Директорка во Здравствениот дом во Делчево продолжила да работи и по навршувањето 67 години и си делела плати, оштетувајќи го буџетот за 6.532 евра.

М.Г., која има 70 години, е осомничена дека ја злоупотребила службената положба додека била директорка на установата. Според полицијата, таа во периодот од 9 јануари до 28 април 2022 година продолжила со работа и по исполнување на условите за пензија, спротивно на Законот за работни односи и на Уредбата со законска сила за примена на Законот за здравствена заштита за време на вонредна состојба.

Полицијата поднела кривична пријава до надлежното обвинителство, кое ќе ја разгледа постапката и ќе одлучи дали ќе биде покренато обвинение против пријавената.

The post НЕ ЗАСТАНАЛА НИТУ ПО ПЕНЗИЈА, СИ ДЕЛЕЛА ПЛАТИ Директорка во Здравствениот дом во Делчево инкасирала 6.532 евра appeared first on plusinfo.mk.

Виктор Исјановски, поранешниот директор на ЈЗУ „Здравствен дом – Скопје“, почина во Грција каде што престојувал на летување, објавија дел од медиумите.

Исјановски беше на чело на најголемата здравствена установа во земјава од јуни 2019 година до смената на власта во 2024 година.

Македонската јавност најмногу го памети по неговата активност за време на пандемијата со коронавирусот, кога Здравствен дом – Скопје со сите расположливи ресурси беше ставен во функција на борбата со ковид-19, особено во процесот на масовна вакцинација.

По професија беше специјалист психијатар и зад себе остави богата професионална кариера.

The post ТАЖНА ВЕСТ Почина д-р Виктор Исјановски, поранешен директор на Здравствен дом-Скопје appeared first on plusinfo.mk.

„Ова не се одвоени активности – ова е дел од една сериозна, системска трансформација на јавното здравство. Ние не градиме само објекти – градиме доверба, достоинство и една нова надеж во македонското здравство. Надеж во која пациентот е во центарот, а државата се грижи за него, во секој град, во секое село, во секој дом“:

Вака истакна премиерот Христијан Мицкоски на отворањето на новиот здравствен дом во Илинден. Премиерот нагласи дека денешниот чин претставува отворање врата кон една поодговорна, похумана и поблиска држава кон граѓанинот.

– Градиме темели на промените, затоа што тоа го ветивме и тоа го реализираме. Денеска овде во Илинден отвораме нешто што е повеќе од амбуланта – отвораме врата кон една поодговорна, похумана и поблиска држава кон граѓанинот. Ова е само почеток. Ќе продолжиме со реновирања, со вложувања, со нови објекти, нова опрема, со повеќе мотивација за здравствените работници, но и со повеќе грижа за секој човек во Македонија – истакна Мицкоски во обраќањето на настанот, на кој присустуваа и министерот за здравство, Азир Алиу и градоначалникот на Општина Илинден Александар Георгиевски.

Мицкоски нагласи дека во здравствениот дом во Илинден се вложени вкупно 25 милиони денари.

– Но,  вредноста на овој објект е далеку поголема од паричниот износ. Таа се мери во сигурноста на родителите дека нивните деца ќе имаат здравствена грижа блиску до домот, во спокојот на повозрасните жители кои веќе нема да мораат да патуваат далеку за преглед, во достоинството на здравствените работници кои конечно добиваат услови какви што заслужуваат – истакна премиерот.

Првиот човек на Владата нагласи дека сето ова е заеднички труд на Министерството за здравство, на Владата, и на локалната самоуправа на Илинден.

– Ова е моделот на функционирање кој го промовираме – соработка наместо изговори, дела наместо зборови. Оваа амбуланта е дел од нашата поголема заложба – да го обновиме, модернизираме и зајакнеме здравствениот систем во целата држава.

Премиерот потсети дека изминатиот период целосно е реновиран Одделот за ургентна инфектологија и интензивната нега во Инфективната клиника, во Општата болница во Гостивар реновирани се неколку одделенија, како и во Клиничката болница Тетово. Ги спомена и реновирањата на радиологија, на хируршките клиники, како и невролошката амбуланта во Детската клиника, а интензивно се работи и на клиниката Карил.

The post ПАЦИЕНТОТ Е ВО ЦЕНТАРОТ НА ЗДРАВСТВЕНИОТ СИСТЕМ Новиот дом во Илинден е дел од системска трансформација, вели премиерот appeared first on plusinfo.mk.

Во здравствениот дом Крива Паланка се реализирани 20 нови вработувања, а директорот Јоско Стефановски рече дека тоа претставува вистинско освежување и голем исчекор кон заживување на здравствениот дом во интерес на пружање подобри здравствени услуги за граѓаните.

Новите вработувања вклучуваат 7 лекари по општа медицина, 6 медицински сестри, тројца лаборанти, двајца возачи за итната медицинска помош и двајца хигиеничари.

– Крива Паланка заслужува да има здравствена установа која ќе нуди добри можности и услуги за пациентите, а верувајте досега овој наш здравствен дом беше во незавидна состојба, пред сѐ кога говориме за кадарот, и навистина сум им благодарен на сите што со своите заложби и напори помогнаа да реализираме вработувања што ќе значат заживување на установата. Покрај овие вработувања, по 9 години, одобрени се 4 специјализации и тоа: интернист, хирург, невролог и дерматовенеролог, а веќе се размислува за планот за специјалзиации за 2026 година. Еден приватен специјализант е преземен, тоа е офталмолог и очекуваме да дојде да работи за 2-3 години – рече Стефановски.

Поради недостиг на специјалисти, пред околу 4 месеци Здравствен дом Крива Паланка потпиша договори со лекари специјалисти од надворешни здравствени установи, од болниците во Кочани и во Куманово, од каде што во текот на неделата доаѓаат, повремено, согласно распоредот на слободни термини, специјалисти: невролог, двајца интернисти и рентгенолог, а во најскоро време се очекува да почне да доаѓа и специјалист-уролог од штипската болница.

– Во тек е процедурата за воведување и одобрување кардиолошка дејност во здравствениот дом, следуваат вработувања и на админстративен и техничко-помошен персонал, а со сопствени средства од самата установа, во тек е набавка на 2 санитетски возила – додаде Стефановски.

НАЈМНОГУ ПОПЛАКИ ИМА ЗА ДОЦНЕЊЕ НА РЕЗУЛТАТИТЕ Граѓаните почнаа да му пишуваат на министерот за здравство

The post КРИВОПАЛАНЕЧКИОТ ЗДРАВСТВЕН ДОМ ДОБИВА КАРДИОЛОГИЈА И НОВИ САНИТЕТСКИ ВОЗИЛА По 9 години, 4 специјализации и 20 нови вработувања appeared first on plusinfo.mk.

Поранешен директор на Здравствениот дом Куманово без да го информира Министерството за здравство вработил 127 лица и незаконски им исплатил плати во вредност од 350.000 евра, соопшти СВР Куманово.

„Пријавениот како директор на Јавната здравствена установа „Здравствен дом“ Куманово, како што денеска соопшти МВР, во периодот од 2020 до 2024 година склучувал незаконски договори на дело и вработувал лица во установата без претходно да добие одобрение од Министерство за здравство, а потоа и без да обезбеди согласност од Министерството за финансии незаконски вработил вкупно 127 лица, со што постапил спротивно на Закон за работни односи и спротивно на Закон за трансформација во редовен работен однос констатирано од Државен инспекторат за труд“, се вели во полицискиот билтен.

The post НА СВОЈА РАКА ВРАБОТИЛ 127 ЛИЦА, ИМ ИСПЛАТИЛ 350.000 ЕВРА Пријава за екс-директор на Здравствениот дом во Куманово appeared first on plusinfo.mk.

Синоќа паднал дел од фасадата од новиот и сѐ уште неотворен Здравствен дом кај Чачак.

Како што јавиja локалните медиуми, уривањето се случило вчера околу 16 часот на зграда која сѐ уште е во изградба.

За среќа, никој не е повреден.

– Погледнете како изгледа сѐ уште неотворениот Здравствен дом во Љубиќ. Фала богу никој не е убиен, фала богу што уште не го отвориле Здравствениот дом, бидејќи некој да бил таму ќе умрел“, изјави Павле Јелесијевиќ од Граѓанската група „Пробудимо Чачак“.

Погледнете го видеото:

U Čačku je pala na novom Domu zdravlja u Ljubiću kompletna fasada sa nadstrešnice, odmah po dojavi gradjana sam se uputio tamo! pic.twitter.com/vs0vXfKQbA

— Dnevna doza Čačanina (@DnevnaDCacanina) January 7, 2025

The post 🎥 ИЗБЕГНАТА Е ТРАГЕДИЈА ВО ЧАЧАК Се сруши фасадата од новиот Здравствен дом appeared first on plusinfo.mk.

– Граѓаните ќе можат да се вакцинираат секој ден, од 7.30 часот до 14.30 часот, во Центарот за јавно здравје – Пролет, со комерцијална вакцинација, односно со вакцини кои важат за општата популација – објаснуваат од Центарот за јавно здравје (ЦЈЗ).

Ризичните групи, додаваат од ЦЈЗ, можат да закажат термин на веб-страницата „Портал за вакцинација“, со што ќе добијат соодветен термин за вакцинирање и ќе им биде назначена здравствена установа во која ќе се вакцинираат, зависно од местото на кое живеат.

Во Скопје вакцинација ќе се врши во Центарот за јавно здравје, на поликлиниките „Букурешт“, „Идадија“ и Бит Пазар, додека во Институтот за јавно здравје само за здравствените работници.

Од Министерството за здравство најавуваат дека сите пријавени ќе добиваат СМС пораки за точниот датум, време и место каде што треба да се појават за вакцинација.

The post ВАКЦИНИТЕ ПРОТИВ СЕЗОНСКИ ГРИП БРЗО СЕ ТРОШАТ Ризичните групи имаат предност appeared first on plusinfo.mk.

Министерот зборуваше дека новиот здравствен дом ќе им обезбеди здравствени услуги на 30.000 граѓани, со што целта е вработување општи лекари и разни специјалисти како педијатар, општ интернист, специјалист гинеколог и друг медицински кадар, кои би ги опслужиле сите граѓани во општината.

– Се надевам дека пред Нова година ќе го видиме објектот опремен со медицински персонал – изјави Таравари.

Градоначалникот на општина Илинден, Александар Георгиевски, рече дека тие пред неколку месеци почнале да работат на градбата која била амбуланта стара повеќе од половина век.

– Градбата беше во лоша ситуација, беше ветуван здравствениот дом, но не беше остварен – објасни Георгиевски, заблагодарувајќи му на министерот Таравари за покажаниот интерес од Министерството за здравство.

Инвестицијата се реализира брзо, како што вели тој, а до крајот на годината се очекува да се заврши.

The post 📽 ОПШТИНА ИЛИНДЕН ЌЕ ДОБИЕ НОВ ЗДРАВСТВЕН ДОМ Догодина 30.000 граѓани ќе можат да се лекуваат во новата амбуланта appeared first on plusinfo.mk.

„Наместо директорката на Здравствен дом Ресен Сања Андоновска да ги избере прворангираните кандидати, таа избира други кандидати кои се партиски подобни. Иако Основниот суд во Ресен, по барање на Апелационeн Суд во Битола, го поништува ваквиот скандалозен избор на кадри, сепак партиската директорка одбива да постапи по Одлуката на Судот“, се вели во соопштението на Левица.

Од Антикорупциска комисија веќе е доставена иницијатива до Министерството за здравство.

„Јавно го прашуваме министерот Меџити дали ги штити партиските директори во нивните незаконски дејствувања?! Бараме итно разрешување на директорката Андоновска поради злоупотреба на службената должност и овластувања, како и Министерството за здравство да постапи по доставената иницијатива од страна на ДКСК“, се вели во соопштението.

The post ДИРЕКТОРКАТА НА ЗДРАВСТВЕН ДОМ РЕСЕН НЕ ГО ФЕРМА СУДОТ Си вработува партиски подобни кадри, обвинува Левица appeared first on plusinfo.mk.

Медицинските сестри на Детската клиника и Здравствен дом Скопје се соочуваат со притисоци и низа неправилности, како и невреднување на нивниот труд, тврди Комисијата за здравство на ВМРО-ДПМНЕ до која стигнале конкретни поплаки.

„Менаџерите на сите овие установи и надлежното Министерство за здравство со мал прст не мрднаа да решат барем мал дел од проблемите, но наместо конкретни чекори за унапредување на нивниот статус вршат притисоци и мобинг врз овој кадар кој долги години инвестирал во својата надградба.

Неисплата по соодветен коефициент, непризнавање на високото образование, принудени се да работат и како болничари, и како администратори се само помал дел од легитимните барања на медицинските сестри“ – велат од Комисијата за здравство на ВМРО-ДПМНЕ.

Тие нагласуваат дека внимателно ги следат сите информации за системските нерегуларности кои пристигнуваат до нив, со посебен фокус на проблемите на медицинските сестри, но и на сите здравствени работници за притисоци и неправилности од повеќе Клиники.

The post СЕ ВРШИ НЕВИДЕН МОБИНГ НА ДЕТСКА КЛИНИКА И ВО ЗДРАВСТВЕН ДОМ СКОПЈЕ! Комисијата за здравство на ВМРО-ДПМНЕ примила поплаки од медицинскиот кадар appeared first on plusinfo.mk.