затвор Штип Archives - plusinfo.mk

СИЛУВАЊЕ ВО ШТИПСКИОТ ЗАТВОР Осуденик осомничен за обљуба врз друг затвореник

плусинфо — Thu, 02 Jul 2026 12:02:20 +0000

Во Казнено-поправната установа Затвор Штип е пријавен сериозен случај кој се истражува по наводи за кривично дело поврзано со сексуална злоупотреба меѓу осудени лица.

На 30.06.2026 година во 11:32 часот во СВР Штип од Клиничка болница Штип било пријавено дека кај нив од затворот е донесен 39-годишен осуденик од кавадаречко, кој бил предмет на настанот.

Според пријавата, во установата 59-годишен осуденик од струмичко извршил обљуба врз оштетениот.

„За случајот веднаш бил известен јавен обвинител, а надлежните институции преземаат мерки за целосно расчистување на настанот. По завршување на истрагата и целосно документирање на случајот, против осомничениот ќе биде поднесена соодветна кривична пријава“, информираат од МВР.

The post СИЛУВАЊЕ ВО ШТИПСКИОТ ЗАТВОР Осуденик осомничен за обљуба врз друг затвореник appeared first on plusinfo.mk.

МИТКО ЧАВКОВ ПУШТЕН НА УСЛОВЕН ОТПУСТ Беше осуден на 18 години затвор

МИА — Mon, 04 May 2026 10:48:37 +0000

Поранешниот министер за внатрешни работи, Митко Чавков, кој беше осуден за случајот „27 април“, денеска е пуштен на условен отпуст – потврди за МИА директорот на „Затвор Штип“, Дејан Здравков.

Чавков беше осуден на 18 години затвор за тероризам по настаните на 27 април 2017 во македонското Собрание.

The post МИТКО ЧАВКОВ ПУШТЕН НА УСЛОВЕН ОТПУСТ Беше осуден на 18 години затвор appeared first on plusinfo.mk.

КУЧКАТА ЦЕЦА ЅВЕЗДА НА ДЕНОТ Во тек е кампања против неказнивоста, ќе ја заштити ли Анима Мунди?

плусинфо — Thu, 10 Apr 2025 13:04:22 +0000

Кучката Цеца од затворот во Штип стана ѕвезда на социјалните мрежи, откако директорот на Управата за санкции, Александар Пандов, на прес-конференција кажа дека била злоупотребена во потрага по изгубена дрога или изгубе часовник.

Пандов соопшти дека поднел кривични пријави против неколку затворски полицајци од затворот во Штип, оти во февруари дозволиле непознат автомобил да влезе преку една од капиите и преку ѕидот да фрли кокаин и марихуана спакувани во топка, а потоа затворски полицајци заедно со затвореници ја барале топката во тревникот.

Настанот се случил на 20 февруари во 21.40 часот, па откако во мракот не ја нашле дрогата, затворските полицајци и затворениците следниот ден се правдале дека барале изгубен часовник. Во што им помагала и Цеца…

По оваа комична информација, на Фејсбук и на другите социјални мрежи се појавија зајадливи коментари.

Некои бараат за настанот да реагира Анима Мунди, во заштита на Цеца, која би можела да биде казнета за кражба на скапиот часовник, во рамки на кампањата против неказнивоста.

Други прашуваат зошто сите учесници во настанот се кажани со иницијали, а само Цеца со нејзиното вистинско име, кое, патем, потсетува на името на познатата српска турбофолк ѕвезда. Не е ли тоа повреда на начелото на презумпција на невиноста?

Богдан Илиевски поставува сериозна политичка дилема: „Среќа што кучката се вика Цеца, да се викаше Ѓергана ќе требаше многу да објаснуваме“.

Инфлуенсерот Иљче Затаркоски има криминалистичко решение на загатката: „Ако кучката Цеца ја голтнала топката со кокаин мислам дека се одзиват на Аца!“

Иљче напиша и стихови за случајот:

Ражнатовиќ Цеца Пред вратима, спавала ко пас!
Кучката Цеца Пред портима, трагала ко пас!

The post КУЧКАТА ЦЕЦА ЅВЕЗДА НА ДЕНОТ Во тек е кампања против неказнивоста, ќе ја заштити ли Анима Мунди? appeared first on plusinfo.mk.

МИКИ ТОДОРОВ ТЕПА СТУДЕНТИ И АКТИВИСТИ НА ЛЕВИЦА?! Партијата ќе поднесе приватна тужба против директорот на затворот во Штип

плусинфо — Mon, 25 Dec 2023 13:41:15 +0000

„Директорот на затворот во Штип и функционер на СДСМ, Мики Тодоров, физички напаѓа студенти. Активистот на Црвена младина и студент Јован Јанев, вечерта помеѓу петокот и саботата, во Штип бил дивјачки нападнат со физички удари,затоа што е политички активен во Левица. Ако режимот на Груевски ја користеше полицијата за да ги тепа студентите, овој режим директно удира со своите функционери“.

Ова на прес-конференција го изјави на портпаролот на Левица, Амар Мециновиќ.

– Бараме Владата да го разреши директорот поради недозволено, недолично и противправно однесување. Бараме Ковачевски да го разреши овој клучен човек на СДСМ во Штип, кој покрај другото во 2017 година, како советник во Штип и секретар во општинскиот одбор, физички го нападнал директорот на ЈКП „Исар“. Дали ова се скалила за напредување во СДСМ, или е само непресметлива личност за која треба хоспитализиција?“ – изјави Мециновиќ.

На функцијата директор Мики Тодоров е поставен без соодветно образование, но затоа во негово време, покрај огромниот број бегства, се издвојува бегството на озлогласениот затвореник Красниќи, тврди Левица.

– Затворот во Штип е предмет на сериозни инциденти, тортура и трагедии, на починати за кои не се знаат околностите и причините – за целосна негрижа. Медиумите пишуваат за истраги против затворски полицајци кои примаат поткуп од затвореници. Во времето на Мики Тодоров триесет затвореници во штипскиот затвор штрајкуваа со глад заради тортура и испраќаа ултиматуми до директорот. Наводи велат дека правото на посета е селективно, на осудените од 27 април не им се дозволуваат посети, додека за други посетите се овозможени во текот на целата недела. Дали оваа состојба во затворот ја предизвикува насилната природа на директорот? – праша Мециновиќ.

За неговата дерегулирана состојба, низ медиумите се појавуваат и вести како редовно се заканува со физичко насилство на социјалните мрежи, но за еден ваков мајстор на корумпираноста и насилството, секако дека и непотизмот не е непознат. Со неговото влијание ги вработува својата жена за раководител на сектор во УЈП Штип, а неговата сестра во основно училиште, обвинува Левица.

– Вака изгледа европскиот човек на СДСМ, вака изгледа нивниот европски фронт. Во извештајот на ЕУ за Македонија за оваа година се вели: „Состојбата во затворите е и понатаму очајна. Препораките на Европскиот комитет за спречување на тортура на притворени и осудени лица не се адресирани, што е крајно загрижувачки“. Во извештајот, условите во затворите се опишуваат како нечовечки. СДСМ има една цел, тоа е да остане на власт, да ги заштити своите криминалци и насилници и да продолжи да владее низ насилство и грабеж. Против Мики Тодоров ќе биде поднесена приватна тужба и кривична пријава, додека очите на јавноста се вперени во премиерот во заминување Ковачевски, дали со министерот Спасовски ќе се обиде заташкување на случајот, токму во нивен, европски стил. Поминува нивното време на насилство – изјави Мециновиќ.

Фотографија: портал ММС

The post МИКИ ТОДОРОВ ТЕПА СТУДЕНТИ И АКТИВИСТИ НА ЛЕВИЦА?! Партијата ќе поднесе приватна тужба против директорот на затворот во Штип appeared first on plusinfo.mk.

САКАЛА ДА ВНЕСЕ ДРОГА ВО ЗАТВОРОТ ВО ШТИП Полицијата ја откри и ја приведе заедно со нејзината пријателка

плусинфо — Fri, 01 Oct 2021 15:56:52 +0000

Две жени едната од Свети Николе, а другата од Штип се приведени во полициска станица откако едната од нив се обиде да внесе марихуана во штипскиот затвор, а марихуана е пронајдена и во домот на втората.

Полицијата соопшти дека е лишена од слобода Б.М.(44) од Свети Николе.

„Таа околу 13 часот во Казнено – поправната установа Затвор Штип се обиде да внесе пакет со храна на осудено лице, во кој имаше прашкаста материја, која е пронајдена при претрес од затворската полиција“, соопшти полицијата.

Во врска со настанот во затворот, полицијата ја лиши од слобода и В.К.(46) од Штип.

„При претрес во нејзиниот дом и помошни простории во Штип, извршен со судска наредба, е пронајдена марихуана“, се вели во соопштението.

Пронајдените прашкаста материја и марихуана се одземени, а во координација со Јавен обвинител, по целосно документирање на случајот, против Б.М. и В.К. ќе биде поднесена соодветна пријава.

The post САКАЛА ДА ВНЕСЕ ДРОГА ВО ЗАТВОРОТ ВО ШТИП Полицијата ја откри и ја приведе заедно со нејзината пријателка appeared first on plusinfo.mk.