Осуденик од прилепскиот затвор пријавил дека бил измамен за 890.000 денари, откако лице му ветило дека ќе му помогне да му се намали затворската казна.

Според пријавата доставена до ОВР Прилеп, измамата се случувала во текот на изминатите два месеци. Осуденикот навел дека лицето К.К. го убедило дека има начин да посредува за намалување на казната, па во неколку наврати му дал пари.

Откако сфатил дека ветувањата не се исполнуваат и дека бил доведен во заблуда, случајот го пријавил во полиција. Надлежните институции преземаат мерки за расчистување на настанот и утврдување на сите околности.

The post МУ ВЕТИЛ НАМАЛУВАЊЕ НА КАЗНА, НО ОСТАНАЛ БЕЗ 890.000 ДЕНАРИ Затвореник од Затвор Прилеп пријавил измама appeared first on plusinfo.mk.

Полициски службеник од скопската општина Ѓорче Петров е под истрага откако, според сомнежите, доверлив видеозапис од безбедносни камери завршил таму каде што најмалку требало – на Инстаграм и кај лице кое издржува затворска казна.

Станува збор за снимка поврзана со кривични дела „оштетување на туѓи предмети“ и „изнуда“, пријавени од управител на угостителски објект во Скопје. Видеото, наместо да остане во рамките на полициската постапка, било споделено преку социјалната мрежа Инстаграм со лице кое се наоѓа во КПД „Затвор Прилеп“ – истото лице кое било пријавено и за изнуда.

Според информациите од Министерството за внатрешни работи, управителот на локалот на 20 декември 2025 година пријавил оштетување на инвентарот, по што му доставил видеоснимка од безбедносните камери на полицискиот службеник кој постапувал по случајот. Наместо снимката да се користи исклучиво за истрагата, таа била споделена со трето лице – и тоа затвореник.

Поради ваквото постапување, против полицискиот службеник е поднесена кривична пријава за оддавање на службена тајна. Паралелно со кривичната постапка, Одделот за внатрешна контрола при МВР започнува и дисциплинска постапка.

На полицаецот привремено ќе му бидат одземени службеното оружје и муницијата, ќе биде испратен на психолошки и психијатриски преглед, а најавена е и суспензија од работа додека трае постапката.

The post ОДДАЛ СЛУЖБЕНА ТАЈНА НА ИНСТАГРАМ Полицаец под истрага откако снимка завршила кај затвореник appeared first on plusinfo.mk.