Минималната бруто плата во Словенија за 2026 година ќе изнесува 1.481 еврo, откако одлуката беше потпишана од министерот за труд и објавена во Службен весник на 30 јануари.

Според проценките на Министерството за труд, ова значи дека вработените кои примаат минимална плата и работат со полно работно време ќе заработуваат околу 1.000 евра нето месечно, додека одлуката има пошироки импликации за голем број други социјални и работни бенефиции.

Министерството за труд објаснува дека законот предвидува дека минималната плата мора да биде помеѓу 20 и 40 % над минималните трошоци за живот. За 2026 година, тој опсег беше од 1372,03 до 1648,28 евра бруто. Министерот одлучи за износ од 1.442,92 евра бруто, кој потоа беше прилагоден на инфлација од 2,7 проценти, што доведе до конечна минимална плата од 1.481,88 евра бруто, објавија тамошните медиуми.

Како што истакнува министерството, целта на таков модел е минималната плата да не биде само формална категорија, туку инструмент што им обезбедува на работниците основна финансиска сигурност и достоинствен живот.

Зголемувањето на минималната плата има и поширок социјален ефект. Голем број други бенефиции што се законски врзани за овој износ, исто така, автоматски се зголемуваат, вклучувајќи ги минималните надоместоци за невработеност, часовните плати за студентска работа, бенефициите за личен асистент, како и одредени други социјални и работни бенефиции.

-Затоа одлуката за минималната плата директно влијае на многу поголем број граѓани отколку што изгледа на прв поглед – велат од словенечкото министерство за труд.

The post СЛОВЕНИЈА ЈА ЗГОЛЕМИ МИНИМАЛНАТА ПЛАТА Нето-износот на минималецот e околу 1.000 евра appeared first on plusinfo.mk.

Премиерот Христијан Мицкоски очекува во претстојниот период наплатата на приходите да биде уште поголема. Како што изјави денеска, порано тие средства завршувале во нечии џебови, а денес одат во проекти за граѓаните.

Мицкоски се осврна и на патувањето на владината делегација во Јапонија, со напомена дека трошоците биле сведени на минимум.

– Зголемена е наплатата на приходите и тоа во услови на пониски цени на нафтата и на нафтеините деривати. Очекувам наплатата уште повеќе да се зголемува. Во минатото голем дел од тие средства завршувале во приватни џебови, а денес одат во Буџетот и преку проекти повторно се враќаат назад кај граѓаните. Одговорна и дисциплинирана, само таква политика може да не води кон раст и развој – потенцира премиерот.

По реакциите на опозицијата дека било скапо патувањето во Јапонија, Мицкоски истакна дека трошоците биле најмалку три пати помали од првично планираните што ги проектирала тогашната власт, која сега е опозиција.

– Патувањето во Јапонија беше планирано уште од времето кога денешната опозиција била Влада, таа распишувала тендери и организирала вакви патувања. Оваа Влада направи тие трошоци за патувањето на таа делегација да бидат сведени на минимум. Бев поканет јас, заедно со уште двајца членови на мојот Кабинет на сметка на јапонската Влада, но поради обврски дома не отидов. Во мое име делегацијата ја водеше Муцунски, а голем дел од лицата сами си покриваа, така што од тоа што било планирано пред една година и тоа што е сега, најмалку три пати се помали трошоците – објасни премиерот.

The post ЗГОЛЕМЕНА Е НАПЛАТАТА НА ПРИХОДИТЕ Во минатото голем дел од тие пари завршувале во нечии џебови, вели Мицкоски appeared first on plusinfo.mk.

А23а се одвои од ледениот гребен Филхнер-Роне на Антарктикот во август 1986 година.

Сантата мраз мируваше околу 34 години, но во 2020 година, океанските струи почнаа да ја поместуваат и таа почна да се движи кон западниот дел на Веделовото Море.

За време на своето патување, сантата мраз остана заробена во вител и се вртеше околу него од јануари до средината на декември оваа година.

Во моментов е ослободена од вителот и се движи кон Антарктикот.

Ендрју Мејерс, член на Британскиот астрономски тим (БАС), за Анадолија изјави дека не забележале никакви надворешни фактори кои влијаеле на извлекувањето на сантата мраз од вителот, но дека најверојатно главна улога во тоа имале силните струи и ветрови во регионот.

Тој додаде дека оваа џиновска санта мраз сега се наоѓа во антарктичката циркумполарна струја и ќе продолжи да се движи на североисток, кон Јужна Џорџија.

Додека сантата мраз се движи кон север, се очекува зголемување на температурите на океаните, што ќе го забрза процесот на нејзино топење.

– Ова значително ќе ја забрза стапката на топење, како и општиот пораст на површинските температури на океаните како што јужната хемисфера преминува во лето. Повеќето од претходните санти мраз се распаднаа и во близина на Јужна Џорџија, а A23a во таа област се очекува за околу еден месец – рече Мејерс.

Сепак, некои санти мраз претходно се поместија многу подалеку на север, па A23a потенцијално би можела да се приближи до Јужна Африка.

Мејерс, исто така, истакна дека А23а може да даде различни придонеси за екосистемот во регионот.

Поради својата значителна големина, ледениот брег на површината носи вода богата со хранливи материи од длабокиот океан, вклучувајќи железо, цинк и други микронутриенти.

Овој процес може да го стимулира растот на фитопланктонот, што пак им користи на предаторите кои се потпираат на овој извор на храна.

– Лошата страна, доколку сантата се наоѓа во близина на Јужна Џорџија, е што таа има потенцијал да го отежне животот на тамошните колонии пингвини и фоки. Ако го блокира пристапот до местата за хранење, овие животни би биле принудени да пливаат многу подалеку за да добијат храна, што ги става под стрес – објасни Мејерс.

Тој додаде дека сантите лед претходно биле причина за смртта на многу морски суштества.

Зголемениот број на фрагменти од санти мраз во тоа подрачје може дополнително да го ограничи движењето, отежнувајќи ги комерцијалните риболовни активности.

Мејерс рече дека процесот на формирањето на сантите мраз е потполно природен.

Сепак, тој рече дека е забележано значително зголемување на фреквенцијата на формирање на санти мраз на Антарктикот последниве години.

– Ова првенствено е предизвикано од зголеменото топење на ледените плочи одоздола, поради зголемените температури на океаните. Сè уште активно се истражува точниот двигател на зголемувањето на температурите на океаните, но главниот фактор се климатските промени предизвикани од човечкиот фактор. Исто така, видовме серија паѓања на ледените плочи на источната страна на антарктичкиот полуостров, особено на ледените плочи Ларсон А и Б, а овие уривања на ледените плочи се припишуваат на климатските промени предизвикани од човечки активности – рече Мејерс.

The post НАЈГОЛЕМАТА САНТА МРАЗ ЌЕ СЕ РАСПАДНЕ ЗА ЕДЕН МЕСЕЦ Научниците алармираат, последиците од климатските промени се сè поочигледни appeared first on plusinfo.mk.

Раководниот тим на „Кристал 1923“ попозната како велешка Маслодајна како единствен преработувач на сончоглед во земјава бара Влада да го намали ДДВ за сончоглед  кое минатата година во време на откупот во октомври беше зголемено од 5 на 10%. Исто така бара и да се зголеми ДДВ на суровото масло кое остана непроменето на 5%.

-Со тоа  велешка Маслодајна ќе плаќа исто ДДВ и ќе биде во иста положба  со останатите производители на масло за јадење во земјава, кои како суровина не откупуваат сончоглед туку сурово масло од странство – велат за МИА од раководниот менаџерски тим на „Кристал 1923“ .

Тие посочуваат дека не е во ред сончогледот од кој се произведува масло за јадење кое е социјална култура за прехрана на населението да се стави во луксузни култури заедно со фстаците.

Од велешка Маслодајна потсетуваат  дека тие  последниве години како единствена компанија за производство на масло за јадење  од сончогледово семе во земјава направија големи напори и успеаја  да го вратат сончогледот на македонските полиња. Воедно се и  единствени кои преработуваат масло за јадење од сончоглед  и кои го откупуваат од македонските земјоделци,  иако им е поевтино како суровина да набавуваат сурово масло од странство.

Тие информираат дека веќе 20-тина дена се одвива откупот на сончоглед од македонските производители, кои поради високите температури годинава порано уште во август ја започнаа жетвата, а која изминатите години започнуваше во септември. Најпрво од производителите од Свети Николе и Куманово, а деновиве во фабриката во Велес се носи и сончоглед од Пелагонискиот регион.

Досега се откупени повеќе од 1.000 тони сончоглед, што за овој период е голема количина. Од „Кристал 1923“ поради подобриот род годинава планираат да откупат помеѓу 5 и 6.000 или повеќе од ланските кога беа откупени 4.000 тони сончоглед.

Инаку,  откупната цена годинава  е 23,5 денари за килограм плус ДДВ и е повисока од ланската која беше 20,5 денари  плус ДДВ. Лани поради сушата и ниските приноси на сончогледот на иницијатива од „Кристал 1923“, земјоделците  од Владата добија помош вонредна субвенција по плус 5 денари од килограм сончоглед предаден во преработувачки капацитет.

The post ДА СЕ ВРАТАТ СТАРИТЕ СТАПКИ НА ДДВ ЗА СОНЧОГЛЕДОТ И ЗА МАСЛОТО ЗА ЈАДЕЊЕ „Маслодајна“ бара да биде еднаква со другите производители на зејтин appeared first on plusinfo.mk.

Од Регулаторната комисија велат дека оваа промена на трговската маржа нема да влијае на крајната цена на нафтените деривати.

– РКЕ смета дека овие промени нема да влијаат врз крајната цена на нафтените деривати со што цените ќе остане стабилна и најниска во регионот – велат од Регулаторна.

Според регулаторите, овој износ на трговската маржа ќе им обезбеди на нафтените компании доволно висока основна цена на нафтените деривати (цена без давачките кон државата) за покривање на трошоците во нивното работење, и остварување позитивни финансиски резултати.

– РКЕ во сите одлуки без оглед за кој енергенс се работи се води од интересот на потрошувачите што подразбира сведување на трошоците на компаниите на ниво што ќе обезбеди квалитетна услуга по фер цена – велат од Комисијата.

Од Регулаторна комисија додаваат дека за 12% е намален трошокот на нафтените компании кој се зема предвид при формирање на цените.

– РКЕ за 12% ги намалува транспортните трошоци на нафтените компании (од 25 $/тон на 22 $/тон) согласно направените анализи од податоците од Царинската управа кои укажуваа дека овој надоместок во последните шест месеци е намален – појаснуваат од Комисијата.

Транспортните трошоци се дел од трошоците што ги имаат нафтените компании и се користат при утврдување на највисоката малопродажни цени на одделни нафтени деривати која ја утврдува Регулаторната комисија за енергетика на секои 6 месеци.

Со одлуката се определува: ескалираната и деескалираната густина на секој нафтен дериват и гориво за транспорт, висина на надоместокот за премија, транспортните трошоци до склад во земјава и висината на надоместокот за трошоци за работење преку склад и трговска маржа со вклучени транспортни трошоци од склад до бензински станици и крајни потрошувачи.

Лани во екот на големото поскапување на горивата РКЕ го промени Правилникот за формирање цени со што трговската маржа за горивата беше намалена за 33%, и наместо 4,5 денари, изнесуваше 3 денари по литар.

Мерката беше донесена како привремена. Висината на маржата беше променета еднаш од тогаш и досега изнесуваше 4 денари по литар гориво.

The post СЕ ВРАЌА ТРГОВСКАТА МАРЖА ЗА ГОРИВАТА Од следната недела ќе изнесува 4,50 денари по литар appeared first on plusinfo.mk.

Како што наведоа од НБ, одлучено е од 20 декември годинава дополнително да се зголеми стапката на задолжителна резерва на девизните обврски на банките од 20% на 21%, а зголемен е и процентот на одржување на задолжителната резерва од обврските во странска валута којашто се исполнува во евра, од 80% на 81%.

– Измените во задолжителната резерва, заедно со макропрудентните мерки преземени досега, ќе придонесат за зајакнување на системската отпорност и претставуваат дополнителна поддршка на монетарните промени. Монетарното затегнување започна од крајот на 2021 година, прво преку интервенциите на девизниот пазар и оптималното управување со ликвидноста, а потоа од април минатата година и со зголемувањето на каматната стапка на благајничките записи, како и на каматните стапки на другите монетарни инструменти, велат од  НБ.

Одлуката за промена во каматните стапки е условена од најновите податоци и оцени за клучните показатели за монетарната политика, коишто упатуваат на постепена стабилизација, иако сѐ уште постојат ризици.

– Во согласност со монетарните мерки преземени од крајот на 2021 година наваму, како и намалените притисоци од увозните цени, домашната инфлација и натаму забавува и во август 2023 година на годишна основа изнесува 8,3%. Базичната стапка на инфлација исто така забавува, укажувајќи на значително помали ценовни притисоци од помалку променливите ценовни категории, а во согласност и со постојаното забавување на растот на личната потрошувачка – велат од НБ.

Од банката велат дека во однос на светските цени, и натаму се очекува нивно намалување, при поголема надолна корекција.

-Сепак, домашната инфлација и натаму е на релативно високо ниво, што претставува ризик за инфлациските очекувања. Овие аспекти, заедно со непредвидливоста на светските пазари заради војната во Украина, налагаат потреба од натамошна претпазливост во водењето на монетарната политика. Со оглед на применуваната монетарна стратегија, при носењето на монетарните одлуки се зема предвид и поставеноста на политиката на Европската централна банка (ЕЦБ), којашто на последната седница повторно ги зголеми каматните стапки заради натамошно стабилизирање на инфлацијата во еврозоната – велат од НБ.

The post КАМАТИТЕ НА КРЕДИТИТЕ ДОПОЛНИТЕЛНО ЌЕ РАСТАТ Народна банка ја зголеми основната каматна стапка на 6,30% appeared first on plusinfo.mk.

Фјучерсите на суровиот шеќер во последните денови се зголемија на 52 центи за килограм, достигнувајќи го максимумот во последните 11 години.

Според аналитичарите, зголемувањето на цените на шеќерот може да се пренесе на крајните потрошувачи, во форма на повисоки цени за нивните омилени слатки, како што се сладолед, бисквити, чоколади, бонбони.

– Порастот на цените на кондиторските производи и пијалоците базирани на шеќер е поттикнат од зголемувањето на вредноста на шеќерот. Цените на преработената храна растат на глобално ниво. Во чоколадна лента имате млеко, какао во прав итн. и овие трошоци исто така се зголемуваат. Трошоците за енергија и работна сила за производство на такви производи исто така се зголемуваат – изјави Џон Стенсфилд, виш аналитичар за шеќер во платформата за податоци за стоки DNEXT.

Тој додаде дека сезоната на дробење трска во Азија се намалува во последните недели и дека има големи промени во клучните земји производители: Индија, Тајланд, Кина и Пакистан.

Индија е втор најголем производител на шеќер во светот, по Бразил. На почетокот на април, Здружението за трговија со шеќер во цела Индија ги намали проценките за производство на шеќер за скоро 3 % за земјоделската година од октомври 2022 година до септември 2023 година.

The post ЦЕНАТА НА ШЕЌЕРОТ НАЈВИСОКА ОД 2012 ГОДИНА Ќе поскапат чоколадите и соковите appeared first on plusinfo.mk.

Комитетот за оперативна монетарна политика на Народната банка одлучи да ја зголеми основната каматна стапка за нови 0,25% и сега таа изнесува 5,50%. За ист процент се зголемени и каматните стапки на расположливите депозити со што каматните стапки на депозитите преку ноќ и на 7 дена ќе изнесуваат 3,40% односно 3,45%.

Со овие промени, Народната банка продолжува со затегнување на монетарната политика, коешто започна уште од крајот на 2021 година, со активно управување со ликвидноста преку интервенциите на девизниот пазар, а од април па наваму и преку зголемување на каматните стапки.

Ваквата монетарна поставеност е поддржана и зајакната и со неколкуте промени кај инструментот задолжителна резерва, насочени кон раст на штедењето во денари, како и со системски мерки, како што е воведувањето противцикличен заштитен слој на капиталот со што дополнително се јакне отпорноста на банкарскиот систем.

The post ОСНОВНАТА КАМАТНА СТАПКА СЕ ИСКАЧИ НА 5,5 ОТСТО Народна банка ги зголеми и каматите на депозитите на банките appeared first on plusinfo.mk.

Ништо веќе не е исплатливо, па дури ни бизнисот со криптовалути, вели скопјанецот Бојан, кој од неодамна одлучи да ги „пензионира“ машините за копање биткоини.

– Имав 5 машини кои ми служеа за копање криптовалути, но со новото поскапување на струјата сфатив дека овој бизнис веќе не е исплатлив. Машините ми беа сместени на долниот кат од куќата, а во изминатите неколку години заработував толку колку да не морам да одам на работа. Плус, машините толку многу го загреваат просторот, па јас дури и да не користев греење во зимниот период. Заработувачката беше скромна, но со оглед на тоа што имав само 5 машини, можам да кажам дека бев задоволен. Но, новата цена на струјата ме натера да се откажам од овој бизнис, а и многу мои колеги кои се занимаваат со истата работа веќе се откажаа или се во процес на откажување. Во игра се само големите играчи кои поседуваат цели „фарми“ за производство на криптовалути. Верувам дека нивната заработка сѐ уште е премногу висока за да би се исплашиле од високите сметки за струја, ако воопшто ги плаќаат – објаснува нашиот соговорник.

Во разговор за Плусинфо уредникот на tokenpaddock.com и крипто експерт Дарко Симуновски открива зошто рударите на криптовалути кај нас губат интерес за овој бизнис преку кој се остваруваа солидни приходи.

Тој појаснува дека добивката од копањето криптовалути зависи од повеќе работи во процесот, како што се инвестициите во хардвер и учеството во мајнинг процесот, моменталната цена на криптовалутата, стапката на „хаш“, тешкотијата на рударството, трошоците за електрична енергија и за уредите за ладење.

– Кога рударите, постои шанса да загубите дел од вкупната инвестиција. Нестабилноста на цените може да биде фактор, како и ризикот од прегорување на хардвер деловите. Еве ќе ви дадам конкретен пример, ако вложевте околу 6.000 евра во опрема (5 графички карти) отприлика би мајнирале околу 0.13 Етериуми месечно помножено со моментална цена. Денешна цена од 1.350 евра за 1 етер помножено со 0.13 би дошло 175 евра приход месечно, минус околу 70 евра сметка за струја со поскапување. Кога крипто пазарот беше во зелено, заработка со ваков перформанс беше и преку 600 евра месечно – вели Симуновски.

Според него, заинтересираноста за рударење на криптовалути исто така падна поради промената на консензусот во Етериум блокчејн што се случи на 15 септември годинава.

– Надградбата од оригиналниот консензус механизам (PoW) доказ на работа, се смени во (PoS) доказ за удел, и ова беше наречено Етериум спојување (Ethereum merge). Ова т.н. спојувањето се однесува на оригиналниот Етериум блокчејн кој се спојува со посебен (PoS доказ за удел) блокчејн наречен (Beacon chain) Бикон чејн, кој сега постои како еден синџир/Блокчејн. Со ваквата промена 95%  од рударите со графички карти останаа без работа, затоа што сите тие рудареа на Етериум блокчејн – вели експертот за Плусинфо.

Тој додава дека со промена на консензусот на Етериум блокчејн, 95% рудари ја изгубија работата, мал дел од овој процент ќе се префрлат на други мрежи, а најголем дел од нив ќе престанат со работа.

На прашањето што во моментов би можеле да направат мајнерите, Симуновски вели дека сега рударите со графички карти имаат уште дваесетина други блокчејни што поддржуваат ваков вид на мајнинг, но не се рентабилни поради слаба ликвидност и нивната ниска маркет капитализација особено во бер/мечкин маркет.

– Со потенцијално префрлување на друг блокчејн заработката би била далеку помалa во споредба со досегашното рударење на Етериум. Сепак би спомнал неколку алтернативи како Raven Coin, Flux, Render, Ergo – ни одговори уредникот на tokenpaddock.com.

Симуноски вели дека минатата година неколку пати предупредувал за високата инфлација, додека енергетска криза се појави како домино ефект од војната во Украина.

– Моментално светот е во рецесија, со кревање на каматните стапки во повеќето држави, инфлацијата ќе се намали во наредните месеци. Сепак тоа ќе донесе други проблеми како негативен раст на економијата, затоа што многу фирми ќе затворат поради намалена ликвидност и многу луѓе ќе ја изгубат својата работа. Морам да напоменам дека инфлацијата се случи како одговор на ковид затворањето, а не поради војната во Украина. Енергетската криза направи дополнителен притисок за ослабување на економијата и уништување на стандардот на граѓаните, особено во ЕУ – вели крипто експертот.

Тој предупредува дека следната година недостатокот на храна ќе биде дополнителен проблем во периодот на рецесија.

– Финансиските пазари (пазар на акции) не се имуни на ваква незавидна ситуација, вклучително и крипто маркетот, но раст на подолг рок е неминовен. Криптовалутите се тука да останат, цела економија за 3-4 години ќе биде токенизирана. Паметни инвеститори се едуцираат и го користат овој период за акумулација на Биткоин и други квалитетни дигитални средства, затоа што следниот бул ран (биков маркет) ќе донесе повеќе од 600% заработка од иницијална инвестиција. Крипто светот нуди можност за нова класа на финансиски независни луѓе – објаснува Симуновски.

The post ПРЕД КРИЗАТА „КОПАВМЕ“ 600 ЕВРА МЕСЕЧНО, А СЕГА „ГРЕБЕМЕ“ ЗА 100 ЕВРА Цената на струјата го фрли бизнисот со криптовалути под стечај appeared first on plusinfo.mk.

Во насока на континуирано мотивирање на вработените во МВР, издејствувавме зголемување на платите за пет проценти почнувајќи од 1 септември 2022, од Буџетот на МВР, што претставува трето покачување на платите на вработени во МВР, објави министерот за внатрешни работи Оливер Спасовски на неговиот фејсбук профил.

Во 2018 година, појаснува, се издејствува зголемување на платите за околу пет илјади униформирани полициски службеници, притоа овозможувајќи издвојување на работните позиции помлад полицаец, полицаец и виш полицаец од останатите вработени.

– Со ова за првпат е извршено зголемување на бодови за полициски службеници за 10 и 20 бодови за работната позиција „полицаец“, од категориите Е5, Е4, Е3 и Ж5, Ж4 и Ж3, за што во Буџетот на Министерството за внатрешни работи за 2019 година побарани се и одобрени парични средства за исплата на зголемување на плата во износ од 80.000.000 денари на годишно ниво за 4.821 униформиран вработен. Посебно значајно за ова раководство на МВР е што вакво зголемување за основната компонента полицаец се остварува за првпат од 1991 година па наваму – напиша Спасовски.

Второто покачување следуваше во септември 2019 година, при што платата на вработените во МВР беше зголемена за пет проценти, а за спроведување на ова зголемување беше зголемена вредноста на бодот од 26,09 денари на 27,72 денари.

Исто така, со зголемување на платите од 30 отсто, пишува Спасовски на фејсбук, се опфатени 100 лица од Одделот за информатика и телекомуникации и тоа сметано од 01.01.2020 година.

– Министерството за внатрешни работи се реши на овој чекор токму од причина да се мотивираат овие кадри да не заминуваат од министерството и соодветно да придонесат на позициите за кои се ангажирани – објави министерот.

Меѓудругото, во 2020 и 2021 година, благодарение на домаќинското работење и остварените заштеди во Буџетот, оценува Спасовски, беа обезбедени средства за доброволна исплата на бонус плата за оствaрени над 150 часа прекувремена работа на годишно ниво во текот на 2017 и 2018 година, во вкупен износ од околу 97.995.636 денари, и тоа: бонус плата за 2017 за 1.819 вработени во вкупен износ од 46.339.025 денари и бонус плата за 2018 за 1.916 вработени во вкупен износ од 51.680.268 денари.

И во 2021 година е извршена исплатата на бонус плата за вработени во МВР за остварени прекувремени часови во 2020 година, при што се исплатени 4.502 вработени, во вкупен износ од 135.969.404 денари. Покрај ова, за припадниците на Одделот за специјални полициски операции отпочна исплатата на патни трошоци за оние кои живеат надвор од градот Скопје, како и исплата на дневници за службени патувања.

Со најновиот Колективен договор, потсетува министерот Спасовски, донесени се одлуки кои значат финансиско зголемување за вработените во МВР.

– Пет проценти исплата за домашно дежурство за неуниформирани полициски службеници, исплата на јубилејна награда за 10 години непрекината работа во МВР, исплата на еднократна помош од 100 евра во денарска противвредност за новородено дете, за припаднички на МВР, исплата на надоместок за ментор за успешно спроведена менторска програма, исплата за надоместок на храна за ноќна работа, а во 2021 година исплатени се 259 вработени во вкупен износ од 6.149.195 денари – напиша Спасовски.

Дополнително, во согласност со новиот Закон за минимална плата, за сите вработени во Министерството за внатрешни работи, на кои им се исплаќа платата врз основа на Законот за внатрешни работи и Колективниот договор, минималната бруто-плата изнесува 26.800 денари. Тоа значи дека платата за вработените во МВР за најниското работно место со статус на овластени лица и полициски службеници, во согласност со систематизацијата на МВР, е над предвидената минимална плата.

Од полициските службеници кои беа доведени во состојба на супстандардни услови, без потребна опрема и униформи, објави на фејсбук министерот Спасовски, создадовме мотивирана полиција која работи во интерес на граѓаните и државата.

Тој најавува дека продолжуваат и во наредниот период со уште поголема енергија да ги воспоставуваат европските стандарди во полицијата за да можат да претендираат на уште подобри резултати во работењето.

The post ДОБРА ВЕСТ ЗА 5.000 ПОЛИЦАЈЦИ Од денеска вработените во МВР ќе земаат поголема плата appeared first on plusinfo.mk.