– Така што, сите што беа присутни во салата се согласуваат дека треба да има закон за продажба на земјоделското земјиште. Во ниту еден случај, ниту еден од земјоделците ниту од индивидуалците што присуствуваа Федерацијта на фармери или другите засегнати страни не беа против да се донесе закон за продажба на земјоделско земјиште – рече Хоџа одговарајќи на новинарско прашање по потпишување на договори со претставници на осумте плански региони.

Целиот процес и до сега, рече министерот, е транспарентен и инклузивен, а така ќе биде и кога ќе го пуштиме во понатамошна владина процедура или собраниска процедура.

Тој нагласи дека во делот на големината на парцелите нема ограничување, односно не мора да биде над 10 хектари површина за да може да биде дел од продажба. Во врска со забраната за пренамена, министерот за земјоделство, шумарство и водостопанство, истакна дека со законското решение се забранува најмалку за наредните десет години тоа да може да се пренамени.

Хоџа одговарајќи на новинарско прашање во врска со доцнењето на исплатата на субвенциите истакна дека тоа е резултат на носењето на ребалансот на Буџетот.

– Во тек е процедура во Собрание за усвојување ребаланс на Буџетот. Значи тоа треба да се затвори следната недела ако не грешам, бидејќи е вратен во Собрание усогласениот текст на Буџетот и верувам дека веднаш после усвојувањето, кога буџетот ќе стане активен ќе се исплатат сите субвенции – рече министерот.

The post Хоџа: Сите аргументирани забелешки ќе ги вклучиме во законот за продажба на земјоделско земјиште appeared first on plusinfo.mk.

Како што рече денеска претседателот на Федерацијата на земјоделски синдикати, Никола Шалев, на 450 земјоделци им е одземено правото на користење државно земјиште кое претходно им било дадено на повеќегодишна концесија. Со ваквиот потег, напомена Шалев, државата поттикнува создавање социјални случаи и нов бран на одлевање млади луѓе од земјата.

– Земјоделците веќе се плашат. Добивме решенија за раскинување на договорите и за враќање на земјиштето кое е под наше владение. Тоа подразбира дека власта или дел од власта нема друга опција, ниту надеж да го унапредува земјоделството. Со добиените пари од Европа за наводно подигнување паркови за алтернативна енергија ни ги растураат договорите за да може да ја продаваат земјата. Нашето барање е да се сторнираат сите т.н. решенија за враќање на владението. Имаме свои обврски пред банките, земавме кредити, како да ги исплатиме закупнините. Лично, мојата семејна фирма „Био агромаркет“ побарува околу 7.000 евра, а должи околу 1.500 евра. Дајте ми ја разликата, направете преотстапување на тие средства – изјави Шалев пред Министерството за земјоделство.

Во неговото семејство седум генерации се занимавале со земјоделство и тоа, рече, е само еден пример во Овчеполието. Луѓето таму, дополни, од тоа живеат.

– Затоа е недозволиво земјиштето да се одзема, а ако се продава, ќе мора државата и мене да ме продаде. Таа земја е наша, не може и не смее да биде туѓа. Точно е, имаме обврска по основ на закупнини. Но, нашата обврска е помала од побарувањето – потенцира Шалев.

Тој информира дека во Овче Поле првпат е организирана „земјоделска фела“. Отворена е школа за неформално образование на земјоделците.

– Општина Свети Николе ја поделивме на седум земјоделско-производствени микро реони. Секој реон обединува одреден број села. Имаме идентификација на сите производители, земјоделци, во реоните. Наместо да не почитуваат и да почнеме заеднички развој, тие ни ги раскинуваат договорите – додаде претседателот на Федерацијата на земјоделски синдикати.

И претседателот на источниот регион на земјоделци и сточари при Конфедерацијата на синдикални организации (КСОМ), Ристе Бајаглав повика државата да им помогне на земјоделците кои во моментов, како што рече, се соочуваат со сериозни проблеми покрај корона пандемијата.

– КСОМ апелира до сите министри, да ги сторнираат решенијата за раскинување на договорите, да им се помогне на земјоделците во Свети Николе и да им се овозможи да си ги платат долговите или да се направи замена со концесијата. И оваа и сите наредни влади треба да знаат дека за да се задржат младите треба државата да им подаде рака. Земјоделството кај нас е приоритет, ние не сме земја на компјутери, туку на производство – истакна Бајаглав.

Тој оцени дека со раскинувањето на решенијата за земјиштето, над 400 семејства, меѓу кои и млади луѓе, сериозно ќе почнат да размислуваат за заминување од државата.

– Во овие 30 години ќар имаа само авантуристите во земјоделството, производителите никако. Гледате што се случува со јагнето, со оризот, откупната цена е катастрофална, проблеми има и со тутунот. Мора да престане оваа агонија кон земјоделците. Три децении сме игнорирани, а придонесуваме за економската ситуација – нагласи Бајаглав.

The post Земјоделците кои останаа без земја до владата: Ако ја продавате земјата продадете не и нас appeared first on plusinfo.mk.

Тој посочи дека се ставаат во мирување и роковите за сите јавни повици, за поднесување на проекти и за реализација на инестициите на националните програми и од програмата ИПАРД 2, како дел од мерките кои ги презема Владата со цел да се ублажат последиците од пандемијата врз земјоделството и руралниот развој.

– Поради пандемијата годинава извозот на јагнињата се одвива со намален интензитет. За да се покријат загубите на одгледувачите на овци вкупната финансиска поддршка за женско јагне ја зголемуваме на 2.500 денари по грло – рече Димковски.

Тој истакна дека поради намалената динамика на склучување на договори за производство и за откуп на тутун за реколтата 2020 во месец март, рокот за склучување на договори, кој го склучуваат производителите на тутун, со регистрираните откупувачи на тутун, го продолжиле до 30 април.

– Земјоделците кои се самостојни вршители на дејност, а се регистрирани според законот за трговски друштва ќе имаат можност да користат и дел од економскиот пакет мерки како финансиска поддршка од 14.500 денари за месеците април и мај – нагласи Димковски.

Министерот за земјоделство наведе дека  во услови на ограничен пристап до пазарите и рестрикции во движењето се повеќе земјоделци почнуваат онлајн продажба на своите производи.

– Ги повикувам земјоделците да ја користат и платформата „понуда и побарувачка“ што ја воведе Министерството за земјоделство, а преку кој што можат да ги понудат своите производи – посочи Димковски.

Тој упати апел до граѓаните да купуваат домашни производи со цел да се заштити домашното производство.

– Зелените коридори за брз транспорт на стока веќе функционираат и со тоа во значителна мера ќе ја олесни трговијата со земјоделските производи – потенцираше Димковски.

Тој истакна дека по надминување на здравствената криза производството на храна треба и мора да и продолжи непречено, земјоделците мора да ги продолжат своите работни активности.

– Владата ќе ги овозоможи сите потребни услови за одржливо земјоделско производство, пласман и ќе одоговори на брањата на земјоделците. Изминатиот период како ресорно Министерство преземаме мерки кои ќе им помогнат на земјоделците и на стопанствениците во агросекторот. Во оваа вонредна состојба да имаат рентабилно земјоделско производств и пласман на своите производи – рече Димковски

The post Димковски: За три и пол месеци се продолжува рокот за плаќање на закупнина за државно земјоделско земјиште за 2019. appeared first on plusinfo.mk.