Фондот за здравствено осигурување (ФЗОМ) спроведе опсежна контрола на боледувањата на 80 лица, на барање на Министерството за внатрешни работи (МВР). Во период од последната година и пол, овие лица регистрирале вкупно 514 боледувања, од кои 258 траеле до 7 дена, 171 до 15 дена, а 83 над 30 дена.

Директорот на ФЗОМ, Сашо Клековски, појасни дека најголемо внимание се обрнува на боледувања над 15 дена, бидејќи тие се упатуваат на комисија за потврда. Најчести дијагнози биле респираторни заболувања, проблеми со мускулниот систем и дигестивни тешкотии.

– Од 80 контролирани лица, кај 29 откривме неправилности. Од 514 боледувања, 100 беа неуредно издадени, што значи речиси секое петто боледување – рече Клековски.

Контролираните здравствени установи биле 105, претежно приватни ординации по општа медицина, но имало и гинеколози и стоматолози. Неправилности се констатирани кај 29 приватни здравствени установи, три специјалисти во јавни здравствени установи и две лекарски комисии во два града. Најчести недостатоци биле непочитување на задолжителни дијагностички постапки, издавање ретроградно на боледувања и непоклопување на периоди.

– Десет лица менувале матични лекари за време на боледување, што укажува на злоупотреба. Сепак, има и оправдани боледувања, кај две лица траат повеќе од 10 месеци со иста дијагноза и се упатени на инвалидска комисија – додаде Клековски.

Вкупната казна за установите со неправилности изнесува околу 1,2 милиони денари, а сите случаи се известени во МВР за понатамошно постапување.

Директорот нагласи дека акцијата ја открила најголемата слабост на системот – недостиг на интегриран систем за следење на боледувања, особено за оние до 15 дена, кои се регистрирани само во „Мој Термин“.

– Европските просеци се меѓу 2 и 5 проценти од работното време, но ние не знаеме колку се кај нас – истакна Клековски.

The post СКАНДАЛ ВО МВР • ПОЛИЦАЈЦИ ФАТЕНИ СО ЛАЖНИ БОЛЕДУВАЊА Менувале матични лекари за да не одат на работа appeared first on plusinfo.mk.

За в.д. директор на Универзитетска клиника за неврохирургија е назначен Љуљзим Агаи, на директорското место на Универзитетска клиника за очни болести доаѓа Наташа Шекеринов, додека на Универзитетска клиника за респираторни заболувања кај децата „Козле“ – Каролина Симоновска.

Пранвера Изаири ќе биде в.д. директорка на специјалната Болница по гинекологија и акушерство „Мајка Тереза“ Чаир, на Универзитетска клиника за пластична и реконструктивна хирургија доаѓа Јасмина Ѓоргиевска Павловска, а на Универзитетска клиника за хирургија на лице, вилици и врат-максилофацијална хирургија за в.д. директорка е назначена Сузана Двојаковска.

В.д. директор на Клиничка болница Тетово е Агим Бериша, на Општа болница со проширена дејност Гевгелија – Патрик Матх, на Институт за медицина на трудот – Мерхал Исмаили, на Здравствен дом Валандово – Кети Пампурова Стојчевска, на Здравствен дом Кратово – Оливер Лазаровски и на Здравствен дом Кичево за в.д. директор е назначен Генц Селмани.

The post ТАРАВАРИ НАЗНАЧИ В.Д. ДИРЕКТОРИ НА НЕКОЛКУ ЗДРАВСТВЕНИ УСТАНОВИ Симоновска во „Козле“, Изаири на гинекологија Чаир, Двојаковска на максилофацијална… appeared first on plusinfo.mk.

Мнозинството членови на Комисијата за труд и социјална политика дадоа зелено светло на Законот за работни односи со кој денот недела ќе биде неработен ден. Исклучок се 42 дејности каде работниот процес не може да биде прекинат.

Во тој случај работниците ќе имаат право на слободен ден во текот на неделата и додаток на плата во висина од 50 проценти од дневницата.

Во недела ќе работат трговските центри, дел од прехранбената индустија, угостителските објекти, рудниците, медиумите, здраствените институции, противпожарна служба, фотографски, креативни, уметнички дејности и други.

ВМРО ДПМНЕ побара за законот да се одржи јавна расправа што не беше прифатено од страна на Комисијата. Од партијата на Христијан Мицкоски тврдат дека со предложеното решение нема ништо да се промени, туку напротив, ќе се зголеми бројот на отпуштени работници.

Законот за работни односи ќе се носи во редовна постапка.

Оставена е можност во второто читање партиите амандмански да реагираат.

The post Во недела нема да работиме, ама не сите appeared first on plusinfo.mk.

Граѓаните кои ќе се вакцинираат без да закажат термин за вакцинација првата доза ќе може да ја примат во пунктовите во здравствените домови, болници или поликлиники во градовите, односно во постоечките вакцинални пунктови во здравствените установи.

Вакциналните пунктови во јавните здравствени установи, ќе имаат работно време, кое е објавено на вратите на установите.

– Во Скопје вакцинирање без закажан тремин, ќе има во Поликлиниките „Јане Сандански“, Букурешт и Чаир, кои ќе работат од 7:30 до 19:30 часот.

Напоредно се одвива и ревакцинацијата на граѓаните Таа ќе се одвива во спортските.

The post Вакцинација без закажување се одвива во здравствените установи, ревакцинација во спортските сали appeared first on plusinfo.mk.