„Јавниот обвинител изврши преквалификација на кривичното дело кое им се става на товар на обвинетите од член 353 став 5 во член 353 став 4, а во правец на измените на Кривичниот законик. Врз основа на тоа Јавниот обвинител се откажа од понатамошно гонење на обвинетите поради настапена застареност, во смисла на член 352 од ЗКП“, соопшти Кривичниот суд.

Апелациониот суд Скопје ги уважи жалбите на обвинетите за „Tоплик- Сончев град“, ја укина првостепената пресуда и предметот го врати пред Основниот кривичен суд Скопје на повторно постапување и одлучување.

Основниот кривичен суд во Скопје во април 2022 година го осуди на казна затвор од 3 години и 6 месеци првоосомничениот за случајот „Топлик“, поранешниот министерот за транспорт и врски Миле Јанакиески. За злоупотреба на службената положба и овластувања, обвинети беа уште 5 лица од Министерството за транспорт и врски, кои биле членови на Комисијата за јавни наддавања. Претседателот на Комисијата Томе Ѓурчиловски доби затворска казна во траење од 3 години, додека останатите членови на комисијата добија условни казни затвор од 2 години.

Според обвинението за предметот, кој беше отворен од поранешното СЈО, првоосомничениот Миле Јанакиески, како раководно лице во Министерството, спротивно на Законот за јавни набавки, составил Комисија за јавни наддавања на која ѝ наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.

The post ЗАСТАРЕ И ПРЕДМЕТОТ „ТОПЛИК“ Миле Јанакиески куртули за тендерот за елитната населба „Сончев град“ appeared first on plusinfo.mk.

Триесет и осум обвинети по повеќе од деценија и пол по судовите конечно го завршија судскиот процес и најавуваат дека ќе ја тужат државата и ќе бараат максимум отштета.

Апелацискиот суд досега три пати го враќаше предметот пред Кривичниот суд, а имаше и осудителни, условни и ослободителни пресуди.

Спектакуларното апсење на овие луѓе со специјалци започна во ноември 2007 година и траеше неколку дена, а тогашната министерка за внатрешни работи Гордана Јанкулоска пред јавноста тогаш истакна дека се реализирала најголемата, најдолгата и најмасовната операција досега.

Предметот се води од 2007 година, а најголем дел од обвинетите беа инкасатори на наплатните рампи, кои во обвинителниот акт се товареа дека проневериле над милион евра.

Ова следува по последните измени на Кривичниот законик.

По судењето, дел од обвинетите најавија дека ќе бараат обештетување по сите можни основи.

– Животот ни го претворија во еден судски процес што траеше 16 години. Нема пари што може нам да ни ги вратат животите. Поминавме низ безброј судски рочишта, околу 130, 140 на број. И ова сега не е правда, застарувањето на делото за нас не е правда – изјави пред судот еден од обвинетите, пренесе Слободен печат.

Друг обвинет најави дека ќе ја тужат државата и ќе бараат максимално обештетување по сите можни основи.

The post ПРЕДМЕТОТ „ЗМИСКО ОКО“ ЗАСТАРЕ ПО 16 ГОДИНИ Обвинетите ќе тужат и ќе бараат отштета до максимум appeared first on plusinfo.mk.