Еден од најважните енергетски проекти во Западен Балкан, проширувањето на 400 киловолтниот далновод помеѓу Албанија и Северна Македонија, е во завршна фаза, објавија албанските медиуми.

Проектот е  имплементиран со поддршка на Европската Унија и германската влада, преку Германската банка за развој (KfW).

Овој значаен зафат е во вкупна вредност од 67,5 милиони евра, од кои 50 милиони евра се финансирање во форма на заем од KfW; 17,5 милиони евра се неповратен грант од Европската Унија преку WBIF (Инвестициски фонд за Западен Балкан).

Проширувањето на 400 киловолтниот далновод вклучува изградба на два сегмента од далноводот Елбасан-Фиер и Елбасан- граничен премин Ќафасан, на албанско –  македонската граница кај Струга,  со  вкупна должина од 130 километри,  изградба на новата 400/220 киловолтна  трафостаница „Елбасан 3“, како и рехабилитација на постојната во Фиер.

– Клучните придобивки за регионот вклучуваат зголемена прекугранична енергетска безбедност, развој на модерна инфраструктура за чиста енергија, поддршка за економски развој и создавање работни места и подобрена регионална координација во случаи на енергетски кризи – оценуваат од Министерството за енергетика на Албанија.

Оттаму велат дека оваа инфраструктура значително ќе го зајакне капацитетот за пренос на електрична енергија и ќе создаде клучна точка за поврзување со енергетскиот систем на Северна Македонија, воспоставувајќи силна основа за регионалниот пазар на електрична енергија во Западен Балкан.

Од македонска страна проектот беше заглавен и во април новото раководство на МЕПСО објави нов меѓународен тендер. До крајот на годинава се очекува да биде избран нов изведувач на работите, кој треба да го почне проектот да почне  на почетокот на 2026 година. Комплетната реализација е планирана до крајот на 2027 година.

400-киловолтен надземен далновод ќе ја поврзе Трансфстаницата  Битола 2 со македонско-албанската граница.

Проектот, со проценета вредност од околу 17 милиони евра, се финансира преку заем и грантови од Европската банка за обнова и развој (ЕБОР) и европските фондови.

The post АЛБАНИЈА ГО ПРИВРШУВА 400 КИЛОВОЛТНИОТ ДАЛНОВОД КОН МАКЕДОНИЈА Кај нас работите треба да завршат во 2027 година appeared first on plusinfo.mk.

Американската фармацевтска компанија „Фајзер“ и нејзиниот германски партнер „БионТек“ на 18 ноември објавија дека во завршна фаза на клиничкото испитување на нивната вакцина е потврдена ефикасност од 95 отсто, најмногу од сите останати кандидати.

Друга американска компанија „Модерна“ на 16 ноември соопшти дека доцната фаза на клиничките испитувања на голем број доброволци покажала дека нејзината вакцина е ефикасна 94,5 отсто.

Руската вакцина „Спутник V“, прва во светот која е регистрирана, покажала ефикасност од 92 отсто во доцната фаза на клиничките испитувања, а овие резултати објавени се на 11 ноември.

„АстраЗенека“ во понеделникот соопшти дека нејзината вакцина против коронавирусот, на чиј развој работат научници од Универзитетот во Оксфорд, би можела да покаже ефикасност од 90 отсто без какви било сериозни несакани дејства.

Од компанијата „Џонсон Џонсон“ соопштија дека се на пат резултатите од испитувањата на вакцината да ги откријат до крајот на годината.

Во раните испитувања стапката на заразеност меѓу доброволците била мала, но подоцна во текот на есента пораснала, со порастот на бројот на нови случаи ширум светот.

Резултатите на последната фаза на „Фајзеровите“ клинички испитувања покажуваат дека меѓу 43.000 доброволци коронавирусот е потврден кај 170.

„Модерна“ пријавила 95 случаи на зараза меѓу учесниците во подоцната фаза на клиничките испитувања, Русија 20, а „АстраЗенека“ 131.

Светската здравствена организација бара во клиничките испитувања да биде потврдена ефикасноста на вакцината од најмалку 70 отсто, американската Управа за контрола на лекови од 50 отсто, додека Европската агенција за лекови соопшти дека би можела да прифати понизок степен на ефикасност на вакцината.

„Фајзер“ и „БионТек“ во наредните денови планира да се пријави за добивање дозвола за итна употреба во САД.

„Модерна“ исто така има намера да се пријави за добивање дозвола за итна употреба во наредните недели. Тоа би требало да се случи во втората половина на ноември, штом поминат два месеци за добиените податоци за безбедноста на вакцината меѓу учесниците на испитувањето, како што пропишува американската Управа за храна и лекови.

Тоа значи дека малку е веројатно дека Управата за храна и лекови ќе донесе одлука пред декември.

„АстраЗенека“ во понеделникот соопшти дека веднаш ќе подготви извештај за резултатите на испитувањето кое ќе го поднесе на надлежните органи ширум светот за да добие условна или работна дозвола.

Надлежните тела ширум светот, податоците за вакцините ќе ги разгледа штом тие ќе станат достапни, но се уште не е јасно кога агенциите ќе донесат одлука.

Кина уште во јули почна со вакцинација на вработените во секторите кои се под висок ризик од зараза со коронавирусот. Во таа земја досега се вакцинирани стотина илјади луѓе.

Најмалку четири кинески вакцини се уште се далеку од завршната фаза на клиничките испотувања, вклучувајќи ги и тие на чиј развој работи „ЦНБГ“, „Кансино Бајологикс“ и „Синовак бајотек“.

„Синовак“ на 18 ноември соопшти дека средната фаза на клиничките испитувања потикнала имун одговор кај доброволците, но дека нивното ниво на антитела на вирусот е помал отколку кај луѓето кои се излечиле од ковид-19.

„ЦНБГ“ очекува дека во текот на месецов да објави резултати од раната фаза на клиничките испитувања.

„Спутник V“ ја примиле околу 10.000 граѓани на Русија кои се под ризик од зараза со коронавирусот.

The post Еве колку вакцини против ковид-19 се во завршна фаза ширум светот appeared first on plusinfo.mk.