Управниот одбор на Здружението на новинарите на Македонија (ЗНМ), постапувајќи по предлог на Советот на честа при ЗНМ, донесе одлука за исклучување на Зоран Божиновски од членството на ЗНМ поради прекршувања на повеќе членови на Етичкиот кодекс на новинарите.

Одлуката е донесена поради тешки и повторливи повреди на Етичкиот кодекс – преку серии неодамнешни објави што поттикнуваат родово базирано вознемирување кон новинарки и го нарушуваат угледот и приватноста. Освен ова, овие објави иницираат малициозни коментари со што се поттикнуваат и охрабруваат други лица да шират говор на омраза и закани, а на тој начин се создава непријателска средина и се зголемува ризикот по безбедноста на новинарките, соопшти ЗНМ.

„Советот на честа при ЗНМ, следејќи го Статутот и Правилникот за работа, по разгледување на 5 доставени претставки до ЗНМ од страна на новинарките Жана Божиновска, а во име на Мирослава Симоновска, потоа од Јована Костадиновска, Анета Андонова, Сашка Цветковска и од Мери Попова, одлучи дека Зоран Божиновски грубо ги прекршил член 10, член 15 и член 16 од Кодексот на новинарите. Врз основа на тоа, Советот даде предлог за исклучување, кој беше прифатен од Управниот одбор на ЗНМ“, соопшти Здружението.

Зошто е донесена оваа одлука? ЗНМ има обврска да ги штити професионалните стандарди и безбедноста на своите членови. Нормализирањето на вознемирувањето и јавните понижувања – особено кога се насочени кон жени – директно ја поткопува слободата на изразување, ја нарушува довербата во медиумите и ги обесхрабрува новинарките да бидат гласни и присутни во јавната сфера, објаснува ЗНМ.

„Кои се последиците ако ова не се третира соодветно? Игнорирањето на ваквите појави води кон зголемена неказнивост, ескалација на онлајн и офлајн напади, самоцензура и системско потиснување на женските гласови во медиумите, што е штетно за јавниот интерес и демократскиот дискурс“, соопшти ЗНМ.

ЗНМ потсетува дека согласно измените на Кривичниот законик од 2023 година, загрозувањето на сигурноста на медиумските работници претставува кривично дело, за кое веќе постои и судска пракса.

„Укажуваме дека секој член на ЗНМ при зачленување потпишува изјава дека ќе ги почитува одредбите на Етичкиот кодекс. Согласно член 20 од Статутот, член против кого се поднесени и прифатени претставки за сериозни прекршувања на Кодексот може да биде исклучен од здружението, а со тоа да ги изгуби бенефитите од членството – правна помош и застапување, право на добивање и користење новинарска легитимација (национална и меѓународна, согласно правилата), учество во органите и програмите на ЗНМ, пристап до обуки, мрежи и други членски услуги. ЗНМ, како најстара професионална организација на новинари во земјата со 79-годишна традиција, останува на страната на професионалното новинарство и на сите новинар(к)и кои со интегритет и одговорност ја вршат својата работа во интерес на јавноста“, соопшти Здружението на новинари на Македонија.

The post ЗОРАН БОЖИНОВСКИ ИСКЛУЧЕН ОД ЗДРУЖЕНИЕТО НА НОВИНАРИТЕ НА МАКЕДОНИЈА Сторил сериозни етички повреди и родово базирано вознемирување appeared first on plusinfo.mk.

„Во изминатите денови, државни функционери во Северна Македонија во неколку наврати вербално малтретираа новинари и медиуми. Од 16 јануари, премиерот, неколку министри и претседател на политичка партија употребија понижувачки јазик против неколку новинари кои си ја вршеа работата поставувајќи прашања, на истакнати јавни личности во Северна Македонија“, се наведува во соопштението на ЕФН.

Федерацијата потсетува дека на 16 јануари, премиерот Ковачевски рече: „Верувам дека господинот Ахмети таа изјава ја дал врз основа на факти и за објаснување ќе треба да го прашате него. Бидејќи и за медиумите и јас имам мое лично мислење, јас можам да дадам мое лично мислење како некои медиуми се однесуваат. Што се однесува до мене можам да кажам дека во државата има медиуми чија што уредувачка политика личи на компанија која што тргува со енергенси, а има и медиум чија што уредувачка политика личи на партиски сектор за комуникација“.

Изјавата на премиерот се однесуваше на изјавата на претседателот на Демократската унија за интеграција (ДУИ), Али Ахмети, кој јавно ги оквалификува ТВ Телма и ТВ Алфа како „непријателски“ медиуми.

Федерацијата додава дека на 6 февруари, министерот за здравство Беким Сали одржа „лекција за новинарство“ на прес-конференција, која што, како што оценува Федерацијата, новинарите кои беа присутни во тетовската клиничка болница требаше да ја сфатат како „позитивна критика“.

„На 2 февруари, министерот за економија Крешник Бектеши на прес-конференција коментираше дека новинар поставил прашање во име на други новинари, наместо да одговори на ова конкретно прашање поврзано со поскапувањето на природниот гас.

Претходно, советник за образовна политика во Министерството за образование и наука понижи новинар за време на прес-конференција велејќи дека новинарот поставувал ‘тенденциозни прашања за да го извади министерот од контекст’“, се набројува во соопштението на Федерацијата.

Според ЗНМ, овие примери веќе не се изолирани инциденти.

– Изминативе денови ЗНМ предупредуваше на овој негативен тренд на зголемување на непрофесионалниот однос на јавните функционери кон новинарите. Потсетуваме дека државните функционери се во служба на јавноста и дека не треба да имаат несоодветен и навредлив однос кон новинарите и следствено на тоа, кон пошироката јавност до која треба да се пренесуваат информациите. Овде веќе не станува збор за изолирани инциденти – изјави Драган Секуловски, извршен директор на ЗНМ.

Генералниот секретар на ЕФН, Рикардо Гутиерез, додаде:

– Јавното повикување на имиња и несоодветното однесување на јавните службеници кон новинарите станува сѐ почеста појава. Со нашите локални партнери ја следиме состојбата на овој негативен тренд. Новинарите и медиумските работници треба да работат во средина каде што не се чувствуваат загрозени и каде што службениците ќе се однесуваат кон нив со почит и со разбирање, како што налага работата. Службениците мора да ја оправдаат својата улога и да даваат пример кога комуницираат со новинарите, наместо да создаваат сомнеж или да ги дискредитираат.

The post ФУНКЦИОНЕРИ НА ТАПЕТ ЗА МАЛТРЕТИРАЊЕ НОВИНАРИ Европската федерација ги потсети премиерот и министрите дека постои бонтон appeared first on plusinfo.mk.

Откако во јавноста беше обелоденето дека на меѓувладината седница во Софија, сметката за пат и за сместување на 34 новинари, сниматели и фоторепортери ја платила Владата на Република Македонија, Чадиковски е дециден дека тоа не смее да се повтори.

– Ако ја следиме логиката на пазарот, тогаш медиумите сами решаваат што ќе следат, каде ќе патуваат нивните новинари и потоа самите ќе си платат за тоа – вели првиот човек на ЗНМ.

Што се однесува до патувањето во Рим каде премиерот Димитар Ковачевски чествуваше на гробот на Св. Кирил и Методиј, за што покана добија само одредени медиуми, Чадиковски вели дека тоа е очигледен пример на фаворизирање.

– Што се однесува до Рим, тука имаме случај на фаворизирање на медиуми. Сепак, ставот на ЗНМ е дека не смее да се носат новинари од приватни медиуми на државна сметка – додава тој.

The post МЕДИУМИТЕ САМИ ДА РЕШАВААТ ШТО ЌЕ СЛЕДАТ Чадиковски е против „новинарски туризам“ на државна сметка appeared first on plusinfo.mk.