Денеска сме должни да ја поставиме целосната слика, а не само дел од неа и затоа изминатите денови директно, со докази, покажавме што е разликата помеѓу нас и останатите, рече пратеникот на ВМРО-ДПМНЕ Бојан Стојановски.

– Кога бевме опозиција застанавме со работниците затоа што имаше реален проблем – платите доцнеа, колективните договори не се почитуваа и се подготвуваа законски измени со кои минималната плата требаше да се исфрли од формулата за пресметка. Тоа ќе значеше прекин на линеарниот раст на платите и слабеење на заштитниот механизам за илјадници вработени. Тогаш, заедно со синдикатите, поднесовме над 40 амандмани и го спречивме тој обид. Не дозволивме минималната плата да биде отстранета од системот. Тоа е причината зошто денес, кога расте минималната плата, растат и останатите примања – рече Стојановски.

Разликата денеска е суштинска, додаде тој.

– По две години управување со државата, не зборуваме за барања – зборуваме за реализирани договори. Во општините платите се зголемени во просек за околу 5.000 денари. Во основното и средното образование обезбедивме раст од 46% до 60% во четиригодишен период. Во високото образование зголемувањето е минимум 14%. Во здравството од 40 до 50% во еден мандат. Полициските службеници добија 10%, социјалните работници 20%, а околу 11.000 административци, судски и обвинителски службеници имаат гарантирано покачување од 40% до 2028 година – посочи Стојановски.

Сите колективни договори се испочитувани, додаде тој, а платите се исплаќаат редовно.

– Инфлацијата е стабилизирана од двоцифрени стапки на едноцифрена стапки на инфлација. Ова се системски решенија, не се импровизации. Оваа Влада вака го реализира договорот со работниците – рече пратеникот.

Ние, посочи тој, не бегаме од дијалог за минималната плата, но решенијата мора да се носат институционално, во Економско-социјалниот совет, со одржлив пристап што ја штити и економијата и буџетот.

– Кога сме во опозиција – спречуваме штета. Кога сме на власт – обезбедуваме раст. Работниците заслужуваат сигурност, договор што важи и политика што носи резултати – рече пратеникот Бојан Стојановски.

The post ВМРО-ДПМНЕ ГИ СПАСИ ПЛАТИТЕ НА РАБОТНИЦИТЕ И ОВОЗМОЖИ ДА РАСТАТ Не бегаме од разговори за минималецот, работниците заслужуваат сигурност appeared first on plusinfo.mk.

Владата не може да биде добра за сите, но е добра за големо мнозинство вели премиерот Христијан Мицкоски.

Според него, најдобар одговор за оние кои не ја поддржуваат работата на оваа влада е таа да работи без афери и скандали и да испорачува резултати.

– Доколку продолжиме многу да работиме без афери, без скандали, без корупција, ќе испорачуваме резултати, како на пример 1 милијарда 255 милиони странски инвестиции кои се историски рекорд, 400 милиони само во четвртиот квартал, раст на БДП во третиот квартал од 3%, во четвртиот 3,2%. Не би се изненадил ако биде помеѓу 3,5 и 4% во првиот квартал. Расте извозот во првиот квартал од 5%, замислете во оваа криза. Зголемени се пензиите за 5.000 денари линеарно, нешто за кое велеа дека е невозможно. Се потпишаа колективните договори, веќе тргна исплатата на повисоки плати за здравствените работници и образовните работници, МВР доби 10% зголемување – изјави Мицкоски во гостувањето на телевизија Алфа.

Премиерот потсети дека во изминатиот период е вратена еврообврзница од половина милијарда евра, 250 милиони евра се дадени како поддршка на стопанството, а исто толку и за општините.

– Сметката на владата од минус 12 милијарди денари сега е помеѓу 3 и 4 милијарди во плус и сето тоа е резултат на многу залагање и труд – рече премиерот.

Мицкоски посочи дека една група од синдикатите со која имал средби забележува дека немало економско социјален дијалог при одредувањето на минималната плата.

– Немаме репрезентативен синдикат затоа што репрезентативноста истекла. Именувавме комисија, претставници од 3 институции, од Министерство за социјални работи, од Министерство за правда и од Министерство за економија и труд. Ја поминавме на владина седница, таа комисија ќе се состане и ќе одреди репрезентативен синдикат. Ние што треба да направиме како Влада? Знаеме дека согласно закон треба да донесеме одлука за минималната плата. Ние како Влада мораме да постапиме согласно закон, таму има методологија и ние донесовме врз основа на закон. Но велиме, секоја одлука, секој договор кој ќе го постигнат работниците и работодавачите во било кој период од годината ние ќе го поддржиме – рече Мицкоски.

Премиерот Мицкоски истакна дека како Влада најлесно ќе биде да каже дека минималната плата ќе биде 30.000 или 60.000 денари, бидејќи ќе значи повисоки уплати на здравствено осигурување и за персонален данок.

– Ние до вакво дереџе дојдовме со таков тип на интервенционизам, како што тоа беше во годините позади нас. Инаку, нам ни е најлесно. На 25.000 денари придонесите се теоретски 12.000 денари, а на 30.000 се 15.000 денари. Разликата е 3.000. Таа завршува во буџетот. Претходната влада што правела? Вештачки ја зголемувала минималната плата, но тоа не го почитувала кога станува збор за вработените во јавната администрација. И затоа сега одбрана и МВР плаќаат тужби во милиони евра – посочи Мицкоски.

Дополни дека во минатиот период на Синдикатот на УПОЗ им беше понудено покрај законското зголемување да има зголемување во следните 4 години, од 7, 5, 5 и 7 отсто, под услов да се тргне колективниот договор за кој и двете страни утврдиле дека е лош, но разговорите престанале и почнаа протести.

The post ЗА ПОГОЛЕМ МИНИМАЛЕЦ МОРА ДА СЕ ДОГОВОРАТ РАБОТОДАВЦИТЕ И РАБОТНИЦИТЕ Владата не може да е добра за сите, но добра е за големо мнозинство appeared first on plusinfo.mk.

„Исплатата на овие покачувања кон вработените ќе почне веќе од ноемвриската плата. Со Владата на ВМРО-ДПМНЕ граѓаните конечно ќе добијат квалитетни и навремени здравствени услуги. Следуваат реформи и трансформација на здравствениот систем. ВМРО-ДПМНЕ се грижи и го вреднува трудот на здравствените работници со цел подобрување на услугите во здравството и пациентите како крајна цел“, соопшти партијата.

Планот за зголемување на платите почнува во 2024 година, се додава во соопштението, а парите за плати во здравството се покачуваат за 10%. Овие покачувања ќе траат во текот на целиот мандат на оваа Влада.

„Вработените во здравството добиваат покачување на платите од 40 до 50 проценти во следните четири години. Следната 2025 година во март ќе има дополнителни 5% зголемување на платите, наредната 2026 година зголемувањето ќе е од 5 до 7 %, истото зголемување од 5 до 7% ќе биде и во 2027 година, а од 7 до 10 % во 2028 година“, се вели во соопштението.

Псртијата додава дека ќе почнат реформи во здравствениот систем, а Владата предводена од ВМРО-ДПМНЕ ќе ја врати довербата на пациентите.

The post ЗА СЕСТРИТЕ ПО 3.850 ДЕНАРИ, ЗА ОСТАНАТИТЕ ВО ЗДРАВСТВОТО ПО 2.450 ДЕНАРИ ПОКАЧУВАЊЕ Со зголемените плати почнува промената на здравствениот систем appeared first on plusinfo.mk.

– Пред два дена имавме Економско – социјален совет, разговаравме за оперативниот план за вработување, за мерките и програмите за 2024 година. Тоа ни е обврска да го разговараме со Економско – социјалниот совет, каде што се и работодавачите и синдикатите за да можеме понатаму да ја продолжиме процедурата и понатаму да го усвоиме на Влада. Го усвоивме и во точките на дневен ред разговаравме и за покачувањето на минималната плата сега во март месец со исплатата на платата во март месец. Од ниту еден претставник на Организацијата на работодавачите не беше споменато дека ќе имаат проблем. Напротив, се радуваат и тие како работодавачи на овој модел – методологија на зголемување на минималната плата, затоа што им дава можност да ја зголемуваат платата – рече Тренчевска на новинарско прашање дали зголемувањето на минимална плата ќе биде товар за компаниите.

Таа информира дека во Собранието е законот за субвенционирање, односно ослободување од придонеси којшто е дел од финансискиот пакет на Владата и којшто им овозможува на приватниот сектор да ги покачат платите на своите работници од 3.000 до 9.000 денари.

– Сето тоа заедно со покачувањето на минималната плата е прифатено од Организација на работодавачите и од стопанските комори, затоа што им дава можност да ги задржат работниците овде во државата и да не им одат на работа во други држави. Можеби мал дел од работодавачите не ќе може да исплатат плата, но затоа им го нудиме Законот за субвенционирање за зголемување на плати со којшто ќе може да бидат ослободени од плаќање придонеси – рече Тренчевска.

The post „РАБОТОДАВАЧИТЕ СЕ РАДУВААТ ШТО ЌЕ СЕ ЗГОЛЕМАТ МИНИМАЛНАТА И ДРУГИТЕ ПЛАТИ“ Тренчевска смета дека тоа им дава можност да ги задржат работниците appeared first on plusinfo.mk.

„Со овој закон, како што е образложено од предлагачот, Министерството за труд и социјална политика, се стимулира зголемување на платите на вработените, како и намалување на трошоците за работната сила на работодавачите, со тоа што се прави законско регулирање на мерка за ослободување од плаќање на дел од придонесите од задолжително социјално осигурување“, се наведува во владиното соопштение.

Целта на Предлогот на законот е поттикнување на работодавачите да исплаќаат плата во повисок износ, намалување на даночната евазија и неформалната економија, а со цел подобрување на економскиот стандард на вработените и поттикнување на економскиот развој на Република Северна Македонија, информираат од владата.

The post ВЛАДАТА ДАДЕ ОПЦИЈА ЗА ЗГОЛЕМУВАЊЕ НА ПЛАТИТЕ Да се крати на придонесите за социјално осигурување appeared first on plusinfo.mk.

– Функционерите не се работници во јавниот сектор и за нив нема да важи зголемувањето на платите што е предвидено со договорот што го постигневме со ССМ, рече Тренчевска во гостување на ТВ Канал 5.

Таа нагласи дека зголемувањето на платите на функционерите не е со одлука на Владата, туку со одлука на Уставен суд која не се коментира и само се спроведува.

– Како Влада бараме начин да се намалат платите на функционерите, но не може тоа да го спроведеме само со наша одлука, туку е потребна и одлука на Собранието. Покрај тоа, со одлуката на Уставен суд за 78% се зголемени и платите на градоначалниците, рече Тренчевска.

Претседателот на Сојузот на синдикатите на Македонија, Слободан Трендафилов посочи дека зголемувањето од 10% можеби не е доволно, но е добра основа за понатаму.

– Сега јавната администрација ќе има предвидливост и ќе знае дека во иднина ќе растат нивните плати, рече Трендафилов.

Министерката истакна дека со зголемување на платите ќе се бара и зголемување на продуктивноста на јавната администрација, на што Трендафилов и одговори дека нема лоши и непродуктивни работници, туку само малку платени работници.

– Ако ја покачуваме платата ќе бараме и реорганизација на работните места во јавната администрација што нема да значи губење на работни места, туку прераспоредување онаму каде што се потребни и каде што ќе бидат попродуктивни, рече Тренчевска.

Таа нагласи дека е против одобрување на неплатено отсуство за работниците во јавниот сектор за да одат во странство на привремена работа коај е подобро платена.

– Тоа е нивно право, но не може да се добие само со барање и без пропратна документација за што им е потребно. Не може да не му се дозволи неплатено отсуство на работник за нега на болно лице или за нешто слично, посочи Тренчевска.

The post НА ТИЕ ШТО ИМ ЗГОЛЕМИЈА 78% НЕМА ДА ДОБИЈАТ УШТЕ 10% Зголемувањето на платите во јавниот сектор не важи за функционерите appeared first on plusinfo.mk.

Зголемувањето се должи на повисоката исплатена просечната месечна нето плата по вработен во секторите: „други услужни дејности“ за 13,2 отсто, „објекти за сместување и сервисни дејности со храна“ за 13,1 и „стручни, научни и технички дејности“ за 11,6 отсто.

Намалување на просечната месечна исплатена нето плата по вработен, во однос на претходниот месец, е забележано во секторите: „рударство и вадење на камен“ за 7,5 отсто, „земјоделство, шумарство и рибарство“ за 5,9 и „снабдување со електрична енергија, гас, пареа и климатизација“ за 5,3 отсто.

Просечната месечна исплатена бруто плата по вработен, во февруари 2022 година, пак, изнесува 44.531 денар и е повисока за 6,8 отсто во споредба со февруари 2021 година.

The post ИНДУСТРИЈАТА ГИ НАМАЛИ ПЛАТИТЕ Просечната нето плата од 29.839 денари ја набилдаа услужните дејности appeared first on plusinfo.mk.