Ја пренесуваме во целост прес конференцијата:

Да тргнам со ред:

Претстојните парламентарни избори не се закажани сега, туку уште
минатата година, кога со политички консензус беше утврден 12 април како
соодветен датум за сите политички фактори. Во меѓувреме, неочекувано нè
пресретна длабока епидемиолошка и здравствена криза наречена КОВИД19,
која со себе повлече и длабоки социјални и економски последици кои мораа
итно да бидат адресирани. Повторно со широк консензус, а преку
вонредната состојба на Претседателот Пендаровски, на Владата ѝ беа
доделени огромни ингеренции, ингеренции кои според Уставот му припаѓаат
на Собранието, за да ја подготви земјата во справувањето со овие
последици. Тоа го направивме најдобро што знаевме и умеевме, тоа го
правевме транспарентно, па граѓаните ќе ја имаат можноста на
претстојните избори, меѓу другото, да дадат оценка и за оваа наша
работа. Тоа е суштината на демократијата и политичкиот натпревар.
Но денес сме исправени пред нов предизвик – како да ја заокружиме оваа
неприродна состојба без да предизвикаме нова политичка криза, која
повторувам – навистина не ни е потребна! Завршувањето на вонредната
состојба не значи дека е завршена епидемолошката закана и потребата за
ефикасно справување со последиците од пандемијата, туку напротив,
потребна е стабилна и одговорна Влада и политичко мнозинство кое во
целост ќе ја преземе одговорноста за сите предизвици кои се пред нас.
Затоа дозволете да потенцирам – изборите денес ни се многу повеќе
потребни отколку во декември минатата година кога со консензус одлучивме
дека ќе имаме предвремени избори!

Но во исто време, изборите имаат смисла само доколку граѓаните навистина
имаат избор да ги изберат претставниците кои ќе ги претставуваат во
Парламентот. Демократијата не препознава политички натпревар во кој се
натпреварувате сами со себе. Без учество на релевантните политички
факторите изборите во овие услови ќе претставуваат само нова политичка
криза, која како по правило кај нас потоа се претвора и во
институционална криза, за потоа да стане и закана за евентуална
безбедносна криза. Би било исклучително неодговорно ако тоа го
дозволиме.

Почитувани, Република Северна Македонија не е исправена само пред
предизвикот да се справи со пандемијата, туку и пред долго-очекуваниот
почеток на преговорите некаде при крајот на оваа година. Во моментов тоа
претставува најголемиот и најважниот стратешки приоритет на државата, за
кој секако, барем декларативно, имаме оформено консензус. Нема ништо
паметно во тоа овој најважен проект за граѓаните да го загрозиме заради
политичка незрелост, заради политичко надмудрување и партиски тактики,
ставајќи ги партиските интереси пред стратешките.
Сакам да предупредам на последиците од оваа политичка несериозност,
затоа што сè уште има можност, има начин, да не им приредиме на граѓани
и на државава нова политичка нестабилност во период кога токму
стабилноста ни е најсилното оружје.

Очекувам денес сите политички фактори да ги посочат нивните позиции и
предлози за тоа како сметаат дека треба да за ја заокружиме оваа
неприродна ситуација, но и да упатам апел до политичките лидери да ги
замрзнат изборните тактики и да ѝ дадат приоритет на сериозноста во која
се наоѓаме. И без разлика што одговорноста за овој евентуален неуспех е
целосно наша, домашна, овој повик сакам да го проширам и до нашите
меѓународни пријатели. Тука пред сè мислам на нашите стратешки партнери
САД, како и на нашите непосредни сојузници Европската Унија – чие
влијание и пред сè својот авторитет меѓу граѓаните, може исклучително
многу да ни помогне да не дозволиме нова политичка криза.

The post Османи: На здравствената криза да не ѝ додадеме и политичка криза appeared first on plusinfo.mk.

Хелсиншкиот комитет за човекови права со голема загриженост констатира дека кризната состојба предизвикана од појавата на коронавирусот, деновиве интензивно се прелева на полето на меѓуетничките односи.

„Во првите недели од почетокот на вонредната состојба, дискриминаторските изјави беа насочени кон заболените од ковид-19, преку барања за објавување лични податоци, нарушување на правата на пациентите и слични форми на стигматизација. Тензиите предизвикани од рестриктивните мерки постепено се префрлија во сферата на национализмот, за што во голема мера придонесува и фактот што се наоѓаме во предизборен период. За жал, сите апели за солидарност и емпатија во услови на непогода која ги засега сите граѓани, стануваат беспредметни кога на здравствената и економската криза, ќе се надоврзе и криза во меѓуетничките односи“, вели Хелсиншки комитет. 

За ваквата состојба,  според Хелсиншки комитет, придонесоа многу фактори: молкот на институциите пред самоволието на верските авторитети кои постапуваа спротивно на сите препораки за заштита на јавното здравје, функционирањето на државата со техничка влада, селективното медиумско известување и масовното присуство на дезинформации, но и поттикнувањето на говор на омраза на етничка основа од страна на јавни личности.

 Хелсиншкиот комитет за човекови права денеска поднесе пријава против академик Катица Ќулавкова за нејзината изјава на социјалните мрежи, со која поттикнува нетрпеливост помеѓу етничките заедници.

„Нејзиниот твит „Цената на соживотот ја плаќаме со животот.“ имплицира дека причината за ширењето на вирусот се меѓуетничките односи, а не општо распространетото непочитување на мерките. Имајќи предвид дека во нашата држава доминира говорот на омраза токму на етничка основа, ширењето и поттикнувањето на таквиот говор има посебна тежина, затоа што води кон злосторства од омраза, односно кон распламтување на националистичките страсти.  А тие по дефиниција се разорни за ранливото социјално ткиво и имаат потенцијал за да ја нарушат националната безбедност. Особено е опасно кога таквиот говор го применуваат интелектуалци, политичари, новинари и други личности со поголемо општествено влијание.

Иако праксата покажува дека обвинителството и судот речиси никогаш не ги процесираат случаите на говор на омраза, сметаме дека е неопходно да се осудат постапките на сите јавни личности кои влијаат кон продлабочување на поделбите и разгорување на омразатa. Истовремено, апелираме до сите граѓани и општествени чинители да покажат повисока свест и одговорност и да не дозволат ескалација на овие исклучително негативни појави“, вели Хелсиншкиот комитет.

The post Хелсиншки комитет поднесе пријава против академик Катица Ќулавкова appeared first on plusinfo.mk.

The post 3,3 милијарди евра од ЕК за Западен Балкан за лекување на здравствената криза appeared first on plusinfo.mk.