Министерството за финансии одзеде дозвола за работа на едно од поголемите финансиски друштва на пазарот, откако со вонреден надзор спроведен по пријава од граѓанин беа утврдени сериозни повреди на законски обврски.

Надзорот утврдил грубо прекршување на законските прописи, постапување спротивно на правилата за заштита на корисниците и практики со кои директно биле доведени во ризик граѓаните – корисници на финансиски услуги.

Поради тежината на утврдените прекршоци и сериозноста на констатираните неправилности, Министерството за финансии во мај донело решение за одземање на дозволата за работа на финансиското друштво.

Министерството за финансии соопшти дека и годинава продолжува со засилени теренски и вонтеренски контроли над финансиските друштва. Во досегашните надзори се констатирани повеќе неправилности, при што од почетокот на годината па досега се изречени 22 глоби за 16 друштва, како и 23 писмени наредби за отстранување на утврдените неправилности.

Паралелно со контролите, Министерството подготвува и законски измени со кои дополнително ќе се заострат условите и критериумите за работа на финансиските друштва.

Целта на законските измени е да се намали ризикот од прекумерно задолжување кај граѓаните, да се обезбеди поголема заштита на потрошувачите и да се зголеми транспарентноста и одговорноста во работењето на финансиските друштва.

Министерството за финансии ќе продолжи со интензивни контроли и ќе ги презема сите расположливи мерки согласно закон, со цел заштита на граѓаните и спречување на непочитување на законот.

The post ОДЗЕМЕНА ДОЗВОЛАТА НА ЕДНО ОД ПОГОЛЕМИТЕ ФИНАНСИСКИ ДРУШТВА Засилени контроли на Министерството за финансии appeared first on plusinfo.mk.

Во новата година, Агенцијата за храна и ветеринарство (АХВ) продолжува со засилените вонредни контроли на операторите со храна, кои започнаа пред новогодишните и божиќните празници. Покрај редовните инспекции, АХВ спроведува дополнителни проверки во угостителските објекти, домовите за стари лица, како и кујните во градинките и училиштата.

На 24 јануари 2025 година, инспекциските служби на АХВ извршиле вонредни контроли во угостителските објекти и малопродажбата во зимските туристички центри. Проверени се вкупно 18 оператори со храна во скијачките центри Попова Шапка, Маврово, Пониква, Крушево, Пелистер и Михајлово.

„Контролите беа насочени кон угостителските објекти во зимските туристички региони, каде што е зголемено присуството на туристи. Потребно е да се обезбеди безбедноста на храната во овие објекти, особено во текот на зимската сезона“, велат од АХВ.

За време на контролните активности, инспекциските служби утврдија недоследност кај еден оператор со храна, кој не бил регистриран во АХВ како оператор со храна. За оваа повреда изречена е парична казна, а операторот е задолжен веднаш да ја заврши регистрацијата.

„Доколку операторите не ги исполнуваат законските обврски, како што е регистрацијата во АХВ, тоа може да доведе до санкции. Во случајот со овој оператор, покрај казната, му дадовме налог за итна регистрација“, додаваат од АХВ.

Сепак, кај останатите 17 контролирани оператори со храна, не се утврдени значителни отстапувања од прописите за безбедноста на храната.

„Контролите ќе продолжат и во текот на зимската сезона, со цел да се заштити здравјето на потрошувачите“, порачуваат од Агенцијата.

The post ЗАСИЛЕНИ КОНТРОЛИ НА ХРАНА ВО ЗИМСКИТЕ ТУРИСТИЧКИ ЦЕНТРИ Еден оператор санкциониран за недоследност appeared first on plusinfo.mk.

Полициски службеници од СВР Скопје синоќа почнаа со преземање на зајакнати мерки и активности за одржување на поволна безбедносна состојба во централното градско подрачје, преку превентивно присуство на полицијата.

Целта е одржување на стабилен јавен ред и мир како и спречување на извршување на кривични дела и прекршоци на неколку локации меѓу кои паркот Дрвен град во Дебар Маало, детските игралишта помеѓу улиците Народен Фронт и Васил Ѓорѓов, пекара Силбо, Порта Македонија итн.

Покрај тоа беа спроведени и сообраќајни контроли при што беа преземени 25 мерки од Законот за безбедност на сообраќајот на патиштата и Законот за возила долж Народен Фронт, Орце Николов и Боемска, подигнати биле шест возила со специјално возило „пајак“ и легитимирани биле 24 лица.

Засиленото полициско присуство продолжува и во наредните денови, велат од МВР.

Градоначалникот Горан Герасимовски посочи дека проблемите со кои со соочува Општината и жителите на Дебар Маало и Капиштец мора да се решат.

– Мирот, безбедноста и квалитетниот начин на живот на граѓаните се мојот приоритет. Акциите ќе продолжат и во наредниот период, со цел да ја подобриме состојбата во нашата Општина. Вечерва сме на терен во заедничка акција и постојано ќе излегуваме. Се надевам дека континуираните санкции за прекршување на законите ќе вродат со плод – изјави Герасимовски.

Општина Центар апелира до сите граѓани за поддршка и соработка затоа што поддршката е од клучно значење за успешноста на ваквите активности.

Герасимовски е благодарен за поддршката на граѓаните поврзана со вандализираните детски игралишта и очекува силна соработка поврзана и со овие проблеми.

„Општина Центар и Герасимовски ја поддржа петицијата на граѓаните која ја поднесоа до МВР, Државниот пазарен инспекторат и останатите институции со цел да се реши проблемот со гласната музика, нарушениот ред и мир, дивеењето и отежнатиот сообраќај на делот од улицата каде се наоѓаат угостителските објекти. Само заедно можеме да ја направиме нашата Општина подобро и побезбедно место за живеење“, велат од општината.

The post 📷 ПОЛИЦИЈАТА ЌЕ ГИ БРКА ВАНДАЛИТЕ Засилени контроли во центарот на Скопје appeared first on plusinfo.mk.