Жителите на селата Стубло и Јабланица се без струја околу 30 часа поради пад на два далноводи. Снегот кој наврна во подножјето на Торник им натежна на десетици борови стебла кои се откорнале и паднале врз струјните кабли, пренесува српска Нова.

Во подножјето на Торник има 60 сантиметри снег и густа магла. Екипите задолжени за санирање на дефектот денеска излегле на терен.

Поради количината снег и паднатите дрвја жителите на двете села и денеска ќе останат без струја.

The post СНЕГОТ СРУШИ ДАЛНОВОДИ ВО ЗЛАТИБОР Две села се без струја веќе 30 часа appeared first on plusinfo.mk.

Тројцата алпинисти на возраст меѓу 50 и 55 години во саботата наутро тргнале да се искачат на планината Хелмос, висока 2.355 метри, на Пелопонез, во југозападна Грција, објави АП.

Тие го паркирале својот автомобил кај ски-центарот Калаврита, во близина на истоимениот град и оставиле телефонски број за контакт на операторите од одморалиштето. Операторите за локалните медиуми изјавиле дека синоќа ги алармирале спасувачките служби, кога забележале дека автомобилот и натаму е на паркингот. Обидите да се јават на бројот за контакт биле неуспешни.

Спасувачката служба активирала специјална единица за спасување, 22 пожарникара, два хеликоптера и оператори со дронови. Кацига и јакна биле пронајдени попладнево, а неколку часа подоцна и три тела.

The post ГИ ЗАТРУПАЛА ЛАВИНА Пронајдени се тела на тројца планинари во Грција appeared first on plusinfo.mk.