Прв позитивен случај на коронавирус кај осуденик во штипскиот затвор е регистриран денеска во здравствениот билтен на Министерството за здравство.

Директорот на Затвор-Штип, Мики Тодоров за МИА ја потврдува информацијата и вели дека во изолација се ставени девет осудени лица, еден вработен во затворот, додека на лекарот, стоматологот и на медицинскиот техничар во затворската амбуланта им е наложено да се тестираат.

– Немаме конкретни информации, како осуденото лице се заразило,  претходната недела имавме вработен позитивен на коронавирус, но може да биде и заразен од друго осудено лице, кое во изминатиот период користело викенд отсуство, во полуотворено одделение, по појавување на првите симптоми веднаш во консултации со затворскиот лекар е изолирано од остантите осудени лица. Во стабилна здравствена сосотојба е спроведен на Инфективно одделение, каде што му извршен преглед и дадена соодветно терапиј -, вели Тодоров.

Во штипскиот Затвор преземени се сите мерки и осудените лица, кои се ставени во изолација се наоѓаат во посебна просторија. Извршена е и дезинфекција, а заразеното осудено лице било сместено во полуотвореното одделение. 

The post Затвореник во штипскиот затвор заразен со коронавирус appeared first on plusinfo.mk.