепремиерот и министер за транспорт Александар Николоски на неговиот Фејсбук профил.

Во објава, придружена со видео од градежните активности, Николоски посочува дека на оваа делница се изведуваат сложени градежни зафати.

„На делницата Бељаковце – Крива Паланка се градат мостови со столбови високи до 61 метар – повисоки од повеќекатници во урбана средина. Во изградбата ќе бидат вградени десетици илјади тони железо и 125.000 кубни метри бетон“, наведе Николоски.

Тој нагласува дека проектот не е само транспортна инфраструктура, туку и симбол на капацитетите на државата.

„Ова не е само железница, ова е инженерско чудо и доказ дека Македонија е способна за големи подвизи“, истакна Николоски во објавата.

Железничката делница Бељаковце-Крива Паланка е дел од пругата кон Бугарија, која се гради во рамки на паневропскиот Коридор 8 и опфаќа изградба на мостови, тунели и придружна инфраструктура.

The post 📽️ СТОЛБОВИ ВИСОКИ И ДО 61 МЕТАР ЗА ПРУГАТА БЕЉАКОВЦЕ-КРИВА ПАЛАНКА Македонија е способна за големи подвизи appeared first on plusinfo.mk.

И министерот за транспорт и врски Александар Николоски бил подложен на обид за поткуп за третата фаза на железницата кон Бугарија.

Министерот Николоски денеска не кажа отворено за обидот, но рече дека компаниите кои учествувале на тендерот имале причина да нудат поткуп бидејќи не ги исполнувале условите.

– Премиерот беше многу прецизен во однос на ова прашање. Ова е проект кој е започнат од претходната влада на СДСМ и ДУИ. Тие понуди не доаѓаат по официјални комуникации, туку преку посредници. Затоа ние денеска ги повлекуваме членовите кои се дел од тимовите за евалуација за надзор и за градење од Министерството за транспорт и Железници инфраструктура за да сфатат сите што сакаат да поткупуваат дека со нас нема играње. Второ на овој повик се добиени понуди од 7 компании од кои голем дел се несериозни. На овој повик нема пријавено учесник од сериозна земја од ЕУ и тие мислат дека преку своите посредници ќе можат премиерот, мене или некој друг да го поткупат – рече Николоски.

Во иднина, како што рече Николоски, заедно со ЕУ и со Бугарија ќе се изработи нов проект кој ќе биде сериозен, изводлив проект, да добиеме сериозни гаранции од Бугарија дека ќе го гради нејзиниот дел, а за можеме да го реализираме проектот.

The post СЕ ОБИДЕЛЕ ДА ГО ПОТКУПАТ И НИКОЛОСКИ Повлечени се членовите од тимовите за евалуација на изградбата на пругата кон Бугарија appeared first on plusinfo.mk.