Градоначалничката на Општина Кисела Вода, Бети Стаменкоска Трајкоска, информира дека е донесена одлука за итно затворање на еден патен правец по извршен повторен увид на терен и стручни анализи.

Таа на Фејсбук соопшти дека одлуката била донесена по заедничката проверка со градоначалникот на Општина Сопиште, Јане Мицевски, и во координација со надлежните институции.

– По денешниот повторен увид на терен со градоначалникот на Општина Сопиште, Јане Мицевски, и извршените стручни анализи, во координација со сите релевантни институции, донесена е одлука за итно затворање на овој патен правец – вели градоначалничката.

Од општината уверуваат дека веќе се работи на трајно решение.

– Интензивно се работи на изнаоѓање на најбрзото и најбезбедното техничко решение за трајна санација на оштетувањето – наведува Стаменкоска Трајкоска.

Воедно, таа упати апел до граѓаните да ја почитуваат поставената сигнализација.

– Апелираме до сите граѓани доследно да ја почитуваат поставената сигнализација и да ги користат алтернативните патни правци сè до целосно отстранување на дефектот. Посветени сме на изнаоѓање на најбрзо и сигурно решение за враќање на патот во нормална функција – порача Стаменкоска Трајкоска.

The post ИТНО ЗАТВОРЕН ПАТОТ КОН ТЕФЕРИЧ Властите бараат најбрза и трајна санација appeared first on plusinfo.mk.

Тешка сообраќајна несреќа се случи вечерва на експресниот пат Кочани–Штип, во близина на селото Тракање, во која учествувале три возила.

Според првичните информации од СВР-Штип, во несреќата има повредени лица, но засега нема официјални детали за тежината на повредите. Повредените биле згрижени од итната медицинска помош, а повеќе информации се очекуваат по завршување на увидот.

На местото на несреќата веднаш интервенирале полициски екипи и истражни органи, кои вршат увид за утврдување на причините за судирот. Поради тоа, експресниот пат е целосно затворен за сообраќај.

Од Авто-мото сојузот на Македонија (АМСМ) информираат дека експресниот пат Кочани–Штип е затворен од 19:10 часот, а сообраќајот се пренасочува по регионалниот пат Кочани–Штип.

Надлежните апелираат возачите да бидат внимателни, да ги почитуваат сообраќајните знаци и да користат алтернативни правци сè додека трае полицискиот увид.

The post СООБРАЌАЈНА НЕСРЕЌА СО ПОВРЕДЕНИ Затворен експресниот пат кај село Тракање appeared first on plusinfo.mk.

Поради пожар во целост е затворен за сообраќај патниот правец од Брезница преку националниот парк „Јасен“ до Македонски Брод, соопшти ЈП „Македонија пат“.

Центарот за управување со кризи (ЦУК) иформира дека до 7 часот на територија на цела држава има 16 пожари на отворен простор, од кои еден е активен. Тоа е пожарот на територија на општина Македонски Брод, на повеќенаменското подрачје Јасен, каде е зафатена мешана шума.

The post ЗАТВОРЕН ПАТОТ ОД БРЕЗНИЦА ДО МАКЕДОНСКИ БРОД Неколку дена гори националниот парк „Јасен“ appeared first on plusinfo.mk.

Дел од патот Градско – Прилеп целосно ќе биде затворен за сообраќај од 3 до 6 август, информираат денеска од Јавното претпријатие „Македонија пат“.

– Поради изведување градежни активности на вијадукт на Сарачки дол кој се наоѓа на државниот пат А1 Градско – Прилеп, обиколницата на градот Прилеп, државниот пат – од раскрсницата кај бензинската станица „Лукоил“ до клучката кај бензинската станица „Салида“, ќе биде целосно затворен за сообраќај од 3 август, недела, од седум часот до 6 август, среда – соопшти компанијата.

Сообраќајот ќе биде пренасочен низ градот Прилеп.

The post ОД 3 ДО 6 АВГУСТ ЗАТВОРЕН ДЕЛ ОД ПАТОТ ГРАДСКО-ПРИЛЕП Се изведуваат градежни активности на вијадукт на Сарачки дол appeared first on plusinfo.mk.

Затворен е патот кон Теферич на Водно поради свлечиште, информираше Општината Кисела Вода.

„Сакаме да ве информираме дека поради новонастанатата ситуација на патот кон Теферич (улица Мариовска), кој тоне и на дел од конструкцијата се појавени пукнатини, тој е затворен за сообраќај, од безбедносни причини. Ќе биде затворен до отстранување на проблемот. Ги замолуваме граѓаните за трпение и за користење алтернативни патишта, сè до изнаоѓање на решение за надминување на оваа ситуација“, соопшти Општина Кисела Вода.

The post ТОНЕ ПАТОТ КОН ТЕФЕРИЧ, ОПАСЕН Е ЗА ВОЗАЧИТЕ Ќе биде затворен за сообраќај, да се користат алтернативни патишта appeared first on plusinfo.mk.

„Поради изведување на градежни работи за санација на регионалниот пат Р-1306, делница: Прилеп – Крушево, поради што истиот е затворен за сообраќај во делот од село Горно Коњари до село Кривогаштани, за доаѓање на манифестација во Крушево на ден 01 и 02.08.2024 година треба да се користат патните правци: Прилеп – Битола – по регионален пат Р1305 до Демир Хисар кон Крушево, и Кичево по регионален пат Р1305 до клучка Сладуево (Демир Хисар) по регионален пат Р1306 до Крушево“ – информираа од МВР.

The post ДЕЛ ОД ПАТОТ ПРИЛЕП-КРУШЕВО ЗАТВОРЕН ЗА СООБРАЌАЈ Известување за граѓаните кои за Илинден ќе одат во Крушево appeared first on plusinfo.mk.

Патот ќе биде затворен поради асфалтирање.

The post ПАТОТ ВЕЛЕС – ГРАДСКО ЗАТВОРЕН ЗА СООБРАЌАЈ Вонреден сообраќаен режим до понеделник appeared first on plusinfo.mk.

Од СВР Тетово информираат дека утре од 9 до 16 часот и 30 минути на потегот од село Маврово до село Леуново ќе се одржи традиционална велосипедска трка по повод празникот 8 Септември, на која ќе учествуваат неколку категории натпреварувачи.

– Во тоа време целосно ќе биде забранет сообраќајот на овој пат, а покрај редари на организаторот, за безбедноста на учесниците и гледачите ќе се грижат повеќе полициски службеници и возила на Секторот за внатрешни работи Тетово кои ќе бидат ангажирани за таа цел и намена, наведуваат од СВР Тетово.

Од таму упатуваат апел до учесниците на трката да се придржуваат на знаците и другата опрема поставена од организаторот, а до возачите – целосно да ја почитуваат забраната во периодот додека трае трката.

The post ПАТОТ ОД МАВРОВО ДО ЛЕУНОВО УТРЕ ЗАТВОРЕН ЗА СООБРАЌАЈ Околу Мавровското Езеро ќе се вози велосипедска трка appeared first on plusinfo.mk.

Поради асфалтирање, од 4 до 8 јули (од 8 до 18 часот) затворена за возила е и делницата  Велес – Градско, соопшти Автомотосојузот на Македонија.

Сообраќајот на патиштата утрово се одвива непречено, по наместа влажни коловози. Интензитетот на сообраќај на патните правци надвор од градските средини е зголемен.

На граничните премини од македонска страна нема подолги задржувања за влез и излез од државата.

The post ПАТОТ ДЕМИР КАПИЈА – ДАВИДОВО ЗАТВОРЕН ЗА СООБРАЌАЈ Зголемен е интензитетот на сообраќајот на патиштата appeared first on plusinfo.mk.

Патниот правец е затворен и сообраќајот се пренасочува преку алтернативниот патен правец Делчево – Берово – Смојмирово – Виница.

На учесниците во сообраќајот им се препорачува внимателно управување со возилата, прилагодување на брзината спрема условите на патот и почитување на поставената сообраќајна сигнализација.

По завршување на санацијата, магистралниот пат Македонска Каменица – Делчево (А3) ќе биде пуштен во употреба во вторник.

The post ЌЕ БИДЕ ЗАТВОРЕН ДО ВТОРНИК Голема дупка се отвори на патот Каменица-Делчево appeared first on plusinfo.mk.