Утрово сообраќајот за тешки товарни возила на граничниот премин Блаце се пренасочува преку бензинската пумпа Дизел, соопшти АМСМ.

Поради летните одмори зголемена е фреквенцијата на возила, на граничните премини Богородица, Дојран и Табановце каде што се чека околу 30 минути.

На останатите граничните премини од македонска страна нема подолги задржувања за влез и излез од државата.

Сообраќајот на патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

The post НА ГРАНИЧНИТЕ ПРЕМИНИ СЕ ЧЕКА ПО 30 МИНУТИ Се пренасочуваат камионите кои се движат кон преминот Блаце appeared first on plusinfo.mk.

Властите соопштија дека запреле со работа терминалите за самопослужување и препознавање на лица.

Австралиската гранична патрола соопшти дека полицајците биле распоредени за рачна обработка на податоците за патниците, нагласувајќи дека системот во моментов се поправа и постепено се враќа во нормала.

Иако немаше проблеми со летовите на најголемиот австралиски аеродром во Сиднеј, портпаролот потврди дека редиците за влезните и појдовните летови се подолги од вообичаеното.

Не се знае кога ситуацијата целосно ќе се нормализира.

The post ХАОС НА АВСТРАЛИСКИТЕ АЕРОДРОМИ Се расипа системот за препознавање лица appeared first on plusinfo.mk.

Од владата, пак, велат дека со проектот Отворен Балкан кој ќе профункционира од почетокот на следната година, застои на граничниот премин Табановце повеќе нема да има.

Искуствата на луѓе кои деновиве минале на границата се различни, но сите забележуваат дека се чека долго поради големиот метеж.

– Чекаме близу еден час. Толку чекавме и на српската страна. Патуваме од Германија и знаете чекањето на границите иако го планирате кога тргнувате на пат сепак ви паѓа тешко на ова жешко време. Велат оди брзо, ама на овој метеж тешко дека брзо се поминува на граница. Гледам контролите се кратки, ама има многу возила. Нѐ чека уште една граница бидејќи одиме за Грција. Прво на одмор, па се враќаме во родниот крај да се видиме со семејството – вели нашинец вработен во Германија.

Српски граѓанин кој се враќа од одмор во Грција е разочаран што секоја година во лето треба да мине часови на граница.

– Секоја година е исто. Чекаме на нашата граница, па овде, па пак на Богородица и обратно. Да ти се одмили одморот. Во исто време доаѓаат и гастарбајтерите, па метежот се зголемува. А ако се појави некој понервозен цариник проблемот станува поголем. Затоа чекај на ова сонце и моли бога побрзо да се заврши оваа голгота. Ама не се пропушта Егејското Море – вели со насмевка тој.

И нашинец кој доаѓа од Швајцарија е незадоволен од состојбата.

– Неиздржливо е. Цела Европа можеш да ја поминеш и кога ќе стасаш на нашата граница чекаш со часови. Велат се контролира само на едната страна, тогаш зошто има ист метеж на двете страни? Зарем за проверка на пасошот треба да се чека олку, па проверка на возилото. Велат дека сѐ било дигитално, ама некој треба побрзо да работи со компјутерите – вели тој.

Само во текот на вчерашниот ден, според податоците на Министерството за внатрешни работи на граничниот премин Табановце поминале 17.760 патници, а на Богородица за 24 часа поминале 9.423 лица.

Од МВР и од Царинската управа велат дека застоите и подолгите чекања на сите гранични премини се поради летната сезона кога се користат годишните одмори.

– Единствена причина за повремените задржувања на патничките возила заради спроведување на пасошката контрола е поради енормно зголемената фреквенција на влез и на излез на граничниот премин Табановце, а поради зголемен проток на патници во екот на туристичката сезона. Напоменуваме дека во овој период од годината се регистрираат подолги задржувања и на други гранични премини, кои се користат од патнички возила до нивните дестинации, а се влез во земји од ЕУ – велат од Царинската управа.

Оттаму уверуваат дека подолги задржувања на патниците нема освен потребната царинска контрола.

– Во патничкиот промет се применуваат многу ретки селективни царински контроли на патнички возила, што се вршат без да се предизвика застој во протокот. Постапката за пасошка контрола од граничната полиција трае 1 до 2 минути – велат од Царинската управа.

И од МВР потврдуваат дека во овој период има зголемен број патници на граничните премини, но велат застоите се поради потребните контроли кои треба законски да се завршат кај секој патник, а тие се прават за многу кратко време.

– При зголемена фреквенција на возила се вршат минимални гранични проверки кои се состојат од брза и едноставна проверка со помош на соодветни технички уреди и со проверка во соодветните евиденции и електронски бази на податоци. Согласно Законот за гранична контрола, сите патници и возила мора да бидат соодветно евидентирани во системот за контрола на патници и возила. Се преземаат сите потребни мерки и активности со цел намалувањето на времето на чекање на сите гранични премини и максимално се користат сите расположливи кадровски технички и организациски потенцијали – велат од МВР.

За максимално забрзување на протокот, во екот на годишните одмори, велат од Царината во функција се ставени сите расположливи ленти на граничните премини.

– Конкретно на ГП Табановце, каде што бележиме најголема фреквенција на патнички возила, за влез во државата, работат 10 ленти, од кои 2 за товарни возила, 1 за автобуси, и 7 за патнички возила (две од нив се приспособени минатата недела). На ГП Богородица, кој исто така е оптоварен поради годишните одмори, работат 8 ленти, од кои 2 за товарни возила и 6 за патнички возила – објаснуваат од Царината.

На граничниот премин Табановце, функционира Оне стоп шоп кој е воспоставен од 2019 година. При влез во земјава контролата ја вршат нашите гранични служби, а при излез од неа српските, но и тоа не придонесува многу за намалување на метежот во летниот период.

Владата веќе го има согледано проблемот со застоите посебно на граничниот премин Табановце и очекува да се надмине со проектот Отворен Балкан.

– Проектот Отворен Балкан треба да заживее од 01.01.2023 година со што вакви застои на граничниот премин Табановце воопшто не треба да има. Со отворањето на нов граничен премин Лојане-Миратовац кој треба да биде наменет за патнички сообраќај во голем дел граничниот премин Табановце ќе се растовари од бројот на патници – велат од Владата.

Оттаму додаваат дека се преземат и активности за подобрување на состојбата и на граничниот премин Богородица, бидејќи најголем застој таму има поради камионите кои превезуваат нафта и нафтени деривати.

– Од страна на царинските власти на нашата држава, уште пред година дена е доставена иницијатива до нивните колеги од Грција, возила што превезуваат акцизна стока да бидат еднаш вагани, на заедничка вага која би требало да биде инсталирана на меѓу зона со што ќе се избегне двојно вагање на вакви возила, а со самото тоа драстично ќе се намали времето на чекање – велат од владата.

Оттаму убедуваат дека ќе се преземат и кадровски и технички мерки за да се подобри состојбата.

– По направената анализа, а со цел побрз проток на патници и стоки од страна на надлежните институции ќе се преземат дополнителни мерки во однос на физичко зголемување на бројот на лентите, како и кадровско доекипирање на овие два најфреквентни гранични премини – велат од Владата.

The post ЦУНАМИ ОД ТУРИСТИ ГО ПОТОПИ ТАБАНОВЦЕ Нема лек за закрчените гранични премини appeared first on plusinfo.mk.

– Доколку се случи владата на Хрватска да одлучи во корист на барањето на граѓаните ќе треба да го прошири главниот граничен премин Брајково на автопатот Белград-Загреб со нови ленти за превозниците. Инаку тоа ќе значи намалување на прописната моќ на преминот и повеќечасовно и повеќедневно чекање на камионите на преминот кој е еден од главните за камиони од сите земји од регионот кои се движат кон Словенија и кон другите земји од Европа. Сликите од преминот ќе бидат можеби и полоши од оние кога се случуваше бегалската криза – вели генералната секретарка на Макамтранс, Билјана Муратовска.

Меѓу Србија и Хрватска има уште седум гранични премини кои сега можат да ги користат и превозниците.

Муратовска информира дека подготвуваат и официјално писмено барање до владата за проблемот.

– Нашите колеги од Србија веќе интервенираа до тамошната влада, а се очекува и асоцијациите на превозниците од другите земји да го сторат тоа деновиве. Очекуваме владата да интервенира соодветно бидејќи на транспортерите и на стопанството не му е потребен уште еден застој  – додава таа.

Според неа, доколку се случи, ова ќе биде уште еден проблем по оној со закажувањето на ПЦР тестот и ограниченото време на работа на грчките гранични премини, кој дополнитлено ќе влијае врз падот на обртот кај превозниците и зголемувањето на загубите предизвикани од тоа и падот на цените на превозот.

– Обемот на работа лани се намали за 30 до 40 отсто, а паднаа и цените поради намалениот транспорт за време на пандемијата. Годинава се соочивме со намалување од 50 отсто на обемот на работа и повисоки трошоци поради заострувањето на мерките од страна на Грција која за секој поединечен возач бара најава за влез и тестирање за ковид-19. Преминот Богородица-Евзони работи од 6 до 18 часот, па уште повеќе се прават застои во транспортот на стоките за нашите коминтенти. Ако во нормални услови трнаспортот на нафтата одеше една тура на секои два дена сега е за подолго. Исто е и со транспортот за репроматеријали од солунското пристаниште. Сега и превозниците и компаниите чии стоки се превезуваат мораат да прават пресметки дека стоките ќе дојдат со одредено задоцнување – појаснува Муратовска.

Транспортерите се обидуваат на секој начин да го оптимализираат времето на превозот на стоката и користат алтернативни премини и рути кои некогаш се и поскапи од вообичаените.

– Поради барањето алтернативни патишта денеска имаме големи застои на преминот Ново Село каде што се пренасочија дел од камионите кои одат кон Турција. Засега нема ПЦР тест кон Бугарија и транзитот оди побрзо, но среда и четврток се денови кога има најголеми застои – додава таа.

Покрај за Грција ПЦР тест за камионџиите е потребен и на премините од Чешка кон Германија.

– Но различните делови на Германија имаат и различни одлуки за тестот. Баварија, на пример, има многу строги критериуми. Сето тоа го прави работењето на превозниците посложено и со поголеми трошоци бидејќи времето поминато на границите е повеќекратно зголемено – додава Муратовска.

Превозниците се надеваат дека со процесот на вакцинирање на населението и намалувањето на бројките на заболени од ковид-19 ќе почне да се нормализира состојбата и на граничните премини, но до тогаш, како што велат, трупаат загуби.

The post Нови главоболки за камионџиите, им се спрема бариера на хрватско-српската граница appeared first on plusinfo.mk.