– Само во последната недела во Албанија се направени 2.000 тестови за Ковид-19, а речиси половина, односно над 900 се позитивни. Пациентите со денови се соочуваат со зашеметеност, болки во грлото, кашлица, треска и замор – изјавила Еугена Томини директорка на Институтот.

Според Томини, летната сезона и доаѓањето на голем број туристи и емигранти во Албанија ги зголемиле случаите со коронавирус.

Препорачува доколку граѓаните  ги почувствуваат овие симптоми веднаш да направат брз тест за Ковид.

– Изминатата недела 40% од пациентите кои го направиле брзиот тест се потврдило дека се заразени од Ковид-19. Позитивните случаи во овој период се многу повисоки од официјалните бројки бидејќи не се тестираат сите кои имаат симптоми. Враќањето на децата на училиште и температурните промени се очекува да ги зголемат случаите на Ковид, покрај другите вируси кои циркулираатм – посочува Томини.

Сепак, според директорката на Институт за јавно здравје, ситуацијата не е алармантна. Ковид-19 ја намали својата агресивност и болеста во оваа сезона наликува на блага состојба на грип.

The post ЗАГРИЖУВАЧКА СОСТОЈБА ВО АЛБАНИЈА За една недела регистрирани над 900 ковид-позитивни случаи appeared first on plusinfo.mk.

Северна Америка, Австралија, Азија и Западна Европа се подрачјата со највисоки стапки на рак во рана возраст. Според истражувачите, иако генетиката веројатно придонесува за порастот – и пушењето, пиењето алкохол и исхраната богата со месо и сол, но со малку овошје и млеко, се главните фактори на ризик. Утврдено е дека прекумерната тежина, ниската физичка активност и високиот шеќер во крвта имале улога во тоа покачување на бројките кај младите лица. Научниот труд е објавен во списанието „БМЈ онколоџи“ (BMJ Oncology).

Ракот на дојка го сочинува најголемиот дел од случаите – 13,7% на секои 100.000 луѓе. Случаите на рак на душникот и на простата, пак, растат најбрзо со 2,28% и 2,23% годишно.

А пак, случаите на рак на црниот дроб се во пад, во просек за 2,88%.

Раководителката на истражувањето, д-р Ксуе Ли од Центарот за глобално здравје на Институтот „Ашер“ при Универзитетот во Единбург во Шкотска, смета дека ракот во рана возраст покажува „нагорна линија“ за последните 30 години, но дека „вкупната стапка на инциденца е стабилна“ од 2010 до 2019 година.

Добротворната организација „Кансер рисрч УК“ (Cancer Research UK) потврди дека напредокот во згрижувањето на болни ракот помогнал да се спасат најмалку 1,2 милиони животи во Обединетото Кралство од 1980-тите до денес. Д-р Клер Најт смета дека ракот останува „првенствено болест на постарите лица“, но и оти, сепак, наодите од новото истражување се алармантни.

– Потребни се повеќе испитувања за причините за рак на рана возраст, за одредени видови канцер, како што е и нашето истражување коешто разгледува нови начини за идентификување поголема опасност од рак на дојка кај помладите жени – истакнува д-р Најт.

Таа препорачува урамнотежена исхрана, непушење, многу вежбање и безбедно, умерено изложување на сонце.

The post АЛАРМАНТНИ ПОДАТОЦИ Бројот на млади луѓе заболени од рак во светот пораснал за 79% appeared first on plusinfo.mk.