Англискиот репрезентативец Трент Александар-Арнолд потпиша денеска договор со Реал Мадрид.

Александар-Арнолд имаше важечки договор со Ливерпул до крајот на јуни оваа година, но Реал одлучи да ја плати откупната клаузула за да може 26-годишниот дефанзивец веднаш да се приклучи на мадридскиот тим за настап на претстојното Светско клупско првенство.

Целата своја кариера Александер – Арнолд ја мина во Ливерпул, дебитирајќи за првиот тим во 2016 година. За тимот од „Енфилд“ одигра 259 натпревари и постигна 18 голови.

Трансферот ќе биде официјализиран в недела, а Александар-Арнолд треба да дебитира за Реал Мадрид против Ал Хилал во Мајами на 18 јуни.

Во сезоната што штотуку заврши, Реал Мадрид остана без трофеи во Лигата на шампионите, Ла Лига и Купот на кралот. Клубот го напушти поранешниот тренер Карло Анчелоти, а го замени Шпанецот Чаби Алонсо. ег

The post АЛЕКСАНДЕР-АРНОЛД СТАНА „КРАЛ“ Англичанецот дебито за Реал Мадрид ќе го има на 18 јуни appeared first on plusinfo.mk.

Бразилскиот репрезентативец Рудолф Хекберт е нов член на шампионот на Македонија, Еурофарм Пелистер.

Десното крило на најдобрата јужноамериканската селекција и четвртфиналист на последното Светско првенство потпиша договор на две сезони и од почетокот на сезоната 2025/26 ќе се приклучи во новата средина.

Се работи за 31-годишен ракометар со многу одличја во дресот на бразилската репрезентација. Рудолф е двоен шампион на Јужна Америка, медалист од Панамериканските игри и стрелец на преку 300 гола за „кариоките“.

Во клупскиот ракомет настапуваше во Бразил и Шпанија, а во АСОБАЛ лигата ги носеше дресовите на Ла Риоја од Логроњо, Хуеска и Куенка, клубот од кој доаѓа во Битола.

Рудолф потпиша договор на две години и ќе биде претставен во Битола на почетокот од подготовките за следната сезона, соопштија од клубот.

The post БРАЗИЛСКО ЗАСИЛУВАЊЕ ЗА ЕУРОФАРМ ПЕЛИСТЕР Хекберт е двоен шампион на Јужна Америка appeared first on plusinfo.mk.

Нашиот приоитет сега е двоен, да ја завршиме институционалната работа со целосен интегритет и да преземеме итни чекори за да ги спречиме идните трагедии од ваков карактер. Во координација со сите надлежни органи ги зајакнуваме безбедносните мерки, ги подобруваме протоколите и ги решаваме сите идентификувани неправилности. Одговорноста не завршува со зборови, туку со акција.

Ова го порача денеска портпаролката на Владата Марија Митева на редовната прес-конференција за активностите на институциите по трагедијата со пожарот во Кочани.

Митева соопшти дека затворени се два објекти кои не ја почитувале одлуката на Владата за денови на жалост поради трагедијата, при вонредните контроли што ги спровел Државниот пазарен инспекторат, за што претходно информираше и Министерството за внатрешни работи.

Посочи дека продолжуваат и активностите за контрола на сите објекти со и без лиценца. Дополнително ќе бидат објавени информации затоа што, како што рече, анализите се обемни, а проверките темелни со цел да утврдиме дали секој еден објект ги исполнува минимално техничките услови.

И досега направените контроли на Министерството за транспорт, како што рече, утврдија голем број на лиценци што ќе бидат одземени со решение и тоа кај 100-ина од нив затоа што по издавањето на лиценцата правните лица престанале да ги исполнуваат законските услови за кои претходно им била дадена.

– Во ова Министерство во текот на вчерашниот но и во текот на денешниов ден контролите продолжуваат и до крајот на денот очекуваме нов пресек до детални информации за сите направени контроли на овој тип на лиценци – најави Митева.

На новинарско прашање дали по контролите за кои вчера информираше Владата во кои е утврдено дека од 23 објекти со лиценци 13 не ги исполнуваат условите е побарана одговорност од актуелниот директор на Државниот пазарен инспекторат и министерот за економија, Митева потенцираше дека во овој момент Владата работи на проверка и преземање на сите активности кои се во насока на утврдување на актуелната состојба во однос на лиценците што се издавале минатите години, кои објекти имале или немале, а работеле.

– Мораме да ја скенираме состојбата на терен, тимовите се составени од сите надлежни институции кои можат да помогат. Кажавме дека истрагата е опсежна и дека апсолутно секој кој постапил спротивно на законот ќе биде одговорен. Во овој момент сите податоци со кои располагаме е дека сите надлежни институции работат на терен активно да проверат каква е актуелната состојба – рече Митева.

Во однос на најавите за собири и маршови на граѓаните, порача дека ќе се почитува секое такво демократско право и повика на разум и на доверба во институциите.

– Ревносно се справуваме со сите состојби и ќе продолжиме да се справуваме – наведе Митева.

The post ВЛАСТА ВЕТУВА БРЗА РЕАКЦИЈА Зајакнување на безбедноста и спречување на идни трагедии appeared first on plusinfo.mk.

Македонскиот ракометен репрезентативец Филип Кузмановски е новото екстра засилување за шампионот Еурофарм Пелистер во продолжение на сезоната. Кузмановски се враќа во Еурофарм Пелистер и во родната Битола по четири години поминати во германската Бундес лига каде настапуваше за екипите на Магдебург, Хановер и за Вецлар.

Од Еурофарм Пелистер ја потврдија веста за ангажманот на Кузмановски, неколку часа откако Вецлар соопшти дека спогодбено ја прекинува соработката со македонскиот репрезентативец, а официјалното претставување на Кузмановски во дресот на Еурофарм Пелистер е најавено за 20 ноември.

„Ни претставува особена чест и задоволство да ја информираме јавноста дека од денес нов член на Пелистер е македонскиот репрезентативец Филип Кузмановски. Процесот на обединување на македонските репрезентативци и квалитетни странски засилувања продолжува и враќањето на нашиот поранешен член е одлука која оди во тој правец. Филип Кузмановски наскоро ќе му се стави на располагање на стручниот штаб и неговото деби се очекува деновиве во Суперлигата и во Лигата на шампионите. Официјалното претставување на Кузмановски како нов ракометар на Пелистер е закажано за понеделник 20 ноември“ – соопштија од Еурофарм Пелистер.

Во следниот натпревар од Лигата на шампионите, Еурофарм Пелистер в четврток му гостува на Пик Сегед во Унгарија. Кузмановски ќе може да биде пријавен за настап веќе за следниот натпревар во Лигата на шампионите, дома исто така против Пик Сегед.

The post ЕУРОФАРМ ПЕЛИСТЕР ГО ВРАТИ ФИЛИП КУЗМАНОВСКИ ВО БИТОЛА Екстра засилување за македонскиот ракометен шампион  appeared first on plusinfo.mk.

Шпанскиот гигант Реал Мадрид денеска го промовира турскиот талент Арда Ѓулер, кој доаѓа од Фенербахче, а на промоцијата беше присутна и неговата мајка.

Мајката на Ѓулер почна да плаче за време на промоцијата, па мораше да реагира и нејзиниот син.

18-годишниот Ѓулер доаѓа во Мадрид и се очекува да биде предводник на „кралевите“ во иднина, а неговиот поранешен тим ќе добие 20 милиони евра за трансферот.

El orgullo de una madre. El tío es súper noble. pic.twitter.com/txb45daYdN

— Trunks (@trunksRM) July 7, 2023

Miscommunication | Arda Guler went on the stage before Florentino could finish his speech. pic.twitter.com/NeSTe04joh

— Real Madrid Info ³⁵ (@RMadridInfo) July 7, 2023

The post (ВИДЕО) ТУРСКИОТ МЕСИ ПРИСТИГНА НА „БЕРНАБЕУ“ Најпосакуваниот играч во Европа потпиша за Реал Мадрид appeared first on plusinfo.mk.

Францускиот 23-годишен централен дефанзивец се очекува да потпише петгодишен договор, а Севиља за трансферот ќе добие обесштетување од 60 милиони евра со бонуси.

Кунде е фудбалер на Севиља од 2019 година, а претходно настапуваше за Бордо.

Дефанзивецот ова лето беше на чекор до трансфер во Челзи, но по иницијативата на Чави одлучи да ја продолжи кариерата во Барселона.

Шпанските медиуми наведуваат дека Челзи за Кунде понудил 65 милиони евра со бонуси.

The post БАРСЕЛОНА НЕ ПРЕСТАНУВА ДА ТРОШИ На „Камп Ноу“ пристигнува Кунде за 60 милиони евра appeared first on plusinfo.mk.

– Станува збор за исклучително квалитетен кошаркар, добро познат на македонската спортска јавност, со оглед на одличните настапи во дресот на Академија ФМП, за која играше од почетокот на сезоната. Ајви во домашното првенство во дресот на „академците“ од Кисела Вода одигра 20 меча со просек од 17 поени, 4,6 скока и 3,4 асистенции додека во Балканската лига (БИБЛ) на осум средби просечно реализираше 23,4 поени со 4,5 скока и 2,7 асистенции, соопшти МЗТ Скопје Аеродром.

За 25-годишниот Американец ова е прва сезона во Европа, откако претходно одигра две сезони за Сан Хозе стејт универзитетот, каде што на 62 средби просечно реализирал девет поени со 2,6 скока и 2,9 асистенции.

Ајви дебито во дресот на македонскиот шампион треба да го има утре во 1. коло од Суперлигата на дуелот со ТФТ.

The post „ШТРКОВИТЕ“ СЕ ЗАСИЛУВААТ Во МЗТ Скопје пристигна Американецот Ајви appeared first on plusinfo.mk.

Алиоски потпиша двегодишен договор со клубот од Џеда, откако му заврши четиригодишната соработка со Лидс, со кој избори и промоција во Премиер лигата.

„Од истокот на Англија до западот на Кралството Саудиска Арабија. Алиоски е во Џеда“, објави вечерва Ал-Ахли на својот Твитер профил.

Ал–Ахли е петтиот клуб на Алиоски во кариерата, која 29-годишниот македонски репрезентативец ја почна во швајцарски Јанг Бојс.

– Многу сум возбуден што започнувам ново патување со Ал–Ахли – изјави Алиоски по пристигнување во Џеда.

Новата фудбалска сезона во Саудиска Арабија стартува идната недела, а Ал-Ахли во премиерното коло, на 13 август, е домаќин на екипата на Ал–Фајсали.

Минатата сезона Ал-Ахли заврши осмопласиран во првенството на Саудиска Арабија.

The post АЛИОСКИ ОФИЦИЈАЛНО ПРОМОВИРАН ВО АЛ-АХЛИ Го дочекаа со букет цвеќе appeared first on plusinfo.mk.

Македонскиот ракометен првак Вардар 1961 ги засили своите редови пред продолжението на настапите во Лигата на шампиони и СЕХА лигата со капитенот на репрезентацијата на Црна Гора, Васко Шеваљевиќ.

Црногорскиот лев бек (32) доаѓа од редовите на францускиот прволигаш Истр и во следните 18 месеци ќе биде член на тимот на Вардар 1961.

Шеваљевиќ веќе утре ќе пристигне во Скопје и ќе се приклучи на тренинзите на тимот.

„Црногорецот нема да биде во составот за средбата со Војводина што се игра утре попладне во 17:45 часот, но ќе конкурира кај тренерот Стевче Алушовски за мечот против Нексе на 1 февруари во Скопје“, соопшти вечерва македонскиот ракометен првак.

The post Црногорецот Шеваљевиќ го засили Вардар 1961 appeared first on plusinfo.mk.

Дваесетичетиригодишниот Да Силва доаѓа од редовите на бразилски Аква Санте, откако поради пандемијата на коронавирус предвреме ги напушти редовите на турскиот прволигаш Бурсаспор.

Претходно Да Силва го носеше дресот на турски Газиантеп, а во родниот Бразил беше дел од екипите на Метрополитано и Униао Барбаренше.

Да Силва потпиша договор на 18 месеци со Шкендија и е трето засилување за актуелниот лидер во ПМФЛ, по Рубин Хебај и Ферат Рамадани.

Бразилецот ќе го носи дресот со број 13.

The post Бразилецот Вандерсон да Силва засилување во нападот на Шкендија appeared first on plusinfo.mk.