Претседателот на Владата Христијан Мицкоски денеска најави дека многу скоро пратениците ќе имаат можност да гласаат за законот за правична застапеност, дека секој има право да го користи својот мајчин јазик, но некој се обидува да создава етнички конфликт каде што го нема и со тоа се остава лош пример. Премиерот нагласи дека државата се гради кога се поддржуваме едни со други.

– Многу скоро овде во Парламентот ќе имате можност да го гласате законот за правична застапеност, каде што процентите не се важни, туку квалитетот. Очекувам од вас поддршка. И познавам многу Албанци, многу, верувајте многу, дури можеби повеќе и од вас кои се мои пријатели семејни, другари блиски, кои не сакаат да се гледаат себе си низ проценти – рече Мицкоски од собраниска говорница.

Тој одговараше на прашање на пратеникот Скендер Реџепи од Европскиот фронт за тоа дали би поддржал уставни измени поврзани со јазичната политика.

– За правосудниот испит, ако сте го прочитале законот, ќе прочитате таму дека полагањето не е регулирано со законот на кој јазик ќе биде, туку тоа го уредува министерот. Колку министри за правда биле од коалицијата која ја поддржувате, зошто не го уредиле? Затоа што сте лицемерни, затоа што сте патриоти од Али Експрес, кога сте во опозиција, а во влада промовирате зелени еко агенди. Кога сте во опозиција сакате да создадете етнички конфликт каде што го нема – рече премиерот Мицкоски.

Пратеникот Реџепи зборуваше за одредницата 20 проценти поврзана со албанскиот јазик, но и за наводни навреди искажани кон Албанците. Ги спомена и Израел и други држави, но и Венецијанската комисија, за која тврдеше дека во европски држави не се консултираат со неа при носење закони.

Мицкоски, како претседател на Владата се огради од ставовите на Реџепи дека Израел е геноцидна држава, како и дека Венецијанската комисија е неформално тело. Исто така тој потенцира дека кога веќе пратеникот зборува за мултиетничка држава треба истовремено да ги осуди и навредите искажани кон „каурите“ на спортските натпревари и неодамнешното исвиркување на национална химна, како и неносењето на македонското знаме од страна на лицата што протестираа за полагање правосуден испит и на албански јазик.

– Лош пример оставате за оние по вас. Вие сте опозиција и мислите дека на овој начин ќе привлечете внимание. Слушајте го мојот говор на Денот на светите просветители Кирил и Методиј, каде јасно и гласно кажав што значи мајчин јазик и дека секој има право да го користи својот мајчин јазик. Но, вие континуирано ги пропуштате шансите и сега велите Венецијанската комисија претставувала некое неформално тело, повторно како претседател на Влада морам да кажам се оградувам од ставот на пратеникот Скендер Реџепи затоа што покажа елементарно непознавање – додаде премиерот Мицкоски.

Премиерот Мицкоски појасни дека во новата методологија на преговори има тела кои се клучни, а едно од тие е Венецијанска комисија. Второто е Европскиот суд за човекови права.

– Венецијанската комисија кажува дали некој закон е согласно меѓународното право, и второ во тој Европски суд за човекови права лежат, фаќаат прашина 14 пресуди за нашето македонско братство, заедница во Бугарија кои Бугарија не ги применува. Очекував да кажете дека стоите позади вашите сограѓани Македонци и заедно ќе се бориме. Така настапува објективен поддржувач на соживотот во мултиетничка Македонија, моја и ваша татковина како Македонец и Албанец. Нашата заедничка татковина така се гради кога ќе се подржуваме едни со други. Јас поддржувам да не се гледаме низ призмата на проценти и затоа ќе имате можност многу скоро во Собрание да го гласате Законот за правична застапеност, каде процентите не се важни туку квалитетот. Очекувам поддршка. Не сакам да ги гледам луѓето низ проценти, туку низ квалитет и низ објективна оптика – нагласи Мицкоски.

Премиерот кажа дека за да верува во чесните намери за мултиетничка земја очекувал од Реџепи денеска да биде малку пообјективен.

– Нема да навлегувам во делот кога државата Израел ја нарековте геноцидна држава. Јас би сакал во таа насока како претседател на Владата сакам јасно да кажам дека не стојам позади овој ваш став како пратеник во македонското Собрание, туку се оградувам од овој ваш став – рече Мицкоски.

The post КОГА СТЕ ВО ОПОЗИЦИЈА ПРОМОВИРАТЕ ЕТНИЧКИ КОНФЛИКТ, КОГА СТЕ ВО ВЛАДА – ЗЕЛЕНА АГЕНДА! Мицкоски ги нарече ДУИ „патриоти од Али Експерс“ appeared first on plusinfo.mk.

Во услови на интензивирање на дебатата околу забраната за продажба на автомобили со мотори со внатрешно согорување во ЕУ од 2035 година, како дел од амбициозните зелени цели на блокот за намалување на емисиите на јаглерод диоксид, група здравствени организации и медицинските професионалци упатија заедничко писмо до Европската комисијата во која ги нагласуваат здравствените ефекти од евентуалното укинување на оваа мерка.

Дебатата ја интензивираше европската автомобилска индустрија, која од самиот старт се противи на забраната на продажбата на возила со мотори со внатрешно согорување, сега иницирајќи идеја ЕУ да се откаже од ваквиот план.

На средба со претседателката на Европската комисија, Урсула фон дер Лајен минатиот месец претставници на автоиндустријата посочија дека забраната ќе го зголеми притисокот врз овој сектор во услови на нелојалната конкуренција на кинеските производители на електрични возила и на американските царини за увозот на автомобили од Европа.

Европската автоиндустрија за својот предлог доби поддршка од водечките земји производители на возила, Германија и Италија, при што германскиот канцелар Фридрих Мерц дури ја оцени забраната како „грешка“.

Во вакви услови, Фон дер Лајен најави дека Европската комисија ќе ја забрза постапката за преразгледување на одлуката за забрана на продажбата на автомобили со мотори со внатрешно согорување.

Но, на ова реагираше европската индустрија за електромобили, која предупреди дека укинувањето на забраната ќе има неповолно влијание врз пазарот на електрични возила во ЕУ, како и дека од тоа корист би имале конкурентите од трети земји и би биле поткопани инвестициите во овој сектор.

Дополнително, група десничарски и конзервативни европратеници иницираа дебата во Европскиот парламент посветена на поддршка на идејата за укинување на забраната, при што беше повторена познатата реторика за постоење на „зелена идеологија“ и квалификацијата на Зелениот договор како „најголема измама во ЕУ“.

Во сите овие дискусии прашањето се сведе на заштита на европската автомобилска индустрија и на одржување на нејзината конкурентност, од една страна, и на заложбите за зелена транзиција и остварување на целите за климатска неутралност, од друга страна. Во сенка падна прашањето за здравствените ефекти од забраната.

Поради ова, групата здравствени организации и медицински професионалци во своето писмо до Еврокомисијата посочуваат дека во целата дебата се занемаруваат ефектите што по здравјето на луѓето би ги предизвикало укинувањето на забраната, пред сè, оние поврзани со загадувањето на воздухот.

Во писмото се наведува дека емисиите на гасови од возилата со мотори со внатрешно согорување се еден од најголемите загадувачи на воздухот.

Загадениот воздух е одговорен за повеќе од 300.000 предвремени смртни случаи во Европа секоја година, а Европската агенција за животна средина го нарекува „најголемиот ризик по здравјето на животната средина во Европа“, се вели во писмото.

Авторите на писмото посочуваат дека загадениот воздух влијае на речиси сите видови болести, меѓу кои се истакнуваат срцевите заболувања, мозочните удари, ракот на белите дробови, астмата, деменцијата, дијабетесот и замастувањето на црниот дроб.

Лошиот воздух може да доведе и до компликации во бременоста и да го наруши развојот на децата. Дополнително, на него се најранливи најмладите и најстарите припадници на општеството.

Изложеноста на загаден воздух значително го зголемува ризикот од неплодност. Тоа се резултати од првата студија за проучување на опасноста по населението.

Според студијата на ЕРЈ Опен Ресрч, објавена минатиот месец, при вдишување на загаден воздух, ситните ПМ2,5 честички преку белите дробови успеваат да навлезат во крвотокот и бидејќи се многу мали, слободно циркулираат низ него.

Овие честички можат „да се залепат“ за црвените крвни зрнца, чија примарна функција е да го транспортираат кислородот од белите дробови до остатокот од телото, и на тој начин овие загадувачи се шират низ целиот систем и доспеваат до сите органи.

Истражувањата покажуваат дека загадувањето на воздухот е алармантно во повеќето земји од Централна и од Источна Европа, но и во Италија, при што регистрираните количества на ПМ2,5 честички се многу повисоки од дозволеното ниво на Светската здравствена организација (СЗО) од 5  микрограми на кубен метар.

ПМ2,5 честичките, според студијата, се виновни за повеќето смртни случаи поврзани со загадувањето на воздухот, на што се надоврзуваат и голем број други загадувачи, кои исто така придонесуваат за предвремена смртност и болести.

Врз основа на ова се оценува дека е потребна промена на пристапот во дебатата околу забраната на возилата за внатрешно согорување, во која сега здравјето најчесто се става во втор план.

„Тоа апсолутно треба да се промени. Секој треба да дише, па затоа никој не е безбеден, а многу од споменатите болести придонесуваат за пониска продуктивност на работниците, предизвикувајќи спирала во големите индустрии“, се нагласува во писмото.

The post А, ШТО Е СО ЗДРАВЈЕТО НА ЛУЃЕТО? Профитот и политиката се во прв план, се бара ауспусите да чадат и после 2035 година appeared first on plusinfo.mk.

Делегацијата во состав Зоран Јовановски, потпретседател на Стопанската комора, Билјана Пеева-Ѓуриќ оперативен директор и Михајло Донев, проект менаџер во Стопанската комора ја врачија наградата за зелена агенда на генералниот директор на Макстил АД Скопје Марија Дуковска Павловска.

Од Стопанската комора, информираат дека процесот на прилагодување на начинот на производство Макстил успешно го применува веќе извесно време давајќи огромен придонес пред сѐ во „зелената агенда“, поточно во зачувувањето на здравјето на луѓето и секако зачувувањето на животната средина.

Системот за отпрашување во челичарницата, производство на течен челик во електропечка, како и заложбите за спроведување на суштинска циркуларна економија и определбата за „нула отпад“, односно реискористување на сите нус-производи во процесот на добивање готов производ, како што посочуваат од Стопанската комора, се во контекст на зелената агенда на Макстил.

The post МАКСТИЛ ДОБИ НАГРАДА ЗА СВОЈАТА ЗЕЛЕНА АГЕНДА Стопанската комора оцени дека компанијата успешно го прилагодила производството appeared first on plusinfo.mk.

Борба за секој киловатчас

На ужас на екологистите, од почетокот на кризата Германија отвори три од своите конзервирани термоелектрани во источниот дел од земјата, иако уште во 2018 година ги затвори последните рудници за камен јаглен во областа Рур, како дел од европскиот план до 2015 година да се затворат сите термоелектрани и да се намалат емисиите на јаглерод. Дури 50 отсто од своите потреби за јаглен Германија ги задоволуваше со увоз од Украина и од Русија, но од август годинава, повторно поради санкциите, Европската Унија го забрани увозот на јаглен од Русија. Планот на Германија да ги отвори своите застарени рудници на лигнит и да ги реактивира термоелектраните беше јасен сигнал за цела Европа – Зелената агенда ѝ го отстапи приматот на борбата за секој киловатчас енергија, без оглед на потеклото.

Со оглед на ваквиот развој на настаните, не е изненадување што и македонското електростопанство се обидува да го зголеми своето производство, пред сѐ со зголемување на увозот на мазут и јаглен и активирање на сите расположиви капацитети за тоа. А и немаше друг избор, зашто со години се зборува, но воопшто не се инвестира во изградбата на неколку хидроцентрали.

Според податоците кои што кон средината на август ги изнесе генералниот директор на АД ЕСМ Васко Ковачевски, во првите седум месеци од годинава ЕСМ произвело 2.194 гигават часови електрична енергија, или за 15% повеќе од истиот период лани, а целиот план за производство за 2022 година предвидува 20-процентно зголемување во однос на лани. Производството на термоелектраните РЕК Битола и РЕК Осломеј е зголемено за 40%, а кај хидроелектраните има намалување на производството за 25%. Зголемен е ископот на јаглен во рудниците Суводол и Брод Гнеотино, како и увозот на јаглен од соседните земји. Од почетокот на годинава набавени се 550.000 тони за РЕК Битола, а во тек е отворена набавка за уште 600.000 тони. Залихите на јаглен изнесуваат околу 100.000 тони, а месечно се набавуваат по околу 50.000 тони. Се прават и залихи за мазут за ТЕЦ Неготино, кој веќе работи со еден котел, а во текот на зимата, сигурно ќе биде активиран и вториот.

Мантрите за обновливите извори засега во втор план

Сите овие информации ги загрижуваат македонските екологисти. Тие со години укажуваат дека нашите термоелектрани работат без соодветни дозволи и планови за заштита на животната средина. ТЕЦ Неготино работи, а нема А-интегрирана дозвола и непречено загадува во област на интензивна земјоделска активност. РЕК Битола и Осломеј исто така немаат дозволи, но барем изработиле планови и програми за вградување заштитни филтри и преземање други мерки. ТЕЦ Неготино го нема ни тоа, зашто според Стратегијата за заштита на животната средина беше планирано да се затвори, но околностите ги сменија плановите.

Македонија, како и останатите земји од Западен Балкан, има долгорочен проблем со загадувањето на водите, воздухот и почвите. Загадениот воздух, според официјални студии, годишно убива до 3.000 жители во земјата.

За Ана Чоловиќ Лешоска од Центарот за истражување и информирање за животната средина „Еко-свест“, нема сомнение дека ова е „одење наназад“.

– Енергетската криза, а како последица на неа, зголеменото користење на јагленот и мазутот, дефинитивно ќе го зголеми аерозагадувањето и другите облици на загадување. Во нашата Енергетска стратегија се предвидува постепено преоѓање на обновливи видови енергија, за што имаме потенцијал, но доцниме со имплементација – вели Чоловиќ Лешоска.

Дали воопшто ќе има струја?

Според Јане Димески, советник во општина Центар од коалицијата „Шанса за Центар“, оваа зима може да биде важна лекција за сите нас. Освен лошите страни на кризата, тој укажува дека може да има и поинакви ефекти. Тој исто така очекува зголемено загадување поради поголемото користење на мазут и јаглен, но вели дека главно прашање оваа зима ќе биде дали воопшто ќе има струја.

– Прво, мислам дека сите ќе сфатиме дека мора да штедиме електрична енергија. Мора да се навикнеме поекономично да ја користиме. Ете, веќе се воведени некои мерки и препораки и тоа е добро. Има можности за штедење, и тоа пред се кај јавните институции. Друго што мислам дека може да се случи, со оглед на високите цени на горивото, да имаме помасовно преоѓање на алтернативни форми на транспорт и помало користење на возилата, што може да помогне да се намали аерозагадувањето. Тоа треба да се комбинира со зголемување на капацитетот на јавниот транспорт, за да има поголем ефект, но засега тоа го нема – вели Димески.

Тој укажува дека сега ќе се види колку е важно тоа што со години се доцни со воведувањето мерки за енергетската ефикасност и за премин кон обновливи извори на енергија.

– Огромен број објекти немаат термички фасади, некои немаат никакви, па тоа ќе го направи греењето оваа зима многу скапо, а штедењето ќе биде тешко. Се доцни со поставување фотоволтаици и сончеви колектори. Се надевам дека во вакви моменти ќе се тргне во поорганизирано и помасовно нивно поставување, пред се на јавни објекти и згради, и ќе се видат предностите на тие алтернативни извори – вели Димески.

Цвета нелегалната сеча на шумите

Тој е исто така загрижен што кризата со струјата и нејзината цена драматично ја зголемија побарувачката за огревно дрво.

– Ова е многу опасна работа. Податоците укажуваат дека се зголемува продажбата на огревно дрво, а јавното претпријатие што стопанисува со шумите ЈП Национални шуми, со години не го зголемува производството за да ги намали трошоците. Тие со легалната сеча не успеваа да ги задоволат ниту 60 отсто од потребите. Тоа значи дека се огромен дел од тие дрва за огрев годинава доаѓаат од дива сеча, а таа се врши стихијно, без обезбедување услови да се обнови шумскиот фонд. Сето тоа ќе има големи последици на подолг рок – вели Димески.

Тој е уверен дека ќе имаме тешка зима, но барем се надева дека ќе извлечеме, како држава и како народ, корисни искуства.

– Со години ги читам извештаите за климатските промени и сценаријата кои се предвидуваат на краток, среден и долг рок и тие одамна предупредуваа на огромните последици и врз животната средина и врз економијата. А ако гледате кои мерки биле предлагани пред 10 или 15 години, ќе видите дека ништо од тоа не е применето. Тоа само кажува дека воопшто не гледаме долголрочно. Ќе биде ова тешка лекција, но очигледно ние не учиме ништо додека нешто не нѐ удри по глава – вели Јане Димески.

The post НЀ ЧЕКА СТУДЕНА, АМА И ВАЛКАНА ЗИМА Екологистите ќе заборават на Зелената агенда, важно е да има струја! appeared first on plusinfo.mk.

Како што информираат од Министерството за надворешни работи, сесиите биле составени од два дела.

– На првиот беше домаќин министерот за животна средина и просторно планирање, Насер Нуредини, а со свои излагања се обратија и Дејвид Моран, Регионален Амбасадор за климатски промени СОP26, Ана Новаковиќ-Ѓуровиќ, министер за екологија, просторно планирање и урбанизам на Црна Гора, Алмира Џембула, заменик на Министерот за туризам и животна средина на Албанија, Игли Хасани, амбасадор кој е задолжен за животна средина и економски активности при ОБСЕ, Фестим Халили директор на Фондот за иновации и технолошки развој, Бојана Станојевска Печуровска од Центар за климатски промени – наведуваат од МНР.

Дополнуваат дека темите на дискусијата ги опфатиле влијанието на климатските промени кои сериозно го опфаќаат Западниот Балкан и пошироко како и активности кои треба да се преземат за справување со предизвиците од областа на животната средина, климатските промени и енергетската транзиција.

Од МНР велат дека министерот Нуредини во своето воведно обраќање истакнал дека зелената агенда и одржливоста не се само модни трендови и слогани што секој сака да ги вметне во својата тема, туку се прашања што бараат вистински фокус и сериозна работа. Како што пренесуваат, тој потенцирал дека во време на последователни кризи, климатските промени не ја намалија својата итност, туку напротив, бараат од нас интензивна работа на брза митигација и адаптација.

– Никој не може да успее сам во оваа мисија, потребна е интензивна соработка и заедничко стратешко делување во правец на остварување на поставените климатски цели и обезбедување на одржлив и климатски неутрален регион, како дел од пошироката светска заедница. Тука сме за да ги разговараме овие регионални пристапи и решенија, заклучил Нуредини, пренесуваат од МНР.

На панелот обраќање имал и специјалниот гостин Дејвид Моран, Регионален Амбасадор за климатски промени СОP26, на кој зборувал за глобалната климатска агенда во време на геополитички неизвесности.

На втората сесија од панелот, свои воведни обраќања имале вицепремиерот за економски прашања, Фатмир Битиќи и министерот за економија, Крешник Бектешки. Исто така, свои излагања имале Ервин Ибрахимовиќ, заменик претседател за регионален развој и министер за капитални инвестиции, Бесарт Кадија, заменик министер за финансии и економија, Франк Шауф, преставник од Berlin Global Advisors, Тодор Тодоров, асоцијација за животна средина од Бугарија.

Во овој дел од сесијата биле опфатени темите за економиите во регионот, енергетските планови и целите поврзани со климатските промени кои треба да се исполнат до 2030 година, како и регионалната соработка во областа на поврзување на гасоводните мрежи, зелена и дигитална трансформација како и искористувањето на фондовите од Економскиот и инвестициски план на ЕУ.

Од МНР пренесуваат дека Битиќи изјавил дека сега повеќе од било кога треба да се преиспитаат таргетите од Парискиот договор, не само тука во земјите од регионот, туку и во ЕУ, и начинот како ќе се постигнат тие таргети, наместо да се остава секоја држава сама на себе да ги постигне зададените таргети.

Министерот Бектеши во заклучните согледувања истакнал дека подобрувањето на енергетскиот интензитет е голема можност за раст на целиот регион и што може да ги поттикне инвестициските циклуси во обновливи извори на енергија, одржлива мобилност, модернизација на индустријата, реновирање на згради во масовен обем и подобрување на квалитетот и одржливоста на земјоделството и храната. Забрзаната зелена транзиција на клучните сектори кои најмногу придонесуваат за емисиите на стакленички гасови е вистинскиот пат напред, додека внимателно се препознаваат новите можности за владата, компаниите и граѓаните кои ги носи зелената транзиција. Исто така, неопходно е мудро да се управува со ризиците од транзицијата и да се осигура дека таа е е одржлива, праведна и адекватно финансиски поддржана. Потребно е секогаш да се има предвид дека оние кои не се прилагодуваат ќе заостанат многу.

– Мораме да бидеме свесни, секој од нас, дека сите сме дел од зелената трансформација и дека секој од нас има своја улога. Колку побрзо го сфатиме ова и почнеме да работиме за да го дадеме нашиот придонес, толку полесна и побрза ќе биде промената, а квалитетот на животот ќе биде значително подобар, посочил Бектеши.

The post ЗЕЛЕНАТА АГЕНДА ЗА ЗАПАДНИОТ БАЛКАН Рамка за спроведување за одржлив и климатски неутрален регион appeared first on plusinfo.mk.

„Енергија, зелена транзиција и инфраструктура“ е еден од столбовите врз основа на кој ќе се темели дискусијата на претстојниот Скопје економски финансиски форум – СЕФФ, кој се одржува во организација на Министерството за финансии на 30 и 31 мај и на кој државници, признати експерти од областа и бизнис заедницата ќе дебатираат на тема „Одржување економски раст во време на неизвесност и потоа“.

Тековната криза покажа колку светот може да биде ранлив на движењата на пазарните цени на енергијата и храната. Оттаму вложувањето во одржлива енергија и одржливо земјоделство се искачија на врвот на агендата на приоритети на креаторите на политиките. Концептот „зелена економија“ подразбира економија која е отпорна и е во состојба да создаде подобар квалитет на живот за сите во еколошките граници. Овој сеопфатен концепт го поттикнува и намалувањето на сиромаштијата, развивањето на руралните подрачја, здражување на безбедноста на храната, пристап до чиста вода и енергија. Секоја земја треба да има долгорочен план за развој на зелената економија со јасно определени приоритетни подрачја.

Во насока на финансирање на зелената агенда, Министерството за финансии во Планот за заздравување и забрзување на економскот раст, предвиде начини за финансирање на зелената агенда, а тоа да не резултира со проширување на дефицитот. Преку Планот ќе се мобилизираат средства од приватниот сектор во насока на реализација на проекти кои ќе го забрзаат економскиот раст и ќе продуцираат додадена вредност, а воедно ќе бидат во насока на еколошките стандарди.

Планот за заздравување и забрзување на економскиот раст воведува нови финансиски инструменти кои се насочени кон исполнување на „Зелената агенда“ и зелената транзиција, како зелените обврзници кои имаат за цел мобилизирање на средства кон проекти за унапредување на животната средина, односно подобрување на енергетската ефикасност, намалување на загадувањето, одржливо земјоделство, заштита на водниот и копнениот екосистем, обезбедување чист транспорт и одржливо управување со водите, негување технологии што се еколошки, итн. Со Планот се предвидува и формирање Фонд за енергетска ефикасност, во рамки на Банката за развој на Северна Македонија, а средствата меѓу другото ќе бидат наменети за идни енергетски ефикасни инвестиции, како и финансирање на инвестициите во енергетска ефикасност и обновлива енергија во јавните згради. Исто така, предвидено е финансирање и преку Фонд за поддршка на мали и средни претпријатија за нивен раст и развој, како и стратешки зелен инвестициски фонд со цел инвестирање во проекти на големи претпријатија.

Подигањето на општата свест за климатските проекти и зелената економија, е особено значајно бидејќи инвестирањето во зелени проекти, пред се, одржлива енергија и одржливо земјоделство ќе ја направи нашата економија значително поотпорна на глобални шокови од типот на овие кои се соочуваме во моментот.

The post ЕКОНОМСКИ ФОРУМ СЕФФ Преку концептот зелена економија до отпорна економија со забрзан раст appeared first on plusinfo.mk.

Би-Би-Си јави дека договорот на трите партии е постигнат речиси два месеца откако социјалдемократите победија на сојузните избори.

Формите на заштита на климата сочинуваат голем дел од коалицискиот договор. Трите партии поставиле цел постепено да се укине употребата на јаглен до 2030 година, а до оваа година 80 отсто од енергијата да се произведува од обновливи извори.

Се планира и легализирање на продажбата на канабис во лиценцирани продавници, со контрола на квалитетот и на дистрибуцијата на дрогата.

Германија е најголемата европска економија, потсетува Би-Би-Си и додава дека поради тоа одлуките на новата влада ќе имаат големо влијание врз нејзините соседи.

The post ГЕРМАНИЈА ДОБИ НОВА ВЛАДА Големи и зелени планови за најголемата европска економија appeared first on plusinfo.mk.

– Колку сме поблиски едни до други, толку сме посилни и со локалното население и со меѓународната заедница. Самo што ја претставивме зелената агенда, после два дена ме контактираше претставникот на Обединетите Нации кој побара состанок овде во Северна Македонија, разговаравме два часа за зелената агенда и без двоумење ми кажа 183 милиони долари имаме одвоено за оваа агенда. Ние процесите ги водиме напред. Агендата пред вас е победничка, која е добра за сите нас но и за генерациите што ќе дојдат после нас – рече Ахмети пред жителите на Шипковица.

Првиот вицепремиер, Артан Груби рече  дека нема проект што го ветиле, а не го реализирале, дека нема неасфалтиран пат и дека нема проект што Теута го ветува и не е реализира.

– Да бидам искрен, се чувствувам многу удобно. Првпат држам говор пред жителите на оваа област. Имам посебни емоции затоа што секогаш ја чувствував тетовската околина како столб не само на ДУИ, туку и на сите Албанци, како идентитетски код на ДУИ и затоа ми е чест што сум тука пред вас да побарам поддршка за Теута, и не се сомневам во нашата победата во сите општини од Липково до Струга затоа што имаме најдобра понуда, бидејќи сите работи кои ги ветуваме, и ги реализираме. Нема проект што сме го ветиле и не сме го реализирале, нема пат што не е асфалтиран, нема проект што Теута го ветува и нема да го реализира,
затоа што сите ние стоиме зад неа,  затоа што Теута е наша -истакна Груби.

Актуелната градоначалничка Арифи рече дека осум години по ред имале добри но и тешки денови, но дека се обиделе да го направат најдоброто за граѓаните.

– Тетово е град на знаењето и на промените стари со векови и промената по која чекоревме сите ние заедно. Направивме уште една промена, само што ја отворивме првата градинка во оваа населба, целта беше децата да го добијат потребното образование. 8 години имавме добри и тешки денови, но во овој период се обидовме да го направиме најдоброто за вас. Ве поканувам да ја направите промената на 17-ти октомври, за да покажете дека ние сме тие што ја имаме силата и самите ги правиме промените. Мандатот го сакам од вас, а не од пазарењата, за подобар живот “, кажа кандидатката за градоначалник на Тетово, Теута Арифи.

The post АХМЕТИ ДВА ЧАСА РАЗГОВАРАЛ СО ПРЕТСТАВНИК НА ОН 183 милиони долари ќе добијат за зелената агенда appeared first on plusinfo.mk.

Ахмети рече дека програмата содржи и предизвици за инстоитуциите за водење на државата.

– Затоа што не сакав да се посрамотиме како нација туку да покажаме вредности и конкуренција, бидејќи кога работиш и го затвораш поглавјето на јунаштвото, започнува поглавјето на мудроста – рече Ахмети.

Првиот вицепремиер Груби за време на својот говор пред присутните нагласи дека сега фокусот е ставен на гасификација, изградба на пруги и дигитализација.

–  Ние изработуваме проекти кои целиме да ги спроведеме две децении. Пред два дена го имавме претседателот на Бехтел кои беа за да го изградат Коридорот 8, а во исто време го градиме патот до Блаце, додека пред неколку недели го поставивме камен -темелникот на булеварот Хасан Приштина – истакна во својот говор првиот вицепремиер Груби.

Носителот на листата на кандидати во општина Гази Баба од редовите на ДУИ, Сафет Адеми истакна дека ќе работат со најголема сериозност за подобар живот за граѓаните во новиот мандат.

The post ЗАПОЧНУВА ПОГЛАВЈЕТО НА МУДРОСТА Ахмети во Сингелиќ зборуваше за зелената агенда appeared first on plusinfo.mk.

– Зошто побарав да бидете третирани исто затоа што нацијата беше окупирана, затоа што мојата нација беше малтретирана, на мојата нација и недостасуваше слобода и јас му припаќам на овој народ за заслуженото да им го дадам на сите оние што живеат заедно на ова небо, посакувам да се почитува постигнатиот договор бидејќи е од корист за сите. Посакувам успех на листата на советници кои достоинствено ги бранат и ги избираат имињата што даваат решенија за барањата на граѓаните. Посакувам да има достојна и фер кампања – рече Ахмети.

Првиот вицепремиер Артан Груби пред присутните истакна дека најголемиот проект од општините надвор од градот Скопје се прави во општина Шуто Оризари.

– Во документот постигнат како договор во оваа општина, беше предвидено се што ќе се направи во рок од четири години, ниту еднa буква во тој документ немаше врска со интересот на ниекого, освен со интересот награѓаните, нема место каде што не се работи во Шуто Оризари. Најголемиот проект од другите општини надвор од општините на Скопје е токму во оваа општина  – нагласи првиот вицепремиер Груби.

The post АХМЕТИ СО ЗЕЛЕНАТА АГЕНДА ВО ШУТО ОРИЗАРИ Посакувам да има достојна и фер кампања appeared first on plusinfo.mk.