Американскиот државен секретар Марко Рубио го повика украинскиот претседател Володимир Зеленски да се извини по неговата расправија со американскиот претседател Доналд Трамп во Белата куќа.

– Зеленски треба да се извини што ни го изгубивме времето за средбата што заврши на овој начин. Многу јасно ставивме до знаење кој е нашиот план, а тоа е да ги доведеме Русите на преговарачка маса – истакна Рубио во интервју за Си-ен-ен.

Тој додаде дека во изминатите десет дена во сите контакти со Украинците имало компликации, вклучително и јавни изјави на претседателот Зеленски, при што се поставува прашањето дали украинскиот претседател е подготвен за мир.

– Можеби не сака да склучи мировен договор. Тој вели дека го сака тоа, но можеби и не – истакна Рубио, додавајќи дека „овој начин на поткопување на мировните напори е многу разочарувачки“.

The post ЗЕЛЕНСКИ НИ ГО ИЗГУБИ ВРЕМЕТО Рубио не верува дека украинскиот претседател сака мир appeared first on plusinfo.mk.

– Не може да има целосен вакуум или изолација на Русија, тоа е технолошки невозможно во современиот свет. Светот е многу поголем од Европа. Порано или подоцна ќе треба да изградиме дијалог, без разлика дали некои во странство тоа го сакаат или не – изјави портпаролот на Кремљ, Дмитриј Песков, за руската државна телевизија.

Зборувајќи за можноста рускиот претседател Владимир Путин да се сретне со украинскиот претседател Володимир Зеленски, Песков рече дека тоа би било „хипотетички возможно“, но дека ќе бара писмен документ договорен од двете страни во мировните преговори со Киев.

За да се одржи средбата, Песков рече дека делегациите мора да подготват „конкретен документ“.

– Не збир на идеи, туку конкретен пишан документ – додаде тој.

The post ХИПОТЕТИЧКИ Е МОЖНА СРЕДБА ПУТИН-ЗЕЛЕНСКИ Кремљ ќе бара писмен документ договорен од двете страни appeared first on plusinfo.mk.