Силен земјотрес со јачина од 4,4 степени ја погоди пошироката област на Неапол рано во четвртокот во 5 часот и 40 минути. Според Националниот институт за геофизика и вулканологија, епицентарот на земјотресот бил во заливот Поцуоли, на длабочина од само 3 километри, објави Ла Република.

Потресот бил почувствуван низ целата област на Неапол, регионот Кампанија, а многу жители се огласиле на социјалните мрежи. Досега нема извештаи за повредени, пријавена е материјална штета. Како мерка на претпазливост, општините Поцуоли, Баколи, Куарто, Куалиано, Прочида и Монте ди Прочида одлучија да ги затворат училиштата, како и неаполитанските населби Бањоли и Фуоригрота.

Земјотресот се случил во областа Кампи Флегреи, огромен супервулкан кој се наоѓа западно од Неапол. Тоа е калдера, или шуплива област создадена со уривање на покривот на древна магматска комора. Тоа е високо сеизмички активна област, подложна на феноменот на брадисеизам – периодично подигнување и спуштање на земјата, што е придружено со чести бранови земјотреси, претежно со умерен интензитет.

Земјотресите во оваа област се генерално плитки и се случуваат во горните неколку километри од земјината кора. Затоа локалното население ги чувствува силно, дури и кога се со помал интензитет.

#Earthquake (#terremoto) M4.0 occurred 15 km NW of #Napoli (#Italy) 29 min ago (local time 05:50:53). More info at:
https://t.co/QMSpuj6Z2H
https://t.co/Ex8vXZ51hg
https://t.co/d77bmEYshi pic.twitter.com/aZ98pQ6Rou

— EMSC (@LastQuake) May 21, 2026

The post ЗЕМЈОТРЕС ГО ПОГОДИ ПОДРАЧЈЕТО НА НЕАПОЛ Затворени се училиштата appeared first on plusinfo.mk.

Силна зимска бура ја погоди Грција и предизвика сериозни нарушувања во секојдневието, со затворени училишта, блокирани патишта и опасност од поплави во повеќе региони.

Во југоисточниот дел од земјата, во Тракија, локалните власти одлучија наставата да се одвива онлајн, додека дел од училиштата останаа целосно затворени. Причина беа обилните снежни врнежи, мразот и силните ветрови кои ја зафатија областа.

Официјални лица соопштија дека мерката е превентивна и има цел да ја заштити безбедноста на учениците и наставниот кадар. Грчките медиуми јавија дека временските услови нагло се влошиле, со пад на температурите и засилување на северните ветрови.

Przekonywanie o efekcie cieplarnianym może naukowcom w tym roku nastręczyć pewnych trudności…
Poranek w Trójmieście. pic.twitter.com/hDPxSog6mh

— Jacek Siewiera (@JacekSiewiera) February 1, 2026

Η θάλασσα βγήκε στη στεριά στη Φθιώτιδα και πολίτες έκαναν… βαρκάδα#ingr #news #κακοκαιρια pic.twitter.com/t5i9JTb6h5

— in.gr/news (@in_gr) February 2, 2026

Проблеми беа регистрирани и во северниот дел од земјата. Во скијачкиот центар Лаилија, во близина на Серес, околу 15 автомобили останале заглавени со часови, откако возачите не поставиле синџири за снег на своите возила.

Истовремено, обилните дождови предизвикаа нагло зголемување на водостоите. Надојдена река сериозно им се закани на повеќе населени места на островот Санторини, што ги стави локалните служби во состојба на зголемена готовност.

Метеоролозите предупредија дека невремето ќе продолжи и во текот на денот. Најпогодени региони се источниот Егеј, Крит и Тракија, каде се очекуваат силни бури, обилни дождови и локално интензивни снежни врнежи, проследени со дополнителен пад на температурите.

The post 📽️ ГРЦИЈА ПОД СНЕЖЕН УДАР Надојдените реки заглавија автомобили и затворија училишта appeared first on plusinfo.mk.

Невремето што од утрово ја зафати Грција донесе обилни врнежи од дожд и грмежи, снег и во места со ниска надморска височина, како и силен ветер, поради што во повеќе делови на земјата се затворени училиштата, испратени се предупредувачки пораки до граѓаните, а на атинските пристаништа е воведена забрана за пловидба, јави дописничката на МИА од Атина.

Поради сериозноста на временските услови, уште вчера беа одржани состаноци во Министерството за климатски кризи и цивилна заштита, по што беше одлучено за регионите Атика, Пелопонез, Тесалија, како и централна и северозападна Грција да се издаде црвено предупредување и тие да бидат ставени во состојба на целосна мобилизација – таканаречен „Red Code“.

Во состојба на зголемена готовност се противпожарната служба, грчката полиција, крајбрежната служба и армијата, со посебен фокус на поширокиот регион на Атина.

Од бројот 112 за итни случаи синоќа беа испратени предупредувачки пораки до жителите на пет региони со апел да ги ограничат движењата, а утрово иста порака добија и сите граѓани што се наоѓаат во Атика.

„Поради интензивни временски појави што се очекуваат во периферијата Атика од пладне до доцна навечер, ограничете ги вашите движења само на апсолутно неопходните. Следете ги упатствата на надлежните органи“, се наведува во пораката од 112.

Поради силниот ветер, бродовите и траектите остануваат закотвени на трите атински пристаништа, откако беше воведена забрана за пловидба.

Основните и средните училишта, како и градинките, во повеќе делови на Грција, вклучително и во Атина, денеска се затворени, а наставата се одвива онлајн. Со одлука на префектот на Атика, Никос Хардаљас, сите државни и приватни училишта на територијата на регионот превентивно ќе останат затворени.

Одлуката, како што соопштија надлежните, е донесена за заштита на учениците и наставниот кадар, со оглед на тоа што од пладне се очекуваат интензивни врнежи од дожд со висок интензитет.

Хардаљас изјави дека институциите ги знаат „капацитетите и слабостите на старите инфраструктури“ и затоа се избира превентивен пристап.

– Одговорноста кон децата не трпи ризик. Кога станува збор за нивната безбедност, должни сме да бидеме чекор понапред – нагласи тој.

За вработените и во приватниот и во јавниот сектор е издадено упатство за работа од дома доколку не се во можност безбедно да стигнат на работното место, додека за сите што работат на отворено е воведен задолжителен прекин на работата.

Според Националната опсерваторија во Атина и порталот „Метео“, денешните најави за дожд се класифицирани во Категорија 5 – екстремна. Директорот на одделот за истражување, Константинос Лагувардос, предупреди дека во Атика се очекува „големо и загрижувачко количество дожд за многу краток временски период“, при што можно е да наврнат и до 50–60 милиметри дожд за само шест часа.

The post ГРЦИЈА НА УДАР НА ЕКСТРЕМНО НЕВРЕМЕ Дожд, снег и силен ветер ја парализираат земјата appeared first on plusinfo.mk.

Сообраќаен хаос предизвика снегот во Европа. Дополнителни проблеми се создадоа и поради тоа што  голем број Европејци се вратија на работа по празниците. Околу 450 летови беа откажани на аеродромот Схипхол во Амстердам, а железничкиот сообраќај беше суспендиран во холандската престолнина и во регионот Утрехт, објавија операторите.

Исто така, имаше прекини во железничкиот транспорт во Полска.

Во Чешка, се измерени минус 30,6 степени во Чешката шума на границата со југоисточна Германија. Бројни несреќи се случија на лизгави патишта, особено во нископланинските региони.

Who got stranded in #Amsterdam Airport due to the snow #KLM #chaos #Travel $AMP $LTC $ANVL $BTC $ZEC pic.twitter.com/f4iz2Cy7OR

— Cryptobolics (@cryptobolics) January 5, 2026

Стотици училишта беа затворени во Шкотска поради неповолните услови, а во многу делови од Велика Британија беа издадени предупредувања за лоши временски услови поради обилни снежни врнежи.

Paris est désormais sous la neige. Elle blanchit peu à peu la capitale sous une température qui affiche -1°C à 15h30. (© Laurence Prudhomme Vaxelaire) pic.twitter.com/P25sNLR7p9

— Météo Express (@MeteoExpress) January 5, 2026

Проблеми имаше и во Франција каде  што властите побараа од аеродромите да откажат половина од летовите. Обилни снежни врнежи паднаа и на Балканот, особено во Босна и Херцеговина и Романија. Во Карпатскиот регион на Трансилванија, неколку села беа изолирани бидејќи снегот ги покри пристапните патишта.

This is the current situation in Amsterdam. Snowy weather and low visibility makes landing into Amsterdam too demanding pic.twitter.com/ZHbo6kKUVV

— Triple Seven (@TripppleSeven7) January 4, 2026

Во Шведска, летовите се откажани на аеродромот во Стокхолм, а се очекуваат нови снежни врнежи.

Во Австрија, државните метеоролози издадоа предупредување за студено време за западниот дел од земјата, со температури што утре  би можеле да паднат до минус 17 степени.

Србија веќе два дена е под снег, а за празниците се очекуваат  дополнителни количини.

The post ОТКАЖАНИ ЛЕТОВИ, ЗАПРЕН ЖЕЛЕЗНИЧКИ СООБРАЌАЈ И ЗАТВОРЕНИ УЧИЛИШТА Европа е окована во снег appeared first on plusinfo.mk.

Како што пренесува Бета, според прогнозите, невремето се движи кон Србија и метеоролозите ги предупредуваат луѓето во западниот дел на земјата да избегнуваат патување и да се подготват за евентуални прекини на струја.

Планинари од Унгарија, маж и жена, се изгубиле вчера во планините северно од Љубљана при неповолни временски услови, а еден од нив има скршеница на ногата, јави словенечката агенција СТА.

Според истиот извештај, спасувачката мисија била прекината во текот на ноќта поради силниот ветер, слабата видливост и ризикот од лавина, а продолжила изутрината, со тоа што хеликоптерот не можел да полета поради лошото време за да стигне до планинарите кои биле исчезнати на надморска височина од околу 1.700 метри.

Шефот на планинската спасувачка служба Јернеј Ланишек изјави дека спасувачите се поблиску до исчезнатите, но и дека, според него, операцијата не може да се заврши пред вечерта. Во спасувањето учествуваат 40 лица.

Во соседна Хрватска сообраќајот е забранет на повеќето патишта во Лика и на некои делови од автопатиштата. Невремето на Јадранот го запре сообраќајот на фериботите меѓу брегот и островите.

Властите на Хрватска и Босна ги повикуваат граѓаните да избегнуваат патувања поради лошите временски услови.

Во северозападниот дел на Босна и Херцеговина, наставата во училиштата е прекината поради силно невреме. Околу 200.000 домови се соочуваат со прекин на електричната енергија, а на камионите и другите тешки возила им е забрането движење во многу делови од земјата.

На возачите им се препорачува да бидат „на високо ниво на претпазливост“ и да не патуваат без зимска опрема.

The post СНЕГОТ ПРЕДИЗВИК СООБРАЌАЕН ХАОС НА БАЛКАНОТ Во Словенија невремето го попречува спасувањето на двајца планинари appeared first on plusinfo.mk.

Од Министерството за култура на Грција, утрово соопштија дека поради високите температури, Акропол пет часа ќе биде затворен.

Општините во повеќе делови на земјата, меѓу кои и во Атина, донесоа одлука училиштата и градинките денеска и утре да останат затворени.

Грција од вчера ја зафати топлотен бран со екстремно високи температури што до петок ќе достигнат до 43 степени Целзиусови, а надлежните министерства објавија мерки за заштита на граѓаните, меѓу кои можност за работа од дома за државните службеници, но и за вработените во приватниот сектор, доколку е изводливо.

Според порталот Метео на Националната опсерваторија во Атина, рано утрово 63 од вкупно 502 метеоролошки станици во Грција регистрирале температури над 30 степени, додека пак на островите Наксос, Родос и Крит во 8.10 часот утрово температурата била од 32,3 до 34,6 степени Целзиусови.

Според грчките метеоролози ова е првиот топлотен бран во првата половина на јуни во последните најмалку 50 години.

Паралелно, поради високите температури, зголемена и опасност од пожари.

The post НЕ БИЛО ТОЛКУ ЖЕШКО ПОСЛЕДНИТЕ 50 ГОДИНИ Грција ги затвори училиштата и градинките на 2 дена, а Акропол нема да работи 5 часа appeared first on plusinfo.mk.

Повеќе од 100 населени места се во состојба на готовност, а околу 200 училишта во областа беа затворени. Спасувачките екипи мораа да евакуираат и добиток.

Министерот за животна средина Кристоф Бешу рече дека ќе биде прогласена вонредна состојба во десетици населени места за да им се олесни на сопствениците на оштетените станбени имоти и бизниси да аплицираат за компензација од осигурителните компании.

The post 200 УЧИЛИШТА СЕ ЗАТВОРЕНИ ВО ФРАНЦИЈА Водата влезе во домови, земјиштето е поплавено appeared first on plusinfo.mk.

Во Тредочи оштетени се згради, меѓу кои и општинските згради, додека 10 лица се евакуирани од домот за стари лица.

Градот Тредочи, веќе погоден од поплавите, се наоѓа недалеку од Маради во Тоскана, каде што се случи главниот земјотрес, но беше епицентарот на некои последователни потреси, најмалку четири со јачина од 3 степени.

– Сите излегоа од своите куќи, чекаме пожарникарите да интервенираат. По поплавите сега се соочуваме со уште потешки денови – изјави градоначалничката на Тредочи, Симона Виетина.

Градоначалникот на Триберти во провинцијата Фиренца одлучи денеска да ги затвори сите училишта. Затворени се и училиштата во Борго Сан Лоренцо и Модиљани.

Засега нема извештаи за повредени во земјотресот во северниот дел на Италија.

Scuole chiuse a Marradi e Borgo San Lorenzo dopo il terremoto. Aperte a Ravenna, Forlì e Faenza https://t.co/uSgKKINAP2

— Il Messaggero (@ilmessaggeroit) September 18, 2023

The post ВОНРЕДНА СОСТОЈБА ПО СИЛНИОТ ЗЕМЈОТРЕС ВО ИТАЛИЈА Луѓето излегоа на улица, во неколку градови училиштата се затворени appeared first on plusinfo.mk.

Училиштата нема да работат од понеделник со цел да се заштитат децата од загадениот воздух.

Нивото на загаденост во Њу Делхи е 437 од 500 на скалата на индексот за квалитет на воздухот.

The post ЊУ ДЕЛХИ ГИ ЗАТВОРА УЧИЛИШТАТА ПОРАДИ ЗАГАДЕНИОТ ВОЗДУХ Децата ќе бидат дома една недела appeared first on plusinfo.mk.