Демонстрантите бараат негово апсење.

Во голем број градови и населени места на Бразил вчера се одржаа улични собири за поддршка на новиот претседател Луис Инасио Лула да Силва, а бројот на присутни во Сао Паоло бил импресивен, јави „Би-Би-Си”.

Многумина дојдоа облечени во црвено – бојата на Работничката партија на Лула, други вееја транспаренти на кои пишуваше „Нема амнестија за пучистите” и повикаа да бидат казнети одговорните. Имаше и скандирања „Затвор за Болсонаро”, а собирот се одржа под силно полициско присуство.  

Новиот претседател заедно со гувернерите на земјата направи обиколка на објектите на државните институции оштетени во немирите, претседателската палата и Врховниот суд.

Притоа ги осуди „терористичките акти” и вети дека ќе ги казни сторителите.

Околу 1.500 луѓе беа приведени во нередите во неделата во главниот град на Бразил, седум дена откако претседателот Лула да Силва положи заклетва по поделените избори во октомври.

Болсонаро (67) не го призна поразот на тензичните избори и замина во САД пред да ја предаде функцијата на 1 јануари. Тој вчера беше примен во болница во Флорида поради болки во стомакот.

The post СЕ БАРА АПСЕЊЕ НА БОЛОНСАРО Протести во повеќе градови во Бразил appeared first on plusinfo.mk.

Во друг твит Болсонаро, кој се наоѓа во во САД, ги отфрли „недокажаните обвинувања” на неговиот наследник Лула, дека за „фашистичкиот вандализам” е виновна реториката на неговиот претходник.

И партијата на поранешниот претседател ги осуди постапките на неговите приврзаници, јави ДПА.

– Денес е тажен ден за бразилската нација. Денешните настани во Бразил се срам за сите нас, тие не ја претставуваат нашата партија, тие не го претставуваат Болсонаро – изјави лидерот на Либералната партија, Валдемар Кошта Нето.

Во меѓувреме Врховниот федерален суд на земјата го смени гувернерот на Федералниот округ на Бразил, Ибањез Роша.

Тој е суспендиран на „најмалку 90 дена” поради „злонамерно непостапување”.

„Ништо не може да го оправда неделувањето и толеранцијата на шефот на службата за јавна безбедност и гувернерот на федералниот округ кон криминалците кои претходно ја објавија својата намера да извршат насилни дејствија против властите”, се вели во одлуката. 

Судот, исто така, нареди дека камповите во близина на воените бази поставени од поддржувачите на Болсонаро кои повикуваат на државен удар мора да бидат отстранети во рок од 24 часа и дека патиштата и зградите мора да се деблокираат. 

Приврзаниците на поранешниот бразилски претседател вчера се судрија со полицијата и упаднаа во зградите на Националниот конгрес (Парламентот), претседателската палата и Федералниот врховен суд. Тие не ги признаваат резултатите од октомвриските претседателски избори. Според прелиминарните податоци, во немирите учествувале околу 5.000 луѓе.

The post БОЛОНСАРО ГО ОСУДИ ОДНЕСУВАЊЕТО НА НЕГОВИТЕ ПРИВРЗАНИЦИ Суспендиран е гувернерот на Федералниот округ на Бразил appeared first on plusinfo.mk.