Во рамки на последниот ден од турнирот се одиграа натпреварите во кадетска и јуниорска конкуренција каде како најдобри се покажаа Белорусинот Никон Шутов и Бугаринот Милан Жеков, додека во женска конкуренција славеа Белорусинките Тимашкова и Жатко.

Оваа година, како што истакна Роберт Николов од организациониот одбор на турнирот, наградниот фонд беше двојно зголемен за разлика од минатата година и изнесуваше 10.000 евра.

– Од минатата година растеме како што растат и средствата. Имавме пет држави, оваа година учесници од 12 држави, годинава имавме околу 200 спортисти натпреварувачи. Се надеваме следната година ќе растеме со турнирот, ќе дојдат уште повеќе учесници – рече Николов.

Честитајќи им на сите победници, спонзорот Благој Механџиски – Зегин, рече дека со самиот факт што во една од конкуренциите победил најмалиот е доказ дека иднината на пинг-понгот е во младите.

– Поздрав до сите 12 земји и преку 190 учесници. Поминавме успешно со преголем број гледачи на настанот кој се пренесуваше во живо на Јутјуб. Посебна радост е тоа што најмалиот ја освои најголемата награда, што значи дека успехот и иднината е во младите и затоа ние не жалиме за средства, продолжуваме догодина со повеќе искуства, со поголем награден фонд – рече Механџиски.

Благој Механџиски најави дека наградниот фонд следната година ќе биде уште поголем

За победникот во јуниорска конкуренција Никон Шутов од Белорусија ова беше успешен турнир.

– Последниот натпревар со колегата од Србија беше доста тежок, се помачив, но успеав да преовладам во однос на резултатот – истакна победникот во јуниорска конкуренција.

Вистинско изненадување на турнирот приреди 13-годишниот Милан Жеков од Бугарија кој победи во кадетска конкуренција совладувајќи далеку покорпулентни противници од себе.

– Сега ќе полнам 13 години, играм од пред 2,5 години, а според мене тајната на победата е да тренираш напорно и да бидеш постојан во својата игра – рече младиот Жеков.

Зегин Опен 2023 започна со натпревари во ветеранска конкуренција на која учествуваа пинг-понгари од 40 до 70 години.

The post АРГЕНТИНЕЦ И СРБИНКА ПОБЕДИЈА НА ТУРНИРОТ ВО ПИНГ-ПОНГ Заврши Зегин Опен 2023 appeared first on plusinfo.mk.

Берово во поновата спортска историја на Македонија јасно се етаблира како центар на пинг-понгот во Македонија.

– Минатата година Зегин Опен се одржа за прв пат, но турнирот уште на своето прво одржување стана своевидна атракција на балканските простори. Изјавата на минатогодишниот победник во апсолутна категорија дека тоа е најдобро организираниот турнир на којшто учествувал, беше само поттик за организаторите Зегин Опен 2023 да биде уште подобро организиран – велат организаторите.

За разлика од минатата година кога на турнирот натпреварите беа организирани во два дена и натпреварувачите се натпреваруваа во четири категори, оваа година ќе има натпревари во десет категории.

Натпреварите од турнирот ќе бидат пренесувани во живо на You Tube на официјалниот канал на турнирот.

– Зегин Опен оваа година го привлече вниманието на повеќе од 130 натпреварувачи од единаесет држави. За Зегин Опен се слушна и подалеку од границите на Европа. Со учеството на натпреварувач од Аргентина, турнирот само ја потврдува својата атрактивност која ги надминува локалните и регионалните рамки на пингпонгарските натпреварувања на сличните натпреварувања – додаваат организаторите.

Наградниот фонд е двојно зголемен за разлика од минатата година, благодарение на единствениот спонзор на турнирот, компанијата „Зегин“.

– Зегин Опен и понатаму останува приказна која се случува еднаш во годината а се прераскажува до следниот Зегин Опен кој секогаш ќе биде подобар од претходниот – нагласуваат организаторите.

The post ВИКЕНДОВ МЕЃУНАРОДЕН ТУРНИР ВО ПИНГ-ПОНГ „ЗЕГИН ОПЕН 2023“ Берово се етаблира како град на пинг-понгот appeared first on plusinfo.mk.