Во првата половина од годинава, Албанија имала најголем број баратели на азил во ЕУ во споредба со земјите од Западен Балкан, наведува весникот “Монитор”.

Статистичките податоци на Европската агенција за имиграција покажуваат дека 4.779 албански граѓани поднеле барање за азил во земјите на ЕУ. Во извештајниот период барање за азил поднеле 3.603 македонски,  2.570 српски,  851 босански и 179 од црногорски граѓани – стои во анализата на весникот.

Се оценува дека трендот на барања за азил од Албанците и понатаму останува многу висок во споредба не само со земјите од регионот, туку и пошироко.

Масовната миграција, условува голем недостиг на работна сила во земјата,  поради што бизнисите губат можности за проширување. Пензискиот систем е изложен на ризик поради намалувањето на работната сила што плаќа осигурување – констатира весникот.

The post МАСОВНА МИГРАЦИЈА ВО ЗЕМЈИТЕ НА ЕУ Албанија и Македонија предничат меѓу земјите од Западен Балкан appeared first on plusinfo.mk.

Ова го порача министерот за информатичко општество и администрација, Јетон Шаќири во говорот на состанокот на министрите од шесте земји од Западен Балкан, одговорни за дигиталната трансформација и политиките за информациски и комуникациски технологии што се одржа во Подгорица, во организација на Советот за регионална соработка (RCC), „Heading towards Roaming Free Western Balkans“.

Тој нагласи дека ова е само почеток и додаде дека важноста на овој договор е исклучително голема и е предуслов да се започне процесот за намалување на трошоците за роаминг и помеѓу шесте земји од Западен Балкан и земјите од Европската Унија.

– Меморандумите за 5G, интероперабилност и доверливите услуги, потпишани минатата година во Тирана, ја отворија вратата за изградба на заеднички технички јазик. Ова ќе им овозможи на ИКТ системите ефикасно да комуницираат во регионот, и во иднина исто така со земјите од Европската Унија. Тоа е мал, но важен чекор на патот кон градење дигитално општество засновано на доверба – рече Шаќири.

Најави и продлабочување на соработката меѓу овие земји, инвестиции во мрежа и инфраструктура, така што, посочи, квалитетот и брзината на комуникацијата ќе се зголемуваат уште повеќе.

– Мора да ја искористиме оваа можност и да го забрзаме напредокот кон поврзување на регионот. Ние мора да ги здружиме нашите напори и да работиме преку границите и преку секторите за заедничко зголемување на квалитетот на животот и забрзување на економското закрепнување на регионот – потенцира Шаќири.

The post Од 1 јули нема роаминг за граѓаните на шесте земји од Западен Балкан appeared first on plusinfo.mk.