Завршена е изградбата на новата водоводна и канализациона мрежа на улицата Фаик Коница (поранешна Дижонска 15) во Општина Чаир, проект реализиран со финансиска поддршка од Министерството за животна средина и просторно планирање во вредност од 6,9 милиони денари.

На теренскиот увид по повод завршувањето на проектот присуствуваа министерот за животна средина и просторно планирање Муамет Хоџа и претседателот на Советот на Општина Чаир, Мухамет Муртези.

Проектот е дел од тековните активности за целосна реконструкција и унапредување на комуналната инфраструктура во населбата Дижонска, со кои се опфаќаат водоводната, канализациската и атмосферската мрежа.

-Обезбедувањето модерна и сигурна комунална инфраструктура е една од клучните цели на Министерството. Овие проекти се основа за зелен пресврт, бидејќи со нив решаваме долгогодишни проблеми, создаваме подобри услови за живот и градиме системи што одговараат на потребите на граѓаните – рече Хоџа.

The post ДИЖОНСКА-15 ДОБИ НОВА ВОДОВОДНА И КАНАЛИЗАЦИСКА МРЕЖА Хоџа најави нови вакви инвестиции во Чаир appeared first on plusinfo.mk.

Американскиот претседател Доналд Трамп денеска за американската телевизија Си-Би-Ес-Њуз изјави дека смета оти војната со Иран е во голема мера завршена.

– Мислам дека војната е многу завршена, речиси целосно – рече Трамп во телефонско интервју, пренесе ДПА.

Трамп додаде дека САД се „многу понапред“ од неговата првична проценка за временска рамка од четири до пет недели.

– Тие немаат морнарица, немаат комуникации, немаат воздухопловни сили. Нивните ракети се сведени на поединечни истрели. Нивните дронови се разнесуваат насекаде, вклучително и нивните капацитети за производство на дронови. Ако погледнете, ним не им остана ништо. Нема ништо преостанато во воена смисла – рече тој.

Трамп исто така изјави дека, иако не сака во моментов да зборува за преземање на иранската нафта, не ја исклучува таа можност.

Првиот човек на САД наведе дека „сигурно имало разговори за тоа“, притоа споменувајќи го примерот на Венецуела, каде што САД во јануари спроведоа акција за апсење на лидерот на таа земја Николас Мадуро и оттогаш презедоа чекори за да ги обезбедат и искористат венецуелските нафтени резерви.

Во својот говор за состојбата на нацијата минатиот месец, шефот на САД изјави дека САД веќе добиле повеќе од 80 милиони барели нафта од Венецуела.

– Погледнете ја Венецуела. Луѓето размислуваа за тоа, но премногу е рано да се зборува за тоа – рече тој.

Преземањето на дел од иранската нафта би можело да ги наруши односите на САД со Кина, каде што оди околу 80 отсто од иранскиот извоз на сурова нафта, наведува Ен-Би-Си.

Трамп во разговорот се осврна и на други теми, вклучувајќи го и новиот врховен лидер на Иран. Тој го повтори незадоволството поради изборот на новиот врховен лидер на Иран по смртта на ајатолахот Али Хамнеи во воздушен напад на почетокот на војната.

Шиитските верски лидери го избраа неговиот 56-годишен син, Моџтаба Хамнеи, за наследник, за кого се смета дека е претставник на тврдата линија, пренесува Ен-Би-Си.

– Мислам дека направија голема грешка – рече Трамп за одлуката синот на Хамнеи да се постави на чело на Иран.

Израелските и американските сили го нападнаа Иран на крајот на февруари, таргетирајќи го политичкото и военото раководство на земјата, заедно со неговата противвоздушна одбрана, морнарицата, воздухопловните сили и другите воени капацитети.

Откако почнаа нападите, Трамп изјави дека очекува кампањата да трае четири до пет недели. На крајот на минатата недела, портпаролката на владата, Керолин Ливит, спомена период од четири до шест недели.

The post ВОЈНАТА Е ВО ГОЛЕМА МЕРА ЗАВРШЕНА Трамп не ја исклучува можноста САД да ја преземат нафтата на Иран appeared first on plusinfo.mk.

Завршува модернизацијата на 110kV поле во трансформаторска станица Битола 2. Следната недела ќе биде пуштено под напон последното поле, информираат од Македонскиот оператор со енергетскиот преносен систем (МЕПСО).

Како што е соопштено, при крај се проектите за промена на високонапонската опрема со кои по повеќе од 40 години, се заменија старите прекинувачи на 110kV напоско ниво.

„Поставени се нови 67 разделувачи на 400kV и 110kV напонско ниво, 114 изолатори и 75 нови мерни трансформатори на 110kV напоско ниво“, појаснуваат од МЕПСО.

Оттаму додаваат дека со модернизацијата на опремата во оваа трансформаторска станица во која се вложени 4,2 милиони евра, на долг рок се зголемува сигурноста во управувањето со електроенергетскиот систем.

– Вградуваме нова и високодоверлива опрема во постројката на која електрична енергија предава нашиот најголемиот производител РЕК Битола. Со модернизација и надградба на електропреносната мрежа, не само што се зголемува безбедноста во снабдувањето со електрична енергија, туку на минимум ќе се сведат ризиците од испади или дефекти со што значајно ќе се намалат трошоците кои компанијата ги прави за одржување на оваа трансформаторска станица – појаснуваат од МЕПСО.

ТС „Битола 2″ има уникатно системско значење бидејќи на овој енергетски јазол е приклучен комбинатот РЕК Битола а воедно во оваа трафостаница влегува и еден од двата 400 киловолтни далекуводи со кои нашиот национален електропреносен систем е поврзан со соседниот електроенергетски систем на Грција, почетна точка е за 400 kV далекувод кон Албанија, а од тука со 400kV далекувод оваа станица е поврзана со ТС Дуброво.

Модернизацијата на трансформаторската станица „Битола 2“ почна во 2020 година, а требаше да чини 3,18 милиони евра, од кои 2,2 милиони евра пари на МЕПСО, а останатите се кредит од Европската банка за обнова и развој.

Целта на модернизацијата на овој енергетски капацитет беше да се сведат на минимум испадите во системот.

Проектот го реализираше хрватската компанија „Далековод“ со рок на завршување од три ипол години.

The post ЗАВРШУВА МОДЕРНИЗАЦИЈАТА НА ТРАНСФОРМАТОРСКАТА СТАНИЦА „БИТОЛА 2“ Испадите од системот ќе се сведат на минимум appeared first on plusinfo.mk.

The post Заев од Битола: Мицкоски е завршена приказна, му дадов македонско, ЕУ и НАТО знаме, да си ги стави на факултет appeared first on plusinfo.mk.